点心代表 (已結業)

終於等到轉新主題，鐘意粉紅兔兔嘅人都幾多，晚市都有唔少人去打卡，我諗定期轉換主題係呢度最大賣點，都係為相機食先啫。可愛造型點心應該可以一直吸引到人去打卡嘅。粉紅兔兔、P助系列點心同以往一樣，有超過20款，價錢就四、五十蚊份，打卡嘅代價係高嘅。但其實食左幾籠包類，都好快飽，而家仲有飯添。一路食野都見到好多人喺門口影相，用餐就送杯墊同扇子。餐牌印刷都好靚。粉紅兔兔流沙包 一向覺得叫流沙包比較穩陣，包身軟熟，流心度高雪山叉燒包 面頭甜甜地，雖然叉燒比較少，但我覺得包點類係最好食。水晶貝殼帶子蝦餃、P助鮮帶子燒賣 造型冇乜特別 純粹放左個P助牌喺籠中，味道正常，唔算太厚皮。流心蜂蜜西多士西多又唔算太厚身，都有少少流心，但個樣真係好靚 草莓大福 草莓唔酸，而且都幾大粒。大福皮軟熟偏腍，但餡就甜左D，勉強食到一粒。Oreo脆脆朱古力特飲四季水果茶原味椰皇

知道佢成日有唔同卡通主題既點心，今次點心代表 x Kanahei’s Small Animals主題美食，殺到黎啦！又係時候去打卡，仲會送撥扇同杯墊，又食又拎！就連MENU都整到好少女風，當然唔止Ｐ助兔兔系列，仲有好多其他食物，不過今次黎就主攻Ｐ助兔兔！粉紅兔兔流沙包 $49流沙包係每次點心代表必岀，一定要係佢個口吉個窿等佢嘔流沙岀黎再狂影相，但不夠熱，可能影相影太耐~_~流心蜂蜜西多士 $65比預期中細份，但真係靚得過份，同樣流沙，沾上蜂蜜食更加滋味粉紅兔兔黑松露雜菌蒸包 $59頗貴，份量只有一個，但入面茹量逼爆，但調味調得唔錯P助帶子燒賣 $59可愛三個表情，不過略嫌有啲蒸太耐，帶子老左少少雪山酥皮叉燒包 $59為左配合Kanahei，平時白色既雪山都變左粉紅色！再焗燶少少就更好木乃伊尖椒 $39雖然唔係Kanahei糸列，但都好吸引，而且外層勁脆，好惹味，我反而最中意食呢個P助小丸子椰皇 $55燉蛋上面都有公仔樣，配上椰奶紫糯米小丸子，入口都唔錯，唔會過老四季水果茶 $45飲品比我預期中差好多，冇咩味道，太淡，冇水果味Oreo 脆脆朱古力特飲 $45同樣失望，完全係朱古力溝水，可

只是打電話問有無得訂枱，對方語氣超串話"無", 之後立即立即cut線，想問多話都唔得！！！！！食物幾好食都無用，咁嘅服務態度死啦！！！！！正一有生意唔憂做永不錄用！！！！！！

兩個女仔一齊去食晚飯，去左呢間點心專門店新推出既P助&粉紅兔兔crossover既點心同甜品款款賣相都好得意甘～所以我地即刻衝左去試啦哇... 原來有25 款可愛點心，仲有飯同甜品同飲品，款款都好想試下.... 我哋已經忍唔住點左好多嘢食流心蜂蜜多士味道岩岩好，唔會太漏花枝丸好好食仲有脆皮底，爽口彈牙，好可愛丫～咸水角入面d料同個糯米粉配合得好好叫咗我最鍾意食既菠蘿炒飯～味道岩岩好，仲有腰果脆脆水果茶個味道好清新最鍾意食青椒，仲有雞醬點好得意唔捨得食添，叫到嘅嘢食我哋全部都影晒相，係咁自拍，係咁食今餐真係好治癒丫～～滿足曬少女心同食慾真心推介

点心代表又推新主題！今次係日本的粉紅兔兔（Usagi)與小雞P助(Piske)，每位食客可免費獲贈杯墊一個及紙扇一把！全系列點心均特意設計成馬卡龍色系，非常夢幻。粉紅兔兔流心包，影「嘔吐」相一流，💓仲講明「唔流包換」，我試了！真的漏！表包有點太厚了，個人比教喜歡水晶貝殻帶子蝦餃，皮沒那麼厚我最愛的燒賣！yummy~士多啤梨果凍，我覺得太甜了黑松露蔬菜餃

