無双 (已結業)

經過尋晚一試後，今日午餐又再去食過…^^ 不過係隔離果間無雙~ 見佢大大隻字宣傳冠軍麵~咁當然試下啦! 今次都係食2人餐，不過唔係同一個朋友，因為佢都未試過~反而依間個2人餐得一款小食，比隔離八盛少一樣，同埋貴一蚊，即係$199，依間又係做緊團購!同樣都係豬左買貴左……同一次一樣，都係有個接收器等攞，做好同樣會閃住提醒麵要做好可自取，都係等左15分鐘左右就完成! 豚肉的外形同口感同其他舖分別不大，而碗上鋪滿蔥花同大量芽菜，唔太鍾意芽菜的我唯有飛走芽菜食，蔥花點綴下同個湯底都幾夾，唔太識去容易，都ok~不過覺得湯底既八盛啱我口味，濃香而不咸，但無雙既湯底好普通，麵質都好好!無雙既餃子同八盛相比，無雙技勝一籌，皮薄之餘餡靚，相反八盛既餃子餡一咬即散無咩味道!再一次証明2個人女仔如果食2人餐係太多，食一個餐加一至兩個小食就足夠!總括之言，個人認為拉麵及湯底八盛比較好，而小食餃子則無雙比較好~ 我都明白人係無兩全其美，更何況食物呢…~

拉麵迷又去潮聖，今次在佐敦試了「無雙」呢家店。唔知點解雜誌大部份推無雙，但我覺得無雙一般呀。湯底以雞骨和豬骨淆製成，湯不濃稠，可惜挺油膩。拉麵不俗，唔淋身，麵口感挺煙韌的 。叉燒是略為偏肥，厚度足有半厘米，看到這三塊擺盤厚實叉燒肉塊，我就要飽了阿。糖心蛋不夠醬油味，平平無奇，無特別。整體黎講，有比較之下，無雙比自己喜愛的超男，真係較差。 

今晚走去食埋呢個拉麵團賺，快到期ma晚上7點左右，第一次去，又比塊牌，又去收銀簽名，又一間間睇，感覺幾煩。。行左round,見無双又話第一拉麵，咪食囉，老實，我唔識分點為之好好食的拉麵，因為小弟好少食，但成碗拉麵，自己食落ok囉，雖然得一塊叉燒(味道一般)，總知ok囉，但可能自己大食，麵量感覺很少。。。但主打餃子好食wor, 賣相好，皮簿，好飽滿。。當然我係比較街外的一般餃子啦，total有5隻，但我仲想再食啦!點都好，未食過，用49蚊食拉麵餐，去食啦，哈哈。。。但正價就，自己諗諗囉

點了他們推介的冠軍拉麵，以為有翻咁上下水準，點知原來唔掂。三片薄义燒淡戊戊，沒甚味道。嗰隻温泉疍就尚算不錯。麵條略硬，不算有咬口。最差是湯底，全個湯碗面除了蓋著一層油外，亦滿佈一粒粒的油脂，實在太肥膩了，所以勉強吃了大半就吃不下去了。真的怕怕，一定冇下次！

＄49拉麵團購熱也湊熱鬧。店員落力說客說自己是東京第一，好，就看看怎樣第一。團購餐包括招牌拉麵一碗，餃子一客，果凍一杯及汽水一罐。拉麵湯底以雞及豬混合而製，比較清淡，不過面頭的油脂也著實多了一點，一粒一粒的，最後要盛走才敢喝湯。湯底其實細嚐可喝到蔬菜的鮮甜味，不過香港人偏好豬骨濃湯，這未必對大眾口味。麵條曲身不過掛湯能力一般。叉燒只有薄薄一片，肉身滑而沒有豬臊味，不錯。糖心蛋沒有以醬油調味過，蛋味不濃，失望。餃子相反比拉麵更出色，隻隻飽滿有肉汁，煎得不油，配以餃子汁更好吃。果凍可以吃完麵後才拿，不過沒有得選味道，店員回覆：「我們隨意發的」。其實當晚人不多⋯⋯不過算了，因為完全不是損失。果凍水稀稀的，面頭有些倒汗水，怕吃了肚子受罪，最後放棄了。其實做得這樣沒誠意，不如把果凍剔走，免得做壞自己招牌。以團購價來說是超值，正價的話就應該不會幫襯了。

團購試食.叫左:春櫻套餐有拉麵,餃子,果涷,連汽水拉麵:湯底好清,太淡,蛋有咩特別,义燒味道似鹹豬手,比較特別,拉麵麵質還可,太重粉味,唔夠彈牙.餃子:味道一般,人口完全唔知係咩,只知好似係一舊肉.果涷:完全唔得,水多到呢!整體似在內地嘅所謂拉麵店.完全唔係日式或港式.

