點心瑪莉 (已結業)

我們一家四個口,我都係住係東涌,平日真係甚少黎到屯門,只係咁o岩黎探親,就一於pat pat 痕就黎行下屯門既商場啦.咁我地係D商場駁商場,行下買下,都唔知自己行左去邊到,每一到都好似差唔多咁. 跟住行到咁上下,見夠鐘,就搵嘢食啦.見到到都咁多人......點算....................突然落電梯既時候,發現呢到無乜人.............就衝入去啦. 就算點心都好啦,一於試一試味先!!!!我地叫左豬仔型奶皇飽,菜心燒賣,牛肉球,兩籠蒸飯.其實呢D都係平常既酒樓點心....無乜特別既....只係個豬仔造型就令到我兩個小朋友比較興奮咯.食到咁上下,就試一試佢個中式甜品 - 豆沙鍋餅. 呢個都OK既~~~~另外要讚一讚既,係員工既服務啦,佢地落單好快,做野好爽手.同埋環境方面,呢到夠靜同非常乾淨.唔錯唔錯!~~~~ 

隨便撞了入去<點心瑪莉>，打著新派點心的名號，心想總不會伏到那裡去。點知...脆香雞翼 $26一上枱，已經覺得有點兒那個，$26只得4枝單骨雞翼。一咬，無錯係炸得好脆口。但肉呢？好似食極都只係食到層充滿炸漿㗎外皮。究竟點樣做到呢個效果，係隻雞太瘦定啲肉已經俾老鼠噡左？真係麥記雞翼都好佢多多聲😑晶瑩鮮蝦餃 $30可能焗得太耐，個點心籠都出哂水。賣相頗衰！外皮未夾已散開哂，完全變成一團淋滋滋又溼笠笠的粉皮。幸好餡料是對板的，蝦肉夠彈牙。上湯小籠包 $28 賣相雖然麻麻，但勝在爆多湯汁，用錫紙兜兜著果然係個好方法。豉汁蒸鳳爪 $22金銀蒜蒸排骨 $22蒜味夠重，排骨入味，一咬就骨肉分離。底下有南瓜蓉，幾好！

屯門又係成日同大少食到無乜好食，佢成日都話想食啲唔係成日食嘅嘢，本來佢係想食隔離間麵店……但係……我覺得唔抵同埋未必好食，所以大少就話食點心食物種類以一間咁細嘅鋪頭仔嚟講，都唔少架喇，但係價錢都唔係平囉~~千島炸蝦角 - 去飲茶好多時都會點沙律明蝦角食，今次當然都唔例外喇，呢個蝦角都唔錯唔會太油膩，不過沙律就有啲好似放咗好耐咁嘅感覺豉汁蒸鳳爪 - 唔夠淋，唔可以一入口就做到骨、皮分離流沙蛋黃包 - 唔係好夠流沙，味道其實都無乜得唔好食，好正常嘅一個奶黃包魚湯浸鮮竹卷 - 我同大少都覺得唔錯嘅，有時出面茶樓好多鮮竹卷都好多芫茜，呢間唔多，但係多咗啲西芹頂上糯米雞 - 去飲茶其實好少會食糯米雞，多數都係珍珠雞，今次我地見有就食吓，我個人幾鍾意，佢啲糯米夠黏、夠淋，但係大少就覺得佢太淋，同埋食糯米雞，最主要都係個餡料，我就覺得平時食早餐大家樂嗰啲餡料多少少，同埋味道好啲日式燒汁釀茄子 - 呢個……我真係唔知點講好，首先等咗好耐，嚟到有4嚿，但係有3嚿係生嘅，者係個茄子未熟，好硬，熟嗰嚿的確係幾好味嘅，另外唔係好夠燒汁

星期日10點幾瞓醒開始肚餓，樓下大部分餐廳未開，要11:30先開，頂唔住，去左隔離商場試新野，係門口見到個餐牌幾有特色，以創新既中式點心為主，咁就入左去試下餐廳既茶用茶包沖，確實有點失望，8蚊一個茶位，可以用茶葉第一道點心係柱候牛腩腸粉，味道非常好，師父諗到將濃味既牛腩配合吸味既腸粉，非常配合，可以滿足客人两種需求第一道點心有好印象，當然對後面既點心有期待，但反而令我地失望流沙包，又唔咸又唔甜，好似加左糖精味金粟花枝餅，油多到會反光，要用湯或茶浸左先食得藥材浸豬手，藥材湯底淡，豬手唔入味，我認同一點豬手好淋，但好似水浸白焯豬手紫薯驢打滾，唔知咩味，最後食剩左

