瀧澤日本料理 (已結業)

話說睇左食評話瀧澤日本料理好味,好抵所以就去試下啦講下呢度d壽司先d款都係大路野不過不失啦,我特別要講下個鰻魚手卷鰻魚細粒到................我以為自己叫錯tim............瀧澤卷ok剌身一般，三文魚唔夠鮮,蝦ok炸天付羅蝦好食,必叫!炸雞軟骨番炸既...........青酒煮蜆正不過坐位舒適,服務好加番唔小分2個人連加一大約$150

試過3間這類型日食放題, 暫時還是這間最好, 坐位又舒服, 上菜又快, 雖然只有一個半小時, 但已經非常足夠, 佢d 壽司d 飯唔會好大o舊, 刺身好新鮮, 招呼也不錯, 還會幫你換碟, 最好是每碟份量唔會太大, 令你可試多些不同種類的, 好可惜今次去沒有墨魚餅, 聽說很好味得, 過完年要再去食, 我也會推薦朋友去吃的,希望佢地能夠保持價錢和水準啦, 不過聽說下月會加價的. 但我覺得加價都抵丫

曾試過3間類似的日食放題, 一間是松屋, 一間是外野手, 最後是這間, 覺得以整體來說這間最好了, 服務都唔錯, 成日幫你收野, 仲會換碟, D 碟頭細細碟, 可以試多D唔同既野, 種類都OK了, 環境都唔錯, 仲有電視睇(雖然聽唔到), -.- 酒煮蜆好好味, 刺身都算幾新鮮, 我會再去的, 但起碼過完年之後, 唔係o禁食法會肥死, 都會介紹朋友去的. 希望佢地能夠維持質素!

琴日個fd 生日....本來想同佢去九代狂掃三文魚....點知930pm去到都要排隊...於是就行過去隔離間瀧澤睇下......記得睇過食評都話呢度唔錯,又見即刻有位...門口位姐姐態度又非常唔錯...就入左去....總括黎講,以$138任食來說,食物質數同選擇都係合格以上.....主攻刺身, 三文魚ok...其他的雪味也頗重,不過尚可接受.....金茹牛肉卷非常唔錯,其他食物都有水準....最一流既其實係佢既服務.....1.冇留單冇拖單, 比足份量你...任食來說係難能可貴...2.地方企理,又有部大plastma...3.在場3個waitress,都值得一讚.....3個也不算靚女,但不時保持著禮貌笑容,十分親切;自動自覺識收碟jump茶...有request都好快有回應;所有respson所有對答都有禮貌有笑容....有機會會再來~~

看見食評幾好特登和老公走去試一試，原來除咗任食重可以散叫，最後我們選擇了任食個半小時。食物一般可以接受，但係個牛肉烏冬真係要改善吓，湯底淡而無味，烏冬無口感，牛肉太老。不過服務真一流,服務員經常加茶，又關心問我們坐近門口會唔會很凍，拿菜落枱又會說出該餸菜名稱，就算某些食物差少少我都覺得值得再去。

天婦羅炸得好好!各方面好好!好過尖咀間漁火!

因為係平安夜的關係..都知搵位難..so見到ok而又唔多人等位ge就去食ga la..第一次食呢間..食物都唔錯..最滿意係我最愛的三文魚刺身正係好正..塊塊都夠厚身..炸物個d都好脆..有水準..d野食o黎得ok快..但因係限時個半鐘..所以食得有d趕急..另外..值得一讚的係侍應服務好..有禮貌..成日加茶..我會再去的..!!

我是朋友食過介紹去的, 在女人街內地點比較難找店子小小, 但坐落也很舒適侍應們招呼也很好, 笑容滿面之前也幫趁過這類放題餐廳.令我怕怕但這間食店令我對任食放題的觀感改變了食物方便魚生類很新鮮熟食方便也很好. 炸物小油, 燒物香口, 以138加一這個價錢去比較十分超值, 需然任食個半鐘但比起好多酒店既自助餐好幾倍, 去酒店食自助餐無非要一班人吹水食幾粒鐘, 我零願去這裏食飽再去cafe 吹水,( 因最近去了灣仔維X酒店食自助餐,沒乜野可以放落口, 都要二佰幾

