煌府婚宴專門店 (已結業)

先講個雞煲，d雞用炸漿包住黎炸，已經夠難食，仲要炸到鞋恰恰，$168/位都唔期望會有d咩食，牛肉上黎係黑色嘅，點既食物第一次叫已經送唔齊都算，食完第一轉叫第二轉，等左20分鐘仲未黎，叫個女部長跟跟，佢眼尾都唔望我哋一下，大大聲叫等陣，成間酒樓無10張枱既人打邊爐，乜真係有咁忙咩？過咗又10分鐘左右，我再叫經理跟下，佢即刻幫我再寫柯打紙交入廚房，前後無10分鐘已經有野食，真係想投訴個部長，以後我都唔會再黎，$168係荃灣其實仲有好多選擇！

今天下午和表姊妹婆婆一同到荃灣煌府飲茶，點心味道其實麻麻，等了半小時還欠一味雪山叉燒包，於是叫侍應跟進，頭也不回地回覆嚟緊啦等吓啦，40分鐘後和50分鐘後侍應都抱着同一態度答同一答案，直至1小時我們叫了因為高和後生的侍應過來跟進，今次有進步了，沒有答同一答案因為他的答案是：「叫咗就得㗎喇我都唔知幾時嚟㗎等到就等等唔到就幫你cancel啦！」白色的制服襯托着黑色的口面，再配合無與倫比的答案絕對是絕配，之後再品嚐我們前面的茶就變成一杯有氣的中國茶，別有一番風味！亦可嘗試下大家忍耐力底線，大家會唔會去自己考慮吓啦！😡

難得放假終於可以同屋企人飲下茶，嘆返一盅兩件🤣我好鍾意食港式點心，熱騰騰的蝦餃、燒賣、腸粉、春卷更是令人抗拒不了，但今次去到茶樓，點完點心後20分鐘都未有野食，問左幾次店員都叫我地等一等，都唔知有冇幫忙跟進😖.1. 福建炒飯好足料既炒飯，蝦仁、菇、翠肉瓜都好多，飯底炒得唔錯，粒粒分明同埋夠乾身，汁濃稠度剛好，不過偏咸，有點重手🙈.2. 春卷餡料豐富，有冬菇絲、甘筍絲、粉絲，炸至金黃香脆，但份量有點少，同埋唔太夠熱，好似放左一段時間.3. 咕嚕肉有我最愛既咕嚕肉🤤汁醬酸甜醒胃，表面香酥有光澤，肉質外脆肉軟，肥瘦適中，如果有埋洋蔥一齊炒會更加好

煌府婚宴專門店 (荃灣) 📍荃灣青山公路荃灣段264-298號南豐中心5樓今日放假同屋企人飲啖茶食個飽，好彩飲茶有分午市，作為懶床的年輕人也可以早餐夾埋午餐食，慳返不少😂之前煌府位於南豐中心五樓，不過五樓暫時不開放應該裝修緊。現正名為煌府。豐盛，位於其四樓。煥然一新，除了基本普通圓桌、還設有卡位雅座，可睇得出卡位是供晚市火鍋🍲用途，非常舒適。🤟🏽鮮蝦長春卷：大大啖蝦肉包裹於春卷中，春卷炸至金黃色，香脆可口，一定不是千年油，熱辣辣，剛炸起，但又不油膩，美味得很。甜醋醋腳姜： 不是用上八珍甜醋而係自家調配的甜醋，姜有點老可是不帶楂，其姜的勁辣一直纏繞在口腔，可惜份量不多。醋腳不是焧身而是有硬度，如果再煲耐點連骨膠原都食埋。小籠包就一般，比較乾，入面餡料肉質麻麻。#荃灣#南豐中心#甜醋豬腳姜#春卷#水滾茶靚#點心#燒賣#蝦餃#煌府#四樓

星期六行完山又唔想自己煮咁辛苦....不如出街食發現咗呢個荃灣地鐵站附近....一個大型廣告海鮮粥火鍋！一於走來試吓！一入到去竟然唔使排隊😦諗住可能都未必OK啦⋯⋯餐牌內自選海鮮🤫點知一個海鮮再嚟一個海鮮😋再嚟一個海鮮😋都非常鮮味😍感到驚喜🤩如果兩個人嚟食都算OK唔錯😌環境舒服唔會太嘈😌價錢$280/位！飲品另計！

