火車頭酸辣小窩

营业中

休息中

今天下午請了半天假和女兒入長洲慢活。入長洲當然主題就是吃，什麼都想試一下，我們試了幾家餐廳，為求一個下午試多幾間網上推介的餐廳，我們兩個人就叫了一個餐。這家餐廳本應不是在我們選擇之列，路經被餐廳的整潔度吸引，後來發現，呢個價錢，不但性價比高，食物質素都非常掂！我們點了一個下午茶餐，紅豆冰多紅豆但不會過甜，米線份量適中，豬扒都很新鮮，炸紫薯網卷熱騰騰的，不會很油膩也不會很甜，非常美味！下次再有長洲必定會再幫襯！這間小店用電話掃描QR code就可以自助下單的，但職員的服務態度也非常好。值得推薦的一家食店！

📍火車頭米線 專門食蕃茄湯既鋪頭，碗碗都係濃郁既番茄香味 一啲都唔馬虎～😬湯底份量十足！另外有多種食物比人選擇作為餸菜，而佢可以揀稻庭烏冬，稻庭烏冬嘅彈牙感，配上蕃茄醬汁十分夾同好開胃🤤

係長洲一日遊嘅續集～ 除咗小食同甜品之外，其實長洲都仲有唔少正餐嘅選擇😛 本身其實想食好出名嘅「沙嗲牛米通」，點知去到先發現佢星期一唔開🥹 之後再search就發現有啲人介紹呢間「火車頭」，一開始見到個名，會聯想起越式湯檬，但原來呢間係食港式米線😯 而且其中一個最出名嘅蜆肉紫菜湯米線😍 所以就即刻入去試吓🏃🏻‍♀️•🥢 豬頸肉蜆肉紫菜湯米線 $58 (包1餸)個湯底鮮甜，紫菜味好濃，帶啲啲海鮮味，配米線都幾夾🤩 唔會死鹹/好濃味～啲蜆好細粒，但份量好多，而且全部都無沙👍🏼上菜時仲畀咗個膠碗用嚟裝殼，最後啲殼裝滿成個碗～豬頸肉係香茅味嘅，切到細細條，輕輕煎香咗，有少少咬口但唔會好韌，都ok，不過就唔係好出色😛•🥢 惹味豬軟骨超濃蕃茄湯米線 $52🥢 響鈴 +$10🥢 溏心蛋 $10蕃茄湯底嘅蕃茄味都幾濃，唔係假蕃茄味🫢 專登加埋響鈴嚟索湯🤣豬軟骨煮到超級腍，啲軟骨變晒啫喱狀，仲好入味😍 推介！👍🏼溏心蛋睇人哋影啲相已經覺得好靚仔，上枱都真係一樣咁靚，有溏心又好入味🤤

早幾日接到有工作需要入長洲難得入長洲決定開始前一於去長洲食個好西食飽再開始工作咁上網做下資料蒐集之後中午係想試下呢一間米線《火車頭》大約一點鐘到達長洲碼頭落船行左幾分鐘就到始終長洲都唔係大中午食飯時間餐廳入座率高達100% Full House ! 咁等左20分鐘左右入座如果唔想等 可以用QR Code 落定單但只限外賣！餐廳 主打三種湯底有 酸辣 / 蕃茄 / 海蜆紫菜湯三種都好想試 非常掙扎最後都係按自己最喜愛口味 試一試就係 酸辣！食物質素算係唔錯！酸辣味道唔算太濃烈米線正常發揮令人驚喜真係舊 豬軟骨！豬軟骨有2 大舊非常厚肉 同時 好軟嫩 唔鞋口脂肪同軟骨 煮到好淋 入口即融咁條脷頂都唔使頂！得！墨魚春卷 普普通通比較多粉 蝦仔雞翼主體係炸雞翼 再加上 櫻花蝦同芝麻醬雞翼炸得脆 同 有汁，唔會太乾太柴櫻花蝦仔都脆脆地 增加口感可以的！

長洲最令我印象深刻，就係佢個蕃茄湯底！好耐以前好似仲有芫荽湯等等！佢個蕃茄湯底極濃🤔但因為佢鋪面比較細！如果要等位的話，我應該就唔會等😂但唔需要等位嘅話就即刻狗衝咗去食🤣🤣朋友叫咗個麻辣湯底，中辣，味道都好唔錯👍🏻👍🏻其餘三個人都係食蕃茄湯底。佢入面啲料都好足😍喺香港都好少搵到咁濃郁嘅蕃茄湯底👍🏻👍🏻正呀！入開長洲不妨都可以一試！不過佢好似好早閂門！大家要注意時間😂好過去食海鮮😂😂

🥢蜆肉紫菜湯米線 $52湯底有紫菜同蝦米仔，好鮮甜❤️米線軟硬度適中，份量都夠，男士食都夠飽😋蜆有好多隻，好新鮮，美中不足係有一兩隻有殼碎🥹配料揀左墨魚春捲，麻麻地，口感太粉😟估唔到長洲都有好食米線☺️但係店鋪座位有限，lunch hour都幾多人排隊，想食可能要早d💁🏼‍♀️