想不到吃什麼, 隨便走走吧!見這間係女人街來說的日本料理尚算企理, 光猛, 試試吧!仲有9:30後放是為$118, 太抵了. 一向這類放題我多以熟食為主, 因剌身質素總欠理想. 當然啦, 一分錢, 一分貨嘛. 是次點了各式各樣的小吃, 我想有二, 三十款吧. 其中的x貝剌身(好似鮑魚片個d呢, 好味), 北寄貝(新鮮, 好味), 燒雞軟骨串(好香, 因雞油多, 所以先咁好味), 炸雞軟骨(香口野, 我最鍾意), 牛肉烏冬(狠咗吃烏冬好耐, 近來痴咗, 平日唔好架!), 炸墨魚餅(裡面有一粒粒的墨魚)最得我心. 可以用一個”抵”字來形容, 適合一大班朋友勁食一番.

好好食....需則款式唔多但係我好欣賞佢佢係我食過咁多間落紙仔食日本放題架最好一間第一,佢唔會有意無意miss我架order第二,我要架份量佢俾足我(二人食10件三文魚刺生,黎足,仲要差唔多1cm厚)第三,order完唔會拖單,有就會黎(覺得佢似擠飽你,快d走咁,good)第四,services 唔會有人黑口黑面,仲要非常有禮貌,我係7點半開始食,人多都可以咁,抵讚第五,去親食放題真係唔會叫壽司,但我昨晚叫左好多,因為佢架飯似足元氣咁細...刺生size都係同元氣一樣唯一有少少唔好架就係間舖太細...坐架位置有少少嘈...

經常都午膳時間光顧，因為lunch 都唔算太貴。食物方面自己食過有印象既有網燒牛排定食吉列豬排定食鹽燒靖魚定食都算ok，係個牛排略嫌老左小小lunch + $8 多碟三文魚刺身，味道都唔錯總括而言都算係值得推介既。

我去過好多次, 刺身好新鮮, 熱食好好味, 記得用coupon平$10.

9月13號兩個人去食,睇雜誌影到好似好靚咁,所以去試下,七點鐘去到,都仲未好多人所以位置有得選擇,幾ok,呢到$138蚊一位,加埋一即係$152一個,其實都幾貴下..仲要限時個半鐘,夠鐘前15分鐘侍應會叫你叫埋last call,準時到爆,眼見人地隔離台15人都係得個半鐘,攪到人地好似倒落去咁,時間方面應該改善下..食品方面,刺身都好多種選擇,種類多但真係細舊到暈..除左三文魚有d鮮味,其他刺身真係好重雪味,由其有隻味付鮮鮑片真係好難入口..d蟹子沙律幾好味,但初上台結左少少冰,壽司幾好,有隻瀧澤卷同加洲卷同鰻魚壽司都好正..其他食品,汁燒牛扒好正都好有牛肉味,酒煮蜆好鮮甜清香酒味,牛油帆立貝好正,炒雜菜幾好,炸墨魚餅好多墨魚肉好正,炸雞軟骨好脆, 串燒雞肉勁甜,但d拉面湯底勁正可以一試,值得讚既係d食品會黎齊哂,但如果你想食耐d就唔好黎呢到勒...

侍應服務好.....有禮貌,成日加茶我係七點前入坐收118加一,算物有所值可能我早到order左d野都黎齊金菇牛肉卷好味不過d刺身好細舊,最好大返少少.天婦羅蝦d粉唔夠鬆我一定會再去籮

打電話去訂位，個waitress既禮貌差到不得了，問多2句就好唔like。不過去到又第2個世界。坐低見到食既種類都係同其他的差唔多。朋友介紹個瀧澤卷，其實好似家洲卷咁，海膽加牛油果仲有蟹子同吞拿魚蓉，海膽既賣相唔錯，心諗實無死啦，點知整體個層次唔突出，2次order都係無海膽味。酒煮蜆，朋友極力推介，但係佢唔係蜆黎既，係花甲。不過不失，但係自己好鍾意食貝殼類，所以order左4碗。至於剌身方面，比較遜色，三文魚過瘦及有根，其他都不太新鮮，甜蝦未原全解凍。眾多食物方面比較鍾意馬都貝刺身及汁燒牛扒。至於會唔會再食就未必喇，因為都唔係太特別，無咩吸引到我。用左張coupon黎計就$141位