為食龍 (已搬遷) 新店位置

呢間位於耀華街既小店店舖小但充滿特色 有數個堂食位置推介腐皮壽司>飯團🍙反而飯團就不值一試 餡料太少 飯太濕腐皮壽司較有特色 賣相吸引加上買4舊腐皮壽司 會送飲品/面豉湯🍊柚子左口魚，左口魚既味唔夠突出🥑牛油果三文魚，呢個三文魚粒粒 口感好好🥚鰻魚玉子燒，我覺得鰻魚汁太濃 蓋過本來食材🌱黑松露帶子粒，厚肉大塊，又夠新鮮壽司質素新鮮 即叫即造一啖都食唔哂性價比最高係黑松露帶子粒&牛油果三文魚粒2個人lunch share都夠飽下次再去懲罰😋😋

為食龍 主打飯團、腐皮壽司、車仔便當 舖頭細細 但裝潢裝滿心思 以恐龍為主題 牆壁以瓷磚砌成恐龍圖案 亦有唔少綠色植物 幾有大自然feel 留意返餐廳以外賣為主 店內只有幾個企位今次就揀左 為食腐皮系列叫夠四款腐皮壽司 就會送湯 / 茶 / 紙包飲品▪️辣味三文魚 $23三文魚裹滿辣味醬汁 食落幾惹味配上甜甜地既腐皮 中和小小辣味甜甜辣辣 味道豐富係四款之中最推薦既一款▪️柚子燒左口魚 $25燒左口魚食落有啲似肥膏帶有淡淡柚子香氣 不過就真係薄左啲▪️鰻魚玉子燒絲 $24鰻魚肥美彈牙 裹滿鹹鹹甜甜既燒汁但食落有啲細骨▪️蔥吞拿拖羅蓉 $24吞拿魚大大粒 不過質素就一般般感覺上無經調味 食落魚味偏淡 有少少雪味整體而言 腐皮壽司無想像中咁大件 味道中規中矩 有改善空間 性價比唔算太高

因為返學係銅鑼灣，我成日係呢邊覓食，搵搵下俾我搵到間日式創意料理 - 為食龍💛呢間主打日式輕食，啱晒有時唔太肚餓時食。店面雖細，但都有地方供客人立食。​​個人幾鐘意佢地嘅腐皮壽司，平時食壽司我極少叫腐皮壽司，印象係冇咩味道。呢間用腐皮做成腐皮袋，食落帶有甜味，上面再加魚生，我簡左三文魚牛油果，黑松露帶子粒同甜蝦蟹子，款款都好足料，魚生非常厚切，鮮味十足。 黑松露帶子粒最有驚喜，黑松露好香濃但又唔會搶左帶子嘅鮮味，估唔到咁夾。​

Dino Bean Curd 為食腐皮系列 黑松露帶子粒 | Scallop with Black Truffle $25帶子既新鮮又爽口，一點腥味也沒有，配上濃濃的黑松露香，帶出了帶子的鮮味更增添了黑松露的味道。 鰻魚玉子燒絲 | Unagi with Sliced Tamagoyaki $24壽司上充滿惹味的鰻魚汁，鰻魚啖啖肉，而且一粒粒十分易入口，清淡的玉子絲配上濃濃的鰻魚汁剛好中和鰻魚帶來的膩，配搭不俗。 蔥吞拿拖羅蓉 | Minced Tuna with Spring Onion $24拖羅蓉夠鮮味，脂肪比例適中。 蟹膏蟹柳絲 | Crab Paste & Crab Stick $24蟹膏濃郁香口，配上清甜的蟹柳，既惹味又不會膩。••••••••••••••••••••••••••••••正飯團Onigiri花之戀 | Flower Love $20三文魚飯團，飯軟硬適中，一粒粒的三文魚配上蟹籽和沙律醬，口感上有層次，十分美味，整體用料新鮮，十分用心製作。

今日午餐突然之間好想食壽司，同事就介紹咗位於耀華街一間的外賣壽司店。很想試吓它的腐皮壽司，今次叫了兩件腐皮壽司和一個飯團。分別叫了黑松露帶子腐皮壽司和鰻魚玉子腐皮壽司，燒左口魚飯團。黑松露帶子腐皮壽司 $25原本不太喜愛吃腐皮，但是這個腐皮壽司很薄脆和壽司的味道很配合。他的帶子很大粒，而且感覺非常新鮮。再配上黑松露，味道非常豐富。他的Wasabi是比較攻鼻的，點少少令到壽司更好味👍🏻👍🏻👍🏻鰻魚玉子腐皮壽司 $24這個唯一熟食的腐皮壽司，個人來說非常喜愛，尤其是有很多鰻魚粒，絕對是值回價。燒左口魚飯團 $24飯團🍙應該有用少少醋握成飯團，十分喜歡飯團的味道，而且飯團也足料。