拉麵的旋風在香港不斷的愈演愈烈，在大街小巷越開越多！其中Ramen Champion就看中了這一點，以拉麵競技場模式，於同一餐廳內引進了多家拉麵店。幾間拉麵店各自經營，以業績及食客意見作比較；更會汰弱留強注入新血，藉以提升拉麵質素。進入Ramen Champion後，會先獲發電子幣，憑幣再到各店點餐。鋪內十分熱鬧！因為各店的店員，甚至主理的日本師傅都會落力以半咸淡的廣東話推銷，場面搞笑！無雙來自東京，湯底以雞與豬骨煮成，味道較淡，而且帶輕胡椒味，叉燒也是肥而帶滑；其半熟蛋略帶醬油味，蛋心香甜。喜歡拉麵的你們可以來Ramen Champion試試日本各地口味的拉麵喔！

喺呢到食野最好係可以一次過食几間唔同舖頭的食品,之前講左昆沙門零,而家講下第二間,無双的 明太子餃子,炸鷄 每次去都會點呢款明太子餃子,因為第二間冇呢款式! D醬味道好特別,餃子皮煎得有少少硬,饀料D肉汁好在仲保留住,炸鷄係第一次點,炸得好夠熱同脆~好味~令人忍唔住一啖一啖咁食晒佢~!下次有機會要試試佢的据牌拉麵!!  

無双特製拉麵賣相都幾好，全部嘢整齊排開，湯夠熱，可惜唔突出，清清地，叉燒係大塊嘅但係又無咩肥肉，有啲失色並且醃得麻麻地好味。溏心蛋同拉麵仲計可以，加少少芽菜係面，食落爽口，彌補反啲啦。震震震震震震震震震震震震嘅等order方式，部機設計幾靚架

講咗咁耐, 呢日終於都同男友仔黎呢度一試!!!其實選擇唔算多, 只係有幾間, 男友仔轉咗 2 個圈之後就已經有決定, 哈哈~佢揀咗呢間『無雙』!!Order 咗一碗: Moso Special Ramen, 再加錢要咗個 Gyoza 煎餃子~跟住搵個位坐低, 就一邊傾計, 一邊等個 order key 著燈震震…“de~~ de~~ de~~” 燈仔一閃一閃, 可以去拎野食啦!!每間舖頭既旁邊, 仲有少量其他調味料自取, 比如: 蒜蓉、辣粉、魚粉…等等~充滿期待咁望實男友仔去拎拉麵, 哇!! 好似好大份咁… 碗面都係一堆芽菜, 份量適中!!旁邊圍住 3 片叉燒, 同埋一隻切開咗既流心蛋… 反而. 旁邊果碟餃子貌似更吸引, 哈~先試一口湯底, 嗯… 所謂既豬骨+雞骨湯底, 味道唔算濃郁, 清清地偏淡~麵條, 係一般拉麵質, 煮得唔過淋有咬口, 掛湯能力就差咗少少…叉燒, 肥瘦尚可, 偏瘦所以無咩油脂感, 還好肉質尚算鬆化, 普通啦!!流心蛋, 又係………失望!!!!! 微弱既蛋香味還可以, 可惜根本蛋心已經近乎全熟狀態, 何來流心!? 所以…扣分!!!餃子, 反而真係比拉麵吸引, 煎得一

