潮饗

营业中

休息中

這間店已經在將軍澳開咗幾年, 終於都可以來試下 食物 : 滷水鵝片 $120 - 鵝片內幾嫩幾滑, 滷水味突出, 唔會死咸, 鵝片下面有豆腐, 味道唔錯 煎蠔餅 $95 ~ 蠔餅味道可以, 都有好多蠔仔, 但唔夠酥脆, 有D失望 招牌肉碎粥(細) $65 ~ 都幾大碗, 足夠兩個人食, 味道正正常常 飲品 : 店內有熱茶供應 環境 : 餔頭比較細, 座位有限, 不過都坐得舒服乾淨 服務 : 店員有禮貌 價錢 : HK$280 (無加一服務費)

去到門口已經4點有多，但午餐竟然係去到4點半，Good。午餐 307 鵝片拼鵝腸飯（$65）有六大片鵝片，鵝肉唔算太嫩（但唔嚡），有啲𡁻頭，鹵水味唔太咸；鵝腸約有十數小段，有啲仍帶有肥膏（正），爽口彈牙一啲都唔韌，不錯；另外仲有三片鹵水豆腐。午餐 J1 招牌肉碎粥（$55）除咗肉碎，仲有瑤柱、蠔仔、地魚、紫菜、香菇，配料十分足，味道淡得嚟係夠味道的。C4 煎蠔餅（$95）呢間啲蠔餅偏煙韌（蕃薯粉比例應該較多），邊位香脆，中間Q彈。

{潮州晚餐 - $216}其實坑口冇咩好食🥲大部份都係啲連鎖嘢！呢一間我認為係全坑口最好味嘅餐廳（沒有之一）！雖然佢間舖頭好細間，座位唔係好多，不過每次嚟都會覺得叫嘅每一碟餸都用心煮同埋好好味！今日落去有啲肚餓，叫咗兩個煮食再加一個蠔餅，臘味炒飯啲臘味油濃蓋每一粒飯，炒得乾身，而且極好味，乾炒牛河雖然牛肉唔算好多同埋好大塊，但係都炒得好香，配埋特製辣椒醬味道上一天花板，必須要講吓個蠔餅，真係好多蠔同埋正宗嘅潮式做法，薯粉同埋蛋同埋蠔三樣嘢嘅比例做得啱啱好，質感一流之餘仲好好味添！每次嚟到都見到佢有勁多嘅外賣生意，我相信有好多人都同我一樣覺得呢一間係全坑口最好味嘅餐廳！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍🦍📍 #潮饗 (將軍澳)將軍澳坑口常寧路10號安寧花園25號地舖

基本上經常嚟食，呢一間潮州打冷，差不多係坑口數一數二食物質素最穩定之人。以環境嚟講，就好似一間街坊小店，店裏面做嘢嘅人都有傾有講，親切有禮。雖然座位不多，但係佢後場位置有一間半開放嘅房間，可以坐到10人。佢嘅滷水做得好好，唔會死鹹，而且佢嘅食材用料，都係高質，只要你試過佢嘅紅腸，就知道佢用嘅材料唔差。今日兩個人食唔到好多嘢，嗌咗三樣嘢，最推介就係佢嘅滷水掌翼，入味唔黐牙，加上極度嫩滑豆腐，一試難忘。

第一次光顧時走錯了幾次才找到店舖正確位置, 店舖在一條小行裡位置不明顯,不是住在附近的街坊相信是難找。店內裝修簡潔, 原以為只是小小的幾張桌台, 但再走進去還有幾張大台。吃潮州菜就是要多人, 才夠熱鬧吃不同菜式。♡ 薑蔥炒蠔爽 $100這道菜每次來都必吃, 除了本身愛吃蠔仔之外, 亦是第一次吃到這個煮法。每粒蠔仔都沾滿薄薄炸粉, 配上薑蔥一起炒, 味道非常惹味, 蠔仔亦很有鮮味。唯獨是這次蠔仔的size較大, 如是小size口感更佳。♡ 魚肚粟米羹 $90粟米羹加入了魚肚口感更豐富, 粟米爽甜, 魚肚滑爽稠黏。份量也很大, 湯羮濃稠, 但味道偏鹹。♡ 潮州炒粗麵 $70感覺像是水煮的粗麵, 味道像在吃雲吞麵。配上一碟醋, 倒入麵中攪拌再吃, 鹼水味淡了些。

