為食仔海鮮火鍋專門店

营业中

休息中

招牌卜卜蜆一打開個煲蓋見到啲蜆好大隻都滿心歡喜，點知食落去隻隻都有沙，真係好有驚喜！仲要成個煲底都係沙，我唔介意有幾隻蜆有沙，但唔好隻隻都有沙。咁樣係咪叫新鮮？新鮮先有沙？我真係唔識貨主打既卜卜蜆都咁，其他野食我都唔想講員工態度就係想你快啲走，見到你未夠鐘但係食晒野就會叫你走，我都明白佢地要做下一枱客，所以我都好識做執野走。佢地用既係即棄碗同餐具，呢間鋪頭都唔平，質素同態度都差，再加試即棄餐具，真係好冇誠意。想賺錢都唔該俾番啲心機。提提大家禁定錢，當日食左轉幾，只收現金同payme。

開返晚市四人限制，即刻黎試下想食好耐既招牌卜卜硯，呢間旺角白布街卜卜硯，平時好多人排隊，建議大家要訂座先好去。佢呢間啲硯都算新鮮，佢一個煲大概有50-60隻硯，仲要超多蒜蓉,好夠味，啲硯一開就食得，但略嫌細隻小小，但都夠我地四個人。之黎我地叫左幾款牛，但佢都賣哂，所以最後試左佢既鎖柄，肉質唔錯，好有牛味，四人都夠食。之後叫左一堆火鍋配料，全部都好新鮮，有鮮脆鯇魚片，夠脆夠彈。仲有個黑松露墨魚丸，好重黑松露味，打邊爐一流。佢呢度除左食卜卜硯，仲有雞煲，下次一定會試。佢地價錢唔算太貴，食物質素中上，星期五六日最好就book定位啦。

味道：⭐️⭐️⭐️⭐️⭐️一年四季都咁鍾意打邊爐絕對唔係冬天嘅福利❄️❶18禁卜卜蜆煲 🧜‍♀️＄178呢個湯底有四個辣度可以供選擇今次我就嗌咗小辣🤏🏻🌶小辣已好辣 而且越食越辣愈食愈過癮🥵每一隻都蜆漲卜卜非常肥美 口感爽彈😋最緊要緊係冇沙⚠️同埋唔會得個殻冇肉只係得零星幾隻冇開口😶蜆既份量好多 湯底非常味道鮮甜真係食蜆都食到飽🌞

係朋友推介嘅店舖，過往推出多次卜卜蜆放題優惠，最近全單7折，仲可以外賣自取。落單滿$600，仲可以免運費速遞。藥膳/招牌卜卜蜆煲上次食係3 月份🤣，放題$98，所以蜆煲會較細，可以加添。不過，如果最近係主打$150-180 嘅鍋，煲嘅大小同份量都會倍增。湯底有多款選擇，有招牌蒜蓉、有辣味、喇沙、 咸菜豬肚等等。蜆肉鮮甜肥美，值得一試！重慶雞煲 香濃惹味，食落雞件嫩滑入味，但略嫌小辣唔夠辣。黃金響鈴 $58咸蛋味香濃，尚算脆口卜卜蜆定期有優惠，曾經係$98 九點半後任食等，$68 雞煲。不過大家注意近期未見有任食，而係推出全單七折。大家可以試下 18禁卜卜蜆雞煲 微辣$138 ，似乎係最抵食。有多款外賣套餐。外賣同樣受歡迎，疫情夜晚無堂食都唔怕啦！

好食到唔記得咗影相！真係好好食！而且價錢都好抵訂位嘅話仲有七折！一開始以為138蚊應該都幾細兜唔夠兩個人食，點知都好大兜，而且啲份量都好足。唔會話得啲蜆殼🥺啲雞嘅肉都好多，唔會淨係俾啲骨或者係一啲冇乜肉嘅位。唔知係咪因為疫情嘅關係其實當日去食嘅時候好少人，感覺唔迫夾嘅時候食都食得舒服啲。而且店員都好好禮貌同埋服務，因為一啲事我嘅朋友遲咗我諗住就直接取消，點知佢同我講話可以入去等住先，係咁凍嘅環境之下真係覺得好窩心CP值幾高！不過有一樣比較冇咁好嘅就係一定要收醬料費，其實我想講本身都已經好入味，所以會有少少覺得唔抵