首先 入到黎講左兩位 呀姐完全冇理我（同佢同事傾緊邊到仲有枱比客）係佢傾左兩分鐘後終於問我幾位 之後比左張枱number我 但好怪 佢帶我去張枱去到路程的一半就冇帶 要我自己搵。之後叫野食 填完點心紙比左個部長 之後我同fd照傾計等野食 但兩分鐘後我發現我張點心紙竟然就咁擺左係枱面冇拎走過 🙄到野食黎到 首先佢地好健康 全部野好似冇落鹽同糖調味咁 奶黃包過硬冇奶黃味 燒賣鬆散 蘿蔔糕冇蘿蔔味。 真心 冇第二次 第一次難食到要打食評🤦🏻‍♂️

差到我要特登裝個app黎打呢篇野：諗住食餐好嘅慶祝父親節，點知食到一肚氣！見佢父親節餐單冇咩揀，就點左個孖寶：波士頓龍蝦伊面+燒鵝例牌。先上咗個燒鵝， 10夠有八舊全部肥膏，完全冇肉，剩低兩舊就係骨。叫佢換過碟，心諗可能咁岩唔好彩。再上龍蝦伊面，話就話一隻龍蝦，點知全部都係龍蝦殼，問侍應係咪一隻龍蝦？睇都唔睇就話係，問佢就串咀話呢度咪喺晒度囉。態度極之惡劣！同佢逐件數，淨係數到龍蝦頭，同埋龍蝦尾同埋啲蝦殼。龍蝦肉去咗邊？侍應冇聲出。。。轉頭聽到隔離枱都發晒脾氣，話佢啲嘢食唔掂，等左好耐都冇事應跟進。心諗都係算啦，原來唔只我一個受罪。幫襯過好多間煌府，呢間都算最差，認住個高後生侍應，態度好囂張......冇下次

擺百日宴酒席服務態度極差叫佢將污糟嘅枱布換走佢百般推搪 後尾有親戚聽到佢哋原來係特登唔換俾我哋唔該，跟住問佢少少野態度都極差，未book之前就乜嘢都OK到咗當日就乜嘢都唔OK講嘢不負責任，係上菜方面好似食法國大餐咁三道菜用咗兩個鐘時間先想到仲有一半嘅餸菜2個鐘之後都未想到，我地追問佢話無辦法因為人流太多，但係我哋好耐之前就預約左架喇，預咗人手要支援我哋，佢呢啲婚宴專門店都好無賴，等到我啲客人走晒啲菜都未上到，都唔知留返比邊個食！！好嬲

大年初六幾個好友相聚拜年，想食中菜又要方便，於是就選了這裡。以前只在這裡中午飲茶，未試過晚餐的。訂位幾日前訂的了，費事去到無位，點知原來無乜人。新春餐牌只有一張，叫來叫去都係個幾樣，無其他野叫，價錢就當然貴過平時啦，不過都預左。我地五人，最初叫了三個菜和一個羮。餸菜都快上的，已經裝好一碗碗羮，不用在你面前裝，都幾好。粟米魚肚羮真係好好味，於是叫了幾個飯，點知好耐都未上。佢地都問過我地是否叫了飯，我地又吹了幾次，其他三個餸都快食完了才上。雜菜煲都好食，唔太鹹。金沙骨味道都唔錯。炒鴛鴦蚌就比較油喇。。。既然無晒餸就唯有再叫多了一個豆腐煲，但有些鹹啦！最後由於甜品只得壽包和桂花糕揀，所以就無叫喇。新年出街食飯，真係無乜好食，但好過係屋企自己煮啦！

勁貴，味道又差，碗碟又勁污糟，仲有D飯黐住係度，地方亦好污糟，唔會再去😔D枱布又污糟，望落去好唔得，廁所又污糟質素差得很，龍蝦完全無味，劣評仲帶埋一家人去食，好失望😞

排骨飯的排骨具然係入口溶化，燒賣豬肉饀散哂 ，蝦春卷不脆，茶水不夠熱水準遠差過屋邨的酒樓……難以想像係煌府集團出品，從冇諗過集團式食品質數管理咁差，不合格，點心水準遠底於黃埔煌府一號！

11月底奶奶生日一家人去食飯!! 啲餸到晒.. 叫五個飯.. 啲餸差唔多食晒..啲飯先來!! 啲飯嚟到仲要係未熟嘅😳😳🙄 點啊?!?!?! 酒樓食飯d白飯要等咁耐仲要未熟？？？最後大家帶咗兩個炒飯.. 難食不在話下.. 都算！未夠九點半拎張單埋黎.. 要我地埋單.. 我問: 點解咁早比張單我哋?? 依家都未夠九點半🙄嗰啲阿姨就話出邊有活動搞緊70圍!! 你哋唔埋單先.. 我哋一陣間搞唔掂!!真係好想講粗口.. 咩料啊?😡 除咗裝修靚坐得舒服我諗唔到其他優點了!! 一定唔會有下次👎🏻👎🏻👎🏻

