無名炭爐雞蛋仔 (已結業)

終於同朋友黎左就清散既牛頭角下村,去到無耐就見到長長既人龍, 原來係op好出名既炭爐雞蛋仔當然要一試, 排左陣, 夾餅唔洗等, 就賣左一底再等多陣就賣埋雞蛋仔, 每款$10, 其實都算貴, 不過出名+就快無得食無咩所謂啦~ 夾餅: 唔熱, 可能因為無咩人買, 一早整好既關係好多醬, 牛油, 砂糖等等, 好味, 如果熱就一定好正... 雞蛋仔: 好多人買既雞蛋仔, 所以比夾餅熱, 係實心蛋糕質感幾特別, 不過好唔好味就真係好睇個人口味, 我就覺得ok, 不過中意脆身既雞蛋仔多d呢服務方面都唔會話好好禮貌, 可能因為人多同埋個火爐熱??但係我覺得做生意對客人要有良好服務係必須, 人地都係欣賞你既食物先賣,同埋絕對唔接受「係香港地道做街坊生意既服務態度」之類既藉口如果咁樣都可以接受, 自由行周圍蹲地我地都無資格批評人啦~所以, 最後一個月左右, 態度好d, 俾人一個美好既最後印象會比較好呢

我覺得佢好似懶巴閉咁..我覺得難食左...好似好多人都唔知有E當野咁...本來都唔知佢有咩咁特別.....由細食到大..食左成十一,二年...佢都+左幾次價..E+食格仔餅冇半底..食左一底好"口留"...食完想嘔..下次都係食雞蛋仔算...格仔餅半底夠...

再一次來食, 想係下村清折前試晒呢間野嘅雞蛋仔同格仔餅上次食過雞蛋仔, 食完真係有想喊的感覺, 好似比人揾左笨一點都唔好食, 真係冇味的, 食落只係有苦苦地的泡打粉味而且都唔係雞蛋仔, 只係似新鮮出爐的蛋糕仔要比$10去食呢舊野, 我寧願食菠蘿包算起碼感覺冇咁被搵笨今次來到食埋上次冇食到的夾餅多人排隊到暈, 友人數左, 有成30幾人排隊, 好誇張!!!個外皮很稔, 一點都唔脆, 比起太安樓這較遜色, 有點唔明, 點解新鮮出爐都會咁稔而個餡料, 又真的很不錯佢好多料, 有好多花生醬, 好多糖, 仲有好多芝麻但又真係食唔出其他食家話的有椰絲啊如果要試, 只可以試下夾餅, 如果話雞蛋仔, 就勸大家唔好浪費時間了P.S. 收錢個阿姐好似生意唔憂做, 佢的態度十分麻麻, 語氣都十分差!

上個星期去左試人地話好好食的雞蛋仔, 一去到有好多人...排隊個度好狹窄...又熱...有個阿姐不斷咁叫後面d人唔好排啦,走啦...趕客咁囉! 排左差唔多半個鐘先買到...整好我個底時,個阿姐放入個袋的時候...個雞蛋仔成個碎晒......即係一粒粒咁係個袋度囉!!!算啦! 照要啦! 一咬第一啖....完全係雞蛋蛋糕咁囉....完全係實心的雞蛋仔咁囉....但係無味ga....無雞蛋味,仲要乾身...真係好難食呀!!!仲難食過普通蛋糕的味囉!早知咁難食一定唔會去食!! 好無奈囉!!!食過咁多間,我覺得大把好食過呢間....仲難食過旺角個d.....食左幾粒好想丟掉左去!! 好激氣! 唔想浪費食物食左成包...嘩! 食完超級口乾囉!一定唔會再去食! 仲會叫朋友千萬唔好浪費錢和時間去試! 否則真係會好後悔! 大家諗住去食的話可以唔使去啦! 除非你想食d無雞蛋味又實心的雞蛋仔啦...

去開9龍灣 順便去牛下 睇下d 雞蛋仔係咪咁好食 一路沿住行 都好易搵到沿路好多好野食呀 ~好懷舊feel! 去到見到咁長人龍 又有好多影友唔通互聯網真係發達成咁 ? 見4眼哥哥冇停手 不停不停咁做 d 雞蛋仔 質素參次不過好好彩 我地叫呀姐比後面個個我地如果唔係要食燶底的了 雞蛋仔鬆軟 入口即溶 !係好食wor ~~ 所以比笑面你啦

上個禮拜終於去左牛下試下呢個"出名"既雞蛋仔...去到有幾個人排緊隊,,心諗,係咪真係咁好食呀因為我之前食過最好食既係我屋企樓下果檔咁排左一陣就有喇格仔餅同雞蛋仔都係10蚊一底格仔餅都還可以起碼佢d料你想多d可以出聲加一食個雞蛋仔...嘩.....難食到爆呀入面死實實...又無蛋味吉士都唔落我拎比我男朋友試....佢食一粒即刻唔食...仲叫我掉左佢...不過我排除有人中意食呢隻味既雞蛋仔既...但佢唔係我杯茶囉

見好多人都話雞蛋仔&格仔餅好味''就去牛頭角品嘗下..離遠已見到有成6..7個人係到排隊=]雞蛋仔&格仔餅..有分脆同林..見咁得意就要了…1脆1林雞蛋仔..1脆1林格仔餅..買完就同男朋友去附近公園食..格仔餅..同出面食的沒有太大分別''都算ok..雞蛋仔就.................................................好似乾乾地既蛋糕,,完全失去雞蛋仔應有味道-_-''什麼什麼脆同林-..-只不過是同1樣野

