炉端金 (已結業)

朋友同我慶祝生日 諗住揀一間燒肉食 咁就揀咗呢間 去到原來佢係日式放題要加錢先可以有燒肉食加咗$58燒肉嘅款式就好少得幾樣但如果飲酒嘅朋友係非常正 因為佢所有酒類都係任飲 但可惜我同朋友都唔飲酒燒肉嘅安格斯同埋西冷牛係好食甜品又可以任食雪糕又可以任食

之前食飯行過 , 比佢嘅門面吸引到 , 今晚終於訂咗枱嚟試下 ~ 我哋揀咗 7:45 pm 開始嘅 2.5 小時放題 , 再升級加咗 $68 任飲酒類同 $58 任食燒肉 ~黎個日式刺身燒肉放題 !!! 如果唔夠喉 , 仲可以加錢食生蠔 (非任食) , 當日有 3 款生蠔 , 日本 , 法國同埋愛爾蘭食店地方闊落 , 疫情期間 , 仲安排咗一個消毒區比食客消毒碗碟 , 等食客可以食得放心 , 非常貼心呀 !! 食店採用電子點餐 , 冇漏單情況 , 而且上菜的速度非常理想 燒肉試左牛小排 , 牛西冷 , 牛肉眼 , 牛舌 , 冬菇 , 豬頸肉 , 五花腩 , 鴨胸 , 牛西冷好食 ! 果味牛仔骨真係有果味 , 幾特別燒物海蝦 - 好食 ! 肉質彈牙 , 燒菠蘿 - 又甜又多汁 ! 芥辣雞肉串 - 個人唔係太鍾意個芥末汁熱食清酒煮蜆份量非常多 , 雞翼有好多口味 !! 岩曬雞翼控 , 我地試左蜜糖芥辣味同黑椒味 天婦羅星鰻天婦羅值得試 🤤 !! 靈芝菇天婦羅同秋葵天婦羅都好好食 , 後者口感一流 刺身試左油甘魚 , 吞拿魚 , 帶子 , 象拔蚌 , 甜蝦 , 北寄貝 , 象拔蚌刺身唔係間間

近排見好多人喺屋企食飯，咁我就同朋友一齊出街試下食日式同韓燒嘅放題， 朋友就介紹咗啲去呢一間炉端金到食，起碼可以開開心心食一餐 ，等大家都開心下。佢嘅韓燒亦都有好多嘢燒例如有西冷牛扒、肉眼牛扒、牛仔骨、 雞柳、鴨胸、同埋五花腩肉等等。 咁我就建議大家食試下佢嘅肉眼牛扒，因為佢D牛算新鮮，同埋都好juicy。清酒煮蜆: 呢個清酒煮蜆我覺得幾有十幾嗰啲味道同埋啲蜆都幾好食 大家可以當餐前小食去食。我哋叫咗三文魚片、油甘魚、希靈魚、八爪魚、北寄貝、馬刀貝、象拔蚌片、帆立貝片同埋有甜蝦、虎蝦、黃金螺、墨魚片同吞拿魚片。 基本上佢呢個刺身，覺得每一樣都幾fresh，我個人就幾鍾意食三文魚片因為三文魚片我覺得都好肥美，同埋大家可以叫多少少甜蝦因為佢哋D蝦都幾新鮮。海老天婦羅: 呢個佢炸得幾好，唔算落到太多麵粉，比較似日本嗰啲天婦羅。壽司我推薦鰻魚壽司： 鰻魚都幾肥美同埋 鰻魚汁做得唔錯 ，我覺得比其他日本餐廳做得出色，呢個我覺得呢個係必點既。 或者大家可以試一兩嚿。雞翼我就叫咗芝麻雞翼蒜香雞翼同香草雞翼每一個雞翼其實佢煎得都幾好，我自己覺得好過某一啲燒烤店，同埋燒烤店通常燒得會比較硬身，而佢呢度燒

