無肉食 (洗衣街)

营业中

休息中

呢間無肉食早前告急過😣，旺角、佐敦、中環、北角，荃灣都有分店，主打素食自助餐🥗～ 睇某社交平台因為疫情關係🦠，而家只有旺角店做緊buffet，其他店都變成套餐加semi-buffet😷 最近仲做緊限時優惠💰.Lunch🥙 Mon- Fri 11:30- 15:30 原價$70 而家$58💰Sat Sun public holiday 原價$80 而家$68💰.Dinner🥘Mon- Fri 6-10pm 原價$120 而家$108💰Sat Sun public holiday 原價$140 而家$128💰/我去食時都已經2:30pm😂 但係舖頭都不停換新菜式，仲會fill食物😦 覺得餐廳好有誠意🥺 舖頭食物種類唔算好多😗 但應有嘅都有齊😎～ 有前菜沙律🥗、涼拌菜小食、有幾款炒菜、唔同炸物同炒飯麵等等～/🍤首推炸腐皮卷同炒菜🥬腐皮卷炸得好鬆脆🥟 入面有椰菜、木耳、紅蘿蔔等幾款好爽脆嘅餡🤓 好過癮😌 炒菜食得出啲菜好嫩😙，而且有鑊氣🤪 平時都唔覺自己咁鍾意食菜嘅🥦/🥤飲品佢有羅漢果水、檸檬水同薑茶，薑茶係冇加糖的，偏淡😗 甜品有雪梨燉雪耳，勁足料😱 龍眼肉南北杏雪耳乜都有齊😱 大滿足呀🥗🥦

呢日終於有時間黎試食無肉食 黎左最就腳ge旺角分店 大廈出面Ge裝飾好靚,有啲草咁,好襯素食呢個主題餐廳好細心,入口位有枱仔放左酒精搓手液同保鮮袋,方便客人存放口罩因為今日要買野搞到夜左,夜晚八點半先到,但職員都好好無打發我走提醒我廚房師傅收左爐唔會再有新食物出,仲比我行個圈睇下剩返ge野食份量同種類o唔ok先決定入唔入座,睇完見到都仲係覺得好吸引,決定食!拎隻碟行一圈,夾左唔同種類ge野,有蛋糕紅豆糕炸豆腐炒菜.............全部都係我鐘意ge食物,味道真係無得頂,本來唔想食炸野因為驚會好口乾,點知見到炸得好靚,一而再再而三咁夾左好多炸野最好味係炸腐皮卷,外皮超薄,炸得好脆,但唔會介損口蛋糕仔都超好食,好鬆軟唔太甜,仲食左好多野無影相,因為驚阻到職員收工,快快口咁一個鐘內食左好多野,好開心下次早啲黎啦一定要!!

星期六放工同事提議去 素食自助餐，即刻好有興趣！素食餐廳就去過，自助餐唔知係點既呢？就喺呢度！ 『週末午市$80 』入到去要先付款，員工帶位後就可以出去夾食物！食物自助區不大，一眼睇曬👀 近門口位置有沙律、炸物、涼拌小食⋯⋯雲耳好爽口，推介！炸物區有我鐘意食的炸饅頭和馬拉糕！而同事就偏愛炸春卷！熟食以蔬菜類居多(印象中無素肉類)另有白粥，湯水，炒米粉、銀針粉等等⋯並且會不停轉款，當日炒米粉無曬後就轉左炒飯！呢個做法幾好，客人可以食到不同款式的食物！ 臨走時有糕點和炸蛋散出爐，熱辣辣，面層沾滿糖漿，好似食緊又甜又脆卜卜的炸雲吞皮，好食 ！熱飲分別有薑茶、有機紅茶、牛油果籽茶。我擇左牛油果籽茶，味道不苦不酸，之前睇過篇文章話牛油果籽纖維豐富，可以幫助腸道暢通，好多女仔用來減肥，飲多兩杯先食左兩round 已經飽曬！糖水有紅豆沙，紅豆量多但有點稀，味道不算濃郁！食完後要自行將用過的餐具和垃圾分類，所以呢度係免收加一，大家都非常自律。整體來說，味道中規中矩，始終款式簡單，不會太大驚喜，食起來感覺健康！只略嫌食物選擇較少，但$80可以吃到飽不會要求太高！