把握最後一晚堂食，過左今晚就要食自己啦。甘凍既天氣梗係要食d辣野。一雞兩味，食完雞煲蜆，再打埋個邊爐，滿足哂兩個願望。🥢18禁卜卜蜆雞煲🥢 $138招牌菜式好抵食，有半隻雞同斤幾蜆，加埋d辣兩個人食完已經7成飽。有名你叫18禁，比一般辣一至兩度，食小辣都流哂鼻水。雞肉都幾有肉，香辣惹味；蜆殼雖然大隻，但始終吾系時令，冇甘厚肉。香料已包裹哂d肉到，所以好夠味，但系加左上湯，就變得清淡。🥢本地新鮮吊龍伴（大）$398香港火鍋店比較少有呢個部位，非常軟嫩👍👍👍🥢鮮製韮菜餃🥢 $58最喜歡有咬口既餃皮，韮菜好新鮮，夠哂水份。🥢特式四寶墨魚丸🥢$108芝士、鹹蛋黃、黑松露同埋鵝肝，款款都各有特色同埋好彈牙。

天氣咁凍，最好就係打邊爐。疫情之下無得堂食，於是我地今日就外賣左卜卜蜆返屋企食，估唔到外賣卜卜蜆，一樣咁好味！我地揀咗胡椒雞湯卜卜蜆嘅湯底，呢個湯底係母雞嘅，但係就用咗胡椒粒同埋雞湯，味道一樣好好味，香得來又唔會太辣，但係冬天食又好暖，鍾意嘅話可以自己加啲雞肉落去都唔錯。至尊牛拼盤（$448)呢個牛拼盤份量超多，有幾款牛肉，有牛柳粒、吊龍伴、牛肩胛、牛頸脊、安格斯肥牛。一個拼盤就可以試哂咁多個部位，勁抵食。五色餃子拼盤（$98)五款餃子分別係芫荽豬肉餃、鮮蝦雲吞、鮮蝦水餃、鮮製韭菜餃、黑松露鮮蝦餃。餃子各有特色，每款有兩粒，兩個人share 就啱啱好。勁芫茜豬肉餃真係唔錯，芫茜味道勁出，鍾意食芫茜既就一定會鍾意。手打四寶丸（$78)手打丸爽口彈牙，我最鍾意食就係手打鮮蝦丸，彈牙得來又食到蝦味。

好耐無食卜卜蜆啦！晚市買外賣返屋企嘆先🤤。首先選擇鍋底，選項也不少，有6個系列。我選擇了特色湯底-「招牌卜卜蜆煲（蒜蓉）」。再加配了「至尊牛拼盤」，「珊瑚蚌」，「黑松露芝士蝦丸」。外賣自取回家，需要自備壯男一個，因為食材跟湯底加起來也有一定重量。回到家就可以加熱湯底，放入卜卜蜆。水滾後聽到鍋底發出卜卜聲響，這時卜卜蜆可以食用了。蜆肉大隻，很滑嫩，入口鮮味無比。至尊牛拼盤包含了安格斯、牛肩胛、牛頸脊、吊龍、牛柳粒。每款牛肉都各有特色。其中吊龍是本地出品，肉質鮮嫩，牛味重。珊瑚蚌份量多，大隻，口感很爽。黑松露芝士蝦丸，松露味突出，但也不會蓋過蝦的鮮味，不錯！

原隻龍蝦湯底，下個仲有卜卜蜆，同雞脾茹秀珍菇，大白菜。我係openrice 訂座仲有折扣。安格斯和牛肉，2個人要叫大先夠食，牛肉要有少少肥先正。韮菜餃，響玲，都不過不失。柚子沙冰，菠蘿沙冰。 呢間火鍋整體嚟講都好食，食物質錯唔錯。

