澳門九記清湯腩王 (已結業)

此「九記」不同中環的「九記」，雖則大家都是以牛腩馳名。這裡裝修簡約，坐得逼狹，街坊店舖格局，菜單圖片就胡亂地貼在牆上；還有當年拿了「明火食神爭霸戰」的獎項，也是掛在牆上「大晒冷」。既然拿了「食神獎」，店的出品又強調不含味精，令人有所期待。「清湯牛腩河」$30一心想吃爽腩，可惜沽清，唯有轉戰坑腩。要得坑腩，就已預了帶肥。牛腩肉爽口，七分肉三分肥，不算是最靚的部位，可接受。驚喜反而是來自那件呈半透明狀的清湯蘿蔔，完全是清甜無渣，好得。下次再來，朕一定會欽點淨蘿蔔！「海南雞飯」$37應該是憑這個拿食神獎的吧。海南雞的骨已起，肉質算滑溜，味道不錯，雞味卻略嫌薄弱，雞油飯也不夠油香，不覺有何特別會捧獎。這飯最出色的反而是那個用來蘸雞的泰式醬汁，該是自家調配的，酸中帶辣，用來配飯的確很醒胃。建議店方可以考慮單賣這醬汁，應該可以成為鎮店皇牌！咦。。。乜原來在下讚的都是配角 ?! 希望食味一般只是店方一時失手啦，這才不負「砵蘭街食神」的美譽啊。

今晚要到旺角逛一逛, 但又不想在旺角覓食所以選了油麻地的九記. 大約七時到達入座率都甚高. 我們只好搭枱.二話不說已叫待應落單, 因之前已在開飯做足功課.果然是沒有爽腩, 待應說每日大約二時便售沽清. 所以唯有要坑腩. 份量不少, 但坑腩沒有什麼特別, 不夠爽口和腍還帶點韌.湯底不太好, 太淡沒有什麼味道, 河粉份量很多, 最值得讚是雞的份量估不到會有那麼多, 加上是我最喜愛的雞胸, 真是要加分加分. 雞似黃油雞, 有雞味又不是肥雞, 因我好怕吃到肥膏. 真是合我心水~配上兩款醬汁, 薑蓉和類似泰式辣的醬汁, 相比下去薑蓉已失色了. 醬汁跟泰國的還差一大段距離, 但都還不錯所以買了一樽回家. 要四十大元, 其實元朗有一間雞飯都有這些醬汁賣但可惜已結業了. 否則我一定不會在這裏買, 因味道不及元朗好之餘份量亦很少. 瑤柱蘿蔔真是十分出色. 蘿蔔沒有根很嫩, 味道非常清甜. 加上淡淡的清湯味令蘿蔔更加原汁原味. 份量亦不少啊~價錢還可以.

跟朋友一行三人去試食，海南雞飯同清湯腩我都喜歡，當然會試。未食之前先搵位，見到有一張卡位，打算坐啦，點知畀侍應阻止，話留畀老闆娘坐，當時心想，如果真係留畀老闆娘坐的話，更加應該畀客用啦。結果同一家三口，六個人迫在一張桌，算啦，反正都唔預坐得耐。叫左三樣野，魚餃河，無特別，不多說。另外當然係海南雞飯同清湯腩，個人認為真係麻麻地，腩唔係勁肥就勁瘦，唔覺得特別之餘，附近實在有太多更好味的清湯腩選擇。雞，唔滑，飯無味，根本就唔似油飯，簡單講，兩種招牌野我都覺得相當一般。不過認同其他食家講，隨飯送的湯的蘿蔔真係幾好食。道之外，更加想講服務，見到海報寫住海南雞飯加$2有熱飲，叫野食時再三問侍應星期六有無優惠，侍應話日日都有，就叫左杯熱啡啦，點知食食下睇張單，佢計我$12，明顯係單叫的價錢，同個侍應講，開頭佢都話唔好意思，之後拿去收銀講，點知個收銀話，因為我杯野飲係後加喎……但我發誓所有野都係一次過落單。我覺得計錯錢都算，都唔好話要求你道歉，你計返正確都算，但唔好店方唔知邊個做錯野，就屈落客度。最後仲想講，果張話畀老闆娘的桌，到我走果陣都仲係空…

一心諗住海南雞但入到去又唔想食飯, 就叫了魚旦魚片米魚旦魚片還不錯, 彈牙, 魚片邊也有少少脆但唯獨個湯底超唔知想掂,, 明明食米粉, 就係唔鐘意旦麵果D鹼水味, 佢就加果襯旦麵的湯底夾米粉, 還要超重胡椒粉味一路食, 一路想唔食