火車頭的米線, 至少感受到店舖是有用心烹調菜式, 比起海旁的海鮮餐廳, 在味道和口感上正常得多. 起碼不會吃到沒有肉的賴尿蝦和蟹鉗, 以及如嘔吐物顏色的沙拉骨. 它最出名的湯底並非麻辣, 而是很切合長洲這主題的紫菜蜆肉湯底, 味道鮮甜不死鹹, 蜆肉絕大部份都煮得熟而不韌, 去沙做得完善, 說要改進的, 也許是在碎蜆殼的清理上, 可以再更完善多一點. 麻辣湯底也不錯, 麻香為主軸, 由喉嚨滲出來的輕微麻痹, 相當過癮, 辣勁柔和, 不會令食客吃不到其他食材的原味.作為遊客區的餐廳, 價格不會太商宜, 平均一碗米線約五十至六十多元, 可以理解. 蜆肉約有十五六隻, 比我想像中多, 其他配料份量則一般. 豬軟骨是配料中最吸引的, 夠稔夠有肉香, 不會只有死鹹的鹵水味. 豬頸肉外面表得焦香, 肉質比一般爽彈但不至於死實, 切成條狀, 相對吃起來就沒有如此爽了. (笑)Locomo noodles shop is one of the best noodles shop at Cheung Chau where the seafood restaurants are dominant in F&

😋超級足料米線💛係長洲嘅呢間米線真係👍🏻👍🏻（如果唔介意等下嘅話hahhaaa）-店內座位較少，但星期日～1pm去嘅時候都有位，唔洗等就有得坐。但係！等嘢食嘅時間較比較耐，因為有好多外賣單🙃.今次叫左兩個米線同兩款小食，所有嘢食都份量多🔸蜆肉紫菜湯米線配墨魚春卷🔸紫菜同蜆個份量超多🤩每一啖都食到紫菜，蜆就有成20幾隻！而且冇沙鮮甜🤤個湯底仲有少少蝦米，紫菜味重過蜆味，飲落清清地嘅鮮甜味🥰米線會免費配一款材料，我就揀左墨魚春卷，有兩大條，呢個味道就正正常常，同個湯底都幾夾🔸超濃番茄湯米線配金菇肥牛🔸都話係超濃，咁個湯底就緊係好有番茄味啦，係唔假嘅番茄味！唔似其他湯底咁清，有少少「杰」身😂金菇吸晒d湯，好好味😆肥牛就正常餐廳會食到嘅味道，但我覺得有少少比番茄搶左個味🔸辣妹雞翼🔸雖然係辣妹，但其實唔係好辣🤭嫩嘅但唔會話好驚訝🔸酥脆魚皮🔸魚皮都係正常嘅，冇咩特別，但擺落番茄湯到就好正🤤🤤🤤-餐廳：火車頭酸辣小鍋推薦指數：🟡🟡🟡🟡🟡▪️CP值高-價錢親民又好食

蜆肉紫菜湯 配炭燒豬頸肉 $52 (包1個餸)+$10 順德魚腐大年初五 長洲好多舖頭都冇開😐行過見到門口勁多人等外賣（偷聽到等咗45分鐘外賣 好多街坊食🤭）企喺門口已經聞到好大陣好香嘅酸辣味🤗份量都真係唔少😨要長洲掃街所以兩個女仔share🤣佢地會好細心咁俾個睇兜你裝蜆殼 因為蜆唔係一般嘅多🤩啲蜆鮮甜得黎有肉地🤣無沙！平時食米線都好少飲湯但佢個湯係唔會太鹹 就好似平時屋企湯咁🍲紫菜湯連埋啲蜆一齊煲 非常清甜我幾乎飲到見底🤤🤤豬頸肉有炭燒味 咬落香脆魚腐雖然得兩舊但係超大舊🙏有小朋友手掌size咁大 脹卜卜吸晒湯汁🤪//不過呢 佢哋因為太多訂單等得有啲耐 同埋我哋叫個杯嘢飲都Miss咗😣

蜆肉紫菜湯米線🍜($59)本身個湯底有大量既蜆同埋紫菜, 不過食落發覺蜆殼比蜆肉更多, 個湯唔算鮮甜😅 另外我地加左個煙鴨胸唔錯, 係高質既鴨胸, 米線份量都幾多, 個人覺得呢個湯底比較普通🥺順德魚腐, 墨魚春卷蕃茄湯米線🦑($56)蕃茄湯相當濃郁偏甜, 仲有啲蕃茄肉添🍅 米線跟左順德魚腐, 大大舊吸曬啲湯汁好正🤤 另外墨魚春卷有啲似南記既春卷, 不過呢個中間包左啲墨魚滑幾彈牙🦑 紫薯網卷🍠($30)紫色既炸粉整到好似個網咁, 中間包住黃肉蕃薯, 咬開左真係好似一舊蕃薯咁, 味道甜甜地幾得另外每個米線都加左$4買荔枝果茶同青蘋果果茶, 兩個茶底都幾濃, 各自都散發左淡淡既果香味, 抵叫🍏湯底比想像中冇咁特別, 但係價錢黎講係長洲都算抵食既, 而且落單都幾方便👍🏽

