瀛燒居酒屋

营业中

休息中

荃灣瀛燒居酒屋，位置近荃灣西鐵站。餐牌提供串燒、玉子燒、燒物、炸物、刺身、佐酒小食、鍋物、食事，飲品有生啤、清酒、日本威士忌、無酒精飲品等。生薑醬油魷魚：魷魚煮得很軟腍，醬油調味出色。稻烤半熟鰹魚：相當厚切，輕微烤熱後更添風味。自家手作雞肉棒：雞肉和雞軟骨比例平均，配上濃郁蛋汁，味道有驚喜。阿波尾雞胸軟骨：爽彈程度比普通雞軟骨更出眾。阿波羅雞頸肉：肉質非常嫩滑，油香十足。雞腳筋：燒得香脆，很惹味。串燒牛腸：入口有嚼勁，佐酒一流。串炸日本白板魚蛋：彈牙好味。串炸沙錐魚：魚肉鮮甜飽滿。串炸鵪鶉蛋：蛋質好滑溜。串炸煙燻芝士竹輪：芝士和竹輪既味道好夾。飛魚籽玉子燒：玉子捲住飛魚籽，層次感豐富。黑豚豆腐鍋：黑豚肉肥瘦均勻，加上大量蔬菜，令湯底很清甜。長野巨峰Sawa：酒味輕柔，食串燒唔少得。青蘋果特飲：口感酸酸甜甜。總結，餐廳食物有質素，店員有禮貌，送餐時會作簡單介紹，我哋呢餐食得很滿意。

臨近聖誕前最後一日同frd撐枱腳🎄因為正日一定要留黎陪另一半過架麻😂今日個frd就拉左我去荃灣依間居酒屋，周圍都係日本風既裝飾，燈籠，清酒，勁有氣氛🤓menu都好多選擇，串燒鍋物刺身小食樣樣都齊，味道都不錯喔👍🏻✨壽喜燒牛肉鍋 $168勁多料😋有冬菇，雞髀菇，金菇，洋蔥，唐生菜，娃娃菜，京蔥，粉絲，壽喜燒湯底甜度適中，牛肉唔算多但都好好味👍🏻菇類同蔬菜索哂湯汁勁甜，粉絲彈牙爽口，一鍋齊哂我最鐘意食既蔬菜，冬天溫胃又滿足，壽喜燒汁就是正！😍✨串炸牛蛙肶 $32牛蛙肶炸得外脆內嫩，肉質嫩炸粉輕，而唔會好油膩，啖啖肉香，蘸少少串燒汁更加好味😜✨串炸三文魚親子串 $38三文魚外層炸得脆口，包住勁香嘅三文魚肉，三文魚子爆口嘅鹹香配上沙律醬嘅蛋黃味🤤超級滿足，而且好大舊，串炸三文魚食法都幾特別🤔✨飛魚籽玉子燒 $98玉子燒質感層次分明，裡面鋪滿飛魚籽，鹹香味搭配清新的蘿蔔蓉，口感豐富😙✨活赤貝刺身 $58/隻我特別鐘意食貝類刺身，因為特別爽脆彈牙，依款活赤貝好新鮮，輕沾豉油同wasabi，突顯貝類鮮甜，好好味‼️✨刺身三點盛合 $138三文魚油脂豐富滑嫩，油甘魚同帆立貝都好鮮甜，刺身質素唔錯😏新鮮之

大家好今晚到了荃灣既瀛燒居酒屋裝修都好日本風食物方面都幾多元化由刺身 串燒 炸串 到鍋物都有首先點左飲品蜂蜜綠茶同埋白桃燒酎首先上左前菜係煮茄子見到有葱 七味粉同木魚調1茄子食落都無渣接落來先上左味增廣島蠔鍋等佢滾左放蠔有五隻廣島蠔而且都幾大隻同味增既味都幾夾同埋有幾多菜都係同個味增湯一齊食幾夾跟住係刺身三點盛合分別係凡立貝 油甘魚同三文魚都係厚切同幾新鮮跟住就係炸串有三款有牛蛙肶日本白板魚蛋同埋三文魚親子牛蛙肶肉比較嫩滑而三文魚用炸串來做法就同刺身唔好幾好食仲有就係試埋呢度既串燒明太子雞翼自家手作雞肉棒 雞軟骨雞翼等等我比較鐘意雞肉棒同埋明太子雞翼都係無骨因為啖啖肉而且係自家制而且仲有蛋汁可以點來食最後食埋鰻魚玉子燒蛋都夠厚同滑夾左鰻魚來調味同點埋個蘿蔔蓉來食都幾好食總括呢間店比較適合鐘意食串燒送下酒而且食物種類都幾多而且都唔錯