天氣咁凍 又係時候出動食火鍋！今次呢間餐廳唔止有火鍋，仲有雞煲同埋卜卜蜆煲食添😋😍.🍴鴛鴦卜卜蜆煲 💰198⚡️我地揀左一邊係中辣湯，另一邊就招牌蒜香～ 蜆嘅數量超級多😱 多到成個煲係滿晒🤣 蜆肉新鮮冇腥味，雖然間中蜆有少少沙，但鮮甜味搭救番啦😆.🍴至尊牛拼盤 💰448⚡️三層架放滿四個唔同部位嘅牛肉，多到有震撼嘅感覺🤩 肉質新鮮而且牛味濃，當左我最鍾意嘅係牛肩胛，夠油花，入口好香😋.🍴美國黑豚肉💰118⚡️豚肉幾香又夠油脂，但食落唔會膩，配埋麻辣湯底又幾夾～.🍴珊瑚蚌💰98⚡️輕輕焯下就食得，口感好爽，帶有蚌類嘅鮮甜味。而且份量一啲都唔孤寒，每塊都好大片～..總評：餐廳用料新鮮又大份，食物質素絕對對得上佢個價錢～而且食物選擇好多，值得再去！————————📍 為食仔海鮮火鍋專門店 (旺角)旺角白布街4號地舖

湯底係龍蝦湯冬陰公海鮮鍋湯底材料已經非常足料有大量鮮蝦同蜆仲有海量娃娃菜同菇類其實兩個人細食少少既話食個鍋都差唔多飽注意驚剝殼既朋友要選擇其他湯底haha至尊牛肉拼盤第一眼見到依個牛肉塔已經好驚喜真係一次過滿足你好多願望既拼盤安格斯牛柳粒, 安格斯牛,吊龍,牛頸脊,牛肩胛最有肉味係吊龍最滑嫩係牛頸脊最有油脂味係牛柳粒，又唔鞋每款份量超過十塊份量十足四色蝦丸同墨魚丸上菜時見到3種外觀一樣以為上錯菜原來係內有乾坤包括左蛋黃，芝士，同蟹膏味而從外表就見到黑黑地既係黑松露味兩款都爽口彈牙沙冰凍飲（柚子/菠蘿味）熱辣辣既火鍋配上凍冰冰既飲品非常配合柚子味感覺充實而菠蘿味就感覺清新各有好處不過始終係放係火鍋隔離，好似好快就融杯子高高，要小心整跌總結火鍋店有兩層，樓上房間私人度較高助料醬油齊備，仲有XO醬配海鮮都幾正餐牌仲有好多野食廁所衛生不錯服務員態度良好送埋口罩袋日本和牛都係店鋪既主打有興趣可以一試

朋友股票有斬獲，話請我去我心儀已久的為食仔打邊爐。天氣轉涼，最啱打邊爐。朋友叫我唔好客氣盡情叫。我們叫了招牌蒜蓉卜卜蚌煲。果然名不虚傳，啲蚌又鲜甜又無沙，蚌大大隻一大鍋吃得痛快。我最愛吃牛，尤其是牛肉檔的鮮牛肉。既然朋友咁大方請客，便不客氣叫了個至尊牛拼盤豪下。牛拼盤有安格斯，牛肩胛，牛頸脊，吊龍及牛柳粒。拼盤拿來見到多層不同種類部位的牛肉，砌得很靚，未吃已很興奮。牛肉很新鮮，香甜有肉味。我尤其喜歡吃吊龍，又香又軟淋鬆化。不用點太多調味更能吃到牛本身的肉味。吃過又好味又充滿鐵質和優質蛋白質的牛肉，整個人立即充滿能量對抗疫症!朋友推介的四寶蝦丸都好好味。蝦丸彈牙，芝士，鵝肝，旦黃和黑松露餡都好吃。朋友也選了三色燒生蠔。啲蠔好大隻，又新鮮又甜美。芝士，蒜蓉和辣椒味各有特色。打邊爐打得火熱，最好來杯鮮果沙冰。我的菠蘿沙冰酸甜好味，朋友話他的柚子沙冰清新潤喉。店的服務很好。須然顧客很多，店員很勤快有礼，令人吃得舒服。這餐吃得勁滿足。希望疫情受控，可再约多幾個朋友來打邊爐聚舊。

