火鍋煮場 (已結業)

今日去了深水埗打邊爐，因為其中一個朋友會遲到，所以我地叫住小食飲住野等。佢個啤酒Promotion真係誇張，$100有100支啤酒真係好震撼，仲要係德國啤酒而唔係藍冰，最正係飲唔晒可以留返下次黎再飲。另外就叫咗炸午餐肉餸啤酒。齊人打邊爐，先叫咗個象拔蚌刺身先，比想像中大碟，隻象拔蚌好新鮮好好味。牛就係必叫啦，安格斯同牛頸脊之中我地最後投票決定叫牛頸脊，牛肉味濃雪花分佈都好靚仔，無揀錯。我地仲叫咗水餃、雲吞同埋雙拼丸，Menu話呢幾樣都係自家製，都好味。雲吞入面隻蝦都幾新鮮，而雙丸之中我比較欣賞墨魚丸，好彈牙好好食。另外仲叫咗碟脆肉鯇魚片，又係好新鮮。最後由於啤酒係$100一百支，所以我地樣樣都試下，發現以下呢3支味道最好，我地4個人好努力先至合共飲了10支，仲有90支留返下次再飲。

其實野正正常常，但火鍋最重要嘅牛肉就完全唔掂！三百幾蚊一碟本地手切牛頸脊，完全冇牛味！深血紅色，極少脂肪，好明顯係雪藏左好耐既低價牛肉，而且係雪硬用機切！因為塊塊都好平滑，一色一樣長方形，上枱嘅時候仲係雪硬一塊塊。另一碟牛脷就正常肉味偏淡。反而熱食小食仲好食，咸檸七好飲，杏汁豬肺湯底平平冇奇，唔係奶白色，一個字 - 清！冇乜味！總結：以後唔會再去！本身諗住呢啲火鍋店牛肉一定穩陣實無死，點知最差係牛肉，連最平放題嘅牛肉貨色都唔係！

劈酒的邊爐友必去，最主要嘅原因係呢間火鍋店做緊$10一支德國啤酒，Size有500ml又有330ml，仲有7款，有麥啤有Larger又有黑啤，真係超抵。我自己最鍾意西柚啤同埋Bitburger，我D朋友就話Tap 7麥啤都好飲。講返打邊爐先，湯底叫咗番茄海鮮蟹鍋，有蝦有蜆有青口同蟹。配料就有鱔片、鮠鯇、雲吞、羊肉片、雞子同午餐肉。雲吞好好食，入面的蝦好新鮮，係佢地舖頭自己包的。鱔片同鮠鯇都好新鮮，我自己覺得個鱔片睇高一線。羊肉片唔會太多肥膏，少少酥。估唔到個雞子都幾新鮮，唔會成舊冰。午餐肉佢係用白豬仔而唔係其他古怪牌子。整體水準唔錯，不過最欣賞都係D啤酒。

依間火鍋店真係好高質，價錢好合宜，因為依三個星期都有朋友生日，大家又想打邊爐，所以兩次都由我帶左黎依間食，大家都超中意！牛頸脊唔係講笑，準備功夫都好抵讚，好多火鍋店放上枱之後啲肉都仲係硬崩崩仲有冰粒，依度係好新鮮，血紅色，就咁望上去都吸引過人，食落口就更加唔洗講，一個字就係「抵」自家製雲吞(左)+自家製墨魚餃(右)我平時打邊爐都好中意食手打丸，佢地真係好「有料」啲餡好足，粒粒都好爽口彈牙勁好食，如果唔係因為食太多會飽到食唔落其他野既話我唔介意全晚整係食丸哈哈。🍽 活魚刺身二食佢一盤捧出黎，氣勢都勁過人，完全唔係一般刺身店既質素，只係賣相已經超過曬，切得好靚，片片都好平均，然後又勁鮮甜，真係食得勁開心，上左枱之後你一塊我一塊，迅速已經沽清左🍽 椒鹽骨打邊爐唔少得香口野，還惦都食得咁邪惡，我同朋友仔決定豁出去，想食就叫，果然依個椒鹽骨冇令我地失望，上枱已經香到爆，咬落好鬆脆，都係果句，如果食完唔會飽到食唔落野我真係好想叫多幾碟🍽 鱔片其實好多火鍋店都好少有得叫鱔片，至少我去過既比較少，今次見到即刻叫左兩碟，啲皮又好食，肉又鮮甜脆口，正正正不瞞大家，下個月我屋企人生日，如果咁好彩到時都唔洗封

