澳門丸記清湯腩王 (已搬遷) 新店位置

朋友介紹,一家四口去食.行到門口見全場爆滿,就想走去食第二d野,點支有個男侍應出來問我幾多位?(4個)佢馬上叫等一陣有張枱幾不多走,(好)3分鐘左右就有位啦.^^首先食物好,買相唔錯海南雞出色,咖哩正.羅白入味,只係牛腩肥左d.服務態度好好,環境都算正常.

星期五晚上，兩個人點了海南雞飯、招牌雲吞麵、油菜及飲品。居然海南雞比雲吞麵好味，其他食品則正常。環境仍新淨，談不上舒適。可是男收銀及少女侍應態度確實欠佳，最近石門站附近有很多新開食肆，服務質素差明顯影響食客再光顧的意欲，削弱其競爭力。

“澳門丸記”是不是“九記的山寨店？剛好在我們住的酒店地鐵站附近，看點評還OK就吃午餐。店鋪以清湯腩馳名，蒼蠅館子，但略有點裝修，店面乾淨，坐得還算舒服。我點了他們秘製的鮮番茄汁牛腩飯，牛腩牛筋肥而不膩，配汁用料清淡卻風味十足。飢腸轆轆吃完很滿足，份量也大。一個人吃不完。閨蜜點了口水雞，我問她問道如何？她說……看我寫大眾點評。 服務還是快，上菜快，埋單快，不過他們忘記給我上湯了，雖然我點了凍奶茶也喝不完湯。店內全是本地人，想必不是老司機帶路會很難留意到。價錢非常親民，2人2飯+飲料才100HKD。我們來比較早，吃完後已店裡坐滿人了。所以味道不用懷疑。

今日無咩胃口，於是下午想簡簡單單食碗麵。依家石門多咗好多食肆，今日一於試下呢間清湯腩王嘅丸記先。叫咗個牛腩魚片頭麵，賣相唔錯！先試下個湯，好清甜，同有一陣好濃烈嘅藥材味。我個人覺得都還可以，諗住個牛腩都應該唔錯啦…點知，出事了～個牛腩無牛味，基本上無咩味～ 肉質好韌，黐牙。魚皮頭都無咩特别～街市貨式。好在無咩胃口，本住“好又一餐唔好又一餐”嘅心態，諗住食完個麵就走。見碗麵有一件蘿白，又本住順手食埋嘅心態，點知有驚喜！個蘿白清甜非常，好入味，無渣～係我今年食過最好食嘅蘿白～結果我都係食曬食碗麵。埋單連凍飲要五十五蚊，算幾貴下，唔係咁值～

收銀的年輕男員工尤其差! 不理解在沒有客人排隊比錢既情況下，只是想掏幾蚊散紙比錢，都要怒啤客人及面露不爽，沒有人要求一定要有笑容，但咁樣既服務態度都真係經歷一次都嫌多，唔會再黎。

石門站自從開了兩個大型商場後，開咗好多唔同嘅食肆，今日想食牛腩所以就幫襯左呢間，見餐廳下午茶時間送埋嘢飲幾抵食。餐廳內擺放左一啲有關飲食廚藝既獎，令我對餐廳既食物質素十分期待，最後叫了清湯牛腩飯 ($50)。牛腩份量都幾多，首先試一試湯底，湯底見用咗小元貝同蜜棗，飲落有點似肉骨茶既藥膳味道 ; 蘿蔔炆得好淋有入口即溶既感覺，而牛腩肥瘦適中，炆得好夠腍同有牛味。凍奶茶也不錯，不會一味得個甜字。整體黎講做到唔錯可以一試。