近年素食開始普及，喱個會係大趨勢📈素食菜色、素食餐廳大家可能都會食過但係素食放題大家又食過未呢💁🏻‍♀️今次就介紹一間係旺角嘅#無肉食 先喇係九龍區，相對比較方便佢嘅菜色以中式為主，荷葉飯、炒銀針粉...佢都有d壽司、炸物、冷盤沙律區、甜品、糖水-炸物中較為出色嘅係一樣好似咕嚕肉嘅嘢，佢外皮甜甜地、帶少少辣，special嘅位係，原來佢係一塊椰菜花嘅架～超好味呀😋-甜食中較為出色嘅一定係拔絲地瓜😋👍🏻-款式多、味道又唔錯，想開始接觸素食嘅朋友不妨去試試喇😋👍🏻

呢排年尾食太多！ 同朋友都覺得要食素就卜左無肉食卜左7:30 我地遲到 8點先入。但係原本既限時 變左可以坐到10點關門超好 。無記錯係$140 任食素食店我食過兩間 呢間其實算少左dd選擇 味道都唔差 。 有中湯 有幾款飲品 好飲洛神花茶、山渣茶等。但勝在地方舒服 又易搵會再幫襯

講起素食buffet，之前試過 「走肉朋友」同尖沙咀「每日」，依間係本人第3間。香港唔係好流行素食，形住人流唔會好多，就無book到位。結果星期五晚黎到，人龍已經塞滿曬整個lift口，非常誇張。最後留低電話、喺附近行下街，等左一個鐘左右先入到座呢所以強烈建議大家要book位！一入到去，見到野食琳瑯滿目。最吸睛既就係果一大堆炸物！食過咁多次素食，當然都知道素食唔等於清淡同健康，可以好邪惡好高卡路里。鐘意邪惡美食既我理所當然夾左一大堆炸物好多時buffet供應既炸物都會淋曬，但估唔到佢地啲炸物係新鮮熱辣供應咖，食果時仲係脆口。無論係煎堆炸、炸金菇定炸雲吞，全部都炸得唔錯！已經feel到陣熱氣哈哈好華麗、成座山咁靚既拔絲蕃薯。而且唔係得個樣咖，黏韌既糖漿包裹住軟綿既蕃薯，超好食。佢地仲有一啲凍食、沙律同糖水，食物款式非常多，而且質素都唔錯。反而係熱葷我覺得較普通，而且整得太油膩，個人就寧願留返啲「油」既quota去食炸野XD至於全場最好食，我覺得係依熱辣辣流心芝士撻 記得要趁佢岩岩拎出黎果刻就夾黎食！咬落會爆漿流心！睇幅圖都知我encore左勁多次食完成餐，發覺都食左幾多熱氣野落肚，好似好唔

早幾日食得太多肉和零食啦....於是朋友提意今晚食齊....對於平時食肉多過食菜既我,真係覺得無啖好食....但又想清下腸胃減下肥.首嘗了<<無肉食>>, 完全唔洗等位.由於係星期日, 價錢$140/位, 一開始收左錢先,跟住就可以大開食界開胃前菜:至愛黑木耳,酸酸辣辣, 仲有值得一試既係豆腐相當滑藜麥牛油果相當重本,但味道較清淡熟食:好多煮熟左既菜都係重覆果D款, 比較普通, 重口味D, 多油...推介個壽司, 味道不錯炸物:不錯, 可以一試甜品:渣咋, 番薯糖水味道都唔錯仲有薑醋蛋整體黎講, 味道相當唔錯, 當中我最中意食前菜,不斷encore.