疫市下好少人出街，更唔好講出街食飯，無咩事都係早少少番屋企先！不過困係屋企咁耐，好想呼吸一啖街外嘅空氣，所以相約友人去尖咀，食每次行過都想食嘅炉端金，店外裝潢好似日本獨棟餐廳咁靚。晚市提供放題，自助甜品飲品，仲有燒肉Tim ！平日晚上人不多，不過都有三分一客滿，空間感十足，卡位每台都有獨立空間，值得一讚是餐廳畫分了一區做消毒，客人可以去將豉油碟用熱水消毒。第一輪柯打一些刺身同燒肉，刺身類選擇都幾多，要數最正係甜蝦，帆立貝，三文魚，油甘魚，其實全部都新鮮鮮甜，仲有平日少見嘅原隻螺肉同象拔蚌！壽司方面叫左海膽軍艦，黑松露帶子壽司，岩鹽和牛壽司同汁燒鰻魚壽司較為貴價食材，質素好好無將貨就價。食完刺身，仲柯打左d熟食，雞翼類都有好多選擇，最岩我地最鍾意食雞翼。芝麻雞翼放題店一定要有，另外仲叫左蒜香雞翼同蜜糖芥辣雞翼，超正。炸物方面天婦羅無試，但點了炸雞及蟹肉忌廉薯餅，全部即叫即炸，熱辣辣食。整體食物種類多，唔夠喉仲可以加埋燒肉，食完仲有雪糕任食，食埋movenpick 心滿意足！

呢排疫情都冇阻我同朋友食放題嘅興致！同朋友去咗呢一間又有得食日式放題，又有得燒烤嘅餐廳！入到去餐廳啲職員好貼心咁，即刻放低左一啲燒烤嘅配料、Wasabi等等。而我一入到餐廳就即刻出咗去睇吓啲咩飲品同甜品🍮呢度嘅雪糕好多款式，而且全部都好高質素！除咗有Häagen-Dazs之外，仲有movenpick同其他韓國嘅雪條！而呢度亦都有得加錢任飲清酒、啤酒、紅酒等等！餐廳落單係用手機scan QR code嘅! 好方便而且完全冇漏過單！刺身同壽司嘅質素都算中上！尤其係佢嘅甜蝦同三文魚，個人覺得好新鮮而且啲肉質都好實！壽司嘅款式都好多，而且啲飯亦都唔會好大舊！呢度嘅串燒個人來講覺得好好食，而且一啲都唔會燒得過熟！鍾意食雞軟骨嘅我，都食咗差唔多有10串🤣而佢哋呢度嘅雞翼亦都係有另外一張menu嘅！佢哋有唔同種類嘅雞翼，個人覺得佢嘅柚子蜜糖同蒜香雞翼都好好食！而佢啲蜆都好大隻，份量好多，亦都唔會有好多沙！而佢燒烤嘅部份有美國安格斯、牛小排、牛舌等等！而且佢嘅爐都好容易控制，而且食完之後亦都唔會全身有燒烤嘅味！

今日放工去咗尖沙咀買嘢，見最近自己工作咁辛苦就獎勵下自己，同男朋友去食呢間炉端金放題！呢度除咗有日式放題之外，仲有任食燒肉同埋多款酒類任飲！🔥自助飲品吧有清酒、梅酒、紅酒、白酒、生啤！啱晒鍾意飲酒嘅我哋！仲有多款罐裝飲品同埋熱茶！🔥刺身拼盤刺身方面好新鮮，其中最好食嘅係超肥美嘅三文魚腩同埋好滑嘅墨魚刺身！🔥壽司呢度最抵食嘅係有海膽軍艦同埋吞拿魚茸軍艦，兩款壽司都好新鮮！🔥枝豆、八爪魚仔呢兩款前菜用嚟送啤酒一流！🔥清酒煮蜆呢個清酒煮蜆幾高質，非常重清酒味，而且啲蜆都幾大粒，最重要係冇沙！🔥串燒呢度嘅串燒選擇好多，其中個人特別推薦食免治雞肉串同埋魚鮫，免治雞肉串d肉好冧，外面燒到脆脆地加埋燒汁好正！燒魚鮫d肉好嫰滑，燒得夠香脆！🔥安格斯牛柳粒好重牛肉味，加埋蒜頭味幾好食！🔥雞翼呢度有一個特別嘅地方，係佢有好多唔同味道嘅雞翼俾你揀，其實就係一隻炸雞翼然後淋上唔同嘅醬汁，啱晒鍾意食唔同口味雞翼嘅人！🔥天婦羅天婦羅都係即叫即炸，上枱嘅時候熱辣辣都要攤凍一陣先好食，最特別係佢有苦瓜天婦羅同埋秋葵天婦羅，食咗咁多肉都係時候食返啲菜！🔥燒肉燒肉係要另外加錢嘅，但我覺得係值得嘅，佢嘅肉都幾好味，其中厚切

