煮打菜打冷小菜館 (已結業)

茶餐廳係香港精神，所以就算其他國家既菜色有幾吸引，間唔中都要食返餐茶記，熟悉既地道風味係永遠都唔會厭。今晚就同幾個friends黎到煮打菜食晚飯。環境：晚上6點鐘黎到成日第一枱客人，所以大把卡位任坐，眼見到7點半左右開始多人，到時有可能要搭坐圓枱，所以幾時都係，早食有著數。服務：可能因為早黎，一坐低侍應就遞左壺熱茶黎，而且上菜上得好快。不過呢，食過幾次都知，呢度既侍應都幾惡。衛生：以茶餐廳黎講，呢度算幾乾淨，一開始上既個壺熱茶可以洗碗筷，而且唔會額外收茶介架！味道：先講蜜椒吊燒骨，蜜糖同花生包住啖啖肉既排骨，好野味；干蔥豆豉雞煲到水準，雞既份量夠晒我地4個女仔食；蒜蓉炒豆苗清清地，配啖啖肉濃味既排骨同雞煲就岩晒，不過$85齋豆苗都幾貴；火煏大白鱔煲賣相吸引，岩晒凍冰冰既天氣食，味道偏淡但魚肉爽口，個人認為揀辣味應該好味過蒜蓉；最後既雪菜肉絲炆米普普通通，整身諗住攞黎送餸，點知都好夠味同多料，就咁食都得。抵食：呢餐有魚有肉又有菜同粉麵，都係唔使二百蚊一位，味道算中上，如果可以6點幾唔係咁多人既時候黎到，其實都係一個晚餐唔錯既選擇。

今晚同左班朋友去左筲箕灣個頭食打冷小菜,地鐵站出口附近都易搵!　呢度咁出名籠仔荷香蒸爆牙肉餅,攞左美食大賞, 我地當然都有叫到黎試下我地揀左銀魚配黎蒸,真係不副都得既

琴晚我哋就去咗煮打菜打冷小館食晚飯，佢就位於筲箕灣嘅，我哋兩個放工放學去都算近嘅，佢嘅位置好容易搵到，一出咗地鐵口，行過幾條馬路，一上條斜路仔就到，雖然我地唔係筲箕灣人，都覺得唔難搵幾方便。環境唔錯，我哋兩個人就坐卡位，地方都幾大㗎，如果10個人一齊食飯，都有兩三張大枱可以fulfill到，我諗我下次可以推薦俾我啲朋友一齊嚟。其實我呢就唔係第一次食打冷嘅，依個男朋友呢就第一次食打冷，食完之後大家都不約而同對餐飯讚不絕口，因為味道真係不錯！我哋叫咗幾樣餸，一定唔少得嘅呢就係打頭盤嘅，滷水鵝片併我最中意傢墨魚片啦！好好食，熱辣辣咁，好正！其實我未食打冷之前呢，一直都以為打冷係食一啲冷盤，但原來唔係。跟住我哋呢就學人地叫咗一支啤酒，兩份飲，因為我個人呢就好容易醉，所以我男朋友呢就成嗰日爭住飲，怕我飲得太多醉左。。。我都呆哂，個少少酒點會醉。好，番番妮，講番我地叫左咩先。銀魚爆牙肉餅，我好中意，叫之前係見係好似生招牌所以嗌，無咩期待，但一食就知道點解個餐牌會有咁大張相係佢啦，必點！我之後就叫左個西蘭花蝦仁帶子，我好好好鍾意，真心冇諗過咁好食，西蘭花加蝦仁同埋帶子，二三種食物我都好鍾意嘅，配埋一

放左工去附近搵下有乜好食，上openrice見到呢間煮打菜咁多好評，一定要去試試啦。咁地鐵站一出都好容易搵到。而餐牌方面都好多選擇，有d小炒，又有d特式野可以揀下，幾好。有得食雞煲添。打冷點都要叫支藍妹啤啤佢。呢個鵝片雙拼，揀左鵝片加墨魚片，都只係$118，墨魚片唔韌，鵝片整得非常入味，而且無根，一流。底下仲有幾塊豆腐吸哂d滷水汁。另外，我地亦都叫左呢度嘅必食之選，銀魚爆牙肉餅。除左銀魚之外，仲可以揀其他配料，例如咸蛋、鮮魷等等。個肉餅個味道唔會好咸，而且仲keep到d肉汁係度，送飯簡直係最好配搭。蜜椒薯仔牛柳粒亦都非常好味，d汁微微咸cover哂d薯仔同牛柳粒，好味。個豉油皇鮮魷炒麵勁大碟。總括黎講，如果一家人黎食飯，呢度係一個非常好嘅選擇。

