無肉食 (德興街) (已結業)

今晚一行十五人去食素菜自助餐，我地分左2張枱，地方有點狹小。看到枱上品種都不少，麻醬涼麵好重麻油味夠醒胃，芝士撻吾太甜撻皮脆口，炒麵有很多椰菜所以口感吾錯，炒四季豆鹹香有少少獲氣，紅豆糕食到粒粒紅豆甜度亦都好適中，芋頭春卷就因為入面嘅芋頭粒太大所以口感麻麻，炸脆皮豆付個皮好厚，拔絲香蕉個皮亦都系好厚，清旦糕好死實實，薑茶薑味不濃。完餐后，自己要收拾自己的食具，因為星期六的關係，每位$128。間中一次，都可以嘅！

之前食過另一間素食很油膩，就一直冇特別想光顧素食餐廳，今次朋友邀請就黎左。入黎先俾錢，後入坐。每人108，夜晚呢個價錢都合理。一入到就被炸物吸引，好多選擇，腐皮卷同炸蕃薯都不錯。呢個凍豆腐好重豆味，滑滑的，要encore!佢有個煎馬蹄糕，啲甜味好清新，忍唔住口食多兩舊😋第三樣要encore 係芝士撻！好味，細細粒，重芝士味，好！好！食！其中兩款熱食飲品呢度食物同飲品都唔會太甜太咸，飲到五花茶嘅甘😂要幫手執嘢同分類，不錯。收銀旁有賣椰子油，袋同。。。牙膏😂😂買枝返去試下先。

一向都唔係嗰啲好鍾意食肉嘅人有時覺得食吓齋都幾健康香港本身都冇乜食素嘅風氣但係係近排就開咗幾間食素嘅自助餐其中一間都幾近學校所以今日係放lunch嘅時候就同朋友提議話不如去食呢間無肉食！去到嗰陣已經兩點鋪頭都做坐左好多人入到去要比錢先可以攞嘢食拎咗咁多嘢食我最鍾意佢嗰個涼拌木耳青瓜 腐皮卷 馬蹄糕 同粟米 食素其實最主要都係睇佢嘅原材料 只要啲材料本身好食嘅話其實唔使點樣調味都好夠 值得一讚嘅係粟米其實本身佢就咁蒸 唔係牛油撈粟米嗰啲 但係粟米本身都係非常之甜 令到我之後都係咁再拎粟米雖然今次我淨係食咗馬蹄糕一款甜品 但係其實佢仲有紅豆沙同埋有啲純素蛋糕 下次一定會再嚟食呀 見到有啲客人好似過咗三點鐘定唔知兩點半之後入座就會變到＄48一位即刻覺得好抵食！

今日約在家姐妹出佐敦提早食生日飯，細妹話佐敦開咗間新潮素菜館叫我哋去試，家姐就話請我同阿妹，因為咁啱我同妹都係同一日，因價錢唔太貴就去一試，好失望應該唔會有下次，咁可能價錢平，質數當然都唔會好, 但咁樣價錢就當然無好嘢食，入坐計計個半鐘，我哋去到八點左右，已經唔太多嘢食，原來九點半就完，自己清理餐具因話無加一，如果食我諗七點時間會好啲，因尾段幾本唔會點加嘢，好似西瓜見出一碟就無，以為新潮素食，點知還差過普光齋，全部食物只係菜，雲耳，冬菇，豆腐去變，炸物就好啲，可能新鮮炸起都可以，有白粥，炒麵，糖水同菜湯，但只係食咗幾樣就唔想食同都飽肚，雖然百一蚊唔洗加一，真的全自助，連碟食完繼續用，可以自己換碟就要沖下水放喺清洗盤再攞過只，應該無下次

價錢合理，自助餐形式，帶爸爸媽媽食，他們也覺得好岩食，要自己執枱，這個形式好好，等所有人也有紀律。好多客人，所以最好要book定位，如不是，一定要等位。款式也算ok.

