點心瑪莉 (已結業)

呢間點心店都已經開左一段時間,成日都會係雜誌上見到佢既廣告.今日就同家人黎呢間試下.大概11點左右去到.人唔算多.都有位坐.唔洗排隊.點左一份奶黃小豬包,鮑魚香菇燒賣,鮮蝦肉餅蒸飯,一壺烏龍茶.果個奶黃小豬包既賣相好得意.5分入面我會比4.5分.味道方面都唔錯.至於鮑魚香菇燒賣.不過不失.如果有配上鮑魚汁.效果可能會更好.鮮蝦肉餅蒸飯就一般般.肉餅有D位置比較韌.當然仲有其他點心我都仲未食既.可能其他點心都有驚喜呢.環境方面.係幾特別.D裝修幾時尚.不足既就係地方細.每個/每排坐位之間既空間都係比較小.餐具方面都有待改進.因為見到有餐具係有破損.唔單止外觀上有影響.而且都有可能會整親人.

今日泥試吓lee間點心，不是傳統點心，茶杯非常細😝每款大概$18-$24 Lee d價錢！叫咗碗仔翅，外貌非常精味，味道一般這個小豬包只有2個，非常細小，2至3啖可以吞下，入面是奶黃，但不是流沙的，有點可愛吧！鍾意試新野就不妨一試😁😁😁

屯門的點心店本來就不多, 市中心開了新店, 當然要支持一吓啊!星期日中午, 輪候時間不長, 大約5分鐘便有位了~ 點了幾款招牌點心, 點知.... 奶黃小豬包: 可憐的你, 怎麼鼻子都塌下來了? 但放心, 我不單看外表的, 你不太甜, 味道還可以! 潮州粉果: 皮異常厚, 不足料... XO醬爐魚抓腸粉: 腸粉夠滑, 但爐魚略為"鞋", 應該是蒸的時間太長, 美中不足~ 蜂巢燕窩蛋撻: 蛋漿不香滑, 皮不酥不化, 實話實說, 茶餐廳的蛋撻也比它好味啊!

中午唔知諗唔到食咩，見到間咁得意嘅鋪頭，就入去諗下啦，平日唔多人，等左一陣就有位啦。地方細，唔係好多枱，裝修幾好，環境唔錯，服務又唔係好差，價錢就小小貴，味道一般。間野係唔提供水，茶另係要俾錢，可以唔要。我先食左個燕窩蛋撻，細細個，唔熱，普通蛋撻上面加左d燕窩碎，蛋撻唔太甜亦無咩味，唔特別。我試左個冬菇包，其實味道怪怪，表面係朱古力粉味，入面係冬菇粒，仲要好小冬菇，味道唔夾，怪。鮑魚仔燒賣，豬肉燒賣味道可以酒樓味道，但唔夠熱，鮑魚片都叫有蠔油味，加埋都唔特別，普普通通。杯蘋果蘆薈特飲就幾好味，好香蘋果味不過偏甜，味道唔差。最後食左個腸粉，味道估唔到又幾好食，夠熱，魚好香，香味入晒腸粉，加埋豉油一齊食好正。整體一般，所以食過一次我就唔會再食囉。

傳說點心瑪莉是太興新搞作，而屯門就係第一間試店。此店點心造型精緻，用黎做打卡呃 like道具一流，好『食』好用。此店是走年輕路線的新派點心店，單睇搵吳若希做代言人，就可見一班。裝飾用上淺色木材，配上綠色植物和小擺設，簡約清新。坐位、牆身和食具以粉紅色和粉藍色為主，連同牆上的圖畫，暗暗滲透著一陣可愛少女風。 瑪莉蜂巢燕窩蛋撻：落單一分鍾唔洗，就有食物上枱。蛋撻微溫，蛋撻皮唔鬆化，雖有蛋香和蜂蜜的甜味，但蛋漿部份死實實......死實實...燕窩就唔評論了，＄８有ｄ擬似燕碎仲想點。不過蜂巢呢，去左邊呀？？？唔通溶左的係蛋漿入面？點解嘅？ XO醬鱸魚扒腸粉：腸粉唔似布拉腸粉，但都算滑流。鱸魚煎得好好，魚皮香脆而肉滑。雖然賣相是腸粉還腸粉，魚還魚，但味道都唔錯，好神奇呀！不過，說好的XO醬呢？？？？？？？？？？？？？？？ 鮑魚香菇燒賣：參考圖明明係原隻鮑魚，點知上枱變左鮑魚切粒，果然圖片只供參考。燒賣的豬肉太結實，令人失望。 瑪莉蓮霧蘆：此店不設加一服務費／茶位，沒有免費茶水。可以選擇order飲品，飲品不只一般中式茶，更有凍飲。瑪莉蓮霧蘆帶有紫色的，好神奇呀！其實是好甜好甜好甜的

