濠苑茶餐廳

营业中

休息中

特此為此餐廳download apps寫食評，態度劣，食物質素極差。諗住搵啲舊式少少嘅茶室幫襯下，都不理環境好壞，照入去。女侍應態度差之餘都不在話下，點左份西多士，個份西多炸到照深啡色，完全冇蛋在外，加埋糖漿後，完全唔掂，都唔知食緊啲乜。這是有生之年，食過最差的西多士，以後都真係要睇下comment先幫襯

第一次寫食評，因為呢間嘢真係唔寫唔得。未去過一間餐廳態度咁差，如果想見識咩叫聲大夾惡、自以為是嘅人，又想見識咩係唔識尊重客人嘅餐廳，你可以走入去試下。呢間，永不再光顧。大家都係想食餐安樂茶飯，要搵食，大把茶餐廳可揀，冇必要去呢一間。

星期日去花墟買花，順便要去祭祀下自己嘅五臟廟。見到有一間茶餐廳喺嘅花店中間，就入咗去食，見到價錢唔算太貴，我就嗌咗早餐b，有火腿通粉同埋雙蛋麵包，加一蚊就可以烘底，加多三蚊又有樽牛奶，就要哂佢地喇! 味道可以接受，而且食物上菜速度都好快，多士都好脆口， 煎雙蛋蛋汁啱啱好，可以點喺多士食。不過環境就唔可以期待太多，始終係茶餐廳嘛! 由於隔離係雀鳥公園，所以茶餐廳亦有位置比雀友有帶埋佢哋嘅寵物去入座，不過唔擔心係衛生嘅，食住飯都可以睇到唔同嘅雀鳥，都算係獨特嘅體驗。

話說鴨腿湯飯就算係上一代經典美食，今時今日都有好多老式酒樓有得食，但更多係煮得唔好食嘅。咁呢間都算係平價而好食嘅鴨腿湯飯。佢嘅鴨湯好香陳皮味，鴨都炸得香，又入味。呢個價錢絕對對得住大家。

雖然我去過花墟N次， 但係從來冇入過濠苑食嘢， 今日心血來潮， 想食件西多， 所以就入去幫襯喇。呢度係一間街坊茶餐廳， 冇搞豪華裝修，服務街坊大眾，有人情味。哈哈，真好！有我想食嘅西多， 正確名稱係"法蘭西多士"! 一個西多加一杯飲品……28蚊，算係街坊價！經典黑白奶茶杯！見到熱辣辣嘅西多， 已經忘記咗……高糖高脂……， 一片大牛油喺西多上面慢慢溶落嚟， 再加埋糖漿， 呢個就係我哋香港人食西多嘅基本步驟! 呢個西多好食，夠熱，夠乾身，唔會食到一口油！ 唯一可惜嘅係個心冇搽花生醬，而係搽果jam。

唔明點解呢間茶餐廳可以咁惡！黑面鬧客嘅阿姐服務員！不知所謂！從來未試過咁樣留言去講一間店！明白大家揾食難怨氣多！一忍再忍！買個外賣由我入黎黑面唔理到鬧仲話係我自己死入黎！問左一句就屈我無理！唔想同佢抝叫佢快啲佢同個水吧講我要食生嘢喎⋯⋯最後仲要話唔賣退錢！好彩咋快啲離開費事食到肚痛呀！幾年前路過都有黎買過外賣都知態度同食物係一般！三文治薄到呢⋯⋯如果唔係又係附近開咁早真係唔揀佢！今次真係忍無可忍！一朝早碰正啲咁嘅店全日都當黑呀！

仲keep到傳統港式茶餐廳由細係花墟呢度食西多食到大西多有火腿架通常我呢排lunch黎親都食鴨湯飯如果鴨湯飯賣成曬, lunch都有好多其他好傳統既味菜火腩, 洋蔥豬等.....好多雀友會帶雀會友, 雅座仍有地方掛雀籠地方係幾迫因為好生意黎呢度係懷舊食味道如果你要求舒服衛生寧靜既話呢度未必適合你了我果日既鴨湯飯可惜地羶湯飯分開上, 有半個鴨頭加鴨腿 或 胸冬瓜冬菇。湯味濃郁我當日羶既係鴨腿份。第ㄧ次飲唔完個湯