週末中午到餐廳用膳。差不多每張枱都有客，我被帶到轉角後的十二人大枱區。第一次到這餐廳吃滷水鵝片飯，份量充足。鵝片的滷水有一陣清澈的藥膳味，整塊鵝片的濃味變得豐富。食後舌頭不會只有滷水鹹味，的確會令人難以忘返。米飯乾身飽滿，雖然份量不少都被我吃光。

朋友帶左我去坑口呢間隠世潮洲打冷都幾好食, 頭盤先黎鵝肝拼鵝片, 好夠肥, 不得了, 鵝肝多油又夠滑, 鵝片一啲都唔鞋又夠入味, 推介, 唔怕肥既你一定要試之後再黎個好邪惡炸大腸, 炸得超級乾身好夠脆, 直頭唔覺得佢肥, 超好味, 超正之後就叫多個蠔餅, 呢個個蠔餅同出面食既好唔同, 佢食落唔係酥脆,反而似蛋餅咁, 但都好好味, 食落又另一返味道, 而且蠔好多, 每一啖都可以食到蠔仔, 好味好味最後就叫左個粟米羮, 份量超多, 我地三個人每人都可以飲到琥, 真係不得了, 超正呢間因為係巷仔, 平時都無咩意到佢, 原來咁好食, 不過唯一就係坐得有啲迫,同有啲熱, 不過野食係超讚, 正

之前睇米紙介紹，知道呢度有間街坊打冷小店，今日6點幾黎到即刻有位，真係好彩！食完走人既時候見出面已經排晒長龍，真係想食要趁早呀！🤪滷水雙拼(鵝片+腩肉) 🦢🐷✨滷水有淡淡既藥材味，唔係好鹹既豉油味~✨腩肉肥瘦適中，層層分明，滷得入味！✨鵝片肉質軟腍，鵝皮油脂夠晒香，但又唔會太肥膩~🥰櫻花蝦炒飯 🦐 🍚 ✨炒飯粒粒分明，櫻花蝦香味撲鼻，夠晒鑊氣，同時份量又夠大，咁樣收$60真係物超所值！😁 薑蔥炒蠔爽 🦪 ✨蠔爽先炸再炒，肉質肥美厚身，蔥粒份量多到嚇親，炒到香味出晒黎！🤩

相信唔係好多將軍澳街坊認識呢間係小巷中嘅潮州食店。早排被一個熱門YouTube channel介紹，雖然舖頭細細只有幾張枱，但係係一間非常用心做好食物嘅小店。週末午市都有各式各樣套餐，有滷水，有潮州粥，亦有炒粉麵飯等等。非常推薦大家去試一試。鵝片拼墨魚飯（$62），鵝片同墨魚下面仲有幾舊滷水豆腐，鵝片同豆腐味道都滷得好好味，墨魚都好彈牙。紫菜蠔仔肉碎粥（$50），蠔仔好大粒好新鮮，個湯都好鮮甜。豉椒牛肉炒河（$55），非常足料，味道唔會太鹹。

朋友的同事推薦的潮菜店，我們星期六滿懷期待地試菜。我們是叫外賣的，叫了一個鵝腸腩肉滷水雙拼飯、一個滷水鵝肉飯、一個椒鹽鮮魷。先說鵝腸腩肉滷水雙拼飯，一個滷水飯盒應有的酸菜沒有我也不提了。滷水鵝腸毫無滷水味、白烚的！滷水腩肉只有皮層上色，肉質是白色的，可見浸泡滷水的時間少之又少！滷水腩淪為單單在表皮上色的白烚豬肉！再談滷水鵝肉飯，無滷水味已不再話下，所給的肉是屎忽位置！兩個滷水飯盒的飯所給的豆腐顯得該店是小家中的小家，刀工完勝薄切魚生，可能師傅是使用切割潮汕火鍋牛肉的方法來切豆腐，技術可謂高超！最後談談重頭戲椒鹽鮮魷，是一個水汪汪的煎蛋白，蛋白、水分比例多過鮮魷，完全將成本控制發揮得淋漓盡致！做滷水真係要考牌！