私心推介，真係會約朋友去encore!!係無得彈，出街都食到咁高質火鍋好難得😍😍.龍蝦刺身🦞🦞🦞最值得打卡😍原隻上好吸睛呀！係水缸新鮮拎出黎，夠晒冰凍🥶咬落口非常鮮甜，好爽口，原汁原味😍同日式omakase水準一樣，even更有龍蝦味添😱😋.食完咁豪華既前奏就簡湯底啦🍲是次雙拼杏汁白菜豬肺鍋✖️成都麻辣鍋🔥忍唔住係咁食豬肺😂個麻辣鍋更加係麻中帶辣🤤.牛舌芯👅大大碟㗎淨係睇啲色澤都知道靚！而且好厚肉，食極都仲想食😋自家製三色餃🥟新鮮包㗎，每粒餃都好飽滿！紐西蘭聖子皇-大大隻又夠爽口.頂級安格斯牛小排🐮肉味好重，仲要好軟熟，望到啲雪花都知靚，食到唔停口😋😋😋最後仲encore左總共食左兩大碟🤤.即炸紫菜響鈴😋又一必點之選，紫菜夾係入面寧捨唔同，浸十秒撈返上黎超脆！.白鰭片🐠將魚片放落個麻辣湯底，正到暈啊.鵝肝墨魚丸🍡加埋鵝肝夠晒特別吧！咬落夠彈牙！.蟹籽鮮蝦滑🦐呢個蝦滑無得頂，同平時食開既好唔同！真係啖啖蝦肉，反而蝦膠佔少啲，真係真材實料㗎😚.最後整左個脆炸午餐肉🐷打邊爐真係唔少得佢，自從某次試過第一次就愛上了🤪.打邊爐又點少得啤一啤🍺西利啦老闆係德國入貨，有德國西柚啤酒🍻、黑啤、德國彩虹手

朋友11月生日，見天氣凍就去打邊爐。一坐低見到魚缸有象拔蚌，即刻叫個象拔蚌刺身嘗嘗試先。象拔蚌刺身非常新鮮甜爽😋，刺身一流！朋友生日梗係要食豪啲，因為主力叫海鮮，所以叫左個清湯底。跟住叫左蟶子、花竹蝦、鱔片，同火鍋煮場出名既紫菜響鈴同三色餃！蟶子連粉絲一齊涮，蟶子鮮甜爽口，粉絲吸埋蟶子汁，正👍！花竹蝦夠大隻，彈牙！最值得一提就係紫菜響鈴，出面少見。店家新鮮炸起，不過我就鐘意落爐浸一浸，脆之餘又不太硬。整體滿意，而且無限時，方便我哋三個慢慢吹水😊

天氣漸涼，成日都好想打邊爐🙊同朋友黎左深水埗呢間火鍋店，食物種類夠多仲好新鮮👍🏻▫️平時打邊爐好鐘意食手打丸，所以就嗌左手打三寶，有 蝦丸、墨魚丸同鯪魚球😋 真係好真材成料，食到新鮮既蝦肉👍🏻 粒粒都爽口彈牙，好好食😍 ▫️安格斯牛肉粒🥩 切到一口size，一口一粒岩岩好，食落好方便👍🏻 安格斯牛牛味重，油花分佈平均食落肉質超級嫩，牛魔王表示好滿意😍▫️墨魚滑🦑+雲吞🦐 食完手打墨魚丸表示吾夠喉，所以同朋友又嗌埋墨魚滑😁 墨魚滑一樣都係咁彈牙👍🏻 雲吞熱辣辣漲卜卜，食果陣要小心吾好辣親😋 雲吞皮吾會過厚，包住新鮮既蝦肉，非常鮮甜🤤▫️豬什拼盤🐽 一碟有齊幾款，吾洗左揀右揀😋 我最鐘意豬紅，好滑好彈牙，索晒啲湯底味好正😍

