炳記茶檔

营业中

休息中

自從知道炳記嘅奶茶被CNN評為香港四大奶茶王之後就充滿好奇心，然後直接摸過3次門釘(依家先知原來佢有IG會講幾時唔開⋯☺️)，亦為此去左港島唔同茶記，中晒伏咁試左啲網上排行榜上榜上有名，描述到為之動容嘅港式奶茶。而就喺完全冇計劃之際，我終於飲倒炳記嘅奶茶。佢一上憑個色澤已經知道應該唔會太驚艷，如果想飲佢個茶底都還好，但如果想飲一杯絲滑潤喉嘅奶茶，佢會偏茶啲，但茶味又唔算好濃，凍飲有啲甜。食物方面，奶醬多厚多士十分香脆，花生醬同煉奶嘅比例洽度好處，一貫茶記嘅發揮，但個麵就淡同腍得濟，條菜亦有啲味😂

炳記茶檔 ． 就是吃這一種風味 唔係什麼美食 享受嘅係香港懷舊嘅情懷 其實食到炳記，應該算係一個驚喜 因為假長期排隊 而且早收工坐喺行人路邊 其實檯與檯之間都有段距離 隔離已經係車路 附近大量車房 亦都好難泊車不過全部都係露天位，空氣流通 如果落雨就麻煩啲雞翼公仔麵豬扒公仔麵味道就一般 同平時茶餐廳食到的有不同奶醬多👍🏻👍🏻👍🏻焗得比較脆口 奶茶係must order , 香滑嘅味道overall 好有街頭風味 👍🏻👍🏻👍🏻

@kan.teen相信中意飲港式奶茶嘅你一定聽過炳記茶檔～有睇開我都知我係超愛奶茶的><!!!無論係台式珍珠奶茶奶茶🧋定港式茶餐廳奶茶☕️我全都要❤️炳記係足足有70幾年歷史，呢一種用傳統茶檔鐵皮屋風味嘅門店設計係依家已經係碩果僅存。係呢度食野無冷氣，食自然風，同人搭枱，好懷舊嘅港式風味。🤎佢哋嘅招牌奶茶更被CNN評為香港四大奶茶王🌞基本上每一枱都會叫翻杯。去嘅當日天氣好熱 先叫左杯凍奶茶！結果飲過返尋味 忍唔住要試多杯熱奶茶 睇吓係咪一樣咁好飲...飲落口茶香奶滑 呢四隻字講就簡單但要真係做到並唔係咁容易～飲落去唔會覺得條脷”鞋口”，茶味香濃而唔澀 奶茶質地厚身。即使係熱奶茶嘅話一樣咁滑 唔似得其他茶餐廳嘅熱奶茶飲落會有少少酸酸地。凍同熱都好飲，悉隨尊便😆另外食左豬排米，醃得夠味 唔係用鬆肉粉醃到啲肉爛晒嗰種 咬落仲有豬排一絲絲嘅肉質。調味就好重黑椒味 仲帶點蜜糖味甜甜地。食港式野當然唔少得西多士 奶醬多呢啲😌多士薄身非厚切 花生醬塗滿滿 食落啖啖醬 邪惡啊！！如果再烘脆啲更佳👐🏻整體來講我覺得佢哋嘅奶茶係必飲 鍾情飲奶茶嘅大家 不坊整翻杯試下✌🏻但食物方面就唔需要話特登

去大坑就一定要試下呢間懷舊大排檔，經常都大排長龍，蛋牛治烘底，烘得好脆，蛋牛就正正常常，雞翼醃得幾入味，味道都吾錯，奶茶茶味夠曬濃，最緊要係黎感受下懷舊大排檔既風味。