呢排天氣悶悶熱熱🥵再加上成日要食啲買到厭嘅飯盒真係咩胃口都冇哂😫不過見到呢啲色彩繽紛嘅壽司🍣🍱仲要由為食得黎又為香港人服務嘅為食龍🦖製作🥰 即刻咩胃口都返哂黎😙😙💛🍣明太子三文魚 ($20)三文魚刺生加上辣辣嘅明太子，好惹味🍣黑松露帶子 ($22)帶子好新鮮，又厚又大粒🍣鰻魚玉子燒絲 ($20)鰻魚燒得香，同甜甜嘅腐皮好夾🍣蔥吞拿拖羅蓉 ($22)粒粒吞拿魚刺生配上拖羅蓉雙重滋味🍣柚子左口魚 ($22)炙左口魚油脂爆滿加上柚子減少油膩感🍣甜蝦蟹子 ($20)甜蝦鮮甜，蟹子爽脆溶合不同口感其實除咗腐皮壽司之外🍱佢仲有多款丼飯提供‼️不過貪靚嘅我地當然揀壽司啦😝 仲要件件都咁大件又多餡，真係大件夾抵食😋😋

一開頭知道呢個舖係比佢既巨型腐皮壽司賣相吸引左之後聽講佢係little vegas姐妹店又係同路人之後，更加驅使我去幫襯！第一次就係試佢個腐皮壽司，叫左3款，帶子，泡菜三文魚，同吞拿魚腩。其實係好飽，如果無記錯好似仲有日本茶/紙包飲品送。其實佢仲有其他日本便當。我記得我嗌左個咖喱肥牛便當，仲有叉燒便當，都好好食。我覺得for女仔係好夠。不過lunchtime繁忙時間可能就要等一等，唔係話你嗌完就即刻攞到比你。位置亦唔難搵，喺時代廣場後面，百樂中心隔離。

無諗過銅鑼灣會有間咁可愛既賣日式便當/飯團既餐廳。個logo好得意！店舖設計亦都別樹一格，有獨特既色彩！雖然細細間，主要做外賣，但係你都係會想停留係入面打下卡影下相！希望香港可以有多啲呢種咁特別既設計風格既餐廳！叫左拖羅蓉正飯團同西京燒三文魚正飯團🍙！話佢高質既第一個原因係因為佢真係足料！壽司飯好香甜，軟硬度岩岩好！西京燒三文魚夠香！拖羅蓉都好新鮮！要講多次佢真係好足料，咬落去啖啖肉好滿足！！$20一份係合理既價錢，女仔想輕食晚餐可以考慮好似我咁叫兩份就岩岩好。員工服務好好！值得一讚！

又到夜媽媽外賣回家嘅時間~ 😙 銅鑼灣選擇多, 今日想食嘅係日本嘢, 銅鑼灣嘅小店我嚟啦..... 🏃‍♀️🏃‍♀️🏃‍♀️呢間小店八點閂門, 我趕得徹喺七點幾嘅時間過嚟, 店內企咗成五, 六個人喺度等緊外賣 😄聞說呢度嘅腐皮壽司好好食, 首要當然要叫兩件試一試虛實! 柚子左口魚 ($24)不嬲都好喜歡左口魚, 表面燒過, 好香口, 配上腐皮嘅感覺好新鮮~ 蔥吞拿拖羅蓉 ($24)吞拿魚非常新鮮!! 咁好食嘅腐皮壽司好後悔冇叫多一件... 食飽兩件壽司之後再嚟主菜.. 😅😅 好似係貪心咗啲.. 方格魚生丼 ($62)一打開已經俾佢豐富嘅顏色吸引 魚生都切成方塊, 擺入呢個正正方方嘅容器, 同佢嘅名好貼切 ! 有吞拿魚, 三文魚, 甜蝦, 配菜有青瓜, 蛋, 紫菜等等, 套餐再配上麵豉湯, 小店來講咁樣嘅價錢質素真係相當唔錯! 爆汁野菜肥牛丼 ($50)呢個絕對係吉野家嘅取替品🤭 飯量驚人, 牛肉嘅份量亦多, 味道都同吉野家嘅好相似不過少啲肥 😌 加上蘿蔔同菜, 口感更豐富好食~ 😋食飽呷一口麵豉湯~~~ 總括而言咁嘅價錢, 呢間小店嘅食物質素相當出色, 值得支持!!! 💪🏻