話說最近終於有少少涼.同朋友係深水埗買完野.就想打邊爐.係OpenRice 搵到呢間火鍋店.又係附近就入去試下脆炸午餐肉超香脆.食到停唔到口.烤得好靚.忍唔到口.一個人都食左4條.必試推薦炸蝦餅岩岩烤起即食超好味.烤得好香口.配埋泰式辣醬.好惹味.估唔到火鍋店都有甘開胃既菜脆鯇好新鮮.完全無腥味.入口超爽口.安格斯牛嘩！牛肉雪花紋超靚.入口即溶.牛有牛味完全食唔到雪味.總結：一間不錯的店.經過可以試下

懶打字, 但都要上黎分享下, 簡單重點講:德國啤酒抵飲$10/支😍😍😍😍😍所有食物新鮮👍👍👍👍👍白鱔片, 肥牛, 象拔蚌唔至新鮮好味, 師傅刀功好, 令食物更加分💯💯竹笙王夠哂大條😁😁😁招呼好態度好!!!! 食物份量足料!!!!!仲以為行得遠, 原來深水埗地鐵站出去行5分鐘就到。火鍋成日食, 未試過滿意度咁高!!!!如果無叫象拔蚌($880/條), 今餐計返都係幾百蚊。 但象拔蚌堅甜, 以質素來計絕對超值

天氣開始轉涼最岩就去打邊爐🤤今次去到深水埗既火鍋煮場，聽個名就覺得霸氣，叫左個杏汁豬肺湯底，清清地唔會好熱氣.打邊爐之前叫左份香煎墨魚餅，好快就送到，墨魚餅煎至金黃，食落幾彈牙😋都幾抵食手打蝦丸聽人講呢到出名丸類，所以點都叫一份黎試試，蝦丸真材實料，入面有鮮蝦肉，唔會切到好碎，所以食落仲可以保持到口感🙈海蝦雲吞睇都覺得非常多餡料，好似就黎爆開咁🤣隻隻都脹卜卜，皮唔會好厚，調味適中，不錯牛舌芯見到呢碟牛舌芯，心情不自覺都開心起來🥰燒就燒得多，打邊爐食真係第一次，牛舌芯淨係攞牛舌中心部分，入口爽滑，唔會太難咀嚼，不過份量有點多，食唔哂🙈海蝦我同朋友都好鍾意食蝦🦐所以叫左好多蝦既食物，海蝦平均都幾大隻多肉，肉質爽彈

呢排好多人都鍾意去打邊爐，但某幾間任食火鍋餐廳真係太full，所以今次黎到福榮街既火鍋煮場，雖然食物同飲品都係單點，但質素絕對唔差🤤叫左個清湯配成都麻辣湯底，因為我食唔到辣，但朋友就係辣迷，一次過滿足哂我地👍🏻－－－－－－1. 即炸紫菜響鈴坊間的火鍋店好少見到有，外型好靚🥰即點即炸，所以上菜時仲係熱辣辣，非常鬆脆，店員話只需要浸兩秒就食得，唔好太耐，否則會影響香脆既口感2. 安格斯牛肉花紋好靚，油脂分佈平均，非常高質🤤而且片片都唔係薄片，有厚度，食落牛味濃郁，肉質鮮嫩，唔韌同唔會鞋口3. 廣島蠔一客有7隻，隻隻都幾大隻，食落鮮甜同埋嫩滑，即使淥完都係咁肥美飽滿😋4. 蟶子蟶子食落彈牙，有嚼勁，而且冇沙，加落麻辣湯底真係好惹味🤣

