瀛一 (已結業)

#瀛一大圍既搵食市集原來好多野食小編試左個海膽玉子燒海膽有三大舊，唔算好腥都係40幾蚊，性價比算高玉子口感比較結實，好重蛋味勝在沙律醬夠多，好 Juicy另火炙三文魚芝士反卷有成六件反卷，仲要大大件真係好抵食壽司飯比較乾身，三文魚都比較細粒但沙律醬同芝士都勁多，好重芝士味

有幾大@瀛一 網址: https://s.openrice.com/QrbS0P20900 地址: 大圍村南道45-47號搵食市集地下5號舖 電話: 63603087 大碗飯果然大，$56 和風豬軟骨，漢堡扒，帶子 ，連汽水一杯，心動的定價，豐富的料子。軟骨入味爽口，肉嫩多汁，瀂水汁帶甜確實是撈白飯之佳作。漢堡扒兩面煎香，加了適度肥肉打成唔會乾。仲額外加了$19 厚燒玉子，玉子下了糖特別好味，嫩嫩甜甜的，又煎疊的厚身呈長形，適合一買即食。難怪我買回家給媽媽，她都讚唔錯，叫她估幾錢佢值估值$70， 連飲品不過$56，樓下小店比較有驚喜，怪唔之得地下勁多人，超難搵位（我都是因人多帶走）

星期日中午時間黎到大圍搵食市集地下呢間瀛一，好好生意，堂食外賣都超多人，要攞牌仔等叫號碼，見咁多人就知唔伏，所以就決定食呢間。超多選擇，有飯卷、手卷、刺身、壽司仲有定食，望到眼都花啊。揀左呢度推薦既火焰芝士軟殼蟹飯卷（$36）- 炸軟殼蟹炸得夠香口，卷入軟軟既飯入面， 面頭加上日式芝麻醬，口感豐富，果然係呢度既招牌。 玉子飯卷（$18） - 切開有成六舊，幾抵食，面頭一樣有日式芝麻醬。辣味三文魚手卷（$26）-  黎到見到一塊塊新鮮魚生，無理由唔叫返個魚生類食物，辣味三文魚唔算辣，對唔食得辣既阿媽黎講都叫接收到。

成日經過見到都好想試終於都忍唔住去左食叫左個set同海膽甜蝦手卷Set入面有個三文魚手卷有麻醬冷面 沙律 玉子同4舊壽司麻醬涼麵係岀乎意料地好食海膽甜蝦手卷真係不得了以為只有面個層有點知一落食 原來中間都仲有海膽真係超滿足 超驚喜一定會再食多次🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣

呢一間瀛一 好多學生幫襯 好受歡迎 搞到我都等左好耐先有得食呢段時間我就影咗好多靚相 佢啲魚生好新鮮 唔會放得太多 顏色都好新鮮帶子都好大隻仲有北寄貝 蟹柳 同玉子 佢個雪櫃已經好吸引 流晒口水佢冇嘢飲買但係有茶供應有豉油 同Wasabi油 自助形式叫咗炸蠔即叫即整 有四大隻 炸到金黃色 未食都知吸引炸軟殼蟹反卷 配上沙律醬 蟹子 壽司飯軟熟軟殼蟹同壽司飯嘅比例都一半一半我點咗好多佢個wasabi 油 好得意 佢個碟上嘅wasabi 都有修飾過 係葉子來的 有心思

今日黎到大圍市集搵食，決定要試我最愛既菜式之一：壽司。呢間灜一有壽司，卷物，刺身，丼等，決定一試卷物。因為有我鍾意既芝士呢個火炙芝士蟹棒反卷同吉列豬扒反卷，火炙芝士蟹棒反卷面層芝士燒得半溶，配上沙津醬和蟹籽，芝士令卷物味道提升，香濃惹味；吉列豬扒反卷炸得豬扒香脆，唔乾身又唔會過老，配合沙津醬和蟹籽，大啖大啖食到好滿足卷得好好，壽司飯不易散，新鮮又飽肚。火炙芝士赤海蝦手卷，赤海蝦肉爽口彈牙，鮮甜，配合火炙過既芝士，令味道香濃有層次，配上爽脆青瓜，份量較大，紫菜脆，食一個都夠晒飽下次會試埋丼午市有定食添，連冷麵都有，好抵食呀，下次要試埋

今次試呢間，想食下日本野。講下個火炙佐口魚先，其實唔差，但自己本身中意食燒足既火炙佐口，而呢個係燒左一半所以下半邊係韌身既，但香味都仲係到。個炸豪係脆口既，應該即叫即炸(所以都等左陣)？唔差～個軟殻蟹反而覺得冇脆口既感覺，但點佢既wasabi 豉油都ok

信義妹愛海膽，但有好一段時間都無食啦~一來獨樂樂不如眾樂樂，要信義妹係啲細既面前食，佢地又無得食我又唔鐘意。二來得兩公婆食咪要半夜食。。。。。半夜有得瞓都揀瞓啦~無得瞓都係忙到嘔邊有時間歎海膽呀。。。。。 結果有一次小卷可能聽到信義妹同朋友咁講，就話上次睇到搵食巿集有間應該有架~ 我會控制自已唔食架，但你俾我聞下啦~~~哈哈哈~ 仲話佢會照顧小立唔俾佢食~ 一家都係為食的。。。。 既然係耐力戰，就一試吧~ 當然都會叫一啲小朋友都啱食的呢~豉油同勁辣芥末油係自己裝既 但信義妹就覺得個勁辣芥末油無咩料到啦............... 玄米茶 香而不澀 日式冷麵 $20 有麻醬或者祕制辣醬選擇。信義妹就選了麻醬，麻醬跟麪的份量剛好，唔會太多，搞到唔知係食醬定係食麪。又唔會太少，搞到啲麪無咩味。有蟹柳同蟹籽作餸。麪唔會太淋，有彈牙口感~整體都不差啊！ 軟殼蟹反卷 $30 一客4件。份量唔算多，但飯跟軟殼蟹的比例恰當。飯唔會好酸，粒粒分明，唔糊口。軟殼蟹外脆內軟，味道唔會太鹹。包在內的紫菜提升了香氣。 半板海膽手卷 $49 來到信義妹最期待的海膽啦~其實都揀了好耐，究竟應該揀邊款好！含有海膽