比起其他茶記，呢度主打既係招牌豬扒雞翼，黑椒汁豬扒雞翼非常之入味！ 唔會過分濃味，食到黑椒同有少少甜甜地既味道，可能係蜜糖？ 有少少似BBQ個d味☝🏻肉質亦都唔會太過鬆散，鍾意佢預先已經切到細細舊食起上尼好方便！可以就咁嗌一份小食或者加落麵度，我自己就覺得叫個豬扒雞翼蛋出前一丁好d，食食吓d濃味嘢食啖麵🥰 仲要係有幾條菜係碗麵入面，唔係象徵式加1條嗰隻😆😆😆 個出前一丁仲可以加佢啲自家製辣椒魚露或者麻油🙌🏻🙌🏻🙌🏻奶醬多都係好味嘅，多士好脆，好慷慨咁加咗煉奶同埋花生醬，唔會搽到一忽忽，有比心機😆

大坑是鬧市中的一片綠洲，而且建築物保留原有風味，所以吸引很多性格小食店進駐，成為周末打卡好地方。不過，今早去開天后，筆者還是偏愛在香港遲早會消失的鐵皮大排檔。當中，大坑美食餐廳必數「炳記茶檔」！這家懷舊老店仍然保留舊式鐵皮茶檔，更被譽為明星最愛的平民餐廳，好彩的話會見到名星！ 星期三的早上八點半已經有長長的人龍，真是厲害！不過，眼看似街坊，食客及排檔都似互相認識，果然係一個鄰里關係良好的小社區！ 排左10分鐘就有位，馬路兩旁都隨便放了枱櫈，夏天就不會來，沒有冷氣太熱！一個人當然要搭枱，一坐下已經要落單，從來沒有見過餐牌。望下隔離枱，好多都是食豬扒麵，實在太豐富，筆者唯一想要就是大排檔奶茶！奶油多加熱奶茶，埋單先知$28。這個茶檔的熱奶茶沒有想像中吸引，入口雖然順滑，但茶味有些苦澀。奶油多是香港茶餐廳特色小吃之一，即是多士先塗牛油，再淋上煉奶。食用時能夠吃出牛油香味和煉奶香甜，所以很惹味。 

星期六一場嚟到大坑，梗係要食吓呢度出名嘅豬扒公仔麵。人龍都算幾長，但係因為我一位嘅關係其實都算幾快有位。叫咗一個豬扒出前一丁，豬扒醃得都幾入味，同埋唔會好鞋。佢哋嘅奶茶都幾滑同埋茶味都幾香，不過如果要大排長龍嘅話其實就未必真係覺得需要排隊。另外我仲叫咗一份多士食，佢哋嘅油占多做得都幾好食😋呢啲係港式茶餐廳先獨有嘅味道。走嘅時候仲見到佢哋嘅名其實一早已經煮定左擺喺個覽度，咁就唔怪得出品都出得幾快。

今天來到許志安、陳奕迅也常到的茶餐廳吃午飯，試了必點的豬扒出前一丁、有香港四大奶茶之稱的奶茶，還有店員推介的鹹牛肉炒蛋三文治及奶油多士。之後看到鄰桌點雞翼，我們也追加了一份。豬扒鬆軟入味，走腥，出前一丁麪質爽口彈牙，生菜煮得軟淋，桌上還有日清麻油以及辣油可任加。可惜湯底如清水般淡而無味，店員如果可以提供出前一丁的味粉就更好了。麻油質素當然好，辣油則味道一般。雞翼不夠熱、有點韌，亦不太入味。厚厚的多士烤得剛好，外脆內軟，牛油的味道在茶餐廳來說算是中上了，鹹牛肉炒蛋則一般般吧。奶茶味道普通。整體不過不失，價錢相宜，一試無妨。

今日有事特登過嚟大坑，一早諗住食返個豐富早餐，見到咁多人排就揀咗呢間餐廳。叫咗奶醬多、雞蛋火腿三文治烘底，牛腩雞翼出前一丁麵，坦白講，冇乜特別。至於奶茶，叫咗兩杯，非常好飲。買單8x蚊，非常抵食。

超級抵食，鍾意食豬扒麵，廚師精心炮製過嘅，唔係一般淡而無味嘅豬扒，但係又唔會偏鹹。早餐食呢個面會非常滿足感，因為一碗簡單嘅豬扒麵，配搭咗蛋同菜，完全係一份營養豐富嘅醒神早餐🤩當然唔小得配埋杯凍奶茶🥤