閒日晚，連埋房大幾得一成客。一般小菜約$100，有五款優惠菜式，有半隻燒鵝、美國龍蝦、羌薑蔥蟹、蒸魚同燉湯，大大隻字力sell任叫任點，我們就點齊五款，在客人很少的情況下，燉湯賣唒，但最有趣是優惠的半隻燒鵝也賣唒，但反而部長建議可以加錢叫個份量比較少的例牌，哈哈哈。雖然最終只點到三款優惠菜式，但的確抵食，全是認真製作絕無欺場。菜名寫上美國龍蝦，令我一時聯想不到是波士頓龍蝦。相對於澳洲和本地龍蝦，波士頓龍蝦一向給人感覺是次一等。但這兒煮得恰到好處，龍蝦肉爽口彈力，保有水份及濃郁鮮味。伊麵底也不會水撈撈。肉蟹上了一層薄薄的粉先走油，肉身飽滿，蟹蓋有豐富濃厚蟹羔。$98一斤，火喉剛好，魚油豐富，魚肉雪梨嫩滑，蒸魚豉油也調味得宜。雖然人客不多，但還是舉到手軟都叫唔到人，有啲員工又唔識落單。

在附近上班, 有時會去南豐這間酒樓飲茶, 貪其就腳方便, 而且環境都幾好, 裝修幾靚, 又光猛好坐, 店員服務都好好, 只是菜式上菜不算很快, 對爭分奪秒的打工仔來說, lunch是食得有點心急。野菌雲耳浸菜苗$38比較清淡的菜式, 用清湯浸烚過的蔬菜, 清湯就只是有淡淡的鹹味, 還好蔬菜都新鮮, 這樣吃也蠻健康的, 蔬菜種類主要有雲耳、白菜、冬菇等, 盡量吃多點纖維吧。腿茸蔥花卷$17.8同事選的包包, 說是懷舊菜式比較少見, 我們欣賞這個包有其本質風味, 不會弄得太甜, 而且包得軟熟, 滲出淡淡蔥花香。牛肝菌醬金錢肚$20.8這個是濃味又惹味之選, 金錢肚就是牛肚, 煮到好軟淋易咬, 而且好入味, 牛肝菌醬加上少少黑椒, 味很香, 底下有蘿蔔, 部分位置批皮不夠深有根。煌府蝦餃皇$23.8應該是招牌菜式吧, 蝦餃外皮薄而晶瑩, 裡面餡料飽滿, 全是蝦來的, 已調過味, 味道剛好, 蝦新鮮爽口, 好滋味!鮮竹牛肉球$17.8牛肉球附上喼汁, 味道很對味, 牛肉質感偏軟, 啖啖透著脂香, 邪惡但美味, 我是牛肉球痴, 吃點心通常也選牛肉球。蟲草花棉花雞$23.8也是十分不錯的點心, 有

今晚難得人齊食飯， 娘親大人決定不開伙， 齊齊到荃灣煌府提早做節~ 作為婚宴專門店， 裝潢佈置非常華麗。 估計因為同區食肆競爭激烈， 所以平日晚餐時間人流不算多， 可以安靜舒服地用餐！ 看餐牌時發現這五大晚飯優惠， 價錢經濟之餘， 還可以同時享用， 有龍蝦、肉蟹、沙巴龍躉、雞、冬瓜盅等好豐富。 蟲草花海皇冬瓜盅 色彩用料同樣豐富， 原隻冬瓜再加上湯料整體分量不少， 四人瓜分一盅幾乎吃不完。 冬瓜肉燉得軟軟的吸滿湯汁， 絕對是精華所在。 上海焗美國龍蝦伴伊麵 大大件龍蝦肉早已起出， 方便分食。 上湯汁較清淡稀身， 多吃幾口也不會膩。 金牌沙薑雞 一隻雞的分量比想像中多 (早知點半隻，才$48XD) 擺盤好仔細好優雅， 雞脾啖啖肉夠嫩滑， 沾上沙薑醬更惹味。 點了生猛龍躉兩味， 第一味是潮式浸龍躉頭腩， 做法有點像胡椒豬肚， 湯汁咸中帶辣， 配酸菜、白蘿蔔一起吃魚鮮味更突出， 唯一美中不足就是頭腩部分魚骨較多 >_< 第二味是荷香蟲草花蒸龍躉球， 排得整整齊齊賣相漂亮。 龍躉球入口無骨啖啖肉， 蟲草花、雲耳都是有益食材， 美味又補身， 是當晚最快被清空的一