點盅皇包點專門店

营业中

休息中

無錯, 又係佢, 點盅皇!早幾日寫佢飯, 今日寫下佢既魚旦腸粉燒賣.呢三種食物唔多講啦, 係人都知係買貨返黎加熱加醬: 但重點係:佢二十大元, 味道比同區明記的行貨甜醬好味道。老實, 食呢D只因為口痕, 但零食都係食物, 如果俾D心機去攪, 可以好食過山珍海味。其實要醬汁好味, 一定要自己調制, 就如酒樓的豉油一樣, 才可以俾食物畫龍點精之效。可惜的是, 香港真係愈黎愈公式花, 唔止商場, 連味道都係, 好行貨味.但幫襯點盅皇就預左, 不過明記專門賣幾樣野都咁行貨, 就要扣分.

上週日, 食完晏仔, 接到電話話夜晚有局, 但約齊人要差唔多八點, 咁攪法, 肚仔一定餓, 不過諗起要解決個下午茶, 上水又係一個惱人的問題.出面茶記迫你飲杯野起碼三四十蚊, 可以食餐飯咁滯, 老實我唔係咁捨得, 呢個時候, 自然諗起呢間野。呢間話好食又未講得上, 但兩個字: 穩陣. 價錢明確, 十幾廿蚊有著落。是日整個鳳爪排骨飯, 22蚊整體黎講, 廿二蚊係抵食, 衛生亦係你基本上都見到, 畢竟係熱辣辣, 至於食物: 鳳爪有鼓汁味, 排骨幾淋, 亮點係佢俾幾塊椰菜俾你, 算係有少少心, 加D色彩響一盒飯裡面。

五點半 lunch，我想食豉汁蒸排骨呀，點知只有排骨飯，但無淨排骨點心賣囉。勁平囉，3 個點心 $41 蚊乍，平通街。香菇燒賣，啖啖肉又菇味濃都滿意，只不過係咸左少少同好鬼油淋淋囉，食完連潤脣膏都可以慳返。一路以來都係賣乾蒸燒賣喎，幾時變左香菇架？送錯貨？鮮竹卷，雖然比起香菇燒賣更加油膩，不過三個點心之中最好食囉 ﹗豬肉餡正，腐 皮嚥韌帶滑又索盡醬汁，好味道。但跟曉廚始終無得比，蚊髀同牛髀、天堂與地獄，不過要嘆曉廚高質點心要去到銅鑼灣呢！四寶雞紮，居然會係豬皮雞紮，最討厭豬皮當魚肚，扣分 ﹗不過難得用豬肚，加分 ﹗但係苦澀腍劈劈呢，再扣分！學埋唐記?衰野用豬皮做餡，雖則爽口但有一股油益味道，破壞晒整個味道組合。浪費我 quota 食豬皮雞紮，我淨 係要魚肚雞紮呀！仲要係芋頭，我唔食架，芋頭我一向都唔食，又要掉去垃圾桶。雞柳比平時食開既細左一半，而且過咸重口味呢。腐皮正常，不過乾爭爭無汁囉。

一盅飯加兩個點心都只係 HKD30 蚊，真係好鬼平喎﹗豉椒排骨飯、乾蒸燒賣、四寶雞紮，一盅兩件都只係 HKD30，一分錢一分貨啦，以依個咁低價錢提供既質量算合格喇，唔難食。日日都經過，今日終於試佢一試喇。以依個大眾化價錢黎講質量都合格架喇服務員阿姐真係太過求其喎，大大力掉四寶雞紮落個盒度搞到爆開爛晒喇﹗溫柔啲好喎！如果我唔要求飯跟點心分盒裝，佢仲打算倒晒兩碟點心係飯上面一齊包添，救命﹗咁咪搞到個飯又濕又油！味道打晒交，撈埋晒一齊，哼！無汁點心可放同一盒，但點心一定唔可以同飯包埋一齊囉！埋葬係啲飯度咩！四寶雞紮，開呀﹗其實正確食發係一啖咬落去，並唔係拆開食架呢，您食漢堡包會唔會青瓜、雞蛋、蕃茄、牛肉抽出黎續樣食呢？咁就唔係漢堡包、唔係四寶雞紮啦！精髓就係要一啖有齊四種質感、四種味道。腐皮捲住豬肚、雞柳、芋頭，仲有疑似魚肚又似豬皮既物體﹗即刻試試先，塊野好爽口喎，仲有點油益味，唉﹗好一塊披著腐皮的豬，扮魚肚既豬皮，我好鍾意食軟棉棉、滑溜溜，鮮甜味美既魚肚架﹗唔係依塊豬皮囉，雖則明白生意難做，價錢掙幾倍呢。 等價交換，可以賣得咁平都可以理解既。腐皮有點乾韌，豬肚爽彈而不苦澀，雞柳雪白味濃彈彈

上水火車站側惡魔之橋供應既辣魚蛋腍劈劈又無味，仲得六七粒都要收 HKD10 蚊，真係難晒譜架﹗唔洗交租唔洗交稅，淨係比舵地都賣咁貴！難為班正當商人捱貴租！難得遇到美女有返工，忍唔住走過黎幫襯一下。操跆拳前食碗魚蛋打打底先，返李福林應該唔會操到嘔。美女有返工點都要拮串魚蛋先，閒時拮一拮，良晨拮日幾時都得！辣魚蛋，每碗 HKD10 蚊有十粒，一碗魚蛋兩種口感咁奇怪呢，唔同牌子？一半係真魚蛋結實彈牙，另一半假魚蛋腍劈劈！撈上自家辣沙嗲夠香夠辣，好味道，正啊！應該係煮既時間唔同，結實微彈魚蛋口感完全滿意無投訴！香辣沙嗲夠刺激，淡淡咖哩香噴噴，魚蛋結實有彈性！魚肉燒賣，好唔掂！無味道不特止，仲要蒸到腍劈劈，濕到爛。

肚餓時又唔想食7仔既假燒賣,於是去左點盅皇食佢既真燒賣,12蚊一籠有4隻,大大一隻非常抵食, 少少蝦肉, 豬肉量十分充足,菇唔算香但有少量吊味,味精唔會落太多,比起7仔果D已經好太多,而且又唔貴, GOOD!