<<生在美食天堂，點可以唔識食>> <<I born in Paradise of Food，why not explore deeper?>>長洲既進化真係一日比一日進步由以前主打大魚蛋或者中式海鮮時期，依家已經漸漸進駐好多唔同種類既人同餐廳依家已經有酒吧，cafe等等今次入到黎甚至見到有台飲店、乳酪店、同依間米線店鋪位細細，好多人幫襯同買外賣選擇又多，好多款唔同湯底但係同傳統越南火車頭河果款就行緊完全唔同路線墨魚春卷和腩肉配依個酸辣湯底味道份量都好足夠比連鎖店更有心同好食仲有叫左個蜆湯米線蜆質數好，無沙，新鮮總結店鋪細位置唔多裝修新又乾淨希望佢係疫情下長洲多左人流都可以支持得住見長洲都無邊幾間米線唔知下次再到訪會唔會變成米線洲

偶然係長洲揾到間食米線既店‚仲要幾好食兩個人叫咗兩款招牌湯米線加個雞翼做小食。米線分別係紫菜蜆肉湯底同埋番茄湯。紫菜蜆肉湯聽個名都覺得一定好鮮甜，雖然蜆肉份量都唔少，不過無想像中咁鮮甜，有少少失望，整體食落都唔錯既，可以一試。另外配料簡左墨魚春捲，幾好食，係必試既配料。番茄湯就配左豬頸肉同溏心蛋，好中意個湯底，因為唔會覺得好甜好假。轉稻庭烏冬仲唔洗加錢，五十幾蚊食到碗大大碗既米線，性價比相當高。雞翼面鋪滿一層蝦仔乾，好香，好有長州特色。

今天一行四人入嚟長洲閒遊，到達長洲行下市集，自然要找食，行了幾間食肆，最後我哋選擇火車頭，門口罷設一張小枱，有人帶著小狗坐着吃餐，好有外外國feel，鋪裡唔算好大，祗得幾張枱，還有兩三個巴枱坐位，坐位逼夾，但坐滿顧客，我們在門口排隊等咗十五分鐘，總算坐低咗，依度係用QR落單，店員叫我哋系餐牌選擇主餐/小食/飲品，下午茶餐＄39元凍飲加＄4元，經典餐由＄45至超級珍寶套餐＄63元，我哋叫咗四個套餐加埋有啲後加小食及凍飲。講真這個下午茶餐牌設計有點問題，我見其他食客都好難理解，因為我哋叫咗太多食物，如果我一一全部食物都介紹，相信要好多頁編寫，總括這店食物好好食，CP值高，長洲街坊長龍店，有好多街坊買走。

有時會疑惑, 何解餐牌不能精簡一點, 粉麵和配料選擇相同, 只是湯底不同, 便要分開數頁重覆相同資料, 換句話說, 一頁可以處理的資料, 要用數頁重覆展示出來, 客人會花更多時間去研究每個餐的分別, 但事實上分別不大。Btw, 小店以QR code自行下單。經典自選 $45- 湯底: 酸辣湯 (小辣)- 粉麵: 米線- 配料: 黃金魚片頭, 炭燒豬頸肉- 其他: 多酸菜- 飲品: 芒果乳酸 (少冰, 少甜) (原價$19, 跟餐價) $4吃米線最愛選酸辣湯底, 這裡的酸辣湯是我喜歡的種類, 湯頭偏濃偏辣, 略嫌酸味少。雖然叫了多酸菜, 但依然少得很, 感覺不到有添加。 米線份量多, 不會煮得太軟。黃金魚片頭和炭燒豬頸肉味道中規中矩, 豬頸肉部份肉質偏實, 部份偏軟, 沒有炭燒的香脆感。跟餐包括一杯小豆漿或精選熱飲, 看見加$4便可享用乳酸飲品, 沒多想便點了一杯芒果乳酸 (少冰, 少甜) 。第一口感覺味道有點似藥水, 但這個感覺在多喝幾口後便淡化了。

喺長洲已經食咗好多小食 但係都好想試吓佢哋嘅湯麵 所以就入咗嚟🙌🏻我真係食唔落一碗啦 所以就同朋友share蜆肉紫菜湯米線 上菜時店員會另外給你一個小膠碗 原來係因為佢哋啲蜆肉超多 食完碗湯麵之後 你就會發現蜆殼已經係個小碗入面對左一個小山丘🏔😂😂蜆肉紫菜湯味道清甜 其實落咗咁多海鮮 個湯點會唔好味呀 一啖接一啖 俾我飲晒啲湯🍲但係原來佢哋嘅豬軟骨先係精粹 入口即溶嘅感覺我冇諗過會係一舊豬軟骨上面搵到 滷得非常入味 食過返尋味 所以我哋再加多左一份豬軟骨 誇張啲講句 長洲嘅大魚蛋同芒果糯米糍都要讓開 呢度嘅豬軟骨一流🏆🏆🏆🏆🏆🏆