烤魚工房 (登打士廣場)

营业中

休息中

星期六晚六點鐘黎到walkin, 等左半個鐘就有位入座，環境尚算舒適不過間格問題所以有D 應聲。QR code 落單點左剁椒青江魚（鱸魚賣晒有點可惜），另加鴨算，豆皮，薯粉同小食蒜蓉茄子。燒茄子先上味道OK 不過油左少少之後條魚肉質還好（因本人鍾意鱸魚多d), 不過建議唔食得辣既朋友要叫低一級辣度，食下食下就好辣🔥🔥， 豆皮值得一讚幾好食，份量足 $20, 薯粉都好煙紉好正👍👍另外叫左兩杯打卡able 飲品解解辣🤪由於好辣所以食得比較慢，90分鐘未食晒就被請走了 gg埋單2人 $49x好食指數：⭐️⭐️⭐️ 太辣食唔到其他味了性價比： ⭐️⭐️⭐️⭐️

九點入座入座嘅時候冇同我哋講幾點last order，個烤魚都未滾走過來同我講要埋單，10:40就趕我哋走話佢哋要收工 ，成張單差不多二千蚊叫大家，成枱野食浪費哂，永不再來。勸大家八點後入座都唔好嚟呢間，完全食唔切，個火又唔夠大，成餐飯趕頭趕命，不停俾人哋吹，吹你買單，吹來點餐，吹你走，如果你哋係咁講嘅時候9:00就唔好俾人哋入座。真係嬲到我寫咗人生第一個OpenRice食評

知道呢間野一到晚市就要等位，於是我哋就決定五點半去到，唔洗等，即時入座，兩個女仔坐卡位，環境舒適，位置都闊落，點咗一條魚，再加咗四份小食，兩杯飲品，結果係飽到抱住個肚走之余都係食唔曬嘅，條魚好大條，四個女仔食就差唔多，味道夠濃香，好食嘅烤魚👍🏻👍🏻😋

烤魚有清江魚、江團魚和海爐魚三選一。我哋點咗蒜香酸菜烤魚，江團魚。地道烤魚，魚肉鮮甜滑嫩，配料好豐富：芽菜、洋蔥、酸菜。湯汁濃郁，適合配飯食。我哋加點咗配菜，土豆片、蒿荀片、娃娃菜。清甜的娃娃菜吸收了濃濃既湯汁，好味！吃完辣點埋平時都鍾意食既紅糖糍粑，外脆內軟，黏糯綿密，甜度剛好蒜香茄子唔錯，烤過既茄子，軟綿綿，濃濃既蒜香水果茶的水果多樣，有奇異果、火龍果、西瓜、蘋果、百香果、藍莓加上椰纖果，微甜中略帶酸，解渴兼開胃

假日黎到旺角烤魚工房都係要等位不過為左食好味烤魚係值得等待😋我地等左大概半個小時就入坐好快落左order 等左10分鐘左右就上菜烤魚黎到個香味同眼球都好震撼 因為好大盤同埋好豐富🫶🏻有個火爐煲住佢會將另外點嘅配料一齊加埋落去同魚一齊滾好快魚就滾左 一啖食落去好香辣惹味 原條魚 魚質柔滑細嫩 會吸哂啲辣汁🌶️愈食愈辣同時又愈食愈好味兩個人食係岩岩好 火鍋我永遠鐘意加午餐肉🥳仲有啲土豆片同金菇滾到入哂味一間我同朋友都讚不絕口嘅烤魚店

今日收工去左旺角本身打算打邊爐，點知另一個同事話想去食烤魚 就決定去試吓呢一間烤魚，排咗大概30分鐘左右，店員就帶咗我哋入去坐今次比較推介嘅係鮮青椒味清江魚，一上海已經俾佢麻辣嘅香味吸引住，紅椒青椒仔滿佈喺魚嘅上邊，賣相一流，睇落都好似好惹味條魚亦都非常大，兩個人食非常足夠！烤魚食落唔算太辣，口感都尚算非常香滑，魚皮既位置烤得分外香脆，配埋辣汁食非常夾食落亦都啖啖肉，肉汁緊緊鎖係魚肉入面，十分出色呢道烤魚麻辣鮮香都做得非常好，值得推介