葱吞拿拖羅蓉 $24都新鮮有拖羅既魚油脂味，但用左腐皮代替紫菜，腐皮偏甜，令飯都偏甜。鰻魚玉子燒絲 $24鰻魚新鮮既，偏淋，加上燒汁再加腐皮既甜，又咸又甜既感覺，因人而異。明太子三文魚 $22三文魚肥美，唔會太淋，再加上明太子既海鮮味，整體ok。個人黎講都係覺得紫菜較夾。自選三款車仔便當 $72三文魚甜蝦吞拿魚，再有青瓜粒，蟹籽。正常普通既魚生飯，魚生份量少，角切既魚生碎。📍職員既態度有少少差。📍外賣店，但店內有企位可以企住食。📍8點就閂門，7點後有少少食材會賣晒

之前食過佢哋賣相勁吸引嘅腐皮壽司。今次試吓佢啲外賣抵食到不得了嘅飯盒。包埋麵豉湯都係50幾蚊咋😎😎·佢用咗好靚嘅盒載住，一打開成浸香爆嘅薑蔥油味出晒嚟。塊雞扒燒得好滑，又冇骨，撈埋啲蔥油同飯一齊食眨吓眼就食咗大半個（食唔晒呀太大份啦）·至於肥牛雙拼就可以滿足兩個願望。唔使問啦，塊牛牛厚身過吉野家嗰啲多多聲啊，配埋豉油做底又係撈飯一流🤤唔好再同我食吉野家啦😼·總括來講，喺銅鑼灣返工或者經過嘅朋友應該要瘋狂幫襯啊🥳-肥牛雞扒雙拼｜$54野菜薑蔥雞扒丼｜$50-為食龍銅鑼灣耀華街3號百樂中心地下G01號舖-

午餐時間支持一下小店，叫左Hungry Dino外賣。方格魚生丼盒仔細細，女仔食就岩岩好。魚生丼材料種類多，青瓜製醃過酸酸地好開胃，魚生算係新鮮。由佢地嘅食品包裝同店面設計都睇得出店主好用心，值得香港人支持下。

今日去完銅鑼灣見客，行下街肚餓，就走左入哩間外面牆壁好靚嘅餐廳醫肚啦。間餐廳店面比較細，所以大多數人都係lunchtime 買完就快快手走，又或者會叫佢地都幾出名嘅懶人便當同飯糰，而我就係其中一個懶人之一，叫左個飯糰黎食，食落超級飽肚而最令我surprise嘅係佢地嘅腐皮壽司，亦都係佢地嘅招牌菜，好受顧客encore，因為多料大大舊整體而言，哩間店舖行平靚正路線，大件夾抵食，食物非常高質，亦一唔好嘅地方就係地方細，座位少，各位為食猫可能要等一等先食到高質日式小食

爆汁野菜肥牛丼（$50）套餐配杯綠茶或者麵豉湯，因為當日冇野菜菜供應，佢仲送咗溫泉蛋俾我哋添🤤 牛肉份量好多，配埋燒汁同蛋汁好快就食曬☺️ 我地嗌左為食腐皮系列嘅明太子三文魚、鰻魚玉子燒、柚子左口魚、黑松露帶子粒（每款$22至$24）😋款款都好足料，魚生都多到滿瀉，黑松露帶子粒最有驚喜👍黑松露味好香濃但又唔會搶咗帶子既鮮味，個味都好夾😋喺銅鑼灣來講價錢都唔算貴，性價比算高👍不過提一提返呢間鋪頭係立食嘅，都有好多人會黎嗌外賣🥡

為食龍是我第3次食外賣的銅鑼灣小店,猶記得2月份告急就前往支持,現在連餐單都有更新,價錢輕微上調(可以接受,本身太便宜),選擇就會集中。位於不起眼的位置,其實競爭力會較低,慶幸仍然有大量黃手足支持,感得不已。爆汁肥牛雞扒雙拼飯  3/5分  60元雞扒其實好易平時燒味飯的醬油雞,不過沒有骨,這點與想像有出入；肥牛依舊出色入味好味道夠多夠飽；爆汁就似乎融入到日本米之中。面豉湯與綠茶二選一,相當建議選擇面豉湯,因為真係幾好飲,綠茶會稍微清淡一些。下次還是再吃泡茶肥牛飯,一試驚為天人,實在好味!