本人看了報紙的推介, 到了太子道西的濠苑試吃陳皮鴨腿湯飯.  到店時大約是12點15分,  此店很快便坐滿了.   陳皮鴨腿湯飯可算是一個懷舊功夫菜, 因為制作工序繁復.   這個陳皮鴨腿湯飯很好吃, 鴨肉煮得很柔軟嫩滑, 湯用冬瓜, 冬菇和陳年陳皮煮成的, 有陳皮的香味,  此湯有消暑的功效. 鴨肉和飯的份量很多, 非常好吃, 絕到是物超所值.  

細個成日同屋企人去酒樓食鴨腿湯飯，成日都好掛住陣味，可惜而家越黎越少有，可能酒樓都嫌功夫多又冇人食，所以唔賣。好耐之前睇左本雜誌介紹太子花墟附近有間茶餐廳每日限量賣唔知幾多盅古法陳皮鴨腿湯飯，即係想去試。早排終於一試，果然冇令我失望！餐廳格局都係一般舊式茶記，極多熟客。坐低叫左盅鴨腿湯飯，佢分開兩兜上，一兜係湯碗白飯，另一兜就係不銹鋼兜鴨腿湯飯！試左啖湯，好重陳皮芫茜味，之後將成碗湯倒入飯碗食，好滋味！鴨腿煲到淋晒，好香但係冇羶味，呢點好重要，帶羶味嘅鴨肉好難啃。夏天最好食湯飯，易入口，最後一個人差唔多食晒成兜飯！如果大家鍾意食鴨腿湯飯，記住去試下！

呢間野是回憶，是那些年會考過後下午茶的至愛回憶是美好的，同時呢塊炸豬扒都真係有料到架！外脆就有樣你睇，內鬆軟就真係要咬落去先feel到，仲要完全無梳打粉味，調味適中剛好，雖然成塊都炸但係食完都唔會覺得好油膩，完敗～幾熱氣都要食多兩舊！不過下面啲沙律就好一般，但係佢可以揀薯餅，應該會好味啲～西多張相就好靚，之但係佢宜家個內餡唔再用花生醬而轉左果jam，仲要係柚子味，sorry真係接受唔到，西多士絕對係要配花生醬架嘛！呢下真心失望左，不過佢都個包係炸得好味既，就算啦～都食晒。

香港實在太少地方有鴨腿湯飯食了，但偏偏是我的喜愛之一。朋友介紹性價比的鴨腿湯飯給我，近花墟和雀仔園交界，位置不算得上易找。終於到達後，外觀只是普通茶餐廳，裝潢亦較舊，但眼見門口有一兩份報紙報導其鴨腿湯飯。原樽燉鴨腿，一上枱就先聞其味，香噴噴鴨香、冬菇香、陳皮香和冬瓜甜。當然要先喝一啖湯，不油膩且清甜，燉得夠時間和火喉，鴨腿的份量不少，肉質不錯。十年陳皮沒有苦澀味，偷偷的將其他食材的味道提昇，冬菇和冬瓜都燉得淋甜，友人的確有好推介。值得一提是杯凍檸檬茶亦不錯，茶香，比很多連鎖店更為出色。

奶茶必點！我好鐘意黎呢間茶餐廳，因為佢鄰近花墟同雀仔街，一路行過黎處處花香，呢度係bird friendly既，食客可以帶佢地既雀仔入店內，聽到雀仔唱歌，鳥語花香，令人心情都特別放鬆。呢度既奶茶係我每次必點，因為佢茶味濃而不澀，奶又香又滑，奶同茶比例飲落好balance。仲有一樣特別之處，喺呢度賣個關子，內文再圖文並荗詳細話你知牛扒都係呢度整得幾好既食物，以茶餐廳黎講佢選用既牛扒肉質好，厚度中等，煎得金黃。所以兩個早餐都揀左牛扒。早餐A－牛扒麵餐$32雖然麵唔係出前一丁底，但有八成出前一丁既質素，唔會林pat pat。有兩片牛扒，足料！牛扒厚度都適中。早餐A－牛扒（洋蔥汁）配火腿炒蛋及方包牛扒同樣出色，我每次黎食水準都一樣炒蛋同火腿較為多油，洋蔥汁好淡味。輪到重頭戲奶茶啦！飲落口好暢滑，茶味同奶味互相輝映，因為佢濃度、撞落去既力度、同溫度都啱啱好，以上因素配合師傅功力就令到杯奶茶好似雙皮奶咁有一層皮喺面咖！奶皮慢慢形成可以"畢"得起的～我鐘意就咁食左層皮佢，哈哈介紹完美食，再比餐廳環境大家睇吓啦～門面餐廳內環境雀仔～～早餐餐牌鄰近雀仔街，旺角火車站經新世紀天橋一落轉左就見到間餐廳咖啦～