之前食過好難食既烤魚有啲陰影，但今次聽朋友介紹呢間烤魚工房，真心冇介紹錯，一個字 得👍🏻串燒驚艷！好川味好重口味正👍🏻 鮮青椒烤魚叫左小辣小麻 對於我都鐘意辣辣地香口野但太辣胃仔又受唔到既岩岩好果然招牌 好香好惹味串燒燒得岩岩好 唔會太乾 調味👍🏻👍🏻👍🏻好有川味 部分仲有得要加多啲孜然 岩重口味人仕仲有點左蒜蓉粉絲花甲份量都好足 好香超入味 可能我貪心叫左多蒜 真心超多蒜 不是好蒜人士 普通就夠😂因為多蒜到我呢啲超愛蒜唔怕口臭既都覺得多左少少 有啲搶咗花甲呢個主角味道推介🤩🤩🤩🤩

如果你常在夜里怀念内地的烤鱼和烧烤，那不妨来这家试试！也是我最近发现的宝藏美食店!烤鱼＋串烧组合，一秒回内地的感觉！ ✔毛血旺烤鱼 清江鱼吃烤鱼的时候，要先选鱼，我们选了清江鱼288港币，其他还有江团鱼（328港币）和海鲈鱼（288港币）然后是选口味，口味有很多种选择，香辣豆花、蒜香酸菜、酸辣泡椒味、酱香豆豉味我们点的是毛血旺口味，毛血旺烤鱼，一锅两吃，所以是需要额外加30港币的一整锅配料超级丰富除了烤鱼，有鸭血、白毛肚、黑毛肚、午餐肉、黄喉、黄瓜、豆芽、黄瓜、马铃薯、藕片、洋葱等等烤鱼的味道，简直让我秒回内地！跟探鱼有的一比！鲜香麻辣！吃的很过瘾！黄喉和毛肚也超级好吃！ ✔串烧组合（BBQ烧烤）现烤的川式串烧，种类很多：羊肉、牛肉、鸡肾、滑鸡、鱼豆腐、五花肉、猪颈肉。每款6小串，共48串！非常划算！味道鲜辣过瘾，跟内地的烧烤一模样！ ✔特色饮品我们点了蜂蜜苹果芦荟绿茶+幻彩缤纷（火龙果 奇异果特饮）都是一大樽，份量很足，颜值超高，味道也正，比奶茶店的水果茶好喝~解辣必备！ ★他家性价比高，品类很多，除了烤鱼烧烤串，还有干锅类，烤生蚝、蒜蓉扇贝、锡纸海鲜、各种前菜小吃等等，应有

由元朗就開始食到佢係旺角開分店大大話話食左不下十次當日約左兩位鍾意食辣既朋友食飯其中一個未食過一直想試，於是就食呢間鮮青椒味清江魚 $289💰成餐飯既主角，條魚好大條魚皮烤過再煮腍左索晒辣汁勁好食另外佢嘅青椒唔係好辣嗰啲所以每一啖即使連埋青椒一齊入口都唔會好辣反而增加左口感，每一啖都好豐富而且辣辣地好開胃優惠組合 $69💰有娃娃菜，金針菇，土豆，蓮藕，海帶苗煮落烤魚到，索晒啲辣汁勁好食😋串燒組合 $169💰總共有48小串包括有羊肉，雞腎，魷魚，五花肉，牛肚雞軟骨，魚豆腐同粟米粒鹹香十足好惹味，但肉太細食得唔過癮烤茄子 $36💰食川菜有茄子都必定會叫烤得好軟身，好香蒜味食到停唔到口😝烤韭菜 $15💰韭菜好嫩一啲都唔老錫紙鴨血 $39💰好香蒜蓉味，鴨血嫩滑入味而且仲有少少金針菇同粉絲口感十分豐富至尊水果茶 $43💰成杯野勁多水果，賣相好靚(˶‾᷄ ⁻̫ ‾᷅˵)叫左少甜，岩岩好底下仲有啲椰果粒同百香果籽增加口感

