煌府 (已結業)

星期四1點飲茶 得幾個waiters 完全唔夠人serve舉極手都無人理一入去已經無人帶位點心等左勁耐先到 又要漏單問個waiter個點心係邊 用勁差既態度叫我哋等叫埋單都要等左15分鐘先見到張單唔會再黎

煌府算是連鎖集團中較親民的一間，價錢普遍不貴。浪子是晚的晚餐較遲，入座都已經差不多八時半。還好，今天不算太多人，不用等位就有檯了。只叫了三個餸，其實都是海鮮。因為龍蝦有伊麵底的關係，我們就不用額外叫白飯了。我們數過龍蝦件的部件，的確是足足一只龍蝦，沒有偷工減料。先說龍蝦，龍蝦本身算厚肉，而且外殼都已經適當輾碎，輕易用筷子都能吃到內裡的肉，既衛生又快捷。走過油的龍蝦本身彈牙爽口，有一種一咬下去回彈上來的口感。蝦尾也沒有常見因處理不當而出現的"押"味。伊麵底本身吸收了龍蝦的鮮味。本身個麵做得不錯，不稔不靭。這個龍蝦收水恰到好處，伊麵變得入味也不因水多而影響口感。蒸扇貝不算難做，蒜蓉和粉絲都算多。較可惜是扇貝這次來貨比較細。咬落去的扇貝較稔，肉質不算上乘。但因為配料和鼓油的調味，合格有餘。以這個價錢來說，這道菜其實也不能挑剔了。最尾來的是這條石斑仔。看似小石斑，其實肉厚得很。臉豬肉很滑很好食。整體上全條魚都蒸得剛剛好，沒有蒸過火的情況。但是清肚方便似乎不太仔細，腩位的入面有點苦。裝璜是一貫的奢華，服務一般。以中菜來說，煌府算是一家較抵食的連鎖集團酒樓。

行街街見到好似幾底食.叫左:八寶海皇燉冬瓜盅,北京片皮鴨,苦瓜炒鴨件,紅豆沙(免費)八寶海皇燉冬瓜盅:冬瓜夠淋,湯香甜夠味,蝦幾新鮮,絲瓜清香味重,連乾瑤柱一齊煲鮮甜好味.北京片皮鴨:個皮凍嘅無蒸過,都算軟熟.片皮鴨就差D,其實只係比一定數量比你,片皮鴨唔脆涷嘅,重要大細不一,有些更加係有鴨毛在表面,味道普通.苦瓜炒鴨件:苦瓜清香味濃,炒鴨件幾多肉,本人覺得比片皮鴨好食.紅豆沙(免費):這個反而好好味,好香陳片味清甜潤喉,又唔苦澀.整體:普通可試,但冇祈望.

上次經過始創見到煌府做緊冬瓜盅及片皮鴨promo, 呢排好多集團式酒樓都做冬瓜盅推廣，難得weekday放工要去一去太子，shopping完後便上去試試煌府手藝。第一次去煌府食，可能我地成20:00先到，冬瓜盅一早已沽清(好失望，因都幾平下)片皮鴨 - weekday$38 for 2人食，塊皮夠熱同煙勒，甜麵醬濃度適中不會太咸，青瓜及大葱與片皮鴨一起包住來食整體口感都唔錯，片皮鴨有一大半都有連肉不至於得塊皮，$38食到呢個水平已係唔錯了。柱候蘿蔔炆走地雞煲 - 蘿蔔都夠入味，走地雞份量夠及柱候醬爆得香口，用來送碗白飯或白粥都好正，因呢味餸夠濃夠香口，淨食呢兩味餸加一碗白飯及一碗白粥已好飽肚，最後埋單時仲送每人一碗紅荳沙，碗紅荳沙夠"沙", 不太甜，我個人則十分滿意~~total連茶介加一等俾$18x, 都算抵食呢~~

行街街見到好似幾底食.叫左:八寶海皇燉冬瓜盅,北京片皮鴨八寶海皇燉冬瓜盅:冬瓜夠淋,湯好香又夠味,蝦幾新鮮,絲瓜清香重味,連乾瑤柱一齊煲所以鮮甜好味.北京片皮鴨:個皮出來熱辣辣,唔太厚.片皮鴨就差D,話有半隻,其實只係比一定數量比你姐,片皮鴨都算脆,但係涷嘅,重要大細不一,有些更加係有鴨毛在表面,味道還可.整體可試,但冇祈望好D.

