潮饗

营业中

休息中

今晚一家四口到此晚飯, 站在門外等了15分鐘, 眼見舖內已有枱, 但服務員始終唔叫人入去。問他們十問九唔應, 然後才懶洋洋說未執好。今時今日的服務態度, 食物好都冇用, 真係戥老闆唔抵。從未見過落單竟然由收銀機叫過去, 幾個服務員只掛住傾計😭

工作人員服務態度差，外賣放低超過十分鐘。冇人理。劣！劣！劣！放低明明包好就可以比客。但放低就算。價錢已經唔平，重要咁嘅服務水準。分明趕客！下次一定冇回頭！！！！

今日屋企人買左附近好出名既滷水鵝番黎食, 有新野當然一定要試啦!!!! 屋企人買左半隻滷水鵝同埋一個大既滷水拼盆。滷水鵝都好厚肉, 食落味道真係唔錯: 鵝肉味道十分濃郁而且好多汁, 再加埋佢既滷水汁味道香濃但一啲都唔覺得好鹹, 仲唔會太油膩添…..至於個滷水拼盆, 裡面材料種類都算多 – 有墨魚, 豆腐, 鵝翼, 紅腸, 腩肉, 豬大腸, 豬耳等等…….每樣食物既滷水味道都好濃, 特別要讚係佢既豬耳, 豬耳滷得超級入味而且好厚肉, 淋得黎又好爽口, 真係好好味!!!!!! 除左豬耳, 豬大腸都好正, 啲豬大腸洗得好乾淨而且一啲難聞既味道都冇, 食落香甜軟滑, 果然名不虛傳…..

閒日晚同朋友食飯，無諗過都幾多人。因爲我地得2個人唔知食咩，所以請店員推介。這個川椒雞真是不得了！有麻味無辣味！個雞炒得好均勻，d味真係舊舊雞都一樣！雞肉好嫩滑！旁邊個菜仲不得了！係炸過既珍珠葉。同雞一齊食個味更令人覺得特別！係一種香草既味！呢個川椒雞用黎送飯真心一流！個份量仲要好多！好少地方既炆米可以控制d汁控制得咁好！唔會太多汁搞到米好林！亦唔會太少汁令到米好乾！最正既係佢用左潮州菜最common既鵝肉代替普通既肉絲！令成件事升左一個level份量一樣係好大！唯一既缺點應該係咸左d。

門口已經見到個廚房，好企理。d價錢好合理，亦係好typical既潮州菜。點左個細拼盤兩個人食。d滷水唔會話太咸。大腸好入味。但最令我估唔到既係墨魚好爽口！如果可以有埋鵝肉就正！不過現實係要分開叫另外叫左個紫菜蠔仔粥。係傳統用冷飯加水煮粥既潮州粥。d蠔都唔少，加埋肉碎，冬菇，紫茶，芹菜一齊，仲有1/3係粥水，成件事都好夾！

得知坑口開了一間新的潮州餐廳，初時並沒有歡喜若狂，但當筆者知道這一間店舖跟北角的梅花邨有關連，即時加分。從小時候筆者在北角長大，還記得那時候還沒有梅花邨，到差不到搬走時才發現梅花邨這一個潮州食店，雖然人已搬走，但對那種滷水味道念念不忘，不時會走回北角吃筆者最愛的滷水鵝片飯。在這裡吃過午餐也吃過晚餐，可見筆者的確很喜歡梅花邨這個地方，店子小小的如所料入夜後很多朋友前來排隊，說小不小，店子其實可坐30人，唯一覺得走廊有一點窄，但也可以接受得到，晚上來到當然要點一點小菜吃。這一次先來到食午餐，當然點了滷水鵝片飯 ($58)，這個鵝片飯依然做得十分出色，滷水非常入味，可惜鹹了一點，滷水中加了少許麻油吃起來更香。喜歡吃鵝片多於鵝肉的人也應該是因為喜歡啖啖肉的感覺，這個鵝片不帶一顆骨頭，鵝肉很肥美，帶一點鵝脂，筆者喜愛程度不消五分鐘便吃光整個飯，跟梅花邨質素差不多。上一回點了滷水鵝片飯，這一次也要點了一碟滷水鵝片 ($90) 來吃，滷水鵝片依舊質素甚佳，而且份量比想像中多，真的能吃到主店梅花邨的味道，每一塊大小均勻，再加上滷水豆腐入味而且非常好吃，這一次吃的時候帶了一顆骨頭可以說是美中不足。再來的

試食左幾個潮州菜必吃，有鵝片、烏頭魚飯、𧐢烙。鵝片汹水有深度有層次，但鵝片切到鵝件咁，亦溝入其他部位，識食嘅就知唔應該「參」的。烏頭足秤但要加錢，都要接受啦。𧐢餅亦童叟無欺，夠份量，𧐢鮮，屬港式𧐢餅。最失望係無白粥，唔知大家點睇，但潮菜店無白粥就好似燒味鋪無白飯咁。講句公道話，喺坑口有咁嘅一檔已經算非常好，背負住老店嘅招牌，當然有壓力，睇到佢地上下係齊心想做好，只係要時間上軌道。

還記得北角老字號潮州小館「梅花邨」嗎？我和內子都定時去該處吃潮州菜，因為價廉物美，又有人情味。最近得知「梅花邨」決定在將軍澳坑開設分店，並以「潮饗」命名，真的很興奮，因為不需走到北角都可以吃到這麼美味的潮州菜！而且更是由「梅花邨」的90後後人執掌，可謂繼承一貫「梅花邨」的風格。在今次和內子去這店吃晚餐前，自己已去了兩次，分別吃了沙茶牛河和滷水鵝飯，相當美味。今次照樣點了「三寶」：滷水鵝、沙茶牛河和蠔餅，同樣是依足「梅花邨」的風格和味道，所以非常美味。在新開的潮州菜館，這間是值得推介的一間，雖然是小店，但都很用心去做，而且價格相宜，所以真的想推介比各位。