無肉食 (My Central)

营业中

休息中

12點幾入去堂食，雖然好多吉枱，但已經被安排坐好後的位置。原來可以打黎留定枱，店家會留啲近食物枱的位置比你。非常多OL黎食，亦唔少人會外賣，拎住個外賣盒自己揀餸。食物選擇好多，前菜、小食、沙律、炸物、炒菜，仲有一款湯同一款糖水。當日糖水係紫薯露。個人最愛扮手撕雞的杏鮑菇，淋上麻醬，好好食。炸物有炸南瓜、炸蕃薯、炸菇、蛋散等等，但我唔係太喜歡佢地炸漿的味，比較厚同有陣甜味。出去兩次其實都唔係太多野想encore，味道比較家常，幾好食。中環$88任食真係好抵。

中秋節紅日假期，心血來潮想食素菜，決定去中環試一試朋友介紹既無肉食，素菜幾好食，特別係茄子，韓式炸雞，Pizza同芝士撻亦非常出色👍🏼👍🏼 環境坐得舒服最值得一讚係一位樓面工作，帶黑框眼鏡既員工叔叔，非常非常有禮貌👍🏼 我有問過某菜式幾時會有，會好耐心回答我，當菜式出左壚，叔叔會特登過黎話我知，我食完又會過黎問吓我好唔好食🙏🏼 這次用餐非常愉快因為有呢位員工叔叔好好既招待，一定會再次黎食，亦會再介紹其他朋友

環境靜靜地，可以傾下計🧑🧑🧑，這裹的位比較闊，唔會覺得好迫，種類都算幾多，有 驚喜，有湯，有甜品，有冷盤，當然有主食🥒🥬🥦🍅🥕，食完個人都健康左咁🤭😌😋

星期日中午與親友2人在中環shopping ,途經嘉咸街街市，發現有素食自助餐，使入內試試看雖然食物不多-.....但食品很有水準的(麻辣雞絲，口水皮蛋)我個人覺得好好味地方大，但簡潔又衛生再上價錢合理會再去支持

呢個食評其實要追溯返去農曆新年嘅時候, 好耐冇見嘅一班朋友仔, 見限聚令放寬咗, 於是約出嚟聚下!朋友推介中環無肉食, 雖然大家本身都唔係食開素, 但係見朋友誠推, 又係💛, 而且價錢OK。於是就GOGOGO 💨食店鄰近中環街市, 由香港站行去大約10 分鐘左右。喺MY CENTRAL 旁邊入。門口已經有寫明價錢, LUNCH BUFFET $80, 唔駛加一。另外仲有TEA BUFFET, 仲平, 只係$60。一入到去就先俾錢同登記安心出行。經過一輪食物就係座位, 位置寬敞。而且星期日中環唔多人, 食店大約50% FULL。我哋邊食邊傾, 感覺好舒服。食物都多元化, 有鹹有甜, 又有湯、沙律菜、生果同冷盤。想推介個口水皮旦, 超好食! 而且食店好細心, 如個食物有蛋或奶, 會註明俾客人聽。期間不斷REFILL 同埋換食物, 有誠意! 食店實行自助清理餐具, 用完嘅餐具由食客自行拎去一個區域分類清理。因為我哋冇留意原來LUNCH BUFFET 係有時限, 我哋一路食一路傾到3 點幾先走, 期間冇店員騷擾過我哋, 冇同我哋講夠鐘, 我哋都覺得好好! 不過我哋下次都會留意返時間。喺星期日嘅

2021年6月19日 星期六 （父親節前周未）中午，周圍好d既餐廳都 full book，一早打左幾個電話去幾間素食餐廳，都無位，問 walk-in 都好似唔想你去幫襯咁一於反其道而行，問左中環間無肉食，有位，搭成個鐘頭車去都去，食完都真心覺得幾好。餐廳門口唔大，在自助洗衣店旁邊。我地一行三人，食了每人 $88 的中午素食自助餐，先付款再用餐。取食區都好集中，如圖中所顯示的範圍和種類。食物主要分成三類：冷盤沙律、熱食餸菜、炸物甜品。還有湯飯糖水是日飲品有夏枯草水、青檸水。以下均是個人覺得幾好的綠色波菜冷麵、口水皮蛋、珊瑚草、密瓜、涼拌木耳、拍青瓜蕃茄蛋、鹽水青菜、燒汁茄子、乾燒伊麵芝士蛋糕、紅豆糕、地瓜丸、烤南瓜、炸饅頭喜歡中環此分店餐廳的相隔、寧靜環境，大家取食都斯文，在熱鬧既市區、被受慶祝既節日，有點慢活感。難得難得，遠好過節日要去大酒店、人氣餐廳一齊爭食。總括來說，有個既愉快又滿足的周未午餐

