瀧澤日本料理 (已結業)

　　係度見到咁多個笑笑，咁我咪諗住佢都應該好好下......咁.咁咪滿懷希望咁試下佢LAW，點知......　　七點鐘去到，見唔到好以之前Ｄ人講咁有coupon派，不過都諗住無所謂啦！因為我們真係一心來會一會佢的，入到佢同我們講解buffet係食個半鐘，仲會係早１５分鐘前LAST CALL，到呢一刻我都覺得佢好OK既！或者先講下佢D食物先！小食：有中華沙律、八爪魚、螺頭(OK好味)　　　但係海折＜＝太淋　同蟹子沙律＜＝水汪汪同好希咁清酒煮蜆　好食有一個好似泡菜味炒八爪魚鬚......唔好食又鞋又靱天婦羅炸蝦　OKＤ爐端燒......都OK LA但係有一個牛舌唔知佢點整，佢竟然可以整到好似炆牛咁......個剌身OK 喎，白個白色的馬刀貝味道好特別，成個晚上我最回味的一味！至於其他剌身，三文魚同甜蝦都不過不失，但係個油咁魚切得太簿太碎，感覺上佢切到好似係出面食D角切魚生咁切得咁同咁簿......((告訢你一個小秘密，我發現我落剌身單時唔落油甘魚，真係會上得快好多KA))，至於其他煱物，都不過不失。到左接近LAST CALL的時間，我隔離張埋個男仔埋單走左，掉低左張COUPON係枱面到，

148+10%, 我地等位時, 那位小時問我地有無coupon, 我地話哎呀! 無帶, 佢話唔緊要啦! 每位平十元比我地啦! 真係好人啦!雖然位係迫夾左d, 同埋限時1.5小時, 不過我地都唔覺得好趕, 食到好飽好飽咁離去, 刺身好新鮮, 天婦羅唔錯喎, 牛仔骨, 蜆, 沙律....大部份食物品質有保証. 還送西瓜比我地吃哦!!!!

見到下面個人話d野唔好食, 我覺得佢應該好少去食既人黎.我自己都已經唔記得係第幾年幫襯瀧澤, 食到個waitress都認得我地兩公婆. 其實咁係一件好令人舒服既事, 起碼多左一份親切感係度.講返食物, 由我第一次食到而家, 我好清楚佢地係不繼有新野食俾人選擇. 當然唔係個個月都有啦. 不過對我黎講已經好好. 刺身 - 可能人流多既關係, 我未試過食d唔新鮮既刺身. 雖然種類唔算好多, 但係大路既已經有整.壽司 - 唔知大家有冇留意, 感覺上係即叫即刻手握, 所以水準唔差. 仲有手卷都係一個唔錯既選擇黎~前菜 - 大路既都有齊, 三寶 - 中華沙律/八爪魚仔/ 螺肉/ , 上親都唔會好似其他放題咁得個幾粒.揚物 - 即炸, 唔洗多講.料理 - 講真一般野, 無咩特別.但係我想講, 黃金時間(記得去之前扮路過, 係門口問佢攞左coupon先)$138+10%, 咁既價錢可以食到咁多款既刺身, 壽司同料理已經係超值. 你去 x祿 同 x氣 壽司, 都分分鐘差唔多價錢. 但係個兩間野既質數真係...算把啦! 所以而家我地兩公婆一想食日本野就唔洗諗, 自動行入瀧澤食飽飽~

我本人時常都食放題, 很少會為同一間食店encore.但此食店是我少數其中會encore的.因為其一是服務一流.食物質數中上級, 以這價錢.再加上食物款類都算多.魚生新鮮, 加上有喜靈魚... 及少許特別魚生.炸物一流, 即炸的!!!我見到有些少食評都話這間的食物款數不多,但我覺得這個價的款數算多. 我只覺得不可以跟200以上的放題作比較.服務一流得令我讚嘆, 我食的幾次都沒有漏單. 環境可惜的是(靠場的)二人枱太迫... 三人或以上就好好多. 在我而言, 如果能夠有liquor license就更好.有些人會好似我, 有魚生要配清酒.

