澳門九記清湯腩王 (已結業)

前天夜晚無著落，又懶得自己煮飯就到油麻地的（澳門九記）清湯腩王食返個麵算了30元左右一個面，咖哩腩麵。我最最喜歡在這里吃牛腩，很好味牛腩可能燜了很久，入味薯仔很鬆軟，麵就無咩特別主要是配料好味就可以

朋友約我出來食飯,呢d約會一定要去,因為好耐冇見!!呢間野我來過幾次,所以想試未食過的美食越式香芧豬扒飯,聽個名唔錯,味道緊係唔錯豬扒炸到好脆,咬落去卜卜脆豉油汁正,點埋醋汁,真係味道一流可惜油多,同豉油汁少

食晏得一個人,悶悶地,諗起個friend提過呢間嘢,surprise估唔到個咖喱牛腩真係ok喎,牛腩瘦瘦地帶小小肥,有嚼口,薯仔炆得夠林,咖喱汁夠濃味,真係好耐冇食過會回味嘅咖喱la,係個飯小d唔夠撈汁慘d,雖然要搭枱,但都係食完就走冇所謂啦,樓面嘅態度都可以,始終佢地太忙冇得要求啦一定會再幫襯

$24 一個清湯腩肉腩肉,蘿蔔都好正特別是蘿蔔,配合得很好湯就吃不出有沒有味精好吃就OK了不過餐廳菜單不多不是腩肉,就是雞招牌吧

當時9點幾但都幾多人食 都幾旺我叫左個 $25的咖喱牛腩麵少而又一般但d牛腩覺得好正我將成碟咖哩牛腩倒落去我見佢成碗 紅到好似茄汁咁但食落一得少少辣不過味道唔錯牛腩又唔係太肥 幾岩我

麵就一般但d牛腩覺得好正我見佢成碗 紅到好似茄汁咁但食落一得少少辣 撈麵食唔錯 牛腩又唔係太肥 幾岩我

咖哩雞翼飯 + 檸茶 $35咖哩幾香濃，但味道都好甜，食落不算辣，撈飯都OK。(我就不太喜歡這種甜咖哩，感覺怪怪地)雞翼4隻沒有被炸過放在咖哩汁內炆至入味，可惜咖哩未至於好好，否則應該幾好食。檸檬茶就欠茶味及茶香Summary:又不是日式咖哩但又味帶甜，如果愛食甜咖哩就不妨試試。

我係呢間野既擁護者, 我介紹過好多人去幫趁佢, 好多人都話無我講到咁好, 有d仲寸我既情報唔得, 但我都係好鍾意食. 但最近一次幫趁, 真係好失望, d牛腩超肥, 仲係過冧既! 大佬, 我鍾情佢d腩唔硬, 但有口感. 但個日實在太差. 食到好無滿足感, 見有越南炸春卷, 馬上叫黎補飛, 填補空虛, 唉!!點知唔叫好過叫, $25蚊得三條仔, 好齋, 無薄荷葉, 無生菜包, 唔好食, 居然夠膽死收25蚊, 太離譜!! 一樣的貨色, 我在凍肉店買15蚊10條, $25三條太暴利了, 最仲要係凍肉店貨色, 對呢間野好失望. 仲有, 服務都好差, 個半兀捲毛伙記係咁伸過頭入廚房同人頃計, 完成無睇客人, 我等了很久才order到越南春卷.

得閒就黎食下架啦~都幾好味, 係就係服務差D, 不過港式地道野, 係要配返D港式地道服務架啦~ 唔通個個著哂老西SERVE黎招呼, 可能到時嚇到D客唔敢入黎食係就係肥D, 不過我覺得幾好味呀, 牛腩就一時滑一時鞋, 不過因我本身都唔好食肉, 所以都冇所謂, 反而最鍾意O個淡湯~ 仲有蘿蔔呀, 好甜好好味! 唔同一般貨仔個咖喱食又係, 我專食個咖喱汁送飯夠哂, 又唔係好SPICY, 岩哂我呢D又唔食得SPICY又要SPICY既友仔, 仲有仲有, 薯仔都好好味! GOOD!但千其唔好試佢O個D香茅咩咩咩, 好難食, 可能我O個次去外賣掛.....NO GOOD!