之前有幾次見到午飯時段有人排隊，今日與同事晏了出嚟食午飯，便試試「澳門丸記清湯腩海南雞專門店」。這間店在石門廣場一期地下，地鐵馬鞍山缐石門站C出口轉左便是。店舖設計簡單，座位數目不多。雖然我們入座已經1:30 pm，仍要坐在面牆的高枱，可想而知它甚受食客歡迎，若果搭正1點，肯定要排隊。餐廳雖然不大，但亦提供很多選擇，如牛腩麵($40）或飯（$46）丶海南雞飯（$48）丶小食有越南春卷（$30）丶越南雞翼（$53）等。飲品方面，視乎你叫了什麼主食，熱飲加3元或5元，凍飮則加5元或7元，特飲加10元。我們叫了一個魚片頭牛腩河（$48) 及泰式海南雞飯（$48）。魚片頭牛腩河👍🏻👍🏻👍🏻😋😋😋，簡直好味到無得頂。先説湯底，味道十分清甜，不是味精的甜，細看之下，發覺它用咗很多小元具（瑤柱），難怪湯底有陣陣海鮮清甜而不油膩。牛腩是坑腩，肥瘦適中，炆得好夠腍，食落充滿牛肉香味。魚片頭也十分之美味，它不單止爽口彈牙，更有香濃的魚味，是少數做得咁好味的魚片頭，証明老闆肯入靚貨。最後，呢個河粉連蘿蔔都十分清甜好味，我本來以為夏天的蘿蔔只是陪襯品，結果只嫌它得一件太少，唔夠喉。泰式海南雞飯👍🏻👍🏻😋😋泰式

石門在那裡？在沙田某一帶，正常應該不會去閑逛的，實在也沒有甚麼好逛。 上星期因要事入了石門一趟，發覺開了「京瑞廣場」，食肆旺了，主要對象是在附近返工的朋友們。 我一向喜歡吃牛腩。這日未食晏，見有間「澳門丸記清湯腩王」，頗旺丁，即管入來醫醫肚。 應該有好吃的？最後答案 - Yes。 店子小小，要排隊等位，食客坐得迫： 另有一排「自修室」枱，反正我一個人，也不介意坐這排。 叫了一個店長推介的「清湯腩王河粉」$40 服務不錯，我問侍應有沒有爽腩，她說只有坑腩，也好。 坑腩比想像中瘦，頗韌，即是會癡牙的那種，對我來說算是不合格，失望也。 叧附上一件超級無敵大的白蘿蔔，我見到已面色一沉。果然是又硬又不入味，放棄 (話時話我見有食客點了碗「淨白蘿蔔」，若果是我就慘慘豬了) 吃完碗粉，若有所失，見到隔離位食客在吃「沙薑雞飯」，雞肉上面鋪滿沙薑，好似幾吸引： 於是追加一份「海南雞飯」$48，送一碗雞湯，果然有料到！ 不算正宗「海南」做法，速食之下不介意。雞上面鋪滿香薑蓉，沒有鹹到生腎石。雞帶骨，皮與肉都滑，香料 (該有香茅、沙薑？！) 入哂味，若想刺激啲可點附上的青椒辣醬，好

呢間海南雞飯我已經幫襯過好多次， 佢啲雞真係好靚，好夠滑，醬汁又好味。 不過啲飯同湯嘅質素... 就一時時啦。 堂食過2次, 水準都係OK嘅，今日再 encore，就有DD失望左。今日啲飯硬左DD，個湯又太鹹左DD。 但睇在佢啲雞咁靚嘅分上，還是會繼續幫襯的。

雖則店名叫清湯腩王，但好味的其實係口水雞飯同海南雞飯。 每星期總有1-2次外賣口水雞或海南雞 口水雞飯，雞嫩辣度適中（即係偏辣但唔會辣到無味覺）； 海南雞飯重點在特製辣醬，一定一定一定要有，靈魂

搵地方食晚飯，見到周圍的餐廳都嚐過了，就來這間賣點是海南雞與清湯腩的舖頭試試。挑了bar檯坐，早知揀其他普通餐檯，因為bar檯area唔係好夠冷氣。今次諗住先試海南雞，下次先試清湯腩，再叫多個雲吞蝦子撈麵同炸魚片。炸魚片先上，配湯吃，味道跟一般魚片沒兩樣，沒什麼特別。然後撈麵到，好味但都係同出面食的差不多，也是沒什特特別。到海南雞了！望到好期待，因為醬料跟一般不同，雞上面放了薑蓉，另有一碟青色的薑蓉做沾醬。好好食，雞好滑、沾醬又好食，不過沾醬偏咸，所以吃完很口渴。整體來說好吃，但又不至於餐牌上列出所獲獎項的得獎味道程度。

