瀧茶

营业中

休息中

這家隱世小店充滿人情味，讓人一進去就感受到溫暖的氛圍。招牌的雞絲粉皮滑嫩可口，加上新鮮的蔥和麻辣醬，味道更加出色。手打污泥鮮奶濃郁，招牌黑糖珍珠奶茶Q彈香甜，而豆花底的芋圓魔豆甜品則是完美的收尾，甜而不膩。雖然老闆娘一個人獨力經營，等候時間可能較長，但她的用心和心機讓每道菜都值得等待。在這裡，一邊等候一邊聊天也是特色之一，老闆娘熱情的招呼和顧客之間的交流，讓用餐變得輕鬆愉快。價格親民，吸引了很多熟客，這不僅是一所珍珠奶茶輕食小店，更是一個增進人與人之間連結的社交空間，真的很難得！

次次嚟到呢度都會忍唔住，叫一個芝麻醬手撕雞再加一杯水果茶。雞絲粉皮裏面嘅配料有好多款，感覺有少少好似以前食撈麵咁樣，你可以每一種配料都加少少，然後配製你鍾意食嘅撈麵咁樣。呢度嘅粉皮有好多款醬料，我個人鍾意就係日式芝麻醬，除咗喺度食呢一個好好味嘅手撕雞粉皮之外 。我覺得最正嘅就係食埋個人情味，老闆娘好好，真係會記得你，如果你成日嚟食嘅話。有時候仲好好溫馨提示提吓你有啲配料會唔會有啲嘢係想唔要。另外佢哋仲會建議你真係盡快啲食，唔好攞走咁耐，因為啲冰融晒都真係會唔好飲。

特別鍾情小店覺得每一間小店都擁有各自既故事，人情味！今次食呢間，我間唔中都會口痕痕去買外賣黎食（冇堂食架）佢位置唔近地鐵站，係寶林站行去大約5-10分鐘路程，但偏偏佢位於一個美食林立既小商場～～慧安商場🍽️🥢<瀧茶 將軍澳>小店經營茶飲為主，但我就係從未幫襯過佢既茶飲因為⋯佢有賣我好鍾意食既粉皮🤭我鍾意佢既粉皮任你選擇可以多/走蔥、芫荽、芝麻、青瓜可以加配料，有豆腐、蟹柳、雞絲、牛𦟌、鴨腎、豬耳仲可以揀中式麻醬/日式芝麻醬/酸麻辣/台式/混醬仲仲可以揀粉皮/熱湯粉皮/冷麵仲仲仲可以加大添，真係痴鬼線😵‍💫人最怕就係冇得選擇本小姐冇選擇困難症，但自問嗌野食都幾麻煩🤡每一次都必叫： 中式麻醬粉皮+豆腐+蟹柳，走青瓜走蔥走芝麻，多芫茜，仲要加大添咁嗌order法 , 真係冇咩舖頭會理我老闆娘人nice, 但因為人手唔多，有時多order 果陣，分分鐘要等15分鐘，所以食好野要比多DD 耐性架我見最受歡迎係日式芝麻醬，但我偏愛中式果種花生醬既濃香味最多人緊係加雞絲，但我覺得雞絲粉皮出面易食到，而我偏鍾情豆腐既滑同香，加埋蟹柳做lunch/ 晚餐就一流老闆娘比醬一d 都唔孤寒，讚👍

係隔離買完小食見呢間飲品平平地就試下佢喇葡萄柚綠茶加椰果$22個茶正正常常無伏要讚下個茶唔會好甜又唔會比好多冰我唔記得叫少甜少冰但同平時出面少甜嘅甜度&冰量差不多可惜嘅係椰果唔係好夾到個茶

位於寶琳慧安園商場有好多隱世小食賣❣我既中學係佢附近，所以呢度充滿住我中學既回憶😚畢業之後都好小機會會返黎，所以每次一黎都會買晒以前中意食既野🥰好多以前既鋪頭都仲係度，但都多左好多新鋪頭😆今日就試下呢間瀧茶，呢間鋪主要係賣飲品，但我就買左佢既小食同車仔甜品🤣🥒中式麻醬青瓜粉皮（$20）粉皮今次係第二次食，上次係食日式芝麻醬粉皮再加大同加雞絲，覺得好食所以今次再黎試😍今次因為會買其他野食，所以就冇加大同冇加雞絲😋估唔到份量都唔小，而且中式麻醬冇中式果隻咁甜👍配埋青瓜粉皮就好清新，天氣熱既話食真係好正💯🥣車仔甜品：仙草底+芋圓+煉奶（$25）呢個仙草第一次食，都幾有驚喜😍仙草食落好清新，加埋煉奶真係一流🤤芋圓就唔算好重芋頭味，有啲偏硬下次可以試下加小丸子或者QQ果😇呢個性價比真係好高👍/📌瀧茶將軍澳毓雅里9號慧安商場地下A48號舖/😋食物質素：7.5/10💰性價比：9/10👣回頭率：8/10