自從佢勁多人排隊之後都無食啦,呢排見多左人批評佢..我諗真係人多令到quality無咁好..其實佢既雞蛋仔同出面食到既係好唔同..如果你鍾意好似蛋糕咁..你就自己鍾意食而你鍾意入面係好似煙煙unun咁..你就唔會鍾意食..所以都係因人而已! 格仔餅真係好好食..我本身唔鍾意食因為唔鍾意食花生醬同牛油但係佢落左d椰絲特別好食!!!讚!! 一d都唔會姑寒 唔會落丁咁多 真係一流呀!之前幾次食影落既相

搵左勁耐先搵度~!!!好彩皇天不負有心人~!行度附近~真係個個都拎住件雞蛋仔~係順住D人潮先搵度佢~!!真係勁多人排隊~１０零２０個～！！！好彩佢地好快手～吾係排左好耐就有得食~XD仲有好多人拎住相機係甘影~老板們任影吾嬲~態度都幾好~!!!XD排隊既時候已經聞度好大陣既碳味,即係BBQ嗰隻味~我覺得好香～！！！　但後面有人投訴話好嗅。。。　買左雞蛋仔+格仔餅~~雞蛋仔好香~個樣好似有D燶~但無燶味～而且真係外脆內軟GA!!仲有蛋香~好食!!!格仔餅就好軟綿綿～Ｄ醬多到會流出來～ＨＥＨＥ～好食～!!!2個都VERY GOOD~食完好滿足~

牛頭角下邨將要清拆，所以專程來這裡吃晚飯。飯前路過球場前這間炭燒雞蛋仔店，眼見有一條人龍，３個老細手忙腳亂地在炮製雞蛋仔和夾餅，於是本著好奇的心態，跟在人龍後面～好失望喔！唔脆，唔香，咬著與吃蛋糕無異！

到牛下食雞蛋仔格仔餅一直都係我心願: )之前唔識去..行過牛下就走左..哈哈今日終於俾我搵到佢啦!!勁興奮!!去到大約有十多人在排隊!十多分鍾後終於到我啦..我叫朋友幫我影返張相留記念.但佢唔夠光定點..個四眼哥哥即時話"等我開埋果兩個射燈啦!"我同朋友嚇一嚇,話"哦!哈哈!唔洗啦!"哥哥仔又話"等你地留返個記念ma!"跟住佢就睇準時間衝去後面幫我開多兩個射燈!!哈哈，簡直有種受寵若驚既感覺!哥哥仔!你係得既!連佢隔離個helper呀姐都話"洗唔洗呀?"哈哈我點了個格仔餅食!真係超有蛋糕feel而唔係麵粉feel!好開心..入面既牛油、花生醬多到係咁滴!!夾埋d砂糖真係好滿足!!!一定要再黎呀!!

呢間雞蛋仔我幫襯左好多年, 係"賣飛佛", 不過都係最近先知佢咁勁入openrice 十大人怕出名豬怕肥, 見到咁多劣評, 我要辨護下先如果各位人興係慕名而來, 確實可能失望, 我幫襯左咁多年, 佢o既水準都幾參次, 因為雞蛋仔要好味, 實在有太多限制, 最好食就係"適當的火喉", 燒好後放一兩分鐘即刻食咁至好味。我試過買完行10分鐘返到屋企已經唔得喇。所以咁多人排隊, 佢實要大火d, 所以咪"KNOWN" do羅.. 如果佢好有心機咁整, d人就會投訴要等得耐其實佢o既雞蛋仔係不繼改進o家, 初初食都冇咁好味, 後來越來越脆, 最正係夾餅都係脆o既~~!! 試過有一次佢本來有d之前整落但凍哂, 我話想脆d, 佢見我熟客仔特登整過塊, o個次真係好好食同其他出名雞蛋仔比較,北角雞蛋仔係最脆, 不過我覺得d味道怪怪地, 加連威老道o個間幾好, 呢間最特別都係炭爐燒, 最緊要係近我, 所以幫襯得最多。希望牛下冇左之後, 佢仲搵到位繼續經營, 我一定繼續支持

上網咁多人讚既雞蛋仔人吔要來試下啦 (我記得上次試過係一般,或者不是即食啦)而係港島區,北角雞蛋仔出名係"脆"呢度出名係乜呢?今日終於可以試下雞蛋仔不脆,(我己經不喜歡了) 人吔話炭燒味,但我吃不出呀....只覺得只"蛋卷"味喳.....普通 ar ....夾餅~佢真係落很多料.砂糖水溝咗椰絲,花生醬,牛油, 不色落本...起勢咁落同塗醬呀~最後夾完仲 沾少少砂糖..令人覺得有口感丫但我仍覺北角雞蛋仔係最好味的...

知道牛頭角下村清拆，特地舊地重遊來看看，在村內遊走了一圈後，剛好來到球場附近，知道在開飯喇十分有名，於是就跟朋友乖乖等候，剛才到時才剛開始準備營業，已經有七，八個人在前頭在等緊，我們兩個人要了一份雞蛋仔／一份格仔餅雞蛋仔：跟平時街邊食開的氣味上有點不同，有一種好像燒烤的氣味味道上外脆內軟，下了很濃的蛋汁所以內部很厚很軟，唯獨太乾身！格仔餅：那個汁跟雞蛋仔完全不同，兩種都試就發現分別很大了餅內夾著芝麻和白沙糖，料放了很多十分香甜！難得來到不知下次還有沒有機會再食，有興趣就趁早試試了！

我有親戚住附近, 所以知道呢檔好多年, 四眼哥哥都變咗叔叔, 因為牛下就黎拆所以呢排勁多人, 仲要排隊, 真係勁! 其實佢唔係特別好食不過勝在有風味, 同可以回味下. 所以各位食家唔好抱太祈望 (不過推介你順便去埋林泰興粥店食油炸鬼, 成日都會新鮮炸真係超好味)