作為香港居酒屋探索者，今天去了位於荃灣的瀛燒居酒屋。店內充滿日式風味的街招外牆和日式裝飾，別具特色。店內更有兩層，樓上更有飛標作娛樂用途，真的可以一邊品嘗食物，一邊和朋友娛樂歡聚。雜錦海鮮米紙卷這前菜有一種越日fusion的感覺。表皮的米紙卷口感煙韌軟糯，帶點軟韌，內面為鮮三文魚、青瓜絲、蟹柳等，味道新鮮。清酒煮大蜆清酒會即時大火煮過和燒熱，然後再慢慢加上大蜆作烹煮。大蜆肉質鮮嫩有咬口，充滿清酒的味道。阿波尾雞胸軟骨雞胸軟骨口感爽脆，還有經過香燒的雞肉一起進食。雞肉棒雞肉攪拌後，加上雞軟骨，口感有爽有軟，非常豐富。黑豚腩串豚腩肉肥瘦均勻，香到油香味 黑豚豬頸肉豬頸肉的口感堅實，卻帶點油香味。鰻魚玉子燒

呢間日式小店環境嘅帶有濃濃嘅日式氛圍，燈光暗暗地好有情調，2樓仲有飛鏢、街霸機可以玩，非常適合同朋友邊飲邊吹水。三點盛合 (三文魚、油甘魚、赤身)三文魚入口即化，油脂豐富；油甘魚帶有少少甜味，肉質滑嫩；赤身則係另一種清新感，魚味濃郁但唔會膩。配埋少少山葵，鮮味即時爆發，開場已經好滿足！味噌廣島蠔鍋蠔好大隻，肉質鮮甜肥美，一咬就滿口鮮味，完全冇腥味。味噌湯底濃郁，帶有豆香同海鮮嘅鮮味，配埋啲蔬菜同豆腐串燒：牛肋筋、阿波尾雞頸肉、雞腳筋、牛舌芯、雞胸軟骨年糕魚餅：炸得金黃香脆，年糕煙韌、魚餅滑嫩，食得出層次感。煙燻芝士竹輪：竹輪夠彈牙，煙燻芝士濃郁又香口！飛魚籽玉子燒：蛋香濃郁，飛魚籽粒粒爆開嚟帶出鹹香同口感，非常滿足。青蘋果特飲：酸酸甜甜，青蘋果香氣十足，清新解膩，幾特別。山梨白桃Sawa：白桃香味濃郁，氣泡感啱啱好，飲落又甜又清爽，特別適合配串燒。

瀛燒居酒屋位於荃灣，呢種即叫即燒嘅食肆真係晚飯宵夜一流～飲杯酒relax下，同朋友傾偈夠晒chill。今次叫咗幾款下酒菜佐酒，特別推介辣酒子花螺真係好惹味！個汁調配得好香口，辣辣地加上酒將花螺本身嘅鮮味迫晒出嚟。嚟日式居酒屋就梗係要試吓呢度嘅刺身啦～嗌咗一份刺身五貫，牡丹蝦超級鮮甜！北寄貝都好新鮮好fresh free，其他三文魚等等魚生都好香魚油味夠晒厚切，食材上乘絕對係呢度嘅招牌菜😋其他蛋卷同炸天婦羅、魚蛋等都好出色，炸物外脆內滑，鎖住肉汁唔會太乾，而且炸粉唔會太厚恰到好處。食完想叫份碳水填飽個肚，叫咗兩個漬飯糰食埋就啱啱好～非常滿足。居酒屋當然要講講啲酒啦，high ball有可樂提子等等味道，甜甜地好易入口，微醺得來唔會太醉，收工relax下啱啱好~推介大家不妨嚟試吓呢度嘅燒物同埋飲番杯，包你食過返尋味🤩