這個週末早上醒來，dad已飲完早茶並外賣了兩客牛肉球回家給筆者作早餐．牛肉球賣相普通．試一口，口感軟硬度適中，很怕太水狀或太死硬的，很好！有時有的酒樓的牛肉球是有渣的，一定硬不開某些部份，要吐出來才行．但這裏的牛肉球未有此情況．味道則正常．加上酸味味的喼汁，很醒神開胃，很飽肚呢！

週日早上起床, 發現daddy 飲茶後外賣了蝦燒賣(HK15) 給筆者作早餐, 真好. 筆者對燒賣的要求極高. 今次則看煌府的水準如何.先說外貌, 色澤光鮮, 不是蒸至乾乾的, 非常對版. 一蛊四件, 分量適中, 試一口, 蝦頗嫩滑, 豬肉不肥不瘦, 沒有肥膏, 也不是乾柴豬肉, 非常好吃, 夾雜著冬菇粒和蟹籽, 水準絕對可媲美大酒樓. 真讚呢！

同事在 煌府結婚擺酒,自己第一次去, 地方較細 普普通通, 但都係算新淨唯樓底相當矮 感覺不很堂皇不過心想唔緊要啦 反正來飲 環境裝修都不是最重要關係 但食物水準非常普通 基本所有食物都煮得過濕帶有過多水份最尾的炒飯更是濕得過份 又少蛋漿 完全無金黃的感覺 差!每道菜之中, 平日去飲宴, 基本上都不用多等今日在呢間煌府, 食頭四道菜 用了一個鐘頭有多中間非常的悶場雖然主人家安排了很多的娛樂 但我都感到很餓到一道一道食下來的時, 發現好像有所問題原來少了道鮑魚!! 正常的飲宴都個次序流程當我們都在奇怪之中原來鮑魚在下一道才補上 感覺就怪異了一點這菜單用小隻的九孔鮑魚 如果用陳皮蒸可能很不錯但當用上傳統的包心菜爬 就顯得頗奇怪了最後的服務 是絕對的差!基本上所有的餸菜都係放低就走酒樓格局 我明白不一定有人分菜但總不能上菜前連食物的名稱都沒有介紹放低食物之後 叫一聲慢用都無最差係上道魚時 是突然有個阿姐在身後殺上來 用兩秒都沒有時間"搞開"條魚就轉身閃人 我們見到呢個阿姐時間 三秒不夠就神秘地失去芳蹤因為太差 我未食完 都走人了 免得過為了個糖水用幾佰人迫電梯

去花墟前試試太子區的酒樓,始創中心有四間, 有機會的話就逐間試, 點解今次選這間, 因為入lift時有大班老人家, 我地決定要與一眾老人家相反, 因此就造就了到這店(他們大部分去4/F, 跟着5/F, 最少人是6/F), 可是出lift後行入大堂, 嘩！全場大都分都是老人家啊, 而且早茶是搭檯的(這就是要與他們相反的原因) 家有一老, 如有一宝, 但當他們見到老朋友的興奮, 大聲說話, 飲茶時睇報紙而霸住張枱等行為, 就知道自已在社會的經驗是太少。很不容易才找到吉檯, 原來是風口位, 難怪無人爭。先開葫普洱暖身茶色深澤, 有茶甘味大中小點唔同價, 早茶茶位$2咋！優惠點心頗實惠每種食物都美味但糯米飯不夠出色, 顏色唔夠, 香味唔夠, 飯質偏硬買單都唔洗$80, 太子來說經濟實惠

今日同阿媽去飲茶，平時多數去4樓海港，今日上多2層，試吓煌府。一上到去便有位，兩個人坐四人枱，坐得幾舒適，而且環境唔錯，幾靚。叫咗8樣點心，其中鮮蝦粉果無哂，通知咗就算，冇俾返張點心紙我哋再揀，而隔離嗰枱都要出聲先再給另一張，就爭咗啲體貼囉。跟住唔洗等很耐就上菜，點心是熱的，但只有燒買是有煙出嗰隻熱﹔味道則全部都整得唔錯﹕ 鳳爪幾稔幾入味 魚湯雲吞好好味，但如果可以再熱啲，就 Very Good 啦﹗ 藕餅、小瓜肉崧腸、鍋貼、燒買都唔錯 上湯小籠包皮實，肉無味，但未到難食個 level食嘢其間有人同我哋換碟，食完啲吉碟都清得快，呢度就要加返啲分 整體都唔錯，得閒可以去吓喎

無去煌府飲茶好耐啦，因為佢一直都冇轉menu，真係飲到好悶。都隔左咁耐啦，點都會轉下啦掛，今次就去下飲啦。點不知竟然冇轉menu! 仲係N咁耐之前果張!! 真係有冇搞錯!唉~冇新野點返舊野算啦。奶皇千層糕 : 勁唔得!! 切都未切! 又未蒸好，D奶皇都係未溶既!! 蛋糕既部份好難食，唔甜冇味道；奶皇都唔香，完完全全係用吉士粉開，丁點蛋黃都冇加，仲要連調味都冇!! 真係用食唔落囉...糯米卷：都係未蒸好!!點解未蒸好既點心就俾客人呢??? 糯米卷好硬，好似咬唔開咁，消化力弱D都唔得。西杏片炸鮮奶：覺得好似幾得意咁就試下。原來係咁唔好食既... 炸鮮奶只不過係用粉皮紙包住鮮奶餡炸，而鮮奶餡係杏汁包果D餡，又係用吉士粉開既，唔滑，仲係一舊舊添。 鮮奶餡雖然唔滑，但係味道都OK既，只不過放錯地方，如果用黎做流心既包點就一流啦!唔會士再黎啦，又唔係特別平，唔好食乜都假既...

