烤魚工房 (登打士廣場)

营业中

休息中

咁岩今日想食烤魚，黎到烤魚工房，平日都等左2個幾鐘先入到，望落個盤好大，但3個女仔食一條魚已經覺得唔太夠食，個盤的熱度就唔太平均，因為佢係用易燃啫喱，所以都唔算太熱，啲餸等左好耐先熟🫠。好食 不過呢個價錢唔太值

烤魚還不錯燒烤一般最重要的是服務態度也太差了第一、收十一點，九點半去同我講九點截咗單；之後特登早少少去八點半到又講截咗單，一時一樣毫無原則。第二、明明叫少冰，半杯冰，跟住話唔可以換第三、水果茶勁甜色素又多態度又串第四、又唔可以book位又冇apps拎位一定要現場拎飛如果唔係好得閒可以等位唔推薦去

媽咪和我去慶生帶著最尊敬的人當然要食得體面，有魚有肉大大盤肯定最讓媽咪開心。來到烤魚工房，當然是要食一鍋烤魚，我們叫的是清光魚，酸菜不能，我最喜歡吃辣，越買越辣越好，但是媽媽不喜歡吃辣，於是我就當然要遷就他。一大盤魚來到我們的面前，溫馨的想來非常興奮，魚亦都很厚肉，光是吃魚其實都很飽，但是因為慶生當然又要吃一些羊肉串啦。吃魚不吃麻辣其實對我來說總是有些遺憾。於是我跟侍應姐姐商量一下，他說可以加辣椒油或者青椒，我問他有沒有辣椒粉，他就給我辣椒粉。辣椒粉比辣椒油好，起碼不會油淋淋，感覺會有那麼容易增肥。大盤魚的配菜也不錯，魚本身肉厚，烤過但沒有脫皮，肉質鮮肉質鮮嫩而且滑，雖然是淡水魚但是不是很多骨。而且配合炙烤未獲大量配菜的滾湯，把魚肉的亂畫凸顯出來，我們二人食得慢，還叫了一客全套串燒。火燒完一次，再加一份蠟，後來再加蠟塊但是魚身還沒有霉爛。烤魚是沒有問題，就是千萬別要那個一百幾的串燒套。油膩，凍，少，肉質硬。我們食了一半就放棄了。埋單時，看看別家也加了這個串燒套，也是剩下最少一半。應該喜歡食什麼就落單，不要眼闊肚窄。總的來說，烤魚是做得很好。還有燒茄子也非常好味。

因為想食烤魚 所以就黎食下呢間烤魚工房所有野食都熱辣辣 但係食耐左就覺得有d油同埋有d膩 好似每一道菜都係一樣調味咁🤣主角烤魚麻麻地 會覺得越食越油…不過烤茄子同埋炸肉條好食！

同朋友Bookmark左烤魚工房好耐上次6點去到都已經非常多人 要等2個鐘 所以放棄左今次特登5點左右黎到 都要等一陣間先入到坐😅所以期望好高 除左烤魚 燒烤都係主打我地叫左 豬頸肉 牛肉 韭菜如果你係內地食過串燒 佢地就係個種味道👍🏻好有風味 細細串 都唔錯豬頸肉係好味到要encore 牛肉就一般啦韭菜都係正常發揮到個烤魚啦 我地叫左 鮮青椒味烤魚小辣 中麻 可以揀小油 魚就揀左江團魚 另外仲叫左 萵荀 金菇 同寬粉條魚好入味 配埋啲湯食啲魚肉非常好味👍🏻👍🏻呢款魚嘅肉質都算滑 而且少骨份量岩晒兩個人食 仲有quota叫少少配菜食完好滿足😋 已經想再黎Encore 離開嘅時候 見到前後門都佈滿晒人證明佢真係好值得食呀🤣🤣

烤魚很入味，叫了麻辣少辣，吃起來不那麼辣，剛剛好，豆花也好好吃。年糕煮軟了很好吃，大小合適。水果茶幸好點了少甜，就比較好喝，但是有些水果較酸，總體還可以。總的來說，烤魚比較大份，2個人吃了不到500，還挺划算。

前幾天小🐤胃生日🎂，為了慶祝一下🎉，於是帶他去吃烤魚🐟，本身我倆都不怎麼吃魚，但是烤魚口味重，太有內地風味了！濃濃的醬料，保留魚肉鮮嫩的同時，也賦予更加豐富的味道！.因為我本身不怎麼吃魚，本身胃口一般的小🐤胃竟然一個人吃掉了一整條，可見烤🐟的美味了！烤魚還可以添加一些蔬菜一起烤，土豆🥔和豆皮都是不錯的選擇。.另外值得一提的事，他家的燒烤和小菜也都全部很好吃😋，我選的烤豆皮，包漿豆腐，小酥肉，紅糖糍粑，烤饅頭，我只想說一句，「OMG，我好像回內地了！」.