今天來介紹一下小妹平常吃午飯的濠苑。濠苑是一家菜式很簡單，但很有性格的港式茶餐廳，沒有特別的裝潢，不像一些連鎖式的"茶餐廳"。早上的時間，沒有酥皮蛋撻，但會有鮮菠蘿油。沒有衝忙的上班族，但會有一班已退休的公公婆婆。沒有茗茶開水，但卻有香滑的奶茶。可能靠近雀鳥公園的原因，很多雀友也會帶小雀鳥們來喝杯奶茶，吃個早餐，所以餐廳牆上裝有掛雀籠的掛位。因工作關係，小妹午飯平常吃得比較晚，大概下午四，五時吧，所以沒有雀友。這個時間店內比較清靜，只有一兩枱吃茶餐的客人。來多了，店員都習慣先給小妹一杯凍檸茶少甜。這裡的菜式，小的大部分都吃過了，很多時我也會吃一碗什錦湯烏冬。噢！不得不提，他們的陳皮鴨腿湯飯頗有名氣，聽說全部都是前一晚開始燉煮，令鴨湯味更特出。小的也有吃過一至兩次，除了鴨腿肉因燉久了略嫌老了點之外，其他的味道都十分好。但可能因番熱需時的關係，大概需時十五分鐘，所以今天小妹吃了個簡單的芙蓉蛋飯，少飯少蛋。很奇怪為什麼我下單什麼都要「少」？因為據經驗，即使我要求少飯少蛋，來到的，依然是巨蛋！你看看圖片，是巨形煎蛋沒有錯吧！蛋入面有大量芽菜，葱花 ，蝦仁，叉燒…配上甜鼓油，味道鹹甜交雜，令人胃

近日迷上了種香草,不時來到花墟學行下學下野,今日早左來到,行到四點左右已經好肚餓,記得之前行過一間茶餐廳,舊舊地,人很多所以上次沒試.而家租金咁貴既情況之下都生存都一定係好野, 個肚一響就諗起佢,嗱嗱臨去試下.今日竟然唔駛等位,好開心.第一次去一個地方通常都係試D基本野,於是便點了西多士.明顯是新鮮炸起,沒有翻炸,中間搽了果醬,唔會太油膩.食完雖然唔夠飽,但都幾滿足. $23真係幾抵食!

o係九龍塘同太子交界番工最慘就係無茶餐廳，有時想o係番工之前嘆番杯奶茶都無選擇，所以把心一橫openrice搜尋左，原來遠在天邊，近在眼前。o係新世紀長電梯落黎既對面馬路就有間濠苑。一入到餐廳覺得好古老呀，但真心別有一留風味，睇黎有雀籠架既可以列入歷史特色之一，食食下都聽到有個食客既雀仔吱吱吱。我叫左個早餐B，加1蚊要多士，加2蚊轉凍飲，埋單＄27。火腿通粉個湯底幾有味道，有肉味，而且有好多白色既油脂點同肉既分秘，睇黎都有用肉／骨煲過下。個通粉雖然係無坑既，但軟硬適中，吸收了湯 。多士脆而不硬，而且兩邊均有擦左牛肉，有用心 兩蛋望落係較熟，但食食下仍然發現有生既蛋黃流心，真係蛋太軟 有時真係放眼望遠D，係會發現到更多既野既!