凍奶茶 vs 熱奶茶 - 凍奶茶一時唔記得叫少甜，飲落的確好甜，但勝在由頭到尾都係一樣咁甜，唔太差。而熱奶茶就味道唔錯，加少少糖，足以帶出奶茶味。奶醬多 - 最出色嘅食物，脆脆嘅多士，上面配上厚厚嘅花生醬同煉奶，放左一陣先食，多士都係脆脆的，而且d醬覆蓋率佔左多士9成多d，正豬扒咸牛肉公仔麵 - 好少地方有咸牛肉食，而且30蚊兩餸，呢個價錢，性價比十分高，而且係好好食，正雞翼腸仔公仔麵 - 呢個比較失色少少，雞翼比較凍少少，感覺無咁突出

好耐之前已經想試炳記， 但一路冇咩動力特登走去大坑試下。今日lunch book左大坑餐廳， 難得黎到， 咁再早少少起身去食大排檔。一黎到已經有8個，9個人排緊隊， 估唔到星期六都咁多人， 但d人龍去得好快。奶茶:之前見人話係香港4大奶茶之一，必試item。我個人覺得係奶同茶比例適中， 但又未去到會一試難忘。蛋牛治：多士烘得好脆， 內餡普通咸牛肉炒蛋。奶醬多：反而食物當中， 我最愛奶醬多， 奶醬咸甜剛好，加上有少少厚多士， 配搭好好食。我見好多叫豬扒麵， 但我地怕太飽冇叫。下次會再黎試下。

以前個個禮拜都去，而家慢慢少啲少啲，希望改變一下自己嘅生活習慣。以前一碗麵一件多士兩份分，而家一件多士加一份餐蛋或者腿旦。食食吓真係好似有啲厭倦，或者又因為我近排身體有啲事搞到連味覚都有啲特變。已經諗好左下次自己隊碗麵。成日覺得以前兩個人share一碗麵而家一個人點會食得晒呀？根本就係自欺欺人！同埋我發覺茶餐廳大排檔嘅嘢食又平又好食😋根本就唔使去啲懶有情調懶有格調嘅cafe , 又貴又唔好食, 仲要post 出嚟得個樣, 去買根本就另一個樣，唔似得茶檔真材實料！🤩又有人情味仲有就係麵包舖嘅麵包熱辣辣幾蚊一個，根本唔使食cafe 果啲三四十蚊，有時甚至五六十蚊一件cake。

話說愛上咗飲奶茶之後，都會周圍搵吓邊度有好飲嘅奶茶，呢日嚟到呢檔鐵皮檔，曾被報章封為四大奶茶王之一坐低點了兩碗麵再加杯熱奶茶▶️肉丁腸仔出前一丁公仔麵 - 公仔麵煮到爽口彈牙，肉丁腸仔正正常常，唔會有咩特別！▶️豬扒出前一丁公仔麵 - 正正常常，不過唔明點解豬扒會碎上，我又無要求！▶️熱奶茶 - 不愧為奶茶王之一，茶底有豐富茶味，夠香滑，奶同茶比例恰好總結：奶茶係值得一試，不過環境就好一般，加上大熱天時會更難頂！

成日都話大坑好多野食，但實際要講，好似又講唔出啲咩咁。但係有只要行入大坑，就一定見到呢檔豬扒麵，永遠都係排曬長龍。到底係點解呢，等我一試究竟！🥡 豬扒麵 $25抵食都唔再講，一碗25蚊嘅麵已經係賣少見少。味道方面，豬扒啖啖肉，咬落唔會韌，黑椒味嘅豬扒，食落非常惹味。的確係令人想一食再食，用嚟做早餐，直頭係點亮左一整日～🍜鐘意食辣嘅朋友，可以問佢地拎自家製嘅辣椒魚露，加埋落個麵度，包你一定唔會西面！