行完小夏威夷徑，按圖索驥經過寶琳一試，沒有太大期望也不會失望。出品普通，小丸子芋圓不算少，但買來五分鐘內打開食用黑糖沙冰已融為水，兜內60%都是黑糖冰水，整體普普通通。

慧安商場同時有3間黃店存在,上次行完山過來已經嘗試過,今次本來想再來支持,可惜竟然魚木小店在落場時間,所以我就只可以買瀧茶啦~今次5點左右抵達,所以幾乎沒有人在等候,店內亦有3位員工,終於不會做到踢哂腳,好快就沖到我想飲的茶飲~菊韵星空   3.5/5分  24元這杯是店員推介的飲品,價錢絕對實惠,酸甜的紫茶非常開胃,配合少量的柚子香味好易入口,都不錯啦~我還是喜歡水果茶,25元又足料新鮮,希望下次再來可以同時吃到魚木的親子DON飯~~~~~

經常放工後來買酸麻辣涼拌粉皮外賣做晚餐 (要夠早收工，佢7pm左右就關門)又平又好食，三四十蚊搞掂俾多幾蚊加大，會正d酸麻辣汁一試愛上冇再試其他味…夏天食好正粉皮夠軟滑，透身，質地好好食過出面一d比較粉同硬的，佢嗰隻粉好食d配料好多，食到粒粒芝麻，花椒粒，辣椒粒，芫荽，蒜汁，青瓜絲辣有分大中小BB辣，本人小辣已經不行了…食到後面辣度會加強，辣味持久…佢嘅麻辣汁完全唔油膩，食到底唔會見到一層紅油膠住個嘴，辣得來係爽嘅好食又平，即叫即撈，所以要等配料：雞絲(推介)蟹柳(好食)

上次我還在使用上手手提電話跟上手「開飯喇」戶口的時候，曾經光顧位於將軍澳私人屋苑「慧安園」，跟商場「慧安商場」裡面的台式飲品店「瀧茶」。「瀧茶」店舖位於「慧安商場」地下大堂，有冷氣空調的舖位位置裡面，「瀧茶」有「慧安商場」的中央冷氣空調系列幫手，所以在「慧安商場」裡面享用飲品，感覺會比較涼快一點。當時我在光顧「瀧茶」的時候，享用最多的手調台式飲品，都是以甜味黑糖糖漿混合牛奶而成的飲品「黑糖珍珠鮮奶」為主，至於其他味道的手調台式飲品，我反而比較少飲。除了由「瀧茶」廚房店員親手製造，手調甜味黑糖珍珠鮮奶飲品之外，當時我還購買了一客疑似台灣風格，又有疑似韓國感覺的牛奶刨冰甜品。時移勢易，我對台灣手調黑糖珍珠鮮奶飲品的興趣，早已經大不如前。相反地，我現在最喜歡的台式手調飲品，反而變成了手調水蜜桃紅茶飲品。「瀧茶」製造的手調「水蜜桃紅茶」飲品價錢，跟我曾經喝過的其他手調「水蜜桃紅茶」飲品相比，「瀧茶」「水蜜桃紅茶」飲品份量感覺頗為接近，就連飲品售價價錢，亦都定了港幣十九元，十分接近的價錢。今次我沒有在「瀧茶」裡面，購買刨冰或者其他甜品，反而只購買手調台式「水蜜桃紅茶」凍飲飲品，只求可飲到水蜜桃的

這間小店有兩個非常強的特點令我覺得一定要寫食評。第一點是門面細小,但卻有非常多的客人在等候,所以吸引到我想購買,加上此店是黃店有文宣,更加會想支持~第二點是價錢好低,選擇極多,又有麻醬冷面提供,絕對適合收入不高的年輕人。綜合水果茶  25元  3.7/5分味道比較似百香果茶,幾好飲,唔算太甜亦少冰,個人會建議選擇水果茶或其他即泡的飲品類,不建議單憑用調味劑做成的飲品,因為對身體無益有一件事必須提醒各位,就是此店的時間管理做得好差。店面好細,只有兩位員工(其實小妹妹好有禮貌又靚女,另一位應該是媽媽都好盡力做),靚女負責收錢落單整飲品,媽媽負責整面或幫忙。全程見到做到無停手,一方面又不停接客,另一方面本身落單的客人就要繼續等,所以我結果等了25分鐘才沖好的水果茶是可以理解,,我都不忍心去催單或取消。我明白想做到產品多元化去吸引客人,但同時都需要顧及自己的管理,明顯是不能同時做好飲品和食物兩方面,人手上亦有所不足,在這種情況下可能就要有取捨。顧客今次買完會體諒,但重複再等一定不開心,只怕下次會流失客人,倒不如精簡餐單或加多一位員工幫忙,加快出單速度?以上只是我個人的意見,希望有用。繼續支持黃