服務真係的確唔錯e樣唔多講野食放面真係唔知想點 食物種類小 叫兩轉野食都唔想再食墨魚嘴食幾粒都唔想再食 煮發係點食完就知炸蟹粓重點既材料就係炸粉 完全沒肉 食完火滾芝士扇貝重衰 唔知係食扇貝定蟹柳 一d都感覺唔係扇貝係比芝士焗死但係優點都唔小間鋪好處人流小 星期日7點幾8點去食 都唔洗排到直入就得放便因為小人既關係間鋪夠靜 容易傾計 待應無野做可以隨時為你服務 不過不失

之前食晏試過一次，第一次食呢間任放題我食$128+10%時段，熱茶任飲、冇甜品、坐1.5 hrs咁早入座，計埋我兩個人先得十個人，但係落order後等左好耐先有得食第一輪刺身都唔錯，但係去到第二、三輪好差，有兩塊三文魚係怪怪地味 等左好耐，入兩次紙o既壽司終於有...不過唔掂炸蕃薯、粟米、野菜牛肉鍋、燒饅魚都幾好食至於等左成個鐘先黎到o既燒牛仔骨，幾香口，但咸同超un總括食物一般~不過服務唔錯，侍應都幾好禮貌

之前都黎過呢度食好幾次，但可能冇乜新鮮感喇，所以越點越少野食。總括黎講，百幾蚊都算咩都有得食，都OK啦！但刺身類我覺得太淋太濕，麻麻地新鮮！熱野就幾好味喎！由於食得好亂，都唔記得邊樣打邊樣，淨係記得細妹ORDER 多一次蟹棒，其他都係叫一次就夠！我諗如果第一次黎仲有新鮮感既時間，個半鐘真係唔夠時間食，因為佢有時出野都出得幾慢，我覺得真係要一次過叫多D先得！我每一次都係有同一個COMMENT，就係甜品太少！基本上佢淨係得一個甜品，就係芝麻丸子！太少選擇！

學生想食日本野有時真係幾辛苦無咩錢又想食啵呢間都係行行下經過見到幾平先入去點知有驚喜啵.唔貴仲要味道ok服務好好丫.好細心因為我好多生野都唔想食.個set佢幫我改到我岩食為止無黑面仲勁nice幫我諗轉咩sushi好d野上得好快.下次一定同同學再黎

其實已經去過好幾次瀧澤食飯因為有個帶眼鏡既姐姐真係好好記性，每次都會認得我個fd，好似識左好耐既朋友咁而且其他待應姐姐都好有禮貌，上菜又快~尋晚又同個fd兩個去有食野，俾左張近廚房既細仔我地坐，電視就係頭頂上面，想睇都睇唔到....一坐低就叫到成野，上菜又快到唔夠位擺orz馬刀貝好好味，不停再叫XD前菜呀，辣泡菜呀，蜆湯，之士帆立貝(？)好好味，三文魚、北寄貝、甜蝦刺身都好新鮮好好味~冬菇、蝦、獅子狗天婦羅又好好味，特別係獅子狗，下次一定要再食呀有讚當然有彈既果個咩八爪魚小丸子好粉，個牛肉好老，牛油雜菌全無牛油味，個瀧澤特卷入面係牛油果都唔好味，而且上面既海膽唔太新鮮；個稻庭甚麼冷烏冬完全唔掂，唔滑唔煙un彈牙，食一啖就已經唔想再食....最尾我地食在兩碟西瓜好愉快咁捧住個肚走百五蚊($138加一)食咁多刺身都抵返哂啦