拍拖紀念日，念咗好耐唔知帶佢食咩好，最終決定帶佢食日本料理，佢最鐘意日料，所以我就帶咗佢黎炉端金食放題啦！之前同過同事一齊黎，覺得唔錯！炉端金環境好舒適都幾大，我地兩個人都可以安排到好闊嘅卡位俾我地，自成一角幾好~刺身盤刺身盤好靚，用咗好多綠色的菜類作配搭，紅綠相襯，賣相很好。刺身款式都好多，一捧上黎就覺得好豐富象拔蚌、螺同甜蝦好鮮甜，好新鮮！象拔蚌肉質有韌勁爽口，甜蝦入口質感嫩滑，味道甘香。串燒串燒好出色，雞肉串入口好有口感，有d雞軟骨係入面牛柳串同菠蘿好正，菠蘿好甜，牛柳串味道足！仲嗌咗好多主食，食得勁飽，好滿足同埋野飲品種非常多，broker免費。服務都非常好，效率好高。下次會再黎過！

炉端金尚味日式放題花多眼亂包羅萬象，任食有齊一站式一品和食/爐端燒刺身/燒物串燒/壽司及自助區一眾的吃法，小店注入不同種類匯眾的確吸引，不僅放題空間感有別於一般環境，和風寬敞舒適簡潔不狹窄容納大班人覓食的好勝地當中包括用料上乘新鮮即叫即切拼盤刺身，每一款口感油花均匀味嫩兼紮實咬口當中其中一個賣點質素相當不俗，燒物質量飽滿Q彈夠正宗散出原汁原味，基本上不論你置身一眾美食在內單單系晚巿當飯或單點獨食也實在不錯

以前好鐘意食呢間放題,唔太貴質素又好,有海膽同三文魚子軍艦,d串燒又好食.....但宜家的確退步咗.....火炙壽司仲keep到...但d海膽苦苦地....d串燒又無以前咁好食....燒到d肉好老調味又調得唔好...（換咗師傅？）宜家得番好少嘢食.....無咗燒雞皮同鵝肝多士...唯一可取係有多甜品選擇....Movenpick同 HaagenDazs都有,仲有一d日本韓國比較特別的雪糕......

呢排全城搶口罩真係身心疲累🤯見到有啲公公婆婆督住拐杖走去排幾個鐘為嘅只係一盒口罩...真係好心酸😭希望有多啲良心藥房良心店舖去幫吓啲有需要嘅人啦💪香港人加油!.📍炉端金 Robata Kim.高質嘅日式餐廳夜晚做放題午市都有set😍今次就帶埋🙆🏻‍♂️黎食~🍱雜錦刺身丼-有三文魚吞拿魚八爪魚帶子蟹子鱆紅魚同刺身蝦😋好豐富!壽司飯又啱啱好唔會過多醋👍🥘滑蛋親子丼-雞肉即炸又嫩滑😋好有水準!午市跟餐仲有附送飲品嫁🤩

當晚慶祝朋友生日，我們一行6人去爐端金吃放題。其實一年前我哋也曾去，發覺近日它平了便去再幫襯。食物質素不錯，我最喜歡炸榴連，與及刺身。今次去，多了幾款不同的雞翼，幾特別。若果你喜歡吃名牌雪糕，更要去試下。不過，現在平了些，可惜我沒有機會再飲楊枝甘露了，真傷心。當晚我哋吃5:30，所以不算多人，上菜也算快。

朋友介紹我食呢間放題，平時行過都完全唔覺呢間地鋪係食放題😅今日入去一試！簡直癲覆左我對日式放題嘅認知！佢啲座位非常闊落，我地2個人竟然可以坐卡位🤭張枱絕對擺到好幾盤野食-飲品種類都好多酒嘅話有白酒紅酒清酒梅酒啤酒👍🏻熟食/湯都有啲可以出去攞🥢刺身呢度啲刺身種類都算多😁螺同甜蝦特別好食，因為真係好鮮甜☺️其他魚生就正常放題水準，馬刀貝同象拔蚌好爽口👍🏻值得一提係呢度可以加錢叫其他刺身朋友想試下其他野，於是我地加左飛機魚同啲蠔🤤價錢又唔算貴，蠔幾鮮甜，都有海水味🥢前菜蒜味螺肉好正！大大粒，但又唔會太多醬蟹子沙律我都好中意食☺️青瓜爽口，沙律醬都足夠黑松露魚生沙律都唔錯，黑松露味都重👍🏻🥢壽司因為驚食唔到其他野，所以無嗌好多壽司壽司size適中，啲飯唔會好凍同好散👍🏻味道就正常放題質素🥢串燒串燒反而有啲驚喜☺️牛柳粒串好好食，好林亦重牛味免治雞肉串都好食，入面有啲啲雞軟骨，內落好有口感，如果加埋生雞蛋食應該仲正🤤煙肉蕃茄串都唔錯，蕃茄好大粒😆菠蘿好甜👍🏻🥢爐端燒加少少錢食埋佢個燒肉😆牛黎講就牛小排同牛舌最正👍🏻牛舌ok厚身好爽口🥢天婦羅好明顯係炸好即刻拎出黎👍🏻炸漿唔算厚，食落唔會好漏🥢雪糕甜品雪