又係同同事飲茶。之前去過海港飲，勁嘈又勁多人。所以今次去煌府，12點幾去到都唔洗等位，仲有大把吉枱。環境比海港好，無咁迫，闊落d。點心款式不多，而且價錢都好似貴過海港。又係齋叫點心都飽，仲有得打包添。牛肉球、雞扎都唔錯，雞扎好飽滿，唔算太油膩。千層夾，同事以係千層炸腐皮嗰隻，點知係腐皮夾鯪魚肉再去蒸 呢個combination & 煮法真係麻麻...蜜味雞翼，呢個好食，外皮炸得好脆，肉就嫩滑。加上外層好多蜜糖好正。鳳眼餃，其實都同蝦餃無咩分別，不過餃皮唔掂，可以話好差，一夾，個皮就爛，完全夾唔起，要用spoon畢起。蝦肉算多且新鮮爽口。鍋貼又係個皮差，好厚，而餡好少！豬潤肉片粥不錯，係生滾，豬潤雖唔係黃沙但都唔算鞋口；肉片幾淋；粥底較稀唔算好綿。服務不過不失，都無咩需要佢地serve。

今晚參加親戚的婚宴. 婚宴來來去去都係食個d. 但係頭一味乳豬麻麻地. 好肥.. 之後的餸的味道遍淡. . 唯獨是最後個甜品. 味道可以. 糖水又唔太甜. 但我都係覺得彩福好食d ,

剛過的星期日與家人一行5人於始創中心煌府飲早茶結果得到的卻是超差勁的酒樓服務!!!當日早上9:50 已於等候入坐....(當時的等侯編號 #148)到了10:10左右, 姿客小姐叫 "編號#15x - 5位 "於是我的家人就問 "為何 #148 - 5位都未叫, 就叫 #15x ??"姿客小姐冷冷的回應是 "下張補回給你"到了大約10:20, 姿客小姐再叫 "編號#160 - 5位"此時本人立即查問"編號 #148 都是5位, 為何又再次被跳過??"經過擾攘一論, 才得以入坐, 以為事件完結, 卻還有下文......之後waiter把我們帶到一張四人枱, 但是這枱已有兩位茶客正在用茶中結果在擾攘一番後, 才得以安頓.只是一個小小的茶市, 他們的安排已經可以一而再,再而三的錯,不知道晚飯或擺酒是否會更混亂?!請各位小心!!!小心!!!

婚後參加的第一個婚宴，選址地點便利的太子煌府，樓下還有酒樓悉女安排的新人海報，既方便各位賓客認路，新人的活潑迷人風姿也令婚宴添加氣氛。　上到去，酒樓樓底不算太高，圓檯也不太夠大，但翻新後佈置挺華貴漂亮的，而且場內大量的美麗婚紗相看得人賞心悅目，甜美可人又瘦身成功的新娘子更是全場焦點所在，絕對搶去食物風頭，在此只簡單介紹吧：　　蜜月鴻運乳豬全體-皮脆肉嫩不過油，本來是不錯的，不過廚方可能未拿捏準出菜時間，乳豬在場外攤了一陣才出場，上檯時已經不熱了。不過與乳豬同出的，是kelly的新乳豬歌，挺搞笑的，我也有乖乖從命「挾俾身邊o個位」! 　　　　　翡翠玉帶珊瑚蚌-炒得有點雜亂，帶子味道可以，珊瑚蚌則未夠鮮爽脆口，而比例上翠玉瓜與西芹就有點過多。　百花釀蟹拑-如KC所言，個子超巨、外皮又韌的蝦球幾難對付的，不想浪費的老公竟然吞下兩隻，之後開始飽滯吃不到更多菜式...　　翡翠玉環瑤柱甫-慶幸芡汁不會過重，可以欣然解決有點散的乾瑤柱，及清淡的小棠菜。　紅燒竹笙雞絲大生翅-真誠的認為翅湯湯底比翅身重要，這湯初嚐頗濃郁鮮香，幾滿意的，不過後來卻十分口渴，想必是師傅作祟了。　　清蒸大海斑-煌府的菜式份量