一家五口入去食，等左好耐先有得食！蝦子撈麵普通過乜，唔香，同豉油撈麵無分別！牛腩唔入味！雲吞麵ok! 檸茶無茶味，凍央得奶味 （忍唔住叫佢換檸水）！搵個唔識入機既伙計入，張單錯左四次！搵唔到理由再幫襯！

今日心血來潮入黎石門兜一兜，係馬鐵站一出黎，已經見到好多人派傳單⋯接過黎一張「澳洲丸記清湯腩」既，個姐姐同我講：「下午茶☕️時段，都會送杯飲品😍」望一望價錢又真係幾低喔同埋凍飲都唔洗加錢，所以就直接入去坐底啦入到黎感覺周圍都幾乾淨整齊，於是就叫左個 招牌菜：清湯牛腩飯 + 一份魚皮 + 凍0茶🍋，上菜速度好快，唔洗幾分鐘就出齊所有食物。啲腩肉睇落好瘦甘，但食落又好淋同多汁個湯底又鮮味，加埋啲飯落去做個湯飯真係好正，仲有杯冰凍既飲品🍹，啱曬而家呢啲甘熱既天氣食！果份魚皮又夠香脆而且仲好簿身

住左係廣源7年幾，廣源真係冇乜野食第一城又成日去，食都食到唔知食咩好！最近聽到好多沙田友嘅朋友話石門開左好多間餐廳.今日突然心血來潮想去石門，今次係第一次去石門，一行出馬鐵站就見到有人派傳單， 話下午茶餐有杯野飲送，好似好正咁喎咁就入去試下啦！一入去都見到幾多人食野.想坐卡位都冇位.唯有坐吧枱啦。叫左個餐牌寫住店長推介嘅咖哩牛腩飯，落左單3分鐘就有得食，好有效率！個咖哩好夠味，牛腩夠淋，飯又唔太硬。杯奶茶都好夠滑！好！店員姐姐又會同我傾下計，好親切！下次一定會再黎幫襯

剛搬黎沙田。要4出尋找嘢食！黎到石門。一出馬鐵口，就見到依間嘢，又有個牌喺門口， 咪走過去八卦下啦～ 有個女仔走咗出嚟同我講。有下午茶優惠。緊系咪執輸啦～ 叫咗個海南雞飯，諗住穩陣啲， 家姐細妹就叫左個口水雞飯同埋雲吞撈麵。送杯嘢飲。 真係好食喎 ！啲雞又夠滑， 個油飯同其他啲油飯唔同， 平時食開嘅油飯真係好濟，依度依個冇濟既感覺。食完一碟仲有啲好似唔夠食甘。依個時候，緊系試埋家姐同阿妹果啲啦。家姐個口水雞飯，個口水汁好正喎。一啲都唔鹹，食落口都唔算太肥膩，家姐話超好食囉。阿妹叫左個雲吞撈面。我開頭有啲擔心。因為小朋友通常唔系好食 幼麵，因為嗰陣鹼水味，未必食得到。出奇地。阿妹好努力甘食。我當然系要試下啦，個面都完全冇鹼水味，唔怪得佢系甘食啦，而且佢唔系用蠔油撈，冇平時果啲甘鹹。阿妹成碗食曬。看佢兩姊妹食得甘開心，甘難搞既姊妹花都搞掂左。甘緊系要上黎評一評，比個啦～臨走阿妹仲同個姐姐講，以後佢地會成日見喎～姐姐話下次請佢食炸魚皮， 一聽到個炸字。就問我，甘下次即系幾時。系咪聽日？大家都笑左。