身為一個打邊爐怪，疫情之下禁止晚市加上不準堂食，對我黎講真係打擊好大，所以當疫情有緩和嘅跡象，加上可以四人一枱兼晚餐准當食，當然要狗衝去打邊爐，而我就鍾情呢一間小店。我成日覺得牛肉喺一間火鍋店真係好重要，不過佢有冇靚牛同比唔比靚嗰碟你真係同交情有關，不過呢一間就似乎無呢個情況。我仲記得第一次去，問老闆邊隻牛靚啲，佢叫我揀平啲嗰隻鞍格斯，而唔係好似出面嗰d實叫你要牛頸脊(因為貴啲)，我就覺得呢間舖頭好有趣，而且食落去d鞍格斯牛又真係好好味，所以衣家我去親都只叫鞍格斯。另一樣必食嘅就係佢個手打蝦丸拼墨魚丸，食得出真係自家製，因為d丸入面好足料，講真，出得黎打邊爐唔通仲食嗰啲可以去超市同街市買到嘅貨式咩？最後一提，佢d德國啤酒好好飲，出面無乜見過，而且唔知係唔係疫情關係，竟然$10一支，平過飲汽水。

好耐都冇打邊爐啦，雖然而家係夏天，天氣有啲熱，但係咁樣都阻擋唔到我一顆熱愛打邊爐嘅心。今次就嚟到深水埗呢間火鍋店，諗住試吓呢間望落去唔錯嘅火鍋。首先打邊爐點可以無肉呢？我哋叫咗一份本地手切既牛頸脊，牛肉嘅顏色非常漂亮，肉脂分布均勻，所以食落去非常好食，又軟又嫩，再加上呢度嘅湯底都幾夠味，讚！另外仲有叫咗一份手打三寶，有蝦丸、墨魚丸同埋鯪魚球，因為係手打嘅所以非常彈牙爽口，佢既自家製墨魚餃都非常不錯。另外都叫左個竹笙同活魚刺身，刺身非常新鮮，魚肉晶瑩剔透，值得一試。

因為疫情關係，已經有一段時間沒有外出和朋友吃飯。難得今日與友人到深水埗購買物品，便決定晚上到附近一間特色火鍋店吃晚飯。我們一坐下來，店員立刻遞上一壼暖水，並為我們作介紹，服務態度很好。這裏的湯底選擇很多，因為天氣太熱，打邊爐較燥熱，所以我和友人最後決定要一個皮蛋莞茜鍋。沒多久湯鍋便上場，莞茜湯味香濃，已經令人食指大動。配料方面，我們點了安格斯牛肉，肉質鮮嫩、肉味十足、入口後嘴裏都是滿滿的肉汁，令人吃完一片又一片。我們還點了炸魚皮、脆炸午餐肉等邪惡配料。不得不提的是這裏的蟶子非常新鮮，肉質肥美，只要在湯鍋淥一淥，入口已經覺得爽口彈牙。如果喜歡吃海鮮的話，相信一定會愛上。因為食物的份量都多，所以我和友人吃完這幾款配料以後已經是滿滿的飽足感，今晚的飯聚真是令人大滿足！

今日同D 朋友飯聚，想坐得耐D傾下計通常我地都會揀打邊爐識食梗係食海鮮先，咁個湯底就會更加甜，我地叫左碟波士頓龍蝦🦞，超新鮮超甜，龍蝦肉好爽口唔會晦淋淋，蟹鉗好正，好大舊，通常朋友仔都會讓比我食🥰🥰另外呢到D 脆鯇魚🐟好正，真係脆卜卜，我試過市面上有火鍋店係用普通鯇魚片，質感同個味都差九條街，一碟份量仲要唔少獅頭鵝腸又係又一經典，而家呢個餸出面食飯買少面少，無乜幾可撞啱有得食，但偏偏呢到就有嘞。鵝腸係要有D油先好食，好肥美，大大條因為友人唔食牛，所以叫左黑豚肉食，嘩，不得了🤩。睇到塊肉D油脂分佈又靚又平均，一圈圈排得整整齊齊，又唔會因為解凍後淋pat pat，見到都流晒口水啦，即刻變左隻食肉獸而蔬菜我地就揀左近年大熱嘅萵苣，最後食可以吸曬D 海鮮同肉汁，爽脆或淋身豐儉由人，我就鍾意淋滋滋，因為咁先入味嘛我地幾個最後要捧住個肚，去商場散左2.5 小時步先攪得掂🤪🤪