聽朋友推介過呢間居酒居，原來已在荃灣區屹立五週年了，今日約友人放工後一齊happy hour 下先。活赤貝$88好新鮮，爽脆鮮甜，味道唔錯！服務員推薦5週年特價1元日本乒富生蠔（每人限購2隻）共訂了四隻，併成刺身盤，賣相吸引😍😍雜錦海鮮米紙卷 $78好清新的組合，有青瓜、蟹柳、魚生、份量十足。網燒頂級牛肋骨$298攞盤都好精美，牛肋骨味道唔錯，岩鹽磚可按個人口味調較咸度，特別欣賞焗蒜頭作伴碟菜！ 炸串鵪鶉蛋$22 炸串三文魚$38海膽甲羅燒 $108濃郁的蟹羔蟹籽配合飯團，讚👍1元日本乒富生蠔五週年感謝祭，兩隻作刺身，兩隻選蒜茸焗，生蠔肥美可口，個人較喜歡刺身，加1元換購真係好抵。99元任飲 啤酒或清酒（五週年感謝祭）好抵，單叫一杯黑啤要68只要飲2杯已經回本，有黑啤、白啤及清酒任君選擇。（五週年感謝祭 直至25-11-2024）總括來說，食品種類多，很多酒類飲品，是一個與同事放工小聚happy hour 的好地方。#一杯入魂#滿腹滿足#佐酒小食#酒之放題

位於荃灣嘅「瀛燒居酒屋」,真係一個好地方,好適合同朋友聚埋一齊傾偈、食好嘢!首先,我試咗佢哋嘅「蟹肉蟹糕米紙卷」。呢個米紙卷包住咗鮮甜嘅蟹肉,外面包咗一層薄薄嘅米紙,一咬落去,蟹膏嘅鮮味瞬間爆出,配上少少醬汁,真係好開胃!然後就係「飛魚籽玉子燒」。呢個玉子燒做得非常滑,上面鋪滿咗飛魚籽,每一口都有一種海洋嘅味道,好繽紛又好味,真係值得一試!接住試咗「辛味噌牛筋肉鍋」。鍋底嘅辛味噌湯底好濃郁,牛筋肉煮得軟爛入味,係好好食嘅牛腩味，搭配埋粉絲，豆腐同蔬菜,每一口都好滿足。呢個鍋好適合寒冷嘅天氣,食完真係暖心又暖胃!再講返「上刺身盛合」。魚肉切得好厚,咬下去鮮甜。配埋一啲醬油同山葵,完全可以感受到海鮮嘅原汁原味。至於串炸方面,我試咗「日本白板魚蛋」、「雞肶肉」同「三文魚親子串」。每串都炸得金黃香脆,特別係「三文魚親子串」,上面仲有飛魚籽,一口咬落去好香口,超享受!飲品方面,我選咗「巨蜂提子sawa」,酒加上提子,味道清新又爽口;仲有「蜂蜜綠茶（熱）」,熱熱地飲真係好舒服。最近餐廳做緊5周年優惠，好抵食，有$1/隻日本生蠔； $99 無限時任飲酒； 食夠$1500 送大吟釀。好抵食！最重要係,

收工帶同事去居酒屋食晚飯，叫咗好多嘢食，都好唔錯，傾下計又過咗一晚餐廳格調好日本風，滿滿嘅燈籠同招牌，好似去咗日本一樣😎✨飲品✨首先叫咗兩杯飲品，同事唔飲酒就叫咗提子特飲，而本人就叫有酒嘅山梨白桃sawa特飲。飲落完全做果汁一樣，淡淡嘅果香味，好適合配各款美食佳餚✨味噌廣島蠔鍋✨店員首先遞上gas爐，入面裝住唔少蔬菜，有金菇、冬菇、椰菜等，配上味噌湯底。等湯滾後，先食蔬菜，再加上廣島蠔。廣島蠔大大隻，成隻手掌咁大，仲要好鮮甜，有成六舊咁多🤩✨雞皮餃子✨呢款餃子形狀好特別，用雞皮代替餃子皮，咬落肉汁飽滿✨串炸✨有年糕魚餅、鵪鶉蛋、田雞批。最欣賞年糕魚餅，外層酥脆，裏面有煙煙韌韌嘅年糕，口感豐富。✨各式串燒✨有雞中翼、牛腸、日式免治雞肉棒配上生雞蛋，牛腸完全冇內臟嘅味道，好脆口；免治雞肉棒裡面配上一粒粒嘅雞軟骨，沾上生蛋漿，簡直完美。飯團就好似食飯焦一樣，十分有米香😋燒茄子更加誇張，大大條，十分滿足🤩✨刺身✨最後梗係唔少得刺身啦，有三文魚、油甘魚、帶子，帶子大大隻好鮮甜，其他就正常水準👍總體嚟講，一間好高質嘅日式居酒屋👍