以前有聽過 Ramen Champion聞名不如見面，當日咁岩要到附近上堂，就不如入去試下。一入門口有人派號碼卡，用作叫餐以及埋單用入面原來係 Food Court…… 笑了六間鋪各有特色，員工們好努力地介紹食物。行完一圈，最後都係去無双試下。點左個無双特製拉麵。見到餃子做緊半價所以買一客試下五點半就點餐，周圍人影都冇隻，以為自己中左伏無双特製拉麵：叉燒同個湯低唔太肥。湯低唔太濃，唔夠突出。溏心蛋有少少過熟。麵條軟硬適中，加少少芽菜，食落爽口好食。餃子：突出的只有餃子皮，好脆好好食醋是一般大眾向的味邊兩樣加埋是一般的街邊小食水準綠茶：有凍有熱，茶包味道，自己出去 Bar 果邊任飲。

上回已打場內第二間既食評,然後就係無雙喇..先講之前食依兩間既食評，無雙，依間係初初我試既一間，整體黎講佢既味道係走清淡派，湯底佢雖然話係豬骨，但唔濃偏淡，似雞湯多於豬骨湯，叉燒好瘦，只有一小層既肥肉，食落有D乾。而今次點既係無雙特制拉麵，攞左CALL機(提示器)就可以坐低等，兩邊都係大概等左５~ 10M IN左右，另外一家先取然後就係無雙既無雙特制拉麵，因為老公主食，所以以下既食評係由佢陳述，湯底依然淡且帶雞湯味，但係並上次濃香，麵質彈牙唔淋身，糖心蛋平平無奇無特別，但叉燒依舊失敗，雖然已經比起上次肥，但肉身依舊較乾身而且好散，整體黎講，有比較之下佢真係較差，但係如果本質鐘意雞湯拉麵或淡身既就可能會比較喜歡，我老公亦話尋日想食D淡身既野，所以隨左佢個叉燒,其他佢都尚滿意！

拉麵戰場裡各店除以拉麵為主打外,日本餃子也是另一主打,各店的餃子不盡相同,美人及honhon在吃拉麵之餘也選了幾家餃子來試,試過後水準有好有不好,最後為最合心水的餃子為其寫上一筆,就是我們一致認為幾款中最好吃的無双。環視場內時幾名在無双坐陣的日本靚仔已以半鹹淡廣東話說自家拉麵最好吃,ICHIBAN!試過後其實其日本餃子也是ICHIBAN呀。一客五隻餃子包得最飽滿,漲卜卜的餃子煎得底部香脆,餃子皮薄身而有彈性,混有椰菜的肉餡比其他純豬肉餡的爽口,不用沾醋的感覺也較清爽,餡料多多的餃子比另一款吃來空洞的煎餃子優勝很多。拉麵場裡以此店的日本靚仔最主動,叫賣聲也最大,忽然多句日語令全場氣氛更形熱鬧,更像在市集裡吃拉麵。

返工後更加珍惜出外揾食的機會，一放假便想約朋友見見面，食食野，是難得的舒心。今日朋友帶我們來到拉面達人，不來不知道，恒豐中心地底有這麼具規模的一家拉面連鎖店，大開眼界!因為這裏真的很有日本氣氛。場內共有5間拉面店，座位很多，不像平時一般拉面店要排長龍等位。入場侍應會每人派張卡及一部機仔，買面時會Do卡作記錄，待食完時一位到櫃枱結賬，機仔則提示你去拎餐。因為我們黎得夜，所以人都唔算多，餐都好快上，這裏最抵讚的地方是你加菜是完全免費的。滿滿的芽菜圍在面上，視覺很震撼!今餐又是一頓開心飯J

一進門就有店員派每人一張好似八達通既卡，各人就揀自己喜歡的麵店同卡"俾錢"，走既時候拎張卡去埋單!入面有成十間拉麵店，花多眼亂，沒有事前睇食評，所以就憑感覺‧圖片‧服務生來選擇，最後揀了無雙特製拉麵最愛的溏心蛋都幾溏心，滿意叉燒半肥瘦，有三大塊。湯底好濃，濃到有點咸，有點像味精湯，希望改善。落單後服務員會給我們一部機，食物煮好時部機就會震動和響聲，但無奈的是，我部機係壞的，心諗點解咁耐都未震呢。原來我碗麵就係放在店面好耐，我仲奇怪點解有碗麵仲未有人拎架呢....原來...係我的...D麵都淋了......=.="部機始終係用電，會有無電既機會，幸好我坐得近店舖，否則再等耐D麵淋晒就無咁好味喇。希望可以改善啦。