久違的【煮打菜打冷小菜館】，考試期間都算係最唔虧待自己的一餐。😆我平日好少會叫小菜食飯，通常都係食碟頭飯，但約人個陣就會希望食多啲唔同嘅餸。位置上，由筲箕灣地鐵站行，大概10分鐘左右，唔算難搵，係天悅廣場對面m記再向上行，轉個彎就到。再簡單啲，就係耀東邨牌坊對面，咁樣一定唔會搜尋唔到。【煮打菜】內的裝潢其實很普通，同普通食肆唔大分別。座位算闊落，唔會好迫。入面有好多雜誌訪問，亦有各式各樣的菜式推介，坦白講，對於選擇困難嚴重的我，當然係由友人選擇。平時經過食的，都是食午飯，所以第一次見原來晚飯係有一壺茶同杯碟枱面。**留意:茶係預先已沖好放枱面，冇自選茶葉口味。呢次我地食左沙薑雞半隻（$108），蜜椒薯仔牛柳粒（$98）與及西芹炒鮮魷（$88）。**可能由於友中人叫菜時漏左講xo醬，餐廳以為我地走辣，故此菜式同餐牌名有少少出入。沙薑雞半隻兩個人食一隻會太多，而且我一向對雞一般喜愛，所以叫半隻試試。沙薑味唔算濃，底下多水。我覺得係🤔因為而家到處都是冰鮮雞，有時未必關餐廳的調味烹調，冰鮮雞出水，令原先調味減半。自問自己家中煮食，都經常發生呢種事。講下肉質，肉質都算滑，唔太油，大部分都是肉，比

與家人吃飯，地點，味道是考慮的重點。尤其在港島區，要選擇地點適合的，美味的，煮打菜打冷小館（筲箕灣）是與家人吃飯的必選！餐單內太多選擇了，一下子不知如何入手。一輪左想右想下，選了家人喜愛的。生煏大白鱔煲。上枱時「滋滋」聲，香氣撲鼻，煲蓋一開，鱔肉是肥美的，配合蒜子的煮過後，香，鮮，甘，甜味融在一起，現在想起來，也不斷回味中。蝦仁帶子炒蛋簡單而言：炒蛋滑，蝦鮮，帶子更鮮！入口爽口而鮮味！非常值得推介！滷水鵝雙拼鵝片啖啖肉，肥瘦肉分佈合宜，墨魚片爽口。魚湯時菜真的估不到，一個簡單的蔬菜，煮得如此美味，波菜煮得剛好，因為用魚湯煮，很入味。蝦乾及魚仔乾炸過，上枱時熱熱的，非常美味！好味到魚湯也喝光。我們完餐後，發現全餐廳是滿座的，還有十多人在等位，我們相信，我們選對了！

突然想食潮州打冷，見e間餐廳的食評唔錯，所以去試下～ 餐廳喺筲箕灣耀東邨附近，所以都好多街坊幫襯，見老闆同食客都好熟，有講有笑，好親切～ 餐廳清潔光猛，有卡位，有大圓檯～ 菜式選擇除咗潮式打冷，仲有港式小炒，我地兩個人叫咗四樣嘢，銀魚爆牙肉餅，滷水鵝片，蠔仔粥，同椒鹽豬仔脾～銀魚爆牙肉餅$92係餐廳嘅得獎菜式，當然要試下啦～ 肉餅以整個蒸籠上枱，幾特別，賣相已經覺得唔錯～ 肉餅上面鋪滿銀魚，分量十足～ 肉餅軟硬度適中，唔會太腍或鬆散，又唔會太實，口感好好，充滿鮮味，而且好多肉汁，甜而有肉味，肉餅底下鋪了一片荷葉，所以肉餅亦有荷葉香，配上鮮味的銀魚一齊食，更加香口～ 不愧為得奬菜式，好味😋推介👍🏻滷水鵝片$88鵝片份量多，賣相也不錯，肉質鮮嫩多汁，煮得入味，片片都充滿滷水香，脂肪唔會太多，厚薄度適中，可以點醋食或者辣椒醬食都好味～ 下面嘅豆腐都做得唔錯，非常嫩滑，而且好有豆香～蠔仔肉碎粥$48一碗的份量已經好多，足夠兩個人食，蠔仔好大粒，又滑又好肥美，好鮮味，一啲都唔腥，質素比大酒樓食到的更好～ 蠔仔同肉碎的份量都好多～ 粥嘅味道都好好，充滿鮮味😋 值得推介👍🏻椒鹽豬仔脾$82一碟有五件