得閒去食炉端金！串燒刺身食到金！😆😆臨近過年都好多團年飯聚...今次朋友介紹話試一間高質日式放題😋仲話可以食埋燒肉放題🤤🤤🤤响金馬倫道好方便，入到餐廳地方好大，座位闊落，坐得舒適而且仲有好多包廂卡位👍🏽同朋友gathering一流🙌🏼一入門口就見到勁多款式飲品，有汽冇汽嘅，雪糕甜品亦樣樣齊👏🏼👏🏼餐廳用QR CODE描一下自助點餐，環保又方便，只要有手機📱就order到，超讚👍🏽👍🏽以後唔洗再寫紙仔然後等侍應收飛仔啦👋今餐豐富啲...日式任飲任食$298加58食埋燒肉放題，刺身款式好多好多十二三款閒閒地㗎！雞翼都有八九款口味，高質餐廳係唔同啲嘅！串燒一啲都唔弱，我最鍾意牛肉串唔係全熟，好好味！順帶一提，餐廳原來會員儲積分，消費$1=1分，3500分就一位可免費🆓都幾抵喎！今餐我地用恒生信用咭仲有85折添🥰🥰

今年團年飯搞搞新意思，食日式放題，唔駛煮之餘又包羅萬有，而且價錢比起食一圍菜更化算。今日就去左尖沙咀金馬倫道既「炉端金」食日式放題。一般放題都有既沙律、壽司、刺身、煮物和燒烤，呢度都一樣有，不過食物既選擇並唔算太多。另外亦可以加錢任食燒肉，其實都算一個幾彈性既選擇。用恆生卡有8折刺身質素唔錯，尤其係象拔蚌，爽脆鮮甜，油甘魚都好新鮮！軍艦壽司好幾款，試左海膽同拖羅蓉。拖羅蓉唔錯！前菜每款份量都係少少，唔駛驚食唔哂！枝豆有調味過，正！清酒煮蜆，蜆肉鮮甜無沙，清酒味濃天婦羅係必食推介‼️呢度既天婦羅比好多日本餐廳更好食！！天婦羅上檯嗰陣仲係熱既，天婦羅炸漿夠薄夠脆，唔會料同炸衣分開兩層。天婦羅鰻魚encore 左好多round, 無左平時層鰻魚汁，更加食到鰻魚既鮮味，必食！甜品種類好多，Mövenpick,haagen dazs都有，亦有韓國雪條雪糕。有啲另外加錢食既刺身生蠔清酒都係任飲另外值得一提既係呢度既服務非常好，侍應有禮貌又夠細心，收碟速度又快。兩個人安排左坐卡位，亦都非常闊落，之前試過喺其他放題店坐啲勁窄既二人檯，野食都擺唔落，呢度就無呢個問題。

之前都試過呢間放題，嗰時做緊$4xx/個，清酒、梅酒、紅白酒任飲，款式又多啲，有羊架、牛舌，同埋有時令刺身送。見而家價錢平左，咁就去試下啦！首先酒類要加$68，個人覺得唔太抵，指示唔清晰，應該係出邊酙酒既位置標明要加錢，如果唔係就當左免費。另外出邊都有少量熱盤可以食，例如小丸子等。入正題，一開始叫左個刺身拼盤，象拔蚌幾鮮甜，虎蝦都唔錯，呢兩樣都幾回本！之後既牛柳粒都幾嫩同埋牛肉薯仔湯都幾濃味。榴連炸彈都保持水準，榴連味幾香，一口芝士都幾香芝士味。串燒叫左半個鐘，催左兩次先有。串燒款式唔太多，燒菠蘿幾多汁。埋單用app會員優惠/恆生咭有八折，折後每人$27x，價錢合理。