星期六的屯門都幾多人, 早啲搵地方晚餐, 見呢間唔係咁多人排隊, 仲有吳若希代言, 試下無妨因為冇免費茶水, 所以朋友點咗杯茶包中國茶($6)我點咗杯嘢飲:茶味淡(冇落糖?) 水果粒份量都ok點了幾款點心:門面裝修都好似甜品屋咁, 粉色系, 女士們至like, 不過座位唔多, 較適合2-4用餐

吃罷Zumufi，出發去屯門市廣場的點心瑪莉。根據開飯啦網站，點心瑪莉七點半開始營業。小妹，未夠十點半去到 – 小店竟仍未開門﹗﹗適時，店內有員工在作營業前準備，但熄了燈，門口放有圍欄，以免客人進入。一問，始知十一點半才營業，不免怒火中燒了﹗山長水遠來到，竟慘吃閉門羹，超級不爽的﹗最後，大家決定等……據說，點心瑪莉是太興集團的新搞作，並找來吳若希為代言人，明顯欲走青春甜美可愛路線。小店裝潢也頗為清新亮麗，以淺木為基調，襯以點心蒸籠擺設，天花板更懸掛著大大的蒸籠燈罩吊燈，予人清雅夢幻之感。我們一行五人，如同排頭位的一家四口，滿以為等待的，是兒歌中親切可人的瑪莉。誰知，竟遇上大灰狼，換來了一場「燈籠大大點心小小，服務哈哈哈」的嚐味之旅﹗且知後事如何，且看後文分解……說話，漫長的一小時等候期間，排頭位的母親，問可否入內坐下等，大灰狼一口拒絕了﹗那對小兄弟，偷偷地走入去，坐在近門口的一張枱玩著。大灰狼見到，趕了他們出來。有必要如此嗎？就算我們全坐下，也不會阻礙她的﹗﹗好，大家繼續等，十一點半，終於放入入去了﹗甚麼﹗？五個人，只可以坐在四人枱﹗甚麼公司爛政策呢﹗租金貴？﹗大姐，屯門喎﹗又不是寸金

未食過咁難食既點心，貴、難食！以前難食既點心店都好食過佢，冇心做點心，只有外表沒有內涵，不推薦大家黎試食左四個普通點心都要百幾蚊，個牛楠腸粉只係牛腩加白腸粉，未見過咁既餐廳

好坦白純粹去打卡一次，應該唔會食第二次。首先黎左兩杯飲品，紫色既瑪莉蓮夢露好夢幻，不過好甜⋯⋯熱既水果茶一般，我估係玫瑰茶加左糖水，再切啲生果裝飾一下。但我唔期望堂食都要用紙杯飲，杯飲品都要$25，點解要用紙杯？無乜誠意呀⋯⋯第一樣黎既食物係蛋撻，已經微涼。落單時店員話有新既焗緊，咁好明顯我食緊舊嗰批⋯⋯燕窩推埋左一邊，又係圖片只供參考啲friend⋯食落微涼，蛋餡有啲硬，曲奇皮無乜香味，真係一般⋯⋯⋯冬菇包、豬仔奶皇包同蝦餃一齊黎。冬菇包造型真係好打耳！面頭係可可粉，有少少苦苦地。咬開個包有好香既菇味，好食。個包口感幾軟熟，唔錯！豬仔奶皇包，係一眾食市都做流心奶皇包下，我都期望佢流流地。為左測試，我特登用筷子叉佢個鼻哥窿，再禁佢，希望佢會有黃色既鼻涕流出黎。結果係⋯⋯無既！有啲失望，咬開個包，其實啲奶皇瓊瓊地，而且甜左少少。蝦餃，皮唔算薄，不過都唔係厚。餡料都幾多，過關！再黎既係鮑魚燒賣，同圖片有些少出入，啲鮑魚無咁靚仔吖下！不過粒燒賣入面有3隻蝦，仲好大粒，ok！但我其實仲有叫xo醬鳳爪同黑蒜蒸排骨，但等左一個鐘都未黎所以決定唔再等。係嗌服務員既時侯，好大聲咁嗌左兩次都無人應。有一