講服務-無，明白d staff可能好忙，不過唔洗一開店就黑口黑面，好似嫌生意太多講野食-呢度比低評分既user都講左，好難食好一般，唯一個兔兔松露包可以接受。難食都算，呢度預左為影相，點知出到黎啲點心個樣變囇，兔兔蝦餃樣仲調轉左，好核突，咁都夠膽收人$20一舊兼加一另外，上菜好慢，等左成半個鐘先有野食，仲要人限住人食60分鐘無下次，今次係為左兔兔p助而黎，無論野食服務都不可接受，唯一係個環境尚算好。

最喜歡一些特別的食物，雖然唔係加菲貓嘅fans，但係可愛點心嘅造型，都好吸引！張餐紙及筷子套好靚呀！有個包裝好的杯墊，係紀念品！可以拎走！每期唔同贈品，新年係送利是封，好有心思！店內佈置都好多加菲貓，好有feel ！食物方面，有普通的點心，又有加菲貓主題點心，可供選擇。既然係主題，當然要試多幾款啦！睇樣已經夠吸引，味道都好有水準！食完點心，試左兩款甜品，好有心思，好味！提一提，惠顧限時一小時，都幾趕吓！

尋日(21-4-2018 Sat)晏晝,同老公返老爺家前食個晏,加菲貓係我老公其中一個至愛o既卡通人物,而我又知道有間點心o既主題係加菲,於是上網搵,搵到喇,因為係限定,恐怕老公10月生日o黎時,已經唔係加菲貓,於是提早o黎.我o地接近12點去到,主舖入面冇晒位,剩返出面三張卡位,女職員問我o地介唔介意坐出面(對面舖未入得住).咁我o地唯有坐出面啦, 出面冷氣唔係幾夠,有啲辛苦.由於有限時,我o地都快快揀o野食,叫o左:8. $39.00o既加菲桃味珍珠特飲呢個係沙冰o黎,味道唔太甜,珍珠係黑糖粉圓,OK.味道: 3分7. $39.00o既阿的朱古力特飲朱古力上加o左忌廉同棉花糖,呢個出奇地唔係太甜.味道: 3分1. $49.00o既 Carfield & Friends鮮蝦餃蝦餃都算大粒, 食落,蝦餃皮厚,內裡除o左蝦肉外,重有啲菜粒同爽口紅蘿蔔粒,蝦肉都爽,但冇傳統蝦餃o既香同味道,失敗.味道: 0.8分2. $59.00 o既加菲大頭西多士由於驚多士o既餘溫會令中間o既奶黃流沙凝固,所以我o地食完蝦餃後,就即刻食呢個.睇見佢都好厚吓,切開睇, 奶黃流沙唔係好多,食落,好似只食到冇

因為見到好多朋友來食過，巧合經過便來試試可能早到，不用等位，但位的安排就太親密了和隔離的是肩貼肩而坐點了今期主角咖啡蝦餃，餡都Okay 但皮太厚了味道係可以的！馬拉糕有兩款，我選了千層那款！味道還可以，只是有點乾！不能不讚的是朱古力酥皮叉燒包，這個連同行的小朋友都說想加多碟，但她又說似在另一酒樓食過無咁貴而放棄加單可能因為始終主打點心，所以布甸和飲品切勿抱太高的期望⋯⋯慶幸的是芒果不是酸的！及那些點心面的朱古力，緊記它是裝飾

今日喺尖沙咀放學~ 一個人享受晚餐! 見到趣緻的卡通點心,要試一試叫左4款點心做咗大胃王 蝦餃, 流心奶黃包, 千層糕 ,木乃伊青椒… 點心好快到…📸 當相機食完之後到我食…噢！ 失望 🍤蝦餃雖然可愛~但啲皮俾我塊面還要厚~ 木乃伊青椒好趣緻但做得不好太油…😕 流沙奶皇包還算可以~今晚食左$205 但唔好食所以唔會再去!🤔

從來未食過咁難食嘅點心。唔係想寫衰哩間嘢，只係唔想有更多潛在受害者。餐廳無服務，座位窄都預咗，但簡單到沖壺茶兩次都沖錯，餐具都唔太乾淨再講點心：白兔蝦餃：唔講真係唔知係兔仔，幾吋厚嘅蝦餃皮包住啲分量不足一隻蝦嘅餡，難食菠菜雞扎：菠菜麵包住浮皮，脆肉瓜，蟹柳同埋半隻雞中翼。無錯，係雞中翼……核突兼難食白朱古力酥皮叉燒包：又硬又厚皮嘅叉燒上放上一塊生日蛋糕上的朱古力牌……總括嚟講就係貴夾唔抵，純粹考gimmick呃遊客

