煌府 (已結業)

八月初七‧炎熱很少去飲宴了，收到帖子，大多也會照做禮，但人很少會出席。但凡事總有例外，而在這個2009年會例外三次，三次也是Openrice的好食友的大日子，第一餐，就是在這裡。認識Lazyqueen已經5年，是個漂亮善良，懂煮懂吃的醒目食友，她的大喜日子，當然要出席。宴請了一圍半的圍內食友，大家其實也難得的齊人。席前除了談談近況，當然要找副撲克牌來玩玩十三張。而Lilian也真的技驚四座，拿了三次四條四，還有一舖6 PAIR 半，打莊大殺三方，嬴個盤滿鉢滿。看過新人們兒時的相片，還有他們的感想，晚宴就正式開始。先來乳豬全體，不太熱，皮還脆，味不太夠。餐後去了木佬，當然高下立見。只見乳豬在出場前師傅還在用火鎗加熱，也算是努力的維持熱度的。而注重健康的kkk兄為大家示範了徒手去豬油的絕技，抵佢越吃越型的；再來是炒帶子貴妃蚌，配菜有大量的西芹及西蘭花，非常的「綠色」；百花釀蟹钳其實是一顆大大的炸蝦丸，插了半枝蟹鉗尖上去扮成的。吃起來很熱，皮很韌，很難對付。還有事在身，無奈早走，吃不了其他的菜色了。在此再祝一對新人，白頭到老，永結同心。

酥皮要鬆化又要包得起叉燒要有少少肥蜜汁要甜而且不凝固蜜汁不可滲出酥皮皮面要令身有芝麻最緊要熱熱地!我搵到啦 就係旺角始創中心的煌府酒家

一直也有到煌府飲茶,它算是始創中心三家酒樓中水準較好的一家了。想不到一陣子沒有光顧,水準竟然變得差劣。雖然有新款的點心供應,但味道也不如想像中的好。這款”南瓜小糍”算是好吃的一款了。南瓜外形很可愛. 上面用上青提子作裝飾 ; 既可食用,又可作神似的裝飾作用。內餡係紅豆沙,其實可以話係蒸的糯米糍。煙煙unun幾好味!叉燒包奇差!好明顯係雪藏貨,包皮硬硬的,一點也不鬆軟;內裡的叉燒餡也不流汁。炸糯米卷是新食品,用炸代替蒸的方法。糯米和外皮的比例有明顯的分別炸的糯米較多, 但味道沒什麼特別, 反而傳統的較好吃。潮州粉果反而最好。附上潮州辣椒油,真係第一次見。餡料豐富,香脆可口,很讚。

今日同女友出左去飲下午茶..第一次同女友上酒樓飲茶吧..去到呢間..等左10分鐘左右就有得入座了..唔想同人搭台既關係..所以我地兩個人..話4個人..俾多兩個茶錢都唔想搭台..茶錢$2/位而已..我地兩位都好肚餓..叫左蝦蛟..燒賣..牛肉球..牛仔骨..春卷..綿花雞..飲水仙..水仙唔多香..蝦蛟係咁多樣最好味.因為星期一至六下午茶..大中小點全部$9.8幾抵..特點就$18燒賣亦都唔錯..但好似有些少變型..春卷份量亦不少..亦有見到鮮蝦..好味道..兩個人食左$79..第一次既回憶..還不錯了但係服務態度就有待改善..好似部長咁既人好似幾冇禮貌..希望會改善下

三個adult and 一個child 去飲茶。叫咗幾個點心同一個砂窩雲吞雞煲餐($168)。點心：腐皮卷—無mud 蝦，淨係得d椰菜，好好oily，唔得呀！蘿蔔酥—無甚特別叉燒包—賣相超唔得，完全唔似叉燒包，而係似生煎包。有無搞錯呀，咁simple ge 點心都整成o甘！砂窩雲吞雞煲餐—有三個點心+鮑魚汁福建炒飯+砂窩雲吞雞煲點心燒賣：好細粒，好似萎縮咁，賣相唔得，味道一般。脆肉瓜拼茶樹菇：成本極平，無味，完全係白灼菠菜帶子餃：酸的，立刻叫佢換個第二樣點心。都肯換，又話可能d菠菜變壞jor...=.="換jor 羅漢齋腸粉：幾好味喎，不過可以再多d料鮑魚汁福建炒飯：幾好食，無咩味精，多料砂窩雲吞雞煲：夠熱，半隻雞，都嫩，四粒雲吞，好味，肉同蝦比例均勻，湯都好飲。*呢個餐原來假期168，平日148，但係"假期168"呢幾個字應該係細到睇唔到，因為我地俾錢時check 單先知168*但收錢gor 個不男不女ge侍應就唔得啦，態度好差，好似嫌俾錢俾得慢！多謝都無聲。

噚晚細佬係呢度幫BB 擺滿月, 如果唔係遷就親人, 絕對唔會揀呢度丫!成4000 幾蚊一圍, 加左錢轉東星魚, 其中2 圍比左西星, 佢地死都唔認, 仲話佢地魚缸冇呢D 魚, 死都要同我地嘈!! 又話我地唔識睇!! 就係因為有行內人先睇得出佢地呃我地, 出聲同我地講!!之後埋單我細佬比左70 幾蚊TIPS 佢地, 講真佢地咁既服務質數, 收左人地加一, 入黎既伙計都有派利時比佢地, 佢地仲敢叫人再添? 如果佢地服務好就話啫? 咁冇禮貌, 我就70 幾都唔比佢地丫!!之前落訂比左一千蚊, 唔記得帶張單, 佢地都唔肯扣返D 錢, 要人帶單先有得拎, 都唔知有冇搞錯,都黎左啦! 佢地有底架嘛, 咁都唔肯退! 正CHEAP 精黎架!! 呢間一定入黑名單丫!!!