都市人追求健康生活，保持良好的飲食習慣是當中不可或缺的一環。多菜少肉，高纖低油鹽是大家也知悉的目標，但要嗜吃一族時刻吃得清淡又談何容易？！退而求其次，間中來一頓素菜，也算是踏出健康飲食的一小步。在好友介紹下，首嘗了一間素食店「無肉食」。餐廳以自助餐形式經營，午市只需 $70/位，沒有加一或其他雜費。餐廳內部裝潢簡單，食物枱設在近入口的位置。繞圈行了一周，各式素菜約有二十款左右。煮南瓜、炆蘿蔔及炒四季豆是小編覺得不俗的素菜。素菜炒麵炒得爽香亦屬可口。各式煎炸品亦較預期出色，普遍沒有走氣失脆的情況，建議試試炸豆腐及炸腐皮卷這兩款炸品。席間另有茶水、湯品及甜湯供應。薑茶味淡。喳咋足料，甜度適中。雖然只是素菜，但因供應無限量，必能吃得飽飽。以人均消費 $70 來衡量，菜餚款式都算多，味道普遍合理，有機會會再來！

（今次冇影到相，敬請見諒）🎟入座與收費：呢間同其他嘅素食自助餐一樣，先講訂座資料（如有），再俾錢入座，但就要係出面攞餐具。當日係食90分鐘晚市，收費$120/位，因為睇過網上留言驚會多人，所以有訂位。🏬環境：餐廳入面位置都幾多，有二人、四人同六人枱。但可能要搭枱嘅時候會尷尬小小，出入要就住，都怕會整到隔離枱嘅人。不過餐廳嘅店員都好貼心，見到位置逼都會主動幫忙移開啲👍🏻🍽食物：食物種類嚟講都算多，有沙律吧、熟食小炒、粥粉麵飯、炸物、中湯、糕點、糖水等。個人幾鐘意佢嘅熟食小炒，雖然係素但食落味道都好夠，不過可能會有啲油。但唯一有啲失望就係炸物，即使有燈照住都難以保持溫度，大家可以係店員一上新炸物就去攞，熱食最好！🌟總結：其實整體俾我感覺都中規中矩，食物味道正常但唔算有創意，都係一般會見到嘅菜式。見到同樣有人食完翻去會有不適，本身諗住自己都唔會，但可惜翻到去都有肚痾咗兩次。可能係自己身體唔適應或者其他原因，但我下次未必會再去食啦。而大家就自己衡量一下再去啦！（🧡感謝用心睇到呢度嘅你地🧡）

越來越多地方《無肉食》啦。今時今日，連旺角也開始《無肉食》，對素食朋友來說，真的是一件喜事。這一間新的《無肉食》，轉戰在樓上舖扎根，在重建後變成幾棟新商場的新波鞋街，繼續推行素食，繼續為大家提供《無肉食》的素食自助餐。本以為來到真正的商業旺區，餐廳會貴起來，高級起來。但《無肉食》保持她的一貫作風，以大眾化的價錢來為大家提供一個任飲任食的素食服務。不過，就算已經有三間店，專程來拜訪的人也是源源不絕的，所以，他們會好準時，75分鐘一個時段，就好準時叫你走。因為人太多，我拍唔到餐廳的環境照了。一開始就插隊影下食物。旺角的《無肉食》同其他的《無肉食》一樣，做得最好的，最吸引大人小朋友的，就是一系列的炸點。味道雖然很好，但春卷是芋頭餡，炸雲吞的餡又是一舊又厚又實的素肉，吃多一兩舊，絕對會令你立即飽晒，齋坐同食糖水。所以，我好多時都好精明地先來一份沙律開開胃。新鮮的蔬菜，爽口的豆、粟米同蕃茄，加上美味的沙律醬，絕對是開胃的。而這一次新見到的蛋糕，同向來都有的凍糕點，都很是吸引。熱食的糕點，蘿蔔糕，馬蹄糕，芋頭糕，是兒時最愛的三實煎糕。不過，這兒出現的三者中，我只喜歡馬蹄糕。說真，這兒大概都預計到到