叫左3個食物都好好滿意招牌粥$55新鮮 多料 份量夠1個人韮菜豬紅$60係超多豬紅，而且好食，雖然上到黎個湯好深色，但就5辣既，底下都好多韮菜。滷水鵝片$90面果層既肉夠肥美，配既辣椒油同酸醋都好正。下層係豆腐，正常發揮。之前食過有d店係下層全部芽菜，相比下，更鐘意呢間跟豆腐。飲品好驚喜有鹹檸七，姐姐好好人比我轉左做梳打水。 佢係比個冰底+鹹檸檬+罐裝飲品甘上。張枱自動擺左熱茶同大碗比客人過一過熱水。上菜係勁快，我落完單都洗好d碗，已經上齊食物，仲要勁夠熱。姐姐態度好好，我豬紅太多想拎走，都無加收外賣盒錢，仲主動問係打包邊碟，以便比個fit既外賣盒你。

滷水拼盤好入味 豆腐會吸哂滷水汁 但又唔會太咸 價錢方面都係正常價 仲試過佢嘅湯 都唔錯 叫一個飯 一個拼盤 再個湯 3個人真係夠飽平時食飯時間經過都會見到有人排隊 所以都想試下 多數排一陣都入得 所以唔會等好奈

住喺呢度附近但第一次嚟食，又幾有驚喜喎！叫咗櫻花蝦炒飯同滷水墨魚飯，午市優惠墨魚飯仲有得平啲，四五十蚊就食到，櫻花蝦炒飯正價都只係65蚊，lunch 嚟講都過得去啦。櫻花蝦炒飯啲飯粒粒分明，每一粒都好有咬口，同埋真係好多蝦同葱， 所以每一啖都非常之香，簡單而好食咪就係呢啲囉。滷水墨魚飯都好食嘅，不過佢要點嗰個醋有少少酸，所以點少少就好啦，但啲墨魚好滑，亦都幾爽口，唔會太實太硬，街坊生意來講算係幾出色。唯一要批評嘅點係，店裏面嘅人都幾粗魯， 咁岩聽到佢哋講電話係咁爆粗，場面都幾尷尬。

收工10:20pm諗住買小小宵夜食下,打電去件外賣自取，叫了個鵝片拼鵝腸啦，回家打開一看，有6片鵝片，小量鵝腸，和幾塊薄豆腐墊底，盛惠115元。可能是趕收工關係吧(10:30pm收鋪) 個人覺得超級不值，打電話詢問，店舖説是正常，並無不妥，以後永不光顧。

今日趁食晏時間拎快遞，原來隔離巷仔有間潮洲菜館，舖仔細細唔起眼，我哋幾位都未試過將軍澳區嘅潮洲餐館，就決定喺度食晏。下午兩點左右，無食客，坐低後有五至六位離座先知原來樓上都係餐廳範圍。我哋每人點咗個午餐，另加兩款淨食，感覺都可以，由其滷水同粥，間唔中轉口味都係唔錯嘅選擇。煎蠔餅，蠔肉幾多，幾足料，份量幾多，味道較淡，因為我唔慣點汁料食，可能點汁會啱啱好，唔知係唔係鴨蛋整，蛋味唔香濃。滷水鵝肉雙拼(拼腩肉)，滷水唔鹹啱啱好幾入味，鵝肉幾嫩，腩肉入口唔油膩，最好食係豆腐，仲好嫩。招牌沙爹牛肉炒河，醬汁太厚身，無沙爹香，味道無驚喜。蝦醬鮮魷炒飯，蝦醬唔夠多蝦，份量好夠，飯粒粒分明但太乾。櫻花蝦炒飯， 似普通炒飯，一樣係飯太過乾身。魚腩肉碎粥，魚片新鮮好味，湯底好味。加錢配餐飲