無肉食 (德興街) (已結業)

茹素是我每月都有幾日慣常動作，平常都是素食餐廳或是素菜館多，今日應朋友邀請到來位於佐敦的「無肉食」一嚐這裡的自助素食，真的現時茹素的多了，我 6:30 去到座位都不多，我們還是在三天前訂好位的，否則應該白走了！第一碟當然是沙律打底，極推薦羽衣甘藍營養豐富！香滑軟綿的白粥配一個涼拌木耳及蓮藕，實在太棒了👏自家醃製紅菜頭酸中帶甜，爽口醒胃！紅豆糕都是必食甜點，粒粒紅豆清香椰奶味，香滑可口！麻辣海燕窩味道甜中帶辣，香煎蘿蔔糕口感一流拔絲香蕉，紅豆糕，各式沙律及麻醬凍豆腐都係我最愛今晚可以大飽口福素食都可以有多元化台灣人家的感覺$108 一位免加一抵食

昨夜姊妹飯局相聚在佐敦一條横街~~德興街，一間新張不久的港式素食自助晚餐。熱葷用不鏽鋼蓋蓋好，所以我沒有拍攝了！冷盤........甜品、生果..........我今晚選擇炸物多些，始終炆炒煑的齋菜賣相不夠吸引，而且點心包裹都是蔬菜，也是素菜。食物不斷源源補給，所以可以吃到熱騰騰食物，這碟在時鐘2點鐘位置有糖脆芋頭，糖脆外皮和鬆化芋頭我十分喜歡。超迷你芝士撻，迷人又香脆可口，十分受歡迎！標榜港式素食自助餐食品選擇很多，$108一位冇加一小費，很抵食！全廳滿座的餐館沒有華麗裝置像個大飯堂，也沒有待應招待服務，吃飽後離開前要自己收拾食具和將廚餘放入廚餘箱，但我不介意自行清理餐具。                                                                                                            

午餐時段不換碟，實左不好，我眼見客人用公用食具左自己用過的碟上挑撥食物，非常不衛生，另外食物以中式為主，欠新意，菜式死板不過價錢的確超值，但要我食人口水尾我吾會再去

我住的地方是個美食天堂樓下又新開了無肉食早就想去但一直沒時間今次與老爹去食用餐時間選擇的是12點到13點半對了這裡是自助餐喏所以有時間段要求我記得是一個半小時其實根本吃不了那麼長時間我坐下之後沒半個鐘就食到撐靠窗邊坐下話說不喜歡美圖食物拍到怎樣就是怎樣所以比較直觀但也不太好看也沒關係啦只要好吃就好店內好多阿媽婆婆來吃還有年輕人尤其妹妹居多身材都好苗條我覺得是素食的功效吧午餐比較便宜 68一位晚餐貴一點108一位 如果沒記錯的話(｡◕ˇ∀ˇ◕)大家可以去試試菜品好多呢也沒有一一拍偷懶了下擺到盤裡才拍

食得多肉，都要green一下有朋友介紹“無肉食”，lunch $68免加一在恆豐中心後面，平時都無留意到後面有餐館。一行人提前book枱，去到都係好多人等位，好彩book位好快可以入座。自助餐有限制用餐時間，但再限都唔影響我們一行人，因為放飯時間仲短過佢限制，計埋來回時間，坐到1個鐘真係要偷笑。店中間有多款素食選擇雖然都係一啲平常素食，唔會做到好花巧，但款式都唔少前菜熟食飯麵炸物湯水甜品樣樣不缺，不斷轉換菜式。食物味道唔錯，特別推介一粒圓球型炸物，我覺得似炸麻薯，朋友認為炸蕃薯球(^_^;)白粥要記得食，有少少腐竹白果，食落令人舒服。綠豆莎甜而不膩食完後，根據店內指示，將廚餘同堆填垃圾分開處理，再將碗碟放入膠箱，客人都好合作自動執碗，這就是免收加一唔呃你嘅原因吧?餐廳裝修都幾素淨，仲有一個書櫃任人取閱，想要可以拿走和歡迎人留書，給人環保嘅感覺，要畀like

原因是我們是第一次來的，這樣的態度和不得尊重客人都是要不得的！記得這是守要條件，去到哪裡都是一樣的！十二時前已到已經入座，但穿着白色衫的員工無説明座多久就叫我們入座？當我們已吃飽了當時是下午一時十五分，穿著白色衫的是否老闆説話不得尊重客人一定要走交台即時要走，還説食完要清理啊！聽到火都爆啦，下次不會來啦，要改善一下啦！

一向食開的齋是扮肉的類型，今次，有驚喜，多款食物都是家常小菜的蔬菜，沒有花巧的齋，例如芋頭魚。且味道不錯，最喜歡個素湯，夠清甜。服務不錯，先預約，到達後，排隊取位，食物有不斷添加，洗手間夠大，且清潔，環境簡約佈置為主，價錢算公道，唯只收現金，有點不便，想想餐廳沒有收取加一服務費，呼籲食客自己收拾餐具，及不換餐具，可能是減低成本，整體來說，會再約朋友來吃無肉餐。

明明打電話訂左一枱, 去到竟然冇位坐。身水身汗轉一次車成個鐘先去到, 搵路搵左半個鐘, 冇位都唔打黎講聲, 要我兩個老人家企係門口戇居居眼望望, 唔好意思都冇句, 好想爆粗, 感覺好不被尊重。除非你轉做慈善餐廳, 否則你啲食物幾高質我都唔會再來。

姊姊預約咗無肉食，黃昏時入坐，第一次素食自助餐，環境簡單、價錢合理，老闆是個年青人，主理的食物與普通齋舖不同，不採用山筋、麵粉來堆砌，反而利用了不少新鮮疏菜、瓜類、豆品來製作。珊瑚藻代替海浙，圓形麻薯波波，鮮奶蛋撻，極有新意，西瓜、哈蜜瓜，新鮮甜美，最驚喜是拔絲香蕉的出現。對食物用心去做，相信是老闆的堅持！

聽人說這間好味道。既然係佐敦開咗分點，一定要帶老爸老媽去試啦。約咗19:45，早到了，所以係門口等一陣。一入去就會見到放嘢食既地方。中間係熟食，門口位係冷盤，後面係d流質食物加煎炸嘢。座位有點迫，一張大台幾組人坐，店員指示你去邊張枱，係唔會帶位既。空間有限，所以老人家出入攞嘢要小心一點。入座後就可以去攞嘢食啦。首先去後方攞嘢飲先。不過所有飲品熱到爆，只有玻璃o個個好少少，但都好熱。等咗好耐仍然熱到燙手，所以我兩個鐘只飲得一杯半既雞骨草。真係要改善下！不過，雞骨草清清地唔苦，幾好飲。還有有湯有紅豆沙，媽咪兩樣都有食，佢話唔錯喎。隔離就係煎炸區，煎炸嘢得兩個頭頂燈照住，有心理準備一定會凍咗，我食既時候就係咁，所以唔好味。想要食好既就要食物一上台就攞。到冷盤區，冷盤區最迫人，好快俾人清晒。但refill速度快，所以唔使怕。啡色的唔知咩來，無咩味但好爽口。依兩盤全程無人食。青瓜酸酸地，但我同家姐都食到有怪味，唔好食。依個迷你芝士撻個人覺得係全場最好味既，熱，咬落去唔硬，芝士彈下彈下，好有芝士味。所以一上場就俾人掃晒。依個入面係香蕉，幾得意。生果、沙津係自助餐入面實唔會少。兩樣都清甜。不過木瓜好