今日行開荃灣廣場，之後就想同朋友去食一間隱世嘅日本居酒屋。呢間日本居酒屋店內的裝潢充滿日式風情，俾人一種親切的感覺，氣氛相當放鬆，適合與朋友小酌一番。木質桌椅和裝飾營造出傳統的居酒屋氣氛。我哋揀咗幾樣嘢都好好味：✨三點盛合（三文魚，油甘魚，帆立貝）呢度嘅刺身相當新鮮亦帶著淡淡嘅甜味，配上醬油和芥末，讓人欲罷不能。三文魚同油甘魚肥美鮮甜，帆立杯啖啖肉。✨自家手作雞肉棒（必試），雞頸肉，雞軟骨佢哋嘅串燒，非常美味。雞肉棒烤得剛剛好，內裡仍保持多汁，搭配特製的蛋黃醬汁，口感鮮嫩，令人驚艷，值得推薦。雞頸頸肉同雞軟骨都保持一貫水準，好味。✨辛味噌牛筋肉鍋呢個味噌牛筋肉鍋，牛肉味道濃郁，配搭唔同嘅新鮮蔬菜和菇類，尤其是佢嘅金針菇同粉絲，吸收了湯底的精華，口感鮮脆，和牛肉搭配得恰到好處。佢個湯有少少微辣，令味道好有層次。✨串炸雞髀肉，鵪鶉蛋佢哋嘅雜物都好出色，雞髀肉入邊鮮嫩外面酥脆，鵪鶉蛋更加唔使講，加埋佢啲醬汁，食完仲想再食。 ✨生蠔罐罐燒呢一味餸好特別，佢哋將生蠔放喺個鐵罐入邊，侍應仲叫我哋快啲趁熱食。啲蠔煮熟咗都仲係大隻，鮮甜，好特別嘅煮法，值得一試。另外，我哋叫咗兩杯汽酒Sawa. 一杯係

食物質素好普通，對唔住個價錢。最難食係鍋物追加嘅牛肉，一碟好似切完唔要嘅頭頭尾尾咁，唔係完整一片，係散開好碎咁，食落舊舊都係根，食落仲衰過吉x家啲牛肉。埋單我哋2個人都食咗$500，上網話可以碌卡，佢最尾同我哋講$600先可以碌卡，$500要俾手續費。未見過一間餐廳$500碌卡都仲要俾手續費，咁你不如唔好整卡機啦！問佢有冇PayMe、FPS又話冇⋯我睇返啲食評見到有食客諗住俾Wechat pay，又係要收手續費⋯後尾我先知商戶向信用卡卡主收取信用卡手續費，或設簽賬低消費額，都係違反信用卡組織嘅指引要求。 信用卡卡主應該拒絕向商戶支付簽卡手續費，並向發卡機構舉報！做生意做到咁唔老實，永久blacklist！