早幾日到此酒樓參加婚禮晚宴,部份伙計態度唔係好得,好似好趕收工,一放低D餸菜就唔理人,又成日整瀉D食物,要你班人快D食晒D O野, 佢地好似趕住收工。地方又迫又細,我地同隔離台非常近,好迫,根本就已經偽椅背貼椅背,之後仲要遇埋新人走來敬酒,要三個人一齊起身先有位俾主人家走過。味道方面,不太理想,所以我地都冇咩心機食。聽講最差係個乜乜經理定部長,明知服務差都仲要主人家俾小費,個人覺得不應再試。

週日與家人外出晚飯, 四處都充滿人, 走了四間酒樓才找到一間有位的, 立即坐下點菜.點了一客他們自稱的晚飯三寶$98, 即海哲頭, 燒腩仔及素鵝, 素鵝十分差, 只是一大件腐皮疊在一起, 又涷又硬, 腐竹味又太淡, 很差. 海哲頭爽滑有餘但味道不足, 大大扣分, 燒腩仔還算可以, 因為尚算脆皮又不太肥.媽媽要了一客咕嚕肉, 全碟只得五六件, 未免太少了吧!!!幸好味道調得不錯, 咕嚕皮仍帶點脆, 又不會太多肥膏, 而且甜酸適中, 不錯不錯. 蒜蓉豆苗很大碟, 落油不多, 吃得出有點鞋, 但健康要緊, 還是少油的好另叫了一客生炒糯米飯$68, 這個真是意想不到的好, 上枱的糯米飯真是粒粒離的, 是真真正正的生炒, 雖然飯炒得腍了一點, 但都可以接受, 味道恰到好處, 用料也頗多, 臘腸, 臘肉都多, 令人不禁要添食。飯後點了2個價值$20的大壽包, 等了得久才到的壽包, 份量頗大, 飽夠香軟, 蓮蓉香滑當中的蛋黃亦油水十足, yummy由於當晚有酒席, 招待生好像不太足夠, 而且上菜於九點後突然漫了很多, 都是不要選這些黃金時間外出吃飯了…….

9/7(日) 8pm男友祖母牛一,又在此擺壽宴,是晚各方面(環境,食具,食物)質素均全面下降!因其家人認識此店老闆,特別間了個小宴廳給我們(梗房已被訂滿),服務不庸置疑地周到!除此之外,冷氣槽滴水,杯碟碗碟皆崩口!而清蒸大星斑變為清蒸大"生"斑!金銀蒜開邊蒸龍蝦的龍蝦仔肉質亦是霉霉的!其餘菜色僅僅合格而已!菜譜如下:乳豬全體金銀蒜開邊蒸龍蝦婆參金錢鮑片蟹肉大生翅發財珍珠瑤柱甫清蒸大星斑富貴金果拌帶子燒雲腿炸子雞荷葉珍珠飯上湯水餃麵雪蛤燉紅蓮皇母大蟠桃生果拼盤$46xx每席,個人認為不值再試!

30/1(一) 8pm應酬完家人, 今晚輪到同男友家人食飯,其家人系度book左個宴會廳.可能因為男友家人識呢度既經理,所以服務都吾會差得去邊.食物方面都頗有水準!其中西蘭花帶子及蒸石斑尤其出色!recommended!

d 火記態度勁衰, 好似想趕客咁, $3200幾蚊一圍, 有3 味係菜類, dcheap又唔好食! 已後都唔會再幫襯! 每一圍如加一個人頭要收$198喎, 傻呀, 俾d咁野人食都要198?!

呢度d野都ok喎!我地叫四人餐食既~每人平均加埋一都要140蚊,不過酒樓黎講算差唔多個餐有翅食、仲可以揀沙律或者大開邊蝦半隻再自選三個送添.我就最鐘意食佢既沙律啦,可惜太多沙律醬好肥架嘛.

同媽咪食lunch, 佢身體唔好, 都要去飲茶, 唯有點d健康d o既o野食啦~ 因為食飯時間, 好多人, 要坐貴賓房, 但其實我唔知貴幾多~ 唔想阿媽等咁耐, 是旦啦~ 坐窗邊, 但係天台景....煎蘿蔔糕- 無蒸o既~ 新年, 食少少啦~ 好彩唔多油同好少臘腸, ok~莧菜餃- 原來有蝦, 我媽好乖咁逐隻蝦仔撩晒出o黎~ 不過d蝦係醃o個隻, 唔係新鮮o既~ 皮都ok o既~ 白灼菜心鯪魚球- 都幾大碟~北菇辦麵- d菇唔靚, 麵太稔, 但獻唔太杰亦唔太鹹, 算啦~ 不過食唔晒, 淨低晒d麵~service算ok啦~ 埋單$130~

電梯門一開，侍應欣勤招呼。一個湯鍋容納六種湯底，瑤柱白粥及番茄薯仔都可以做湯底！材料大概$28-38一碟。以鴕鳥肉最好味，又滑。蝦丸彈牙！係牛丸失色了些，太硬實。美國肥牛只有六片左右。九時後還有特價！但是火鍋區沒有分非吸煙區，可惜！