筲箕灣出名多美食，但多數也在筲箕灣東大街那裡。今天行完天悅廣場，發現附近竟然有間潮洲打冷店。看看門外牆上貼了不少得獎獎狀，而且食物款式似乎很多，故選擇了這間店作為我們的晚餐地方。果然，不單有潮洲打冷食物，還有小菜（款式也不少），甚至還有雞煲，實在令人花多眼亂點菜後不久，滷水拼盤便率先上場，內有豬耳、紅腸、鵝腸、腩肉、大腸、生腸、墨魚、腎，款式實在不少。豬耳很滑腍，而且也很入味；鵝腸也很爽口；腩肉雖然肥膏部分不少，但卻跟滷水味很搭。這個滷水拼盤多款式而且微熱，味道不錯（很多潮洲打冷店的滷水食品已被放涼）小菜系列：這道菜未上桌時，已聞到很香的啫啫煲味。每條菜也很入味，煲內肉碎和蝦乾也十分多，值得推介再來小菜系列：蜜椒薯仔牛柳粒又是令人驚喜的食品。牛肉咬下去軟腍，甜味跟牛肉片很配，薯仔外脆內軟，紅椒和青椒也配合得很好，忍不住讚嘆一番唯一可惜的是牛肉片而不是牛柳粒。我們沒有點白飯，卻點了生炒牛肉飯。飯應該用上隔夜飯，所以飯也炒得比較乾身，粒粒分明，而且配料也被炒得很均勻。這個炒飯配上小菜，味道更上一層樓二人吃實在有點多，太好味令我把僅餘的通通打包而且這間店的員工也不錯，一開始送上茶壺後，我要求

朋友住喺筲箕灣，嗰日去完佢屋企探佢，佢就帶咗你食呢一間打冷，佢話包我食過返尋味，咁犀利，所以抱住好奇一試嘅心態就去左食。滷水拼盤，食得出d滷水汁好多年夠曬味又唔似坊間嗰啲會咁咸。炸蠔餅，你睇啲蠔又肥又大，而且落足料好多蠔，炸得又唔油。呢個蒜油牛油蜆係必食，蜆充滿住香蒜同牛油味，無沙，蜆好大隻但唔韌，一定要食！銀魚爆牙肉餅，得獎菜式，切碎魷魚加入肉餅，又滑又彈牙加上脆脆炸銀魚，真係要黎多碗白飯！名副其實既禾稈冚珍珠，深藏不露既小菜館，難怪連平日都人頭湧湧！

今日忽然間好想食蠔餅 記得之前有個朋友提過話呢間打冷嘅蠔餅好好食，所以就過嚟試一試入到去餐廳發現原來佢最出名嘅係荷葉蒸肉餅， 仲可以自選好多唔同嘅配搭例如土魷鹹蛋 ，我就揀咗銀魚仔， 原來佢哋嘅蒸肉餅仲要係攞個獎嘅咁一定要試下啦再加一個 海味魚湯浸白菜仔 ，清清地中和一下個蠔餅一上枱 實在令人好開心， 因為真係好似有pizza咁大個，仲有一個pizza嘅鏟畀你去切蠔餅同分蠔餅 個蠔餅 當然係又跪啲蠔仔又夠新鮮大粒 ，本人就好喜歡佢夠曬多蔥 好香魚湯白菜仔 正如我所料清清哋上面仲有蝦乾土魷銀魚仔口感十分之豐富最後出場嘅當然係攞獎嘅蒸肉餅啦， 完全係必點之選， 肉餅夠爽口夠實味道啱啱好兩個人點咗三個餸埋單唔使300蚊 這個價錢真係物超所值

同男朋友收工唔知去邊食飯好，打比住係筲箕灣個朋友諗住叫埋佢一齊食，點知佢出差⋯ 佢就介紹我地去佢屋企附近、又有得泊車係街嘅小菜館比我地試下。我地見有小菜又有潮州嘢食，就即管入去「潮」吓～鹵水鵝片$88: 好入味！唔會太鹹，唔點醋都好好味連墊底個豆腐都好入味、又夠滑、豆味濃！$88碟，份量都幾多，抵食！蠔仔肉碎粥$42: 啲蠔仔唔細粒，而且好新鮮！煮得岩岩好，唔會太熟！兩個人叫一碗就夠，都大碗，可以盛滿小碗子幾次。潮式爆花蠔餅$78: 蠔仔肥美，岩岩好，好脆，無油淋淋！Good!蜜椒吊燒骨$88: 連D骨都係脆架~ 甜甜地~ 仲好juicy餐廳環境同價前一樣大眾化，光猛企理，我咁岩有卡位坐，所以食得好舒服，惟抽風唔夠，有少許油煙味~