星期一晚同友人去食放題慶生日3條友$423蚊埋單首先刺身因為個人唔食生野不作評論叫左天婦羅,牛肉鍋,芝士獅子狗,牛油帆立貝,燒帶子差唔多全部熟ge野都試晒同之前d食評一樣個牛排係最...另人失望我就覺得最好食係d天婦羅夠脆又唔會食到成口油(請係上枱後盡快吃)d手握壽司都唔錯件件都好靚仔唔會一夾就散企都企唔穩(用舊飯果邊去點豉油都唔散)友人傻傻的把個半鐘看錯為半個鐘一開波就大量剔野...因實個半鐘食一餐都唔係好趕姐因為d野都上得好快一如以上評論服務一流無話好似其他任食壽司果d黑面對待dwaitress個個都好專業收碟同上菜都會問下你唔會夾硬黎有電視又坐得舒服又唔洗睇面口先至百零蚊抵過去西9食任食壽司啦

難得今日下午不用上班, 中午可以與姊姊一起吃午餐, 我們選擇到這間評價不差的小店試試. 正值午飯時段, 人客很多, 但要找個兩人位也不難. 我點了網燒牛扒定食, 姊姊點了鹽燒鯖魚定食. 每份定食都有飯, 味噌湯, 和前菜餐飲. 味噌湯只是味噌加水, 無甚特別. 前菜螺肉表面有很厚的汁, 汁帶有甜味, 但螺肉本身甚麼味道也沒有, 質素像超級市場內賣的螺肉一樣, 不吃也罷! 主菜方面, 網燒牛扒煮得有點過火, 使牛肉變韌, 肉質變o鞋, 令人失望! 反而鹽燒鯖魚比較好, 魚本身不太鹹, 但肉有點o鞋, 有點乾, 也是有點煮過火, 不過比牛扒好一點. 如果對食物要求不高的話, 也可以來這裡一試.

星期六晚八點半到, 大概等了十五分鐘就有位最好的是留電話就可以, 不用呆在門口在日本放題來說食物還可以刺身不算很新鮮, 但仍然可以接受和男友二人更點了一個野菜牛肉鍋, 好味道服務方面我十分滿意刺身壽司之類的食物等候時間大概不到十分鐘熟食就自然花多一點點時間至於倒茶, 結帳等都很快手, 態度很好所以是次晚飯我十分滿意

這裡一向已是我午餐的飯堂，平，且有質素今天不想吃熱的東西，叫了粒粒魚生飯定食＄４８最貴的。有碗烏冬送，飯大小適中，魚生略嫌少了一些。不過最差在於豉油真係好似生抽咁好難吃敗筆

哈哈 // 星期4就同左同學仔係呢度celebrate b-day 我地9個人黎左呢度食野 .. 7點半book 左都有位 ..但係入到黎就full 晒啦 .. 我地9個人俾左8個人既桌我地 . .其中一個要坐接椅 =.= /\食物冇咩唔妥 .. \咩都食得落口 ..d野食黎得都好快 .. 食物種類都好多 . 環境好光猛 .. 睇落去唔dirty我覺得呢度d野真係幾好味 .. 最唔好係得1.5小時時限 .. 冇時間限制應該會食得開心d // waiter 態度都好好 ... 不斷為我`添水 .. 應該會同男朋友再黎過 ^^

前幾日去左龍澤到食~水準都冇咩變都仲係幾好~去到搵左2日位~之後開始叫野食了~刺身鐘意幾多片就幾多片~真係好free~樣樣都叫左d黎食~~環境幾好~加茶都加得好快~又有大tv~之後叫左三文魚壽司=3=~我將d刺身同個壽司換轉左~哈哈~好厚~口感好肥美~好滿足^o^~之後叫左天婦羅 ~幾香口~幾好食~之後叫左好多小食~食左1個鐘多d已經好餓了~傾多陣計抖多陣就走了~埋單~大約162蚊~如果食刺身食得多既話都幾抵食嫁~不過唔知佢幾時先有coupon