星期日早餐經過市中心2期，見點心瑪莉冇人等位，所以坐低一試。不過第一感覺，餐廳裝修同顧客群好唔甲裝修少女風，主調粉紅色，似coffee shop多過飲早茶食點心既地方。但在座顧客大多係上左年紀，鍾意歎一盅2件既老一輩哈食物方面，2人點了6個點心。第一樣上菜係牛腩腸粉，牛腩炆到好入味，肉質好淋好好味!!! 令我不期然期待其他菜式。但除此之外，之後所有既點心，我都幾失望。花枝餅太油膩，菜心好老，驢打滾完全冇味，燒賣和流沙奶皇包味道還ok..整體中評部分菜色味道好

第二次食, 無左最特別的冬菇包,唯有叫其他野試食下｡牛腩腸粉原來係牛腩放係面而唔係裡面, 不過都好食｡燒汁釀茄子就無咩特別了, 平常味｡紫薯卷上面舖一層生糯米粉, 究竟係點解? Orz 如果無粉會好食好多

屯門市廣場有一間點心瑪莉Dimsum Mary， 每次經過, 都想試試，這次走到這裡已是晚飯時間。門口又沒有人等, 我和朋友便打算試試。  門口很開陽， 有人氣偶像吴若希可愛的照片，木的地板和桌子有簡樸的味道，配上粉色的椅子，裝潢有青春氣息 。   一般的酒樓晚上沒有點心供應，這裡晚上也能吃到早餐的食物。  馬上用點心紙選食物。鼓汁蒸鳳爪-軟軟腍腍，已很入味。  蟹子香菇燒賣-香菇很有菇味,粒粒蟹子非常吸引人,燒賣除了鲜肉中間還有蝦仁，味道爽口彈牙。 菜乾燒豬骨粥-吃厭了皮蛋瘦肉粥,突然想吃點其他，有菜乾，燒豬骨粥便不覺得菜肥膩。菜幹的味道很香，有大塊豬肉，粥很滑很綿。  但菜乾似乎沒洗乾淨。咬下去有沙沙聲。 蠔油灼菜心-菜心口感爽口，不過不失。花菇鱆魚雞粒蒸飯-新鮮的花菇鱆魚雞粒剁碎鋪在飯上蒸， 肉質有些緊，但香口，很下飯令人停不下來。   但飯有膠盒裝著，在賣相扣分。 　難道是方便外賣嗎?秘製柆候牛腩腸粉-牛腩夠淋而且已經非常入味，腸粉是和牛腩分開，牛腩汁淋在上面, 有點感覺在吃乾身的牛腩河。 奶皇小猪包-最後我們要了奶皇包做了我們的飯後甜品， 外表可愛得

早前行經屯門市廣場，在地下層曾經裝修，直到完工後，就發現多了幾間新的食店，其中一間吸引了在下目光，直到今天才造訪。點心瑪莉是裝修後，其中新開的點心店，裝飾頗為有時尚感覺，湖水藍襯托著木色建築，燈飾也以類似點心籠的造型，驟眼看來都幾舒適的。一如既往，在點心紙上劃上喜愛的點心，當中不乏有造型可愛的點心，亦有傳統的點心。秘製柱侯牛腩腸粉（二十六個大洋）一般傳統的腸粉，是粉皮包著饀料，但是這點心店就一反傳統，把食材敦在腸粉上，就像這個牛腩一樣，放在腸粉面。柱侯牛腩有著粉麵店的那種香濃而濃郁的味道，如八角的濃味，亦有清甜的牛腩汁味道，不過腸粉則不像是手拉那種，欠缺了米香，不似以往吃過的腸粉。鳳爪排骨飯（三十個大洋）點心中不乏有蒸飯，而且好像很久沒食過，於是點來。在店裡吃一锢蒸飯，通常都以以瓦盅盛載，但是點心瑪莉卻用上塑膠碗，令人大大感到無乜誠意，就像外賣一樣，不值一提。當中的鳳爪排骨卻有排骨的軟腍，鳳爪的惹味，當然可以做更好。奶皇小豬包（十八個大洋）奶皇包做到一隻小豬，外表可愛，一籠有兩個。奶皇並非想像中的流出，只是在包內凝固。食味也具有蛋黃味道，甜度也算適中。蒸飯中用上塑膠碗，可算敗筆，既然不

想飲茶又唔想等位，有時點心餐廳都係好選擇！今次點左聲稱係皇牌嘅冬菇包同奶皇小豬包，每盅兩件，兩者包身都做到香軟，冬菇包有香濃菇味，但略嫌菇太小，包身太厚。奶皇小豬涵太甜欠蛋黃味，流沙得太小，所以整體失望。另外仲點左雞扎同牛腩腸粉，無影相，雞扎過油而且雞仲好大雪味，牛腩太韌太咸腸粉亦唔夠滑。所以成餐都失望了。