「瀛一。平食全板海膽」食飯行經搵食市集就叫咗一個全板海膽嚟滿足下自己點單後，拎咗號碼牌就可以搵個位坐呢到係似foodcourt自己隨便坐等咗幾分鐘就有得食喇！海膽方面，明明叫咗全板海膽但唔知點解上半板係有光澤、比較新鮮，另外半板就色澤比較暗啞、有少少出水，好似唔係太新鮮。食出嚟嘅味道都有唔同。上半板味道鮮濃，有甜度。但另一半就甜度一般般。紫菜方面，有紫菜香味，同埋仲脆，唔錯！壽司飯方面，醋味適中，但飯粒偏軟身。食完好滿足

嚟到大圍搵食市集第三擊中午的時間，市集內有不同美食選擇，我們選擇「瀛一」叫了兩個午市定食套餐，角切魚生丼定食（$58）🍱份量十足，飯面的魚生很鮮甜新鮮，另配綠茶及玉子，不得不讚，玉子好好味，必食。這個定食，食2/3已經好飽。🤩刺身冷麵定食（$88）🍱🍣魚生厚切，非常新鮮肥美，有鮮味，以這個價錢而言，算是不錯。帶子亦非常厚身，味道鮮甜。總括而言，在美食廣場有這個質素，算是不錯。👍🏼👍🏼

食完下午茶，行咗一陣商場。未到正餐又有點肚餓，結果去地下呢間舖揀食。朋友揀咗海膽帆立貝手卷，我揀三文魚腩手卷、三文魚腩握壽司及油甘魚腩握壽司。我同朋友望見份量，第一時間講：咁大件？點寫夜晚呀？帆立貝有2件又大件、飯好多、海膽又大舊，鮮味十足。不過兩個手卷都有弊病：紫菜唔係脆的。有點可惜。2件握壽司都幾正常、壽司醋味過適中，但飯有點兒實。三文魚腩刺身都好新鮮，不過油甘魚腩咁油甘香，敗筆！WASABI整到好似1塊綠葉，幾有創意及心思。整體嚟講：都可以接受嘅。

同朋友來到大圍，當然要來到Ｆｏｏｄ　Ｃｏｕｒｔ—搵食市集開餐啦！這裡真的什麼菜式都有，好適合一大班朋友來自選想吃的類型！這是日式手卷呀，本來就很喜歡吃手卷、壽司，這次點了半板的海膽手卷，哇，海膽超足料，而且即叫即製，紫菜都是脆脆的～海膽都很新鮮，不苦，而且有淡淡海水味，價錢又不貴，質素還要很好！推薦呀～而且白飯是有壽司醋，並不是純白飯，這已經加分啦～雖然鋪面細細，但絕對是五臟俱全，什麼味道的手卷應有盡有，連小卷都有數款可以選擇，十分好～

去搵食市集搵食 見到呢間日本野主打芝士同海膽既反卷同手卷 作為芝士控即刻比佢吸引左 其實都好想試海膽 不過都係決定食左芝士試下水溫先火炙芝士三文魚手卷第一下既感覺係 咁多沙律醬😂食落都係一口沙律醬 少少遮蓋左芝士浸味><如果少d醬多dd芝士可能仲香口 三文魚有幾塊好大塊既 份量好夠 係有燒過熟左同生既三文魚 食個手卷食完好飽肚火灸芝士饅魚反卷好多芝士係面呀！不過都係個句 少d沙律醬就好啦 反而燒汁（？）提升到成個反卷既味 食呢個完全唔使點豉油鰻魚比起岀面一般反卷大舊好多 比例上飯都好多 食落去沙律醬芝士味燒汁味饅魚味mix埋 好多種味道

見有間日本嘢，望個餐牌都覺得會好食，就……叫左《角切魚生珍寶赤蝦飯》$69炸😋隻蝦大到半隻筷子禁長，重好鮮美魚生都好鮮，重有爽爽新鮮青瓜絲係魚生下😶心諗美食廣場喎，古唔到都有禁新鮮嘅重要幾十蚊（如果出旺角食同一樣嘢，無百幾二百蚊都食唔到，同一碗嘢啦無計加一喎）#茶，任飲，重要係有茶香茶色嘅（出面d餐廳d茶淡過鬼如水）#重要芥辣油提供，痴線架，連支油都堅過人，幾滴都已經標曬眼水好似玩緊獎門人禁🤣笑死我朋友（出面個d多數無feel得個樣）#份量大到食左2/3就飽，哈哈魚生嘢當然要食曬啦#必會再來食，已睇中手卷系列😋

食物種類好多，有魚生同熟食有套餐，學生仲有優惠添魚生好新鮮我就叫左三文魚刺身同埋玉子三文魚好新同埋好肥美，厚度都好好 唔會太薄，好有口感玉子加埋面頭嘅醬汁好好味呀！