預先喺網上面攞咗飛，8點去到要等14張飛，等等下有個姐姐問我哋食唔食雪糕，話係送嘅，有得揀原味/朱古力，我就揀咗原味，個雪糕牛奶味都算濃👍🏻。最後我哋等咗差唔多30分鐘先入到去。湯底我地揀左小麻小辣。清江魚好滑，都唔算多骨，唔錯。仲有佢好大份，我地得2個人食👩‍👧，一開頭以為會食唔晒，點知食到最後開始飽都好想繼續食落去🤣，真係名不虛傳，會越食越上癮😍！烤魚可以揀配菜，配菜每份$20。我哋淨係嗌咗一份金針菇。份量中規中矩，冇乜特別，但等佢索晒啲湯再食好正😋。入邊有花甲，粉絲同埋少少金菇。我地揀bb辣但我都覺得辣🥵，同埋我比啲辣油嗆到幾次🫣，食到辣先好嗌呢個。娃娃菜有兩串，一邊落左孜然粉，另一邊係辣油，唔錯，幾好食😋。呢杯水果茶我見差唔多枱枱都有嗌。酸酸甜甜咁，可以解渴之餘仲可以解辣。同埋佢都算好大杯，我由開始食飲到食晒都未飲完，飲到最後仲可以食埋啲生果，抵嗌啊🥳！呢間一定會再encore！！啱啱先食完已經又掛住個湯底🤣。唯獨不足係等位比較耐，要早啲攞飛😢。

餐廳環境好靚用上好多霓虹燈嘅設計，鮮青椒味烤魚越煮越滑又唔會靭，越煮越入味辣度亦可以選擇，寬粉落去煮 非常入味吸盡精華，份量夠2人自私吃，但不可以訂位還要Walk in攞飛等位再限時90分鐘，未必再去好怕等位

人氣烤魚，經常經過旺角都會大排長龍～店舖標榜即叫即烤，非常受歡迎今晚約了朋友去旺角舖頭探店，招牌鮮青椒味江團魚，肉質嫩滑，脂肪分佈比較多呢一款烤魚味道係人氣之選，夠曬味道，好新鮮，辣度和油量可以自選，絕對值得推介⋯⋯我地仲叫了烤茄子，烤薯片，烤豆皮，烤韭菜和烤牛肉串等等，亦都出乎意外之外，好好味！終於搵到一間吃燒烤咁正的店舖，唔怪得日日排長龍，下次有機會再試一試其他烤串和其他口味的烤魚，推薦比大家必去烤魚店

呢間嘢超級多人，食野都有限時，如果想食就真係要早啲過嚟排隊，好彩佢都有得上網攞位。我哋嗌咗個鮮青椒烤魚，小辣，初頭食都覺得辣辣地，越煲越辣。個味都係重口味嘅，我地都一人叫左一杯野飲。條魚份量幾足，夾極都仲有，不過佢個湯就好快就蒸發哂，耐唔耐就要叫啲姐姐過嚟幫手加火同加湯。建議加配個60幾蚊乜都有嘅配菜，一早就放落去煮 ，煮到最尾入哂味好好食，不過個鍋都幾淺一次過落唔到太多野。四個人叫左一條魚加啲配菜小食，埋單每人200蚊內，都食得飽嘅。呢啲重口味嘅野耐唔耐就好。

之前試過一次之後一直念念不忘好想再食多次烤魚😋於是下午五點就準時去食 因為五點係岩岩開 所以walk in都有位😙今次叫左一份烤魚、串燒同燒生蠔🦪首先上左串燒同燒生蠔🦪燒生蠔熱辣辣 新鮮燒起唔會腥 大小適中 多蒜正呀🤩都係個句 食個陣小心辣咀🤪 串燒都好惹味上枱時都係熱既有孜然粉既串燒真係無得輸食下串燒 飲下野 幾開心🥳最後就係烤魚喇大大盆 見到都已經流晒口水🤤加埋豆卜一齊滾啲豆卜索哂啲湯汁 一個字 正！！ 不過兩個人食份量有啲多約多幾個朋友一齊食 開心啲又可以食多啲😋😋

約咗朋友好耐，終於食到烤魚喇！呢間嘢超級多人，每人限時一個半鐘，其實都食得幾急下。我哋嗌咗個鮮青椒烤魚，小辣，初頭食都覺得辣辣地，越煲越辣，去到最後真係有啲搞吾惦。本身想食海鱸魚，但係去到賣晒，結果加咗錢叫清團魚，又幾好食咼，又滑又冇乜骨，浸落啲惹味嘅鮮青椒湯底真係好正！萵筍同蓮藕，仲有金菇真係好啱食烤魚，索哂啲辣湯針，好入味。另外叫咗個烤茄子，啲蒜蓉好好味回味無窮。仲有嗌咗啲雜錦串燒，有成48串，乜都有啲，每樣一兩淡，好過癮！食辣嘢，最緊要就係要嗌返杯水果茶或者冰涼啤酒，一路食一路飲，爽呀！