從地鐵站行去電影中心途中被它的招牌挽留了腳步地方很小,很小的一家角落店鋪, 進去坐下後, 背靠背, 有時還需要因為隔壁檯買單而站起... 還好小店的冷氣很足, 沒有讓我滴汗點了一碗清湯腩河, 用的是坑腩, 比較瘦身有嚼頭, 但沒什麼特別. 反而配角的白蘿蔔完全沒有渣, 而且清甜, 搶了主角的鏡. 湯頭"牛味"濃郁但非常清徹, 配河粉值得一贊.還是中環九記的"半肥河加多碗水"令人留戀. 但九龍人, 應該會多點機會來油麻地捧場吧

晚上6點幾，由於趕住上堂，行過見到這間舖頭有粉麵供應，便入去快快手諗住填飽個肚就算。入到舖頭，見到得返中間幾張長枱有位，便在最入張枱坐下來，叫了清湯牛腩河和凍奶茶。不久，有一班人顧客來了，侍應問可否轉一轉位，心諗冇所謂啦。牛腩粉來了，湯底冇乜特別，一般味道，牛腩好鞋，好似煲完湯既感覺，入面仲有一塊蘿蔔，都係一般，跟住，又有另一班顧客來了，侍應又要求我轉枱，唔係嘛又要我轉枱？唔叫其它人轉？我好蝦Ｄ咩？已經一肚氣飽哂！第二次轉枱後，同侍應講杯奶茶還未到，換來一句好串的回覆：「等Ｄ人坐定先啦！」最後奶茶黎到，味道都係唔掂。一邊食一邊留意班侍應點對其它顧客，有一個顧客來了，有張吉左既２日枱，侍應都要求佢同其它顧客搭枱，結果佢都係要好迫，唔多ＬＩＫＥ咁搭左一張２人枱度。今時今日咁既服務態度，真係要搵劉華出來評一評了。埋單三十幾蚊，咁既價錢，去食上環九記好過。

叫左碗 $25 既清湯腩河，話晒招牌野，應該唔會差啦...個湯底同D河炒係好好味，好滑D河粉...... 但係D牛腩 勁差，同煲過湯D瘦肉一樣味，又 '孩' 又冇味!!!食左幾舊已經唔想再食埋D腩 .... 冇下次!

今晚由朋友介紹去左食牛腩。個到個位都幾偏僻下, 無人介紹係唔會去個邊食野。我要左個清湯牛腩米($25), 個湯好清, 好多牛腩, d肉好"林", 食完唔"痴"牙。朋友叫左個咖哩豬扒麵 ($25), 咖哩好香. 個咖哩有少少spicy, 但我唔食SPICY都接受到! 豬扒就普通啦! 不過我覺得咖哩送飯好過送麵囉! 佢地有得湯麵, 仲有撈麵同飯揀。個到除左有牛腩食外, 仲有d 普通既魚旦粉, 雲吞麵, 但個到無咩人食呢d 囉! 多數都係食牛腩!

呢間野成日幫趁, 因為物有所值, 價錢$33-$40, 好似唔平, 但好足料, 好靚料, 相比黎講算平.不過我食黎食去, 都係清湯腩同海南雞飯, 因為我唔係住個區, 難得經過, 唔想亂試野. 腩好多, 又有咬口, 但有時會太肥雞係新鮮雞, 個汁又好正.好好味, 又多數有位, 起碼我惠顧咁多次都唔使等位.香港地, 千祈唔好亂推介食店俾人, 因為好多都係一時時, 水準keep唔到, 呢間ok, 我食過好多次, 只有一次失望, 個次d腩又肥, 又冧, 無口感.醒起了, 還有一次叫爽腩, 但係覺得同普通腩分別不大, 都係個d腩.

其實我公間就係九記附近, 成日經過都無食過, 今日同同事諗唔到食乜好, 終於試左先講下個環境, 我覺得都尚算整潔, 座位都唔算迫得太埋~ 侍應的態度算正正常常, 無可無不可~至於食物方面, 我叫左個爽腩面, 我同事叫左個片頭腩面. 佢的爽腩絕對有資格用個爽字, 就咁睇好似肥肥地, 但係入口唔會覺得好油, 肥膏的位置, 一咬即斷開. 個湯頭都唔錯, 總括來說, 係一碗好食的爽腩面! btw, 佢舊的蘿蔔都幾好食~~睇其他人的食評寫佢個海南雞飯, 都好似寫得唔錯, 既然離得公司咁近, 下次都無理由唔試一試~~