上年在它初初開張時候去過1次，的確比酒樓貴咗些小，相對地冇酒樓咁嘈,上次覺得幾好味,已經有1年冇來,它勝在易揾位 ,今次叫咗3個點心，分別是牛肉球/蝦餃/炸曼頭 ,今次比上次來時候，點心冇初初開張時咁好 服務都OK,牛肉球冇咩特別，牛肉味道尚可以，炸曼頭反而幾好 ,炸曼頭新鮮即炸,吃下去時候熱辣辣，曼頭的口感好脆，蝦餃唔夠熱 ，蝦餃内的蝦好細隻,完全食不出有蝦 ,環境的確幾好,充滿少女風格，價錢亦不平,一個人吃了80元味道牛肉球,牛肉味道尚可,冇咩特別蝦餃，蝦餃内的蝦好細隻 ,細隻到完全食不出,個皮好厚，味道麻麻｜炸曼頭，唯獨這個幾好味，炸得好金黃，曼頭的口感十分外脆内軟服務:我覺得都OK環境:地方不是太大,座位之間有些小迫，裝修幾靚價錢:80元有些小貴

其實開左一段日子，眼見裝修幾靚但仲未去過有一日約左朋友係UA睇戲，就係睇戲前去左呢道試下環境幾好嘢食就係呢2版我地叫左玫瑰普洱，加15蚊一壺for2個人反正佢本身都要4蚊一位茶錢，就試下呢個吧有玫瑰味後普洱會變得無平時果D咁濃...我見隔離枱都有D食物係咁兜住，呢個係千島炸蝦角蝦肉算彈牙，但呢舊嘢都算係幾油估唔到係中式點心店有咁西式既漢堡包不過無咩特別，包的皮算係香脆應該算係最好食既燒賣，蟹籽同蝦膠肉都好夠味蝦餃都OK，皮不算太薄食得出蝦算新鮮本身我預左呢個小籠包係無咩湯乾乾地架啦...點知佢又有小小湯汁喎...呢個為左賣相而叫篤佢個鼻無嘢漏出唻原來...唔流心既....普通奶皇包呢個XO醬鱸魚扒腸粉係十級失望！1. 我地無留意佢係"扒"腸粉2. 條魚真係腥腥地喎

夜晚見唔太肚餓，食點心就最適合😚六點幾七點到，唔洗排隊，可能係閒日啦，食到差不多八點既晚飯時間都仍然有好多空位。入到去每人最少要俾$3茶錢，可選擇普洱或香片，亦可以選擇其他飲品取替茶錢，總之就係一定要叫野飲。揀左普洱，是用茶包沖的，所以茶味不太濃，不過黎得都唔係在意佢壺茶嫁啦，所以有淡茶飲咪當消下濟🙈之前見鮑魚香菇燒賣普遍評價都不俗，但落單果陣話轉左菜單，只有蟹子豬肉燒賣$24，唯有退而求其次試下啦，黎到都無失望既，但就真係好普通，勝在淡淡肉，都幾香又ok大粒，面頭既蟹子份量都ok。$26糯米雞份量適中，餡料豐富，有肉碎，豬肉，馬蹄，冬菇，蠟腸，蝦米。。。豉汁鳳爪$16唔太入味，普普通通😐雖然$18一碟菜十分唔抵食，但又總覺得唔食菜好唔健康，所以叫左碟蠔油灼菜心都算大條既，但就油左啲🙁冬菇包$18/2個賣相與冬菇的相似度十足軟綿綿既麵包表面灑滿可可粉可惜裡面只有少許冬菇、粉絲等餡料，口感不夠豐富，但整體配合得宜，可可粉味不會搶去包的味道，也是值得一試的。最終兩個人食左$108，免加一，未嚐唔係一個優閒又唔太高消費既食肆🤗

今朝晏咗起身, 諗嚟諗去都唔知去邊食嘢好. 老公提議去"吳若希"果度, 初頭唔知佢講咩, 佢形容完個位置, 終於知佢想試點心瑪莉.嚟到11:35 唔使等位, 但服務員得兩個, 完全應接不睱. 好在接近12:00, 見其他職員陸續返工, 情況得以改善.菜乾燒豬骨粥--粥底夠綿又鮮甜, 菜乾頗多MARY葡撻--撻皮酥脆, 餡不太甜. 可惜只係微暖, 頗為遜色.柱侯牛腩腸粉--腸粉吸收了柱侯汁, 好味!京蔥鍋燒牛肉餅--牛肉餡料豐足, 入口啖啖京蔥味叉燒包--普通茶位$3.00一個, 我哋3個人, 估唔到只係一個車仔茶包囉.埋單$99.00

魲魚腸粉超值，魲魚煎得很香又大塊, 冬菇包有冬菇味，鮑魚燒賣好味, 值得一試; 茶以葫計算，15元一葫，人多會比以每位計着數，不過一葫水都是15元甜品一般, 不用試。

同朋友試下有名人代言的特色食店, 入到去好有少女味既感覺, 周圍都係粉色的佈置, 最可愛就係d可愛既特色點心 "奶皇小豬包" 賣相真係唔錯, 味道都算ok, 又試左個"黑蒜蒸排骨" , 呢個就麻麻地, 黑蒜味唔係太出, 同一搬排骨飯冇乜分別.......如果有多d特色既點心就幾好........