近來喜歡素食，嘗試了數間素食自助餐，「無肉食」真的不錯～ 今次試咗位於中環My Central分店，貪佢環境似竹園～ 聽朋友講，唔同舖頭嘅菜式有啲啲唔同，下次要試埋旺角、北角同荃灣分店先得(o^^o)ㅤㅤㅤㅤㅤㅤㅤㅤㅤ素食的涼拌前菜最深得我心，青瓜、黑木耳，蘿蔔、蕃茄等等等⋯ 這次初嘗炸香菇，好甜好好吃～ 主菜會不定時地加添新菜色，食到個肚脹卜卜嘅時候竟然推出咕嚕肉同埋拔絲，好飽都要繼續食！最驚喜係芝士蛋糕同芝士撻好好味（以前食過幾次素蛋糕，都好難食）！

無肉食呢間素食餐廳相信好多人都聽過，因為佢喺港島九龍新界都有分店～真係總有一間喺左近 今次我哋就嚟咗呢間算係比較新嘅中環分店，而且算係咁多分店之中佢係坐得最舒服嘅一間 ！我地係星期五去，所以每位價錢係$148 任食90分鐘入到去先俾錢跟住就可以享用自助餐喇～ 食自助餐循例都要先行一圈睇吓佢有啲乜嘢食先： 先講頭盤頭啦，有沙律啦各款嘅涼拌小菜冷麵仲有啲炸小食當中我最鐘意酥炸香菇韓式炸雞同燒汁茄子但好熱氣真係haha! 之後就有啲熱葷，選擇都幾多一共有六至七款，有炒清菜，當中呢個咕嚕肉幾正！係酸豆卜加菠蘿好香好惹味！ 熱葷隔離就有白飯湯同糖水 之後就係炸物區同甜品 烤物有pizza 炸腐皮卷炸饅頭炸番薯等等 我就最推薦炸饅頭加埋煉奶食一流！ 甜品選擇方面有芝士蛋糕同中途出現既拔絲同芝士撻，後者新鮮出爐超好味 不是一嚟到個個都出去影相打卡～最咪仲有幾款飲品就有羅漢果茶洛神花茶同埋檸水 選擇都唔少架～～～

無肉食係香港素食自助餐既始祖，分店越開越多，包括北角、佐敦、旺角、中環同荃灣。當中中環分店一開始更加係所有食物都不含蛋奶，100% vegan。果陣知道真係幾驚喜，終於唔洗睇牌仔上面寫有冇蛋奶，所有想食既野都可以夾入碟。但後來唔知幾時又變返左做有蛋奶供應，都幾失望，同埋覺得有啲可惜。因為疫情關係都好少去食自助餐，叫外賣會好啲。無肉食有固定外賣menu，另外客人都可以比$50喺自助餐到揀自己想食既野。咕嚕菠蘿猴頭菇幾好食，酸甜度適中，個飯超大，建議少飯。加錢可以要多個小食，炸腐皮卷唔會好油，唔錯。自己夾雖然多啲款式揀，但就冇我想食既咕嚕猴頭菇。食物比較家常菜feel，冇乜特別。其實一間本身係vegan既餐廳，賣返蛋奶之後係咪會多左好多生意？真係會有人因為有蛋奶先去幫襯？個邏輯真係唔係好明，不過都係果句，有啲可惜。

一直都支持無肉食，今日特登嚟到中環分店。秉承一貫優雅平實的室內設計風格，宜人的環境，實而不華的食物。大約12點不算太多人，繳費後便自行入坐，先食沙律，有我十分喜愛的皮蛋及大荳芽，加上辣椒調味，十分醒胃。熱葷都比較大路，有陳村粉，粗炒或牛河，蔬菜有苦瓜，勝瓜，冬瓜，節瓜粉絲，真係所有瓜都出齊。今次陳村粉就一般般，因為黏埋一舊舊，口感麻麻。熱葷中最推介係蕃茄蛋，顔色靚又好食，蕃茄唔係煮到諗哂出水，咬落去有得咬吓之餘又有酸甜味。另外椰子紅蘿蔔素海都好好飲！甜品中的紅豆沙夠料，可惜就太甜，要自行加熱水沖淡，糕點似大菜糕質地，我個人則喜歡以前在北角店食到的較煙韌有咬口的熱糕點。整體食後感，冇太大驚喜，但以$88價錢食一頓舒適的午餐，不失為一個好選擇！