以Garfield做主題, 作為愛貓之人要黎試試!環境舒適, 可能我係閒日黎朝聖, 沒有太多人! 我地order左幾款美食, 分別係流心奶黃包, 帶子燒賣, 黑松露蒸飯和菠菜麵雞札, 當中流心奶黃包係最有驚喜, 奶黃餡料多到流出黎, 味道又唔會太甜, 好好味!帶子燒賣賣相都相當可愛, 味道都唔錯, 大大粒!而黑松露蒸飯都幾香, 只係覺得細碟左少少, 食落去比較乾身! 菠菜麵雞札就比較奇怪, 有少少格格不入, 但都入到口!整體黎講都唔錯, 可能人流唔多, 食物都好快上菜, 價錢就比一般點心價錢偏貴, 但係gimmick野本身就係咁，造型可愛, 味道真係唔錯, 值得推薦!

一心想揾個地方飲杯野、食下糖水時，俾大大隻加菲貓就咁就吸引左入去！入位時距離關店時間仲有一個鐘，所以店內人不太多，坐得舒服。先order 黑糯米小丸子燉椰皇同加菲桃味珍珠特飲，侍應說一定要揀個茶，就算我哋改叫兩杯野飲，都必須再揀一種茶，聽到一頭霧水嘅情況下，先發覺餐牌寫收茶錢，哈哈.....明啦，我哋眼大睇過龍，一早話收茶錢要揀隻茶咪得囉。餐牌、餐墊都充滿加菲貓，非常可愛、影相一流！野食方面：黑糯米小丸子燉椰皇 - 丸子太林、黑糯米又無乜味、椰皇唔夠清甜！加菲桃味珍珠特飲 - 小編本身係桃味野飲同珍珠迷，但哩杯野飲真係唔知佢想點，桃味無乜、d珍珠又好林，真係唔太識得欣賞！唯獨係野飲面個塊加菲貓曲奇幾好味、樣子又可愛！總括而言，野食賣相好好，呃like一流，雖然對這間舖頭無太大期望，但味道就麻麻，影過一次相就夠啦！

卡通係可愛，但食物就一般啦，仲要咁貴食一次點心，就唔係咁推介啦😅1. 兄弟幫流沙盞(2個)（＄49）表層係菠蘿包脆皮，中間有蛋黃流心湯丸，最底層係蛋撻皮，有脆同煙靭口感，最推介試食！😍彤樂評分：8.5/102. 情人奶黃流沙包(2個)（＄49）其實同普通奶黃流沙包差唔多，只係多左卡通😂😂😂彤樂評分：8/103. Garfield & Friends鮮蝦餃(3隻)（＄49）鮮蝦餡料係真係做得幾出色，唔錯！彤樂評分：8.5/104. 鮮帶子燒賣(3隻)（＄59）大粒鮮味帶子配上足料燒賣當然冇得輸啦！彤樂評分：9/105. 加菲恰眼訓雜菌蒸包（＄49）皮厚餡少，味道仲有D奇怪，只係樣靚冇內真涵，係唔推介！！！☹☹☹彤樂評分：4/106. 白朱古力酥皮叉燒包(2個)（＄49）同普通雪山叉燒包差唔多，又話熱會令加菲貓白朱古力融落包度，完全冇，比兩次機會佢，都係冇．．．😫彤樂評分：5.5/107. 蔥油雞扒飯（＄79）真係幾油😅，不過雞扒都幾滑，算係OK啦！彤樂評分：7.5/108. 芝麻湯圓燉椰皇（＄49）椰皇肉好食，但湯圓實在皮太厚啦，得好少芝麻，同食齋湯圓冇咩分別．．．🙃彤樂評分：6.5/1

一直加菲無論什麼產品也比較少，今年適逢係加菲40歲生日，所以多了衣服及食品，今天就要試下呢度有加菲樣子的點心！可能係不多喜愛Garfield 所以就算假日也母須等位！老實說店員服務真是一般，全部都黑口黑面特別係女店員，稍為好一點的男店員我估計係店長！如果不是為左童年回憶又係Garfield fans, 真是唔會再來！