心血來"潮"﹐又咁岩行到黎筲箕灣呢頭，就撞入左黎呢間潮洲菜館。 一入到去，裝修一般， 都算乾淨企理， 座位都算ok, 咁岩仲有卡位坐-正。 可能因為係平日晚飯時間，好多家庭客幫襯。 一打開餐牌， 除左有潮洲野，仲有中式小炒小菜，滿足唔同客人需要，大眾化路線。 淨鵝片$88, umm ok la. 最後叫左， 蠔仔肉碎粥($42碗), 淨鵝片， 吊燒骨($82), 蠔餅($78). 好搞笑，佢有方魚肉碎粥 / 蠔仔肉碎粥。好似我呢d又鍾意方魚，但又想食蠔仔粥既，真係有d爭扎。驚喜既係吊燒骨， 味道惹味，夠香口。 可惜附近難揾位泊車，但如果我係街坊，應該會黎試多d 唔同既菜。

最近搬到了東區，那天正在筲箕灣找餐廳和家人一起吃飯，被那張攞獎的銀魚爆牙肉餅的海報吸引著，便決定入內一試！這裡的設計簡單，環境光猛乾淨，坐得舒服！滷水拼盤(大)吃打冷當然先來一碟-滷水拼盤！豬耳好爽口、八爪魚好滑唔韌，雞腎是最好入味，大腸有嚼口，整體都入味，味道不是只有咸，而係甜甜咸咸的滷水香味。土魷爆牙肉餅店舖主打係個肉餅“籠仔荷香蒸爆牙肉餅” , 因為拎過獎, 店內有很多海報宣傳, 所以必定要試! 用荷葉包墊著，廚師係肉餅中加入豬耳粒同海哲，做法十分特別。很有家鄉風味的土魷爆牙肉餅，面頭鋪上滿滿的土魷，口感一流！想不到肉餅連土魷食落口很match，跟出面平時吃到的是兩個口感！這道獲獎的小菜沒有讓我失望！蒜蓉牛油蜆有驚喜的蒜蓉牛油蜆！小菜打冷館竟然有咁西式煮法嘅一款餸！焗蜆用煎pan盛上，每隻蜆都係大粒厚肉又新鮮。蜆唔會有沙，而且食到鮮甜味。濃濃嘅牛油香加上爆香嘅蒜蓉蔥粒同洋蔥，提升咗蜆嘅鮮同香，十分好吃！潮式爆花蠔餅圓圓的蠔餅佈滿整個碟上，表面好鬆脆，炸得好令仔，裡面包含好多蠔仔，咬落好脆口、吾腥、蛋香滿滿而香口，真的有潮州風味，如果再多D芫茜就更加好。又近我屋企 一定會再去食！

早排聽朋友講呢度有間打冷好得，今日終於有機會黎試下！蒜蓉牛油蜆平時好鍾意食蜆，成日食䜴椒炒蜆多，今次見到有牛油蜆覺得好特別，就試下，非常有驚喜既菜式！大蜆非常新鮮，蒜蓉同牛油比例啱啱好，再攞去焗，要襯熱食，牛油既咸香味同蒜蓉既味道好夾，加上大大仔既焗蜆，帶出蜆既鮮味！必食之選！土魷爆牙肉餅用料足，肉餅彈牙啖啖肉，肉汁香濃，撈飯最啱！有咸蛋、土魷、魷魚、銀魚、咸魚及梅菜揀，我地就揀左土魷，師父將土魷切粒放在肉餅上蒸，有小小芫茜係面，連肉汁食，香味及口感一流！潮式爆花蠔餅好足料，蠔本身好新鮮，每啖都有蠔，同粉漿比例啱啱好，成塊蠔餅都炸得好均匀同脆身。點魚露食就perfect！滷水拼盤(大)鹵水拼盤有紅腸，大腸，生腸，鵝肉，鹵蛋等共十種食物！每樣食物都好入味，但又唔會太咸，鹵水又香又好味！最正就係底下d芽菜，索晒d滷水汁食，啖啖都食到滷水既香味！番食之選！

訂抬9位，6大3細（當中一個只得歲半），但最低消費要計10個人頭錢，職員解釋話是以訂抬人數計，唔係入坐人數，吓，我都係第一次聽😳，咁我訂9位，點解計我10個呢，佢解釋唔到😑 我又問佢點解歲半都要計呢，佢態度惡劣話，總之就係按訂抬人數計😡😡😡。講真食多一，二百蚊冇咩大不了，叫多碟餸都係度啦，但咁既計算方法，同埋咁既服務態度，真係唔想再有人中伏喇以為其中道菜攞個咩獎就生意唔休做🙄 ，一定冇下次