講到素食餐廳，「無肉食」都有啲名氣，口碑亦都唔錯，佐敦呢間「無肉食」係公司附近，所以今日一行七人就去咗食。唔知係咪假期，非常難卜位，電話常常都忙線，經過一番努力，終於都比我book到位啦。但去到都仲要排隊，等左大約10分鐘先被安排入座，入座前要比錢先，位位$78免加一。見到應該係人手短缺，所有野都自己來，包括拎餐具、倒水、執檯、執碟。而且每人只有一隻碟，所以食完主菜要抹下先裝甜品。冷盤方面有各種雜菜沙律配料同埋甜品。有驚喜的包括麻辣雲耳、奶黃糕同醬汁冷奴（凍豆腐）。熱食就有大約20款，有時都會轉下款，refill得好密。有驚喜包括南乳炒齋、香煎蘿蔔糕同蒜蓉雜菇西蘭花。熱煲既有西洋菜湯、喳喳糖水同粥。炸物都有7、8款，驚喜既有炸枝竹卷。整體來說，味道偏淡，食物也較為油膩。

今天下午和老公周圍搵食，他是素食者，希望可以搵間好味道的。他喜歡沒用太多假肉的素食店，"無肉食"正合他意。我們選了佐敦德興街店，因為坐的地方看上去比旺角闊啲。這裏除了有不同種類的菜，還有西式沙律，生菜，粟米，紅腰豆，車厘茄...等，紅糙米飯加上家常湯，很健康。甜品不錯，脆麻花香脆鬆化，煎堆仔也很好味，我最愛紅豆沙和涼粉，種類算多，令我食得好飽，因我喜歡吃甜。這裏客人需要自己收拾和做廚餘分類，抵讚。

我哋成班朋友都去好喜歡放題 ，不論日式、韓式、雞煲之類…… 今次有朋友提議去食素放題，我個人就十分贊成，試下唔同嘅口味， 亦不怕太肥膩！種類都算豐富，有沙律、炒飯、炒麵、蔬菜、冬菇好大隻，炸物方面有春卷、炸雲吞、炸番薯、仲有小型嘅蛋撻仔，細細個咬落好脆，除此之外仲有哈密瓜做甜品！講真呢個價錢都算十分合理，呢度嘅適合一家大細，客人都好守規矩，都係用一隻碟，不似 酒店自助餐咁一隻碟食完又攞第二隻碟…… 呢度最好係畀小朋友一個實地教學，分什麼是廚餘，什麼是垃圾！食完自己放好啲碗碟筷子匙羹去清潔車内！

看到Facebook 推薦而來結果有點失望1。菜式沒有網上所說的那麼多來來去去都是豆腐和雲耳結合其他青菜的小炒 2。味道很淡，炒粉絲炒麵甚至是毫無味道可言3。炸品算是比較好吃的 炸蕃薯片不錯可惜沒有網上所說的拔絲那一款4。地方狹窄 進出座位都不太方便 尤其是拿著杯杯碟碟 很容易碰到別人5。飲料選擇比較少 只有茶水 糖水和湯。6。小糕點看起來很吸引 不過很快被搶光了 我就沒有嚐到全部款式整體而言，只此一次啦，想吃素還是乖乖找一家素菜館吧！

第一次食素菜buffet!緊張!同朋友一行4人黎食. 預先book 左位, 黎到都要等一陣.要先付款,後入座. 晚餐每位108!一入到黎, 聞到好大陣傳統嘅素菜味, 感覺一般🙊朋友話似canteen 味😅之後安排入座, 座位唔寬敞, 行出行入拎野食都要叫隔離檯借借.環境都比較嘈雜.食物方面:有沙律兩款, 沙律菜, 藜麥, 鷹咀豆紅腰豆, 粟米, 青瓜, 有幾款沙律汁仲有拍青瓜, 木耳, 蓮藕, 凍豆腐, 茄子- 好好食!有蛋糕(味道不錯), 紅豆糕, 馬豆糕.熱食就係不同種類嘅菜瓜.有炸物-春卷,餃子(唔好食, 皮厚😅), 天婦羅仲有飯麵同湯同糖水,飲品我同朋友都覺得芝士撻係最好食! 👍🏻👍🏻👍🏻7點幾黎食,所以無限時間.總結: 無咩特別,但選擇唔少,價錢都平.下次可能會去另一間素菜buffet 都試一試😝

〈無肉食〉係素食餐廳睇過名都知，而餐廳係提供自助餐形式亦應該好多人都知。但原來可以用58蚊嘅價錢，買一大一小既外賣盒然後任你裝好帶走，你又知唔知？之前食過堂食覺得質素幾好，但係老婆話如果自己一個人返工，放飯時間一個人落去食自助餐又真係幾怪相，而且佢本身亦食得唔多，食得嗰一兩碟就收百幾蚊佢會好肉痛。點知上次食食下就見到有人攞住個盒係咁夾夾夾之後就走咗，先知原來自助形式的無肉食都可以有外賣。所以今次就嘗試同老婆一齊各自買一盒外賣返家一齊食。睇相都知個盒唔細嫁，都裝到好多嘢！老婆食一盒話飽到反轉，淨返果盒糖水都要留一陣先再食得落。而我就覺得啱啱好夠飽！當然如果你喜歡嘅話，個細碗裝乜都得，唔一定要裝糖水。特別推介呢個芝士撻，芝士係流心的，餅底又唔會厚實，好好食！