又係太興集團的新搞作，今次到精品點心店。店鋪裝修走少女可愛路線，找來吴若希做代言人，明顯想吸引女孩子。我們叫了幾樣所謂招牌食物:瑪莉蜂巢燕窩蛋撻: 燕窩有一丁點在面，很甜！男士可能覺更甜。蛋漿係做得滑，可惜太甜。奶黃小豬包:只有两隻小小的。沒什麼特別，主要係奶黃做得不夠香。味道淡淡的，主要用黎影相。Xo醬鱸魚扒腸粉: 魚扒煎得很乾很老，一點鮮味都沒有。腸粉不夠滑，這是在浪費食材。迷你漢堡:很小的两個，中間夾住的是大蝦，還有生菜和wasabi味的醬汁，令我想起麥記的蝦堡。不過味道不錯。瑪莉連夢路:朋友點的。很小一杯，也很甜。鮮果花茶:咁細杯收我$25! 用紙杯裝，而且勁甜！內有生果肉，可惜份量很少，不值。由於很甜，叫侍應俾杯水，佢話滾水同茶一杯都要$6, 我話我地已經叫左野飲，要杯水都要錢？佢話公司規矩。我地表示驚訝，佢地免為其難地俾左一杯我。好在不收加一。

屯市新開左「點心瑪莉」，仲要係吳若希做代言人，一於去試下。有幾款點心既樣都幾特別，例如：真係冬菇包、奶皇小豬包、瑪莉蜂巢燕窩蛋撻。「真係冬菇包」既外表成個冬菇咁，啡色既顏色係朱古力粉，整個係麵粉黎，內面既餡料係冬菇。呢個包真係好特別！「奶皇小豬包」外表成個豬仔咁，內面係奶皇，味道比傳統既淡左D，無咩特別。「瑪莉蜂巢燕窩蛋撻」就係一早整定，放左門口廚窗位，唔係熱辣辣，不過味道OK，細細隻，唔會太甜，有燕窩係面到。「鮑魚香菇燒賣」係餐牌既相片同實物完全係兩會事，相片就有隻鮑魚仔係個燒賣上面，而實物就只係有片鮑魚係燒賣上面，另外好似無香菇係內面，不過佢既味道OK既！「XO醬鱸魚扒腸粉」唔貴兼大件，唯一吊詭既地方係腸粉還腸粉，魚還魚，而XO醬真係好真材實料，有辣椒、乾瑤柱等。「香蔥胡椒包」非常大件，包內面有豬肉同胡椒醃埋既餡，好重胡椒味，都OK！小結，點心都不過不失，而價錢中規中矩，可以試試。

唔使再嚟 !!!瑪麗蓮霧露 ~ 成餐最讚嘅！桃汁，有蘆薈及蓮霧肉粒，仲有最愛紫色！素翅 ~ 煮得有點over 咗，又勁多麻油，新墟檔仔都好食過佢XO醬鳳爪 ~ 冇特別XO醬鱸魚腸粉 ~ 腸粉唔滑，唔香，新墟檔仔都好食過佢蝦餃 ~ 冇乜味，有蝦嘅蝦餃糯米雞 ~ 算多料吾係炸春卷 ~ 香脆熱辣辣，冇味不設加一服務費及免費茶水。舉手舉咗10幾次都冇人理，望過嚟硬係望唔到我㗎啵！食完嘅碟，擺咗10分鐘，枱又冇位都唔收！唔通冇收加一真係唔使有服務?價錢都唔算平，如果以中上價食呢啲嘢，我寧願俾多少少去酒樓食

新派點心專門店愈來愈多,我先後去過三間,早前亦有留意這間點心店,我在市中心返工,午餐以市中心為主， 今日打算去靠得住時候見到點心瑪莉已經開張,我見不用排隊，一個人易揾位,我揀了單邊梳化位來坐,裝修以粉紅色為主，格局充滿可愛感覺，點心瑪莉起用吳若希做代言人 ,我去過3間點心店冇代言人,裝修亦不及這間咁靚，我坐下之後立即寫了3個點心+1杯飲品，點心瑪莉好奇特做法 ,茶位就是叫水/茶的話才收，客人不叫茶就不收茶錢，這裡茶錢收6元,有去過其他點心店知道新派點心店份量比酒樓少一半,細食的人較啱來這裡，大食的人來這裡吃不飽,我是前者的人,今次就叫奶皇小豬包(18元/晶瑩鮮蝦餃(18元)/迷你小漢堡(25元)/黑糖姜茶(18元),奶皇小豬包先來到，造型好可愛，簡直不捨得吃,味道竟然不太甜,細細個易放入口，咬下去時候有淡淡奶皇味道，它用蝦肉取代牛肉，再配合有沙拉汁都好好吃，晶瑩鮮蝦餃較為味道一般蝦餃比起酒樓較為細隻,黑糖姜茶又幾好飲，這裡點心價錢貴咗些小，點心瑪莉需然冇blogger介紹，我覺得點心瑪莉無論食物水準/服務/環境比起有眾多blogger推介元朗康景街個間,點心瑪莉就好吃好多啦，大家價錢都