雜錦海鮮米紙卷 $78米紙卷新鮮可口，裡面包裹了三文魚、吞拿魚、蟹柳和青瓜絲，口感清脆，原來米紙跟刺身非常合襯阿波尾雞心 $29阿波尾雞心外焦內嫩，入口彈牙，非常入味阿波尾雞肝（半熟） $29 阿波尾雞肝的口感柔滑，半熟的狀態讓味道更加鮮美，搭配的醬汁提升了整體味道，牛腸 $30牛腸的嚼勁十足，香氣四溢，調味簡單，讓牛腸的天然風味得以保留，喜愛食內臟的朋友一定會食不停口番薯 $28小番薯外脆內軟，甜味適中，吃起來非常香甜鰻魚玉子燒 $98鰻魚玉子燒柔軟滑嫩，鰻魚的鮮香與玉子燒的甜味相互融合，入口Juicy鯖魚一夜干燒得外皮微焦，肉質鮮嫩多汁，簡單調味帶少許咸香，灑上檸檬汁更令味道提鮮特色燒飯團 $58飯團外脆內軟，米飯的香氣濃郁，加入飯素調味更香口黑啤 $68蜂蜜綠茶（凍） $32

係荃灣食到地道既日本菜,首先叫左杯自家手作梅酒,仲有一粒梅,梅酒芳香甘醇,非常易飲。我叫左d小食,同佢好夾,叫左幾個串物,有白板魚蛋、一口和牛、牛蛙蚍等,炸既方法鎖住左肉汁,好味道,白板魚蛋味道同普通果d唔同,好好食。海鮮米紙卷有酸酸味味既醬汁,食完胃口大開,青瓜切到一絲一絲,好正!蟹甲羅燒飯團都好吸引,蟹膏本身好濃味,同飯團一齊食,超正!燒到好香。酒盜芝士冷豆腐有酒盜好特別既味,一濃一淡相當夾。

今日放工，朋友帶咗我嚟位於荃灣嘅「𤅗燒居酒屋」，餐廳環境舒適企理，牆上佈滿日本海報，令人置身於日本居酒屋一樣⋯酒盜冷豆腐鹹鮮嘅酒盜配上清甜嘅豆腐，兩者味道相互配合，感覺唔錯⋯三點盛合（三文魚、油甘魚&赤身）單睇賣相件件新鮮又厚身，而且食落鮮甜。串炸（鵪鶉蛋、年糕魚餅、煙燻芝士竹輪&三文魚親子串）炸得酥脆，配上醬汁，外脆內軟，咬落十分鬆化。自家手作雞肉棒表面燒到焦香，肉質軟腍，且咀嚼起嚟有口感，蘸上蛋黃醬汁，香口滑溜。阿波尾雞翼肉質鮮嫩、可口，外皮燒得燒得香脆，而內裏非常juicy，推介！味噌廣島蠔鍋味噌味道唔算太濃，啱晒我口味！配上鮮甜可口嘅廣島蠔，十分滿足。而且配菜同粉絲索晒湯底嘅精華，好好味。特色燒飯團飯團外層燒得香脆，內層Q軟，咬落去外脆內軟嘅口感，感覺幾特別！黑白啤容易入口，口味較柔和、爽口。白桃特飲白桃味香濃，清甜爽口，幾好飲！

去左外國讀書嘅朋友返咗嚟香港，約佢去呢間咁有日本氣息嘅居酒屋，佢都非常滿意。三點盛盒，三文魚，油甘魚，赤身各2片，大件又新鮮滋味。松葉蟹肉玉子燒，比起一般玉子燒更加好味，加咗松葉蟹肉，食落多少少鹹香，味道有層次又豐富，即叫即製玉子嫩嫩，好食！海膽甲羅燒，又係非常滋味，一定要食！海膽同蟹膏香口，濃郁獨有嘅香氣係口腔蔓延，啖落仲有粒粒蟹籽嘅脆口，配埋煎香咗嘅飯糰一齊食，啖啖好滋味！辛辣味噌牛筋肉鍋，呢個預期之外嘅好味，估唔到牛筋肉同味噌係咁搭配，之前未試過，有少少辣味，好入味。仲有加咗韭菜，蔬菜，金菇同埋粉條，吸晒湯汁。串炸，揀左日本白板魚蛋，雞髀肉，鵪鶉蛋，秋葵同三文親子串。日本串炸好有特色，魚蛋qq彈牙，鵪鶉蛋又夠香，三文親子好特別，入面係嫩嫩三文魚，外面有沙律醬同三文魚籽鋪面。邊飲白桃特飲同黑啤酒邊嘆美食，係呢個充滿日本氣息嘅餐廳聽歌傾計，真係非常滿足嘅一餐！