間中都同素食朋友去試唔同既放題，上次德興街鋸扒見到隔離舖頭好虛冚，$108免加一任食90分鐘就決定一試﹗到達時已經7點15分，職員問可唔可以8點半交枱，因為佢地分兩個時段，唔想等到8點半入場唯有食快啲雖然6點已經開始晚市，但唔會有空碟既情況，款式多之餘仲要補給得好快，美中不足係食物冇名牌就要靠估先知食緊咩先嚟個冷盤，雲耳﹑炒薯絲﹑麻辣蓮藕片可以encore，但個醃青瓜唔夠酸味而且同食開既醃青瓜味道有所不同後排既糕點都幾軟糯，味道唔會太甜，最好味係迷你芝士撻，餅底鬆脆﹑餡料香滑又香芝士味，拔絲香蕉外皮薄脆，甜味適中每一款熱盤都有電磁爐暖住，主要係蔬菜小炒，炒粉麵飯，對我而言唔算太吸引，最好味係炆南瓜炸物中春卷用芋頭絲做餡食完一條都好滯，炸蕃薯﹑煎堆﹑蛋散同豆腐都好好味總結係食物賣相精美，食物質數中上，坐位唔算太迫，無肉都可以好飽好好味﹗

今日唔係初一十五，亦唔係為了積福，而係大魚大肉到琴日，應該要休息一下！當然唔係唔食嘢，而係唔食肉，雖然能夠大魚大肉的確幸福，但餐餐這樣又真係吃不消，所以今日決定齋一齋。有預約，所以唔洗等位！蔬菜種類唔少，例如青瓜、今期好興既羽衣甘藍、沙律等的前菜及冷盤！然後主菜當然係一盤盤素食，各式各樣既炒菜、面食等等！當中推介既有「拉絲蕃薯」，酥炸外皮，甜甜地都幾好食！另外一啲簡單嘅甜品，好似檸檬蛋糕、檸檬批等等，味道不錯，不太酸！埋單 $128/位，不過食完嘢要自己執枱！總括而言，價錢稍貴，偶一為之亦無不可！評論原文轉自:https://smallpotatofooddiary.wordpress.com/

人生第一次食素食自助餐晚飯，7:30pm到已經見到門口有大量食客等位，環境尚算寬躺，食物質素唔錯，款式很多，價錢也不貴它的甜點乜很好味，尤其是個芝士撻十分好味，下次都會再來

之前喺金鐘過咗艱辛既半年非人生活，收工累到連朋友都唔多想見☹️不過一切都過去啦，終於返黎尖沙咀，搵食都開心啲😊終於得閒就當然要搵啲閨蜜聚聚❤️閨蜜話要想食素，對於無肉不歡既我真係一大挑戰。不過諗返自己既然無試過，就俾個機會自己試吓新嘢，清淡啲健康啲👍我哋就行路過佐敦無肉食，入去就要俾咗錢先既$128一位（平日好似係$108）坐低第一個感覺，好迫☹️因為要自助餐人人行去拎嘢食，餐廳位置又唔多，真係坐得唔多舒服。嘢食方面，選擇好多，第一Round 我食咗一轉沙律先，新鮮種類又多。熟食方面感覺普通少少⋯不過可能同我始終係肉食女有關⋯無肉就一定好似差啲野咁⋯成晚最驚喜位係椰子湯同芝士撻都唔明點解個椰子湯冇落肉，啖湯都可以咁甜，好想知道點煲到❤️芝士撻新鮮出爐，閨蜜拎咗一人一件返黎，我哋兩個食完都想encore，再出去已經俾人拎晒啦😧不過過咗10分鐘之後又捧左一盆出嚟，Yeah即刻一人再整多一件😊呢間餐廳食完要自己清理碗碟，食客們都好乖自動自覺去清理碗碟同廚餘，有啲似日本啲餐廳咁，食完食客自己要負責處理垃圾分類。又環保又提倡素食既餐廳👍下次帶埋媽媽黎試吓先❤️