誤打誤撞之下, 撞左入去呢間澳門九記.記得第一次入到去既時候, 見到牆上面浦滿晒相, 全部都係d名星黎幫趁既時候影低既,仲有簽名添, 心諗, 會唔會又係d名星效應既食肆, 好睇唔好食?! 結果第一次俾我既印象係: 嘩! d腩好淋呀, 湯好清, 蘿蔔好得, Positive 啦!黎過幾次之後, 都試過好多樣野, 最欣賞佢地既始終只係清湯腩同蘿蔔!可惜, 質素唔係太穏定, 因為有時d清湯腩好好好好好淋, 有時會食倒有渣...不過, d湯好味, 好清, 好正, 呢樣就keep得到!澳門九記同中環果間九記係唔同㗎, 我未食過中環果間九記, 呢間澳門九記就成日幫趁.除左清湯腩, 佢仲有其他野食, 魚蛋, 牛丸, 果d麵檔有既佢當然有, 之但係仲有海南雞, 泰式豬脾,咖哩... 等等... 而海南雞亦係招牌菜之一.... 澳門九記係以茶餐廳既形式運作, 而佢地既客流量亦都好高, 所以唔好諗住食野傾計呀,食完就好即閃喇! 亦唔好期望有好嘅服務態度... 因為真係成間茶餐廳咁㗎咋...揸車黎食既話, 泊架車响門口, 遇到抄牌, 會有人叫d司機小心囉...講返清湯腩先啦~ $28大多數時候都會食到真係好

好一段時間沒來這裡幫襯，某日路過，正是吃飯時間，在這間「澳門九記」與對面街的「新鮮清湯腩」之間搖擺不定，心裡十五十六，究竟吃清湯爽腩好還是海南雞飯好，結果「九記」贏了，招來了一位客人。店內環境依舊，和一年前，甚至兩年前沒什麼不同，仍是街坊店舖格局，地方甚為普通，甚至有些簡陋，自己覺得坐其實得不太舒服。不過這裡始終是個以食物取勝的地方，要非它的招牌食品有一定的水準，也不會在當年的明火食神爭霸戰中拿到那麼多的獎項讓它掛在牆上揚威。叫來了這裡可靠的「海南雞飯」。就這天所試，個人覺得這「海南雞飯」雖然仍算不差，不過這飯最出色的不是它的油飯，也非它的海南雞，而是它蘸雞吃的醬汁，這不知是否店家自己調配，辣中帶點兒酸的泰式醬汁蘸上滑溜的無骨海南雞件，卻是非常好的配搭，教人食欲增加。不過沒來一段時間，我卻覺得隨「海南雞飯」附上的清雞湯似乎比前退步了，沒有以往那麼清甜可口，幸好清湯中的蘿蔔水準仍佳，仍然不錯。下一次到來，不知會否又已是一年後呢？

掙扎了十分鐘, 都想不到應該去那裡解決午飯, 這就是住旺角的死症, 皆因選擇太多不想吃太多, 最後決定用清湯腩祭五臟廟九記剛開業我已試過一次, 上次只試了個腩河, 今次專程試一試爽腩坐低望清楚價錢30大元即落單可惜, 已沽清!此刻真想衝出門口, 不過為免頭痛, 最後點了一個清湯片頭腩河片頭爽口彈牙牛腩肉質死實, 無牛味, 好失望 河粉一般, 不算滑, 亦較厚身驚喜之處竟然是碗內一千零一舊, 浸泡在湯內, 呈半透明的蘿蔔清甜無根, 可吸收牛腩的肥膩感, 亦有消暑作用單獨叫一碗瑤柱蘿蔔只需$15若不是有這件"限量蘿蔔", 我一定會給一個劣評, 因為物非所值, 僅勝普通雲吞麵檔

跟易拎行到老連咁遠的試新野, 不過原來她已經來過1次 -0- 還好她未吃過這兒的海南雞飯, 那都算叫做可以試新野哇XD於是我們1起試海南雞飯~ +$2 有凍飲~~~ 小妹怕滯就叫杯凍檸茶~這兒人頭湧湧, 大多數是速食的客路, 上桌也是快餐的速度, 落單轉個頭就放下2碗雞湯。湯充滿濃濃雞味又清澈不油膩, 傻瓜小妹還喝了很多... 味精實在重得要命, 才製造出以為很好味的誤會!味之雞湯還未飲到1半已經再放下來2碟雞飯, 少不了特色醬汁, 飯的份量也真算很多呢, 香而不會過份油; 雞肉雖然滑但雞味稍為薄弱了1點。 果然跟大力所言的, 醬汁1試難忘, 清新酸味之中又帶點辣, 配著雞/飯來吃減低油膩感又更醒胃呢~~~~而且那麼凍檸茶也沖得很好喝~~~ 這樣1餐如此滿足的才$37, 好美又抵食呢=)