今餐🥦無！肉！食！🤣近幾年都開始流行素食，所以都開始多素食餐廳，今次去左中環既無肉食餐廳 @ahimsabuffet 來個素食自助餐😋 原來呢間有好多唔同分店呢！..現今既素食已經有好多選擇又好多款又味道唔錯，沙律係必有，配料多，有羽衣甘藍、秋葵、車厘茄等等，另外仲有已調好味既沙律揀，例如芽菜、蓮藕、木耳等；熱盤方面有厚厚既蛋餅🤩 雜菌雜菜、生菜包、炒粉同炒飯～湯方面係中湯，紅蘿蔔粟米湯，好鮮甜😊 飲品有蝶豆花茶飲..另外仲有一邊角落係擺滿吸引的炸物😋包括炸茄子、春卷、蘿蔔糕、炸豆腐、炸腐皮卷、炸饅頭等，唔好以為炸物一定好油呢，呢度既炸物都比較少油又乾身，食落唔膩👍🏻 糖水有紫薯露！好特別！仲有少少糕點～..呢度環境好乾淨又光猛，座位闊落，坐得幾舒服，溫馨提示，呢度食完要自己拎返碗碟去自助回收區喔～偶然素食下都唔錯，呢度不失為一個好選擇

母親節篇😇我媽煮飯一向都好清淡😂今次母親節就帶佢去食素🥬依間素食店係任食既形式❣️食幾多夾幾多，食完要自己汁番好張枱💛素食除左為自己好以外，仲對環境有幫助.🔅小食最中意食蘿蔔糕🤣唔會話得個麵粉，可以食到蘿蔔🥰黑松露蛋反而無咩黑松露味😂，但我中意食多，所以ok🤣.🔅主菜 主要都係用西蘭花，木耳，茹等等去煮🥬味道可以話同出面酒樓差唔多.🔅甜品最中意食芝士蛋糕🍰好鬆軟😇紫米露都品會話好甜😀.⚠️依間素食店其實都有好多分店

先講句抱歉先, 小弟唔係鐘意影相嘅人, 個日去食都冇影到相, 評中嘅相都係取自其他食評嘅, 不過當日去食都大同小異所以借來一用以作簡介食店環境可以講係相當唔錯, 幾乾淨, 係個位有d隱蔽, 唔係專登揾過去真係未必知係街市中間會有間素食自助, 就咁熱食唔計食面都有十幾款可以選擇, 係中環區可以講係超值, 雖然甜品比較少係有d可惜, 但炸物區補夠可以話係已經滿足左我依個食肉獸嘅胃口仲有值得一試嘅係雜果沙律, 非常足料可能未去過嘅人唔知用完餐係要自已收拾餐具嘅, 所以第一次去嘅記得先睇下圖啦

昨天傍晚到PMQ購物後，往中環接太太放工吃晚飯，路经嘉咸街街市發現一塊精緻小木板，放置於一幢新落成嘅大厦行人路旁边，板上一幅淺啡色畫板纸印有素食自助餐~AHIMSA字樣及地圖缐路，看圖索驥，於大厦侧門尋獲小店正門，环境光猛整潔，装修简约，枱凳及通道阔落，第一觀感印象滿意，於是决定进店一試。店铺职员服务殷切，主動介绍餐館食品種類，態度友善，親和度滿分。店内提供食品种类繁多，主食熱熏约12款，冷盘约10款，甜品约5款，煎炸小食约10款，糖水、中式湯水各1款，冷热飲品各1款。食材用料新鲜，调味濃淡適中，烹调技巧水準之上，属于新派素食菜式。總括:色香味俱全+性价比高×一個愉快的晚宴體驗=總評分85分(100滿分)備註:飯後並無口渴感，相信使用天然調味，厨师巧手应记一功。

原本中環店是不錯，地方新淨，裝修清雅，食物水準不錯，都經常去，上星期有一天去吃晚餐，訂了抬，準時到，當時食客不多，我們二人，店員說今天訂坐多，要我們坐二人小枱，不許我坐四人枱，當然是不舒服，因為是自助餐，枱上濟濟迫迫的，如果真的滿坐我都覺得合理，但由始至終到我走的時候都是人很少，所以我覺得他們是無此必要把我們濟在一起，其他枱是吉的，使我這餐晚飯有点不愉快，真的冇必要，怎麽下讓客人舒服一点，歡喜再來。