炳記茶檔

营业中

休息中

新年過來附近廟宇參拜，之後在附近發現了此茶檔，原來該區這一帶不少細檔餐飲。見炳記幾有特色，便試一次。排隊第一個，好快入座。之後見後面客人都等了十幾分鐘。服務人員都好繁忙，街邊檔，著重服務的人就不要來了。沒有套餐，全部單點，不算以便宜主打，但食物品質唔錯。多士非常外脆內軟，連吃兩份，另外兩份麵食，有新鮮生菜，d餸都唔錯，比普通茶記好好多。熱奶茶清香，同茶記濃郁重奶唔一樣，別有一番風味。見隔離枱d 豬扒雞翼幾吸引，下次路過再來試。 可能有做旅遊宣傳，離開果陣都唔少人來排隊。

週末早上，母親大人帶我食好西。她都算是茶記kol 🤣 因為2蚊雞的威力，成日都到港九新界不停食。是日我們來到了大坑，終於食到我想食已久的炳記茶檔。綠鐵皮屋的懷舊茶檔是炳記的特色，然後還有馳名的豬扒麵同奶茶。🍜.不出所料，排隊是必須的，只是差在排幾耐而已。幸好，最後25分鐘就等到了。幸得母親大人提醒諗定食咩，基本上一坐底就無思考嘅空間lol .最後點了：✥ 豬扒紅腸麵💲26✥ 榨菜肉丁麵💲21✥ 占醬多士💲12✥ 熱檸茶&熱奶茶 💲18/杯豬扒有黑椒醃製過，與平常的豬扒麵不同，味道獨特，紅腸不夠脆邊。麵是供應出前一丁，特別好味。母親大人點的榨菜肉丁麵，榨菜十分爽脆，平時不好榨菜的我，都多吃了兩條😋枱上仲放左好多不同的調味，麻油、辣椒油、鮮辣椒製的醬汁、美極、胡椒粉，可以因應個人喜好增加不同的鮮味。個人認為那不知名的鮮辣椒製的醬汁好好味(✯◡✯)占醬多，醬的份量剛剛好，不會好膩。同枱坐了一對夫婦加1個工人姐姐，佢哋一共叫咗四份多士(⊙_⊙)睇到我都呆咗，就證明多士幾好食喇。熱檸茶就正常，茶香，不會太澀。奶茶點了少奶，同樣地茶好香濃，好滑，都幾好飲。不過都帶返個頭盔先，我就唔係奶茶專家嚟嘅😛

呢間炳記想試好耐，我覺得特色之處係大排檔嘅環境風味，香港真係越來越少，但食物質素真係麻麻地，原本都抱有期望，每之入大坑都見到好多人排隊，心諗一定都幾好食啦～長長嘅人龍 ，等咗接近40分鐘先有位置入座豬扒同雞翼都好普通，豬扒多筋肉質比較硬，雞翼唔入味，黑椒汁似李x記嗰類現成醬汁，無咩特別。奶醬多都係一般嘢，多士唔鬆脆，連杯奶茶都唔好飲 到此一遊 ，結論係：根本無排隊食嘅必要，普通茶餐廳嘅水準

朋友素來鍾意食茶檔野,突然揸車黎話要去炳記朝聖,去到3點1個字,人地截左單冇得食,死心不息過2日又要去食過,今次仲要一到大坑就踢左我落車去叫定野食先,幫朋友叫定招牌豬扒煎蛋丁,我就鹹牛肉榨菜米粉,同時,姐姐話多士類食品last order,朋友泊好車,野食就到,豬扒睇落唔錯,但黎到唔係丁麵,佢話味道ok,我果碗有澎湃既榨菜同鹹牛,可惜米粉唔夠熱,可能係米粉煮定凍左落熱湯, 味道ok,兩碗野連凍飲$90唔洗,抵到呢.下次試下食雞翼麵先.

炳記係一間歷史悠久的室外鐵皮茶檔，但係咁耐先係第一次堂食，之前都係外賣三文洽。星期日2點，一起身就走左去排隊，排左20分鐘隊，長期有人氣。叫咗一杯茶走，一杯奶茶，奶醬多同豬扒麵。黑椒味豬扒，味道好一般，賣相唔太吸引。奶醬多就比一般茶記出色，多士脆口，滿滿嘅花生醬同煉奶，evil 滿分。試左朋友既茶走，我覺得太各甜，都係飲番自己叫既奶茶，茶底唔錯，偏奶味，但會有其他更好的選擇。炳記都係食香港懷舊feel, 要求環境/服務/衛生既就唔係好match.

之前已經覺得食物已經好一般，豬扒直情燶的，附近民聲，順興好食過佢好多，但咁啱順興放假，所以過去炳記買外賣，而咁啱前面有男仕也買外賣，當我行埋去話想叫外賣時，個四眼阿姐同個阿叔大大聲話唔做外賣，我話前面個男仕也有落單，四眼阿姐大大聲話人哋堂食，咁好啦，我去附近買其他嘢，點知我返轉頭，見佢真係比份外賣人，我便埋去問四眼阿姐點解之前同我講又話冇外賣，佢仲死撐講話人哋堂食，其實呢我唔介意你人多唔做外賣，只不過希望一視同仁，同埋唔好事實擺在眼前都講大話，今次之後真係唔會再幫襯。