睇食評見到呢個招牌龍蝦海鮮鍋好似好正，今次就黎試吓，個鍋裏面有一隻龍蝦開邊，大量蝦同埋卜卜蜆，仲有啲蔬菜好似娃娃菜同冬菇咁，加湯都會加返龍蝦湯，好真材實料，海鮮都好新鮮，鮮味十足特別係隻龍蝦!! 另外再嗌咗其他食材打邊爐，精選牛孖寶比想像中份量要多，牛頸脊比較多油脂，食起嚟好有牛味非常好食!! 手打四寶丸非常彈牙，牛豬墨魚鮮蝦丸各兩粒，落咗鍋之後要分返每款食到一粒係有啲難度!! 哈哈~因為貪心每款餃子都想試，叫個拼盤就搞掂，自己比較鍾意魚皮餃同韭菜餃，餃子好足料飽滿!! 打邊爐又點可以冇蔬菜，每次必點皇帝菜係我嘅打邊爐首選!! 本來冇打算叫嘢飲，但打邊爐好似有杯嘢飲會開心啲，最後叫咗柚子沙冰，柚子味非常濃烈偏甜，自己覺得等佢啲冰融緊啲先再飲會更加好飲!! Ps樓上有幾間房仔，想冇咁嘈揀樓上d枱好似好啲!!

天氣凍，又到左打邊爐既時間。朋友話呢間既蜆煲好正，話一定要黎試下，所以放工就約左黎呢間食飯。.呢間野有兩層，服務唔錯，係門口度完溫度，仲問洗唔洗口罩套裝口罩，好貼心，然後就有人帶位。.我地兩個人，安排坐樓上，都坐得幾舒服，唔會好大陣打邊爐既味。睇睇食咩先。今晚唔算超級肚餓，如果唔係應該會試下佢個招牌龍蝦海鮮鍋，睇相見好大煲，都係唔好浪費食物。我地最後嗌左招牌卜卜蜆煲，果然冇令人失望，蜆既份量好多，仲好甜。蜆既味道唔錯，不過個湯底就淡左啲，有啲蒜味同少少蜆味，如果鐘意食濃啲，建議可以揀其他湯底～食完蜆可以嗌餸打邊爐啦，配合下今晚海鮮既主題，又冇食到龍蝦，決定嗌美國桶蠔試試佢～睇圖都知好大隻，成隻手心咁大，仲好新鮮！.鐘意食牛既你地千祈唔好錯過呢個拼盤，每款肉都有啲，岩哂打邊爐，唔洗食黎食去都係一款牛，牛味仲好重，油脂分布均勻。.點都要健康下，嗌碟綠色野開心下，蔬菜都好新鮮～呢間邊爐坐得舒服，野食又好味，下次再encore😋！

招牌龍蝦海鮮煲，包括有原隻龍蝦、鮮蝦、大蜆、黃芽白、芹菜、豆腐；原隻龍蝦肉質厚彈，味道鮮甜，鮮蝦肉質彈牙，大蜆肉質肥美，黃芽白、芹菜食落充滿龍蝦湯味道，豆腐口感滑溜。大特級牛肩胛，肉質肥瘦適中，口感軟腍，牛味濃厚。黑松露芝士蝦丸，黑松露味道濃郁，芝士流心效果突出，味道咸香，蝦肉口感爽口。雜菜拼盤，包括有皇帝菜、菠菜、生菜、娃娃菜。菠蘿沙冰，份量大，口感幼滑，味道香甜。雪梨海底椰，味道清甜。醬料，包括有豉油、香蔥、蒜蓉、辣椒、麻醬、XO醬。