作為鍾意食辣嘢嘅我 今次朋友推介我哋食呢間探魚工房🤤香辣豆花烤魚 $328為咗唔食咁多骨 所以叫咗條貴啲嘅江團魚🐟 肉質幾滑而且烤魚嘅湯底好香 唔會係死啦另外仲有少少淡淡花椒香味 愈煮愈香🤤烤羊肉串🐑 $36/2串係好正宗孜然粉味嘅串燒🤩串燒嚟講價錢算係咁烤娃娃菜🥬 $15/份娃娃菜係超好食少少酸辣嘅味道勁開胃烤韭菜🌱 $15/份韭菜又係串燒裏面唔可以缺少嘅一道餸🤩至尊水果茶🍹 $43水果茶有啲驚喜唔會太甜亦都係好新鮮嘅果味📍#烤魚工房 #mk

香辣豆花烤魚 大麻大辣 $288 +1辣妹表示大概要煮半個鐘先會有辣味清江魚係幾好食 就算淡水魚都冇泥土味呢個烤魚本身嘅菜剩係得少量芽菜 洋蔥同埋豆腐都有加落其他配料 嗌左火鍋寬粉 海帶苗 萵筍起碼要煮15分鐘先會入到味火鍋寬粉$20+1係燙好先 所以一煮落烤魚度 好難煮得又彈牙又入味 係偏軟爛果種 如果鍾意彈牙嘅人士 可以避開海帶苗$20 +1算係MVP 大概煮3秒就可以攞上嚟萵筍$20 +1就要煮耐啲先入到味個人鍾意食爽口 但係唔入味真係好難食🥲🥲烤生蠔 $75 +1品質參差 三隻入邊有一隻係特別大隻 又甜另外兩隻係冇蠔味 要嗌呢個菜完全係靠運氣芒果冰沙 $39 +1假芒果味 不過嘅解辣

之前喺Open Rice搵到這間食烤魚，見服務態度一般都有點卻步，最後都揀咗17/6生日去光顧。好在朋友一早上去取票，但還要等位1小時以上，見到六點幾已經高朋滿座，想到有點不耐煩。等左1小時以上終於到我哋，安排了一個卡位可坐四人，看到人手非常不足，員工都非常忙碌跑來跑去，好彩一舉手就有快有員工跑過來，第一次去光顧當然要問吓員工意見，他們有耐性解答同埋推介食物，態度非常好，我覺得這間店員工非常出色，忙嘅環境下仍然保持好既服務態度，服務態度令我喜出望外。烤鯖魚👍🏻👍🏻👍🏻芥末魚皮👍🏻👍🏻👍🏻串燒👍🏻👍🏻👍🏻👍🏻👍🏻烤生蠔👍🏻👍🏻👍🏻👍🏻牛舌👍🏻👍🏻👍🏻糍粑👍🏻👍🏻👍🏻安格斯肥牛👍🏻👍🏻👍🏻👍🏻青檸特飲👍🏻👍🏻👍🏻👍🏻金桔特飲👍🏻👍🏻👍🏻👍🏻水果茶👍🏻👍🏻👍🏻👍🏻

有一排好想食烤魚 但又擔心去啲小店會中伏打開OpenRice見到依間裝修幾特別 而且又係旺角 就即刻同朋友去咗呢一間拎飛點知一打開𨋢門 餐廳門口多人過放工時間嘅金鐘地鐵站😂最後等咗兩個鐘有多先有位😿雖然真係好肚餓由於真係好想食 咁就一直等 不過最後都冇失望🤤烤魚嚟講價錢唔算好貴 而且比我想像中平！由於朋友唔食得太辣 🌶️ 所以嗌咗鮮青椒味🫑味道超好🤤！但個湯汁偏鹹 食食下都會想要啲辣味🥹可能因為啲魚肉唔係話超入到湯汁嗰個味道不過我哋5個人嗌咗一條魚🐟+黃金組合嗰個輔菜+一份烤茄子🍆+鐵板布漿豆腐 已經好飽必須值得一提嘅係杯嘢飲🍹【幻彩繽紛】真係超好飲 雖然個名好奇怪（唔係張圖個杯）但係佢酸酸甜甜真係好開胃 而且啲果汁真係同烤魚好match!!!不過我平時飲開凍檸茶走甜嗌微甜我都略嫌好甜 大家可以少甜 如果唔係可能會越飲越口渴🥲

第一次来尝试、觉得好好吃、带屋企人来都是个个都赞好好味、服务态度还是很好、服务员甘忙都有这样态度、真的辛苦啦下次朋友聚会都会选择这间烤鱼工坊！特别是烤茄子！好味！

黎咗好多次喇超讚的.特別係烤魚又好吃！仲有燒烤配啤酒真係一流😋最喜歡的是蒜香酸菜魚和鐵板豆腐產品都很有賣相👍🏻👍🏻，服務都好好😊😊哩個星期約埋朋友再去試下

因為疫情太耐未返過內地，一直起香港搵川味的中餐，前一排刷抖音見到烤魚工坊，就想去試下，前一段都忙於工作，呢排開始得閒，第一次入到去，環境舒服，服務員都很有禮貌，服務態度都幾好，就有種返到深圳既感覺，野食好味，第一次同同事兩個叫好少野食，都唔過癮，今日又約埋幾個同事一起去，叫多幾樣野食，同事都讚話好食。建議多幾個人一起去，可以叫多d野食

終於有機會試呢間烤魚，要排隊都係意料之內，當日大概等咗半個鐘左右都唔算太耐。不過餐廳基本上只有四人枱我哋當日有五位都只能夠安排四人枱，坐落去呢就有少少逼夾。食物方面揀咗一份烤魚同埋好多串燒～烤魚味道唔錯，不過串燒好好食！！特別係佢嘅燒茄子超juicy!!不個餐廳基本上都係一大堆蒜蓉調落去😂😂😂基本上食咩都係蒜蓉味⋯