聽過呢間茶檔個名好耐，只係位置唔太方便，所以一直冇嚟。今日一早去附近，終於有機會一試早餐。可惜太早冇豬扒，所以叫咗碗鷄翼麵加煎蛋，熱奶茶。食物普通，奶茶又唔覺特別好。名大于實，唔洗專程入嚟。如果嚟到要排隊，更加唔好浪費時間，去食第二間好了。

星期六趁假期又無乜人就去咗大坑 試下明星食店既炳記茶檔😛 去到炳記都唔係爆哂人 即刻有位可以ORDER👍🏻 我就叫左雙拼米粉配豬扒同埋雞翼，加多杯凍奶茶🧋豬扒雞翼米粉食落都係正常茶餐廳水準 不過最惹味就係佢個黑椒汁 啲汁都滲哂落雞翼同豬扒 而豬扒都無咩筋 夠淋不過要注意收檔時間 因為佢賣晒就收鋪 嗰日佢地大概三點左右就截單同執嘢準備收檔 所以最好打去問吓時間先

之前試過一、兩次，覺得還可以。今日再去，感到失望。奶茶－般，餸菜－般，米粉鞋口，湯底冇味，態度惡劣，無謂再去😩😞！真不明白為什麼這麼多人排隊和讚賞，可能店主以無心戀戰，也可能我食開的茶餐廳及大排檔水準較好🤔

好耐好耐未去食啦今日約左friend 特登過去回味下，10點幾條龍仲好長，friend 餓得胃唔舒服，話食隔離既算了，好吧，等野一上來，佢即時好後悔，青別別，完全無胃口，食左幾啖 頂住返去排隊😂😂😂好味唔使講啦，面有面味，茶有茶味，好難得，水準都在線，服務生態度都專業..

奶茶可以，三文治可以。麵，在大坑入面來說都是最差。德成、家記、祥勝d面好過炳記好多，但炳記最貴。人方面，帶位果個戴眼鏡既呀姐完完全全離譜。1）條龍排後面既客自己走去開枱，完全無視前面排隊既客。帶位戴眼鏡呀姐唔理，放任打尖自行開枱既客，仲幫忙落單。2）我係街坊，其實幫襯過炳記無數次。這個戴眼鏡呀姐其實經常落錯單。我自己目擊過幾次也親身體驗，但佢完全自我，走埋黎大聲夾惡今話係你錯，完全發夢。街坊都係今話，唔會再幫襯。

大坑炳是事一間歷史悠久的排檔式茶記。小時候因在區內讀書，所以間中都會走到大坑覓食。由於疫情的關係，已經有3年沒有坐在這裡嘆茶食野，都是買上車上享用。今天終於可以獨自坐在這裡慢活一下。很多人來這裡是為了杯奶茶，不過我就比較喜歡豬扒公仔麵，豬扒是經過特別醃製，黑黑的賣相雖然未必吸引，但就十分入味，而豬扒以已全部切開，亦夠淋身，很容易入口。其實灣仔都有一間排檔式茶記，這就是德如，論味道一定是德如略勝一籌，價錢亦是德如貴一點。但炳記沖茶和煮餐的地方仍是在排檔內，洗碗的地方就在用餐地方的側邊，與多年前相同，很有上世紀70至80年代古色古香的氣息， 而德如的廚房就已經搬了入鋪內。或許就是還份情意結，令到自己間中都會返回這裏飲杯奶茶，食少少野！ 現在年輕的一代，或許會比較喜歡去文青氣息的cafe ,這種老舊排檔式茶記，不知何時會消失！！

🇭🇰大坑炳記茶檔🎈奶醬多奶醬真心多/ 厚底多士 烘得外脆內綿/ 有花生粒更正😋🎈豬扒米加蛋失望嘅 - 本身叫麵底 但姐姐話賣晒但唔明點解遲落單嘅會有反而我哋要改米粉🥲/ 同枱都係豬扒 但份量係double 又係唔明🥲/ 豬扒ok無咩驚喜位 似黑椒叉燒🎈熱奶茶hmmm茶膽唔夠香濃 偏香奶味但姐姐態度好nice 加分位😊#hk #hkfoodie #foodie #foodiehk #chachaanteng #daipaidong #taihung #streetfood #toast #pork #eggs #sunnyegg #milktea #lemontea #hkstyle #comfortfood #香港 #香港美食 #香港大排檔 #大排檔 #奶醬多 #多士 #街食 #豬扒米 #奶茶

finally come to this place to hv a lunch.today is 20th National Congress of the Chinese Communist Party 🇨🇳🇨🇳🇨🇳(中國共產黨第二十次全國代表大會), in such historical and meaningful day. we hv to celebrate our china great country. our king xi mentioned very important point to deal with virus, dynamic training / zero (動態清零） i believe this is the grestest goodwill to all china ppl that minimize all the death rate and clear the economy that save our treasure lifes. but our hk leader pikachu didnt follow it straight.

平時假期都見到排晒長龍🤣🤣一直都想試吓今日難得平日經過 咁啱唔使排隊就即刻去食凍奶茶👍🏻👍🏻好有茶味茶同奶嘅比例非常之合適我叫咗少冰少甜甜度啱啱好奶油多🤩🤩🤩外脆內軟 咬咗一啖之後簡直食到停唔到口非常推介下次有機會嘅話會試埋佢哋嘅奶醬多豬扒公仔麵豬扒唔係一般炸豬扒佢係有醃製過嘅 有少少黑椒汁豬扒咬落去非常之鬆軟麵嘅話可以揀出前一丁或者米粉我今次就叫咗出前一丁適合一啲鍾意食香港版出前一丁嘅朋友