日式麻醬青瓜粉皮，醬汁好好味，但10蚊加雞絲竟然冇俾雞絲，攞到返屋企食先知，出面又熱辣辣唔想行返出去，又搵唔到瀧茶電話，好灰。。。好唔開心。。。所以真係下次叫粉皮，都係要check清楚佢有冇俾漏餸，如果唔係返到屋企就後悔莫及。

雖然舖仔細細🤣但五臟俱全同好企理~除咗有車仔甜品(自選冰底+配料)賣之外，仲有台式飲品同埋冷麵賣😆🍧車仔甜品 $32今次我哋揀咗黑糖冰底配芋圓+小丸子+瀧珠(自家製珍珠⚫️)冰底嘅黑糖味道純正但又唔會過甜👀小丸子同瀧珠都好有咬口好煙韌，而且唔會好黏同粉，特別推薦小丸子！！芋圓分別有抹茶、芋頭、紫薯同地瓜圓 聽店主講係即叫即煮👅🍵抹茶圓味道適中，唔會太濃或者太苦，個人應為係最特別🙈💜紫薯圓同芋圓嘅味道都幾出，正正常常🍠地瓜圓就比起其他圓甜少少🦷總括而言，份量都幾多，兩個人share就啱啱好😋每款配料都好夠味，可惜有幾粒芋圓煮得唔夠耐，入面仲有啲硬😭

寶琳竟然有個翻版葵廣？！枉我喺寶琳同人補咗差唔多兩年習，而家先知有個慧安商場，入面有啲似葵廣，都係好多野食，絕對係放工之後既覓食好地方！【芝麻醬青瓜粉皮(大)+雞絲+蟹柳🦀 $24+$10+$6】呢個賣野飲既小店，竟然賣埋粉皮，仲要做得唔錯！從未食過咁滑既粉皮，從未食過咁滑既粉皮！粉皮好滑溜，夠軟又帶點煙韌，掛汁能力極高！青瓜好清爽，仲有必加既雞絲同蟹柳，分量多到唔洗錢咁！濃既芝麻醬混埋青蔥、芫茜同蒜蓉真係好香好惹味！不過如果當正餐就記住要嗌大啦，如果唔係唔夠食~下次一定要試下加牛𦟌同酸辣粉皮！

The food scene is finally changing at Well On, there are more joints joining the food scene.Initially Lung Cha looked like another tea house serving the same stuff but they serve hand shaken teas which captivated me.Ordered the taro tea with pearls, grass jelly and Sichuan style beanthread sheets.The grass jelly was too sweet.The beanthread sheets were too spicy so next time I am going to order the non spicy options.The best thing was the taro tea because you can really taste the taro.I could ha

位於將軍澳屋邨「寶林邨」旁邊，兩間中學校舍對面的「慧安園」跟「慧安商場」，成為我在將軍澳「寶林區」區內的一大美食新發現，除了有煎餃跟飛碟三文治之外，原來還有台灣手調飲品跟刨冰可以一試。今次我介紹的將軍澳台灣飲品甜品店，店舖的名稱叫「瀧茶」。「瀧茶」本身的店舖面積不大，主要都城用作安置「瀧茶」飲品店裡面的廚房，店員就在「瀧茶」小小的廚房內默默無言工作。然後「瀧茶」安排了在店外面一個細小的通道站立位置，設置了一張未能夠伸展摺合，面積很細小的一人立食餐檯。看見「瀧茶」裡面的店員，屈就在小小的廚房內任勞任怨地製作飲品甜品，我心裡忍不住說一聲「辛苦你了」。「瀧茶」的廚房裡面不單止面積細小，甚至用來製作台灣手調飲品的原材料瓶，都比坊間很多外賣台灣手調飲品店都細小得很多。我在飲完黑糖珍珠鮮奶後，再購買一款刨冰，再次看見店員在狹窄廚房內埋首工作的苦況。不過，我一直都很相信「萬事起頭難」，、「羅馬非一日內建成」、「創業難守業更難」這些適用形容飲食業概況的諺語，所以我都很感謝「瀧茶」廚房的店員，為我做到兩款飲品跟刨冰甜品。說回我在「瀧茶」裡面，率先付款購買的台灣手調撞奶飲品「招牌瀧珠鮮奶」，由於「瀧茶」廚