雖然已經一點半，全店坐滿，剛好有一人走，我先至有位。要了片頭腩河$33。好快就有得食。有三粒片頭同三、四舊牛腩，一舊大白蘿蔔，份量足，$33絕對唔貴。湯底顏色清澈，但面頭有一層油。河粉細滑，重點係彈性，又唔會削，唔會一夾就散。片頭炸得好香，外皮炸至金黃色，可能係炸起不久，所以外皮唔會韌。魚味重，又彈牙，不錯。絕不比牛腩遜色！至於清湯腩，之前都食過，水準穩定，雖沒有指定要邊款腩，但都唔會俾d勁鞋嘅你。牛腩帶點肥，可接受，牛腩爽口，好味！

之前見到有好多好評,咁岩行開個頭,於是同男朋友去試下!第一次我叫左清湯腩米線,清湯腩真係好淋,好好味,好正,不過米線就有D碌唔透,硬硬地,舊蘿蔔第一啖感覺好正,清甜又淋,不過是開左又無咩特別感覺男朋友叫左牛丸面,始終唔係招牌貨,牛丸朕味怪怪地,可能唔岩我口味啦,男朋友都話一般咋第二日特登再去食,我依然叫左清湯腩,不過今次係面,D面係我中意食個種,煙韌無緘水味,都係一樣咁正啦男朋友今次叫左curry牛腩,個汁好稀好淡,牛腩又唔夠淋,感覺好一般,始終係清湯腩無得彈!食物固然好,但服務就......見仁見智啦,第二次個時見到個侍應唔知係米落錯單定個客叫錯野要改單,個侍應一邊行一邊話好想死,比佢死,鬼咁大聲係度發脾氣,明顯係不滿個客要改單,咁的服務態度真係要改改!!!

佢果d牛腩半肥瘦又多肉,仲有果度果d蘿白好甜好好味,值得一試.但係太少選擇,飲品太貴,而且沒有提供套餐,份量方面可以再多少少,會比較好一點,其他方面可以不用多提,希望可以改善一下...

四月九日 (星期六)拎完REPORT再去做GYM整朝的SCHEDULE排得密麻麻做完GYM後都已經差不多兩點在油麻地站落車,行到這條街,有好幾間都想試,會逐一試試第一站選擇了這家清湯腩店店內的牆上有很多明星簽名和不同機構頒發的獎狀真是先聲奪人我點了雙拚片頭清湯腩米老公仔點了獲獎的海南雞脾飯魚片頭不是招牌菜,卻做得出色表面呈金黃色,內裡爽口彈牙招牌的清湯腩亦做得不錯不過有些比較實,有些比較爽,質素有點不穏定海南雞脾飯,印象最深刻的是個汁完全把雞味帶出來,雞脾肉也寧捨滑,加錢(+6)亦值得配上清湯一口雞肉,一口湯,更形成強烈的對比

一周內第二次來食，上次食完牛腩麵發覺白蘿蔔勁好食。今次除了牛腩麵 ($28) (原來牛爽腩中午十二點半每賣，賣完就冇，所以都好難有機會食啦)，就叫左一碗淨白蘿蔔($15)，用瑤柱湯煮的，個湯好好飲，應該冇味精，有幾粒鮮瑤柱，都幾好食。呢間野肯定會成日來，仲有大把野食試。

聽朋友講話呢度D牛腩麵好好食，講真我未試過香港有邊間D牛腩麵好食，天后果兩間 & 九龍城某 間都唔覺好食。但呢間真係唔錯，牛腩超有牛味，好食，但係唔夠"林"，如果夠"林"就完美了。麵質也算幾好食。但係最正係佢碗麵唯一一舊白蘿蔔，勁入味，超一流，驚喜大過牛腩。今次試唔倒貴2蚊的牛爽腩(唔知有乜分別？)，下次希望試下。

泊架車係門口入去買外賣, 叫左海南雞同豬脾飯, 收銀叫我入去坐下, 佢同我睇車, 抄牌就叫我 !! 食物方面都幾好, 因搓回家要都15分鐘車程, 食果時都重熱既 !! 雞油飯唔夠香, 不過豬脾飯係堅OK既, 一開盒香味就出, 值得一試 !! 有樣要提提個餐係有餐飲, 不過要問先講, 冇主動問我要咩飲 !! 要扣D 分 !!