九月四號晚去食，覺得部份素菜都好好食，但係喺食紅菜頭，焗薯仔的時候，覺得有一點酸味，當時覺得應該唔會係壞左。點知第二日痾左成日，問返朋友，佢嗰晚都有肚痾。唔知係唔係有啲食物已經變左質。希望你地可以保證食品安全。

湯淡而無味，菜好老，炒麵冇味難食，只有炸春捲正常，$50冇期望、冇失望款食好少，應該係因為下午茶時間，唔知加$20食中午會唔會好啲？熱檸水正常，羅漢果水味道怪⋯火龍果算甜，西瓜見個樣麻麻冇拎⋯講真難食成咁，拎一碟都可以慢慢食，所以唔需要理佢自唔自助餐⋯當普通食一個lunch就得，所以唔需要理抵唔抵食、夠唔夠時間食⋯我諗開得素食嘅，究竟良心去咗邊？有冇試過味？睇之前啲人食評講過大隻收銀姐得把聲又掛住玩手機完全紙板人，喂真係喎！原來冇講錯，根本唔需要請人，擺部機夠鐘俾錢拎飛搵位食完執好曬嘢走人完勝。

我生日老公請我食呢間素食自助餐，一入到去就好興奮，因為有好多款式食物，都是我喜歡食的，有好好味的炸春捲，炸到啱啱好，一啲都唔油膩，有好多蔬菜熟食，味道啱啱好，因為我平時都注重健康，唔會食得太鹹，嗰度有我最鍾意食嘅蘿蔔糕馬蹄糕芋頭糕，好軟熟入口即溶，仲有好多我鍾意食嘅冷盤同生果，佢的冷盤豆腐好滑好香好有豆腐嘅味道，一邊傾計一邊食野，超級正呀，好似返左屋企家的感覺，我會再搵埋朋友去食多幾次，值得推薦的相聚好地方。

平時成日食肉..食到有d悶，今次試下素食buffet之前都食過一次，印象幾好，決定再食平日晚上$120位吾算太貴😋環境都寬敞，不過需要塔枱😣時間都幾長6pm-10pm 慢慢食都會食到超飽有湯有野飲有糖水，小食，沙律，水果🤤都算好多款，每次食完一輪再出去睇，都會有新款色，搞到都勁想試埋，勁飽😶平時屋企好少煮咁多款菜，岩哂d素食/愛菜之人🥰水果都有幾款 火龍果 蜜瓜 西瓜， 好鮮甜😋😋最鐘意食地瓜圓🤣有機會會再食😍記得食完要自己執餐具

宜家越黎越多人食素除左對身體好d,都對地球好d我都係抱住呢個諗法每星期都會搵餐食下素今日跟家人一齊去左位於旺角呢間 無肉食餐廳位置容易搵到本身無book位星期六大概12點去到（間餐廳開1130）都仲有位， 不過見到好多留左座建議可以先book位入座前先收錢假日午餐每人$80，平日$70午餐可以食75分鐘拎個位隻碟就可以出去拎野食啦初初睇食評見到話食物唔夠熱本來都對此有d擔心但未知係咪假日人多關係D野食清得快，換得快，好多野食都新鮮熱辣而且好多時新換既款式已經唔係之前個款，不停有新野試有涼菜、沙津、炸物、粥粉麵飯、不同煮法既熱菜（有南瓜、冬瓜、翠玉瓜、小白菜、豆角、菜心、菠菜等太多不能盡錄）、煎鹹甜糕點、凍糕、湯水、糖水、羅漢果水、檸檬水、西瓜水果等款式十分之多！其中我最鍾意食嘅係凍豆腐，蕃茄炒蛋同春卷普遍覺得全部都幾好食呢間餐廳收碟都係自助形式食完收完就走得啦素食自助餐黎講呢間款式好多，推薦！