熱狗太太 (頌富市場)

营业中

休息中

油味勁重，又韌又乾，炸粉厚過凸手臉皮，一開始我靠意志力同想像力當香口膠食都接受到既，食到第三舊，對唔住，我個人唔夠堅定，意志力唔夠，真係食唔落😫咁個意粉係出色，紅色同綠色都好出，西式香蒜炒意粉，你落成堆紅青椒落去把L咩，大排檔炒香的椒夠鍋氣呀😂，尸口巾😎電𥔵爐就正正經經爆香的蒜，的洋蔥就切粒啦，成條完整洋蔥留比我炸洋蔥圈咩，加的白酒，多少少欖油，用的靚少少既意粉🙏🏻希望幫到你改善食物質素都幫到我唔好再浪費食物，搵的垃圾foodies 打手無用架，難食就係難食

差！根本未拎外賣就冇左！員工好似吾休做 完全吾理食客 份量又少 態度又差！都吾知憑咩開門做生意 做到甘吾想做生意不如吾好做！咩都吾理又慢又吾係特別好食！大家千祈吾好幫襯！！

呢間嘢，越做越差！啲員工個個唔願做咁樣個客企定喺收銀等落單都可以繼續唔知做緊咩一句要咩都唔問，當啲客冇到！搵背脊得住啲客於唔洗接order！唔知老細係點樣請人求其請啲人返黎企喺度就得唔使理員工質素最後出隻黑到咁嘅熱狗俾客！好L野！本黎係趁午飯繁忙時間前，買好午餐午小朋友點知仲要匆匆忙忙落去換！大家同路人先keep住繼續幫襯你，黃店做唔到落去，根本就係自己唔爭氣！最後仲夠膽換一隻冇肉醬俾我！！邊個幫襯邊個受罪！仲有，其中一個員工直接用手拎麵包雖然帶手套都唔見得衛生因為收完錢一樣照掂食材

買咗一個意粉炒到燶晒都照樣比客，因為我係買外賣返到屋企先發現太失望，意粉聞落去全部都有一浸燶味，冇咗嗰種香味。之前食過熱狗覺得OK冇諗到意粉水準咁失準。。。。。

呢間鋪既店員態度好有問題，我過去同店員點餐，「唔該一份經典醬爆」個店員可以一句都無回應，眼神仲要望完我反我白眼咁。大佬，你收鋪或者你last order可以同我講，唔需要咁既態度既。最後佢先行去落單。由頭到尾佢只係講左一句$35蚊。你覺得返份工咁辛苦，你不如唔好做啦。你唔做大把人會比你更用心做你份工，唔好影響熱狗太太既店名啦。我已經係非繁忙時間去晚上十一點幾你都要咁既態度。見到圖中白衫呢位小姐係到千萬唔好幫襯，除非你想受氣。

除咗有齊柏林熱狗之外既另一選擇！黎開天水圍,可以去街市小店買即烘抵食的熱狗經典醬爆熱狗+雞塊6件配可樂 $56元單售熱狗$36套餐+$16/$20 有小食同飲品*黃芥末醬和他他醬鋪滿熱狗,今次醬汁岩岩好,上一次係鋪滿多份量的酸瓜醬(酸到食吾到)*脆煙肉,脆皮腸同麵包都新鮮烘熱*雞塊即炸香脆,有配一包茄汁*另外都推介大家點"當塔塔遇上吞拿魚熱狗",爆多吞拿魚,岩晒吞拿魚迷!以前套餐可以加薯角,份量勁多.依家得薯條,所以揀雞塊試下.整體而言,每次食完個包都飽左6成,再食埋小食同飲品,超飽又滿足最後附上一張爆多酸瓜醬的舊圖,好彩而家改左冇呢隻酸醬!

今日黎開天水圍，咁arm得閒睇openrice見到附近有間熱狗店好似好多好評於是就去左試下啦熱狗店佔有地利一入街市就見到🤣👍🏻店面得個counter，上面寫住即叫即做👍🏻叫左一個三重芝士熱狗($38)配細薯條餐(+$14)，另外加多左個黑松露蛋黃醬($+8)，共$60熱狗同薯條都係熱辣辣即叫即做，熱狗上三重既芝士好香同熱狗好夾，芝士熱狗餡料只有芝士/腸/茄汁，配搭得非常好，食到尾都唔會話覺得好「漏」。個黑松露蛋黃醬我覺得有少少偏酸，比較似係沙律醬而唔係蛋黃醬，個人鍾意冇咁酸既沙律醬所以唔算係好鍾意呢個醬，不過黑松露味都算突出所以鍾意偏酸沙律醬既不妨試試👍🏻👍🏻

位於天水圍T Town街市的熱狗店，還有售賣西式小食，雖然主要是做街坊生意，但味道卻非常出色😋1. 芝士三重奏🌭（$38）三重奏自然有三種芝士，包括Cheddar, mozzarella和parmeson，店家加完三種芝士之後還會用火槍燒一次，燒到芝士微熔，芝士味也更出。芝士分量很多，令熱狗既有拉絲效果，也能品嘗到芝士的香濃，記得趁熱吃味道最好！熱狗外皮很脆，肉汁豐富。麵包外皮烘到微微硬，好在內裡不會乾。整體而言，口感和味道都很豐富，偶爾卡路里超標也值得😛評分🌕🌕🌕🌕🌕

天水圍除咗有齊柏林熱狗 熱狗太太嘅熱狗都不容忽視 因為地方就腳啲 所以成日都會食熱狗太太 除咗當塔塔遇上吞拿魚 其他全部都有試過 真係忠實擁躉嚟架我〰️〰️〰️經典醬爆 真係對得住個名 啲醬真係比得超足 個人覺得足過頭 有少少咸 但醬多派嘅人一定會like爆呢款 〰️〰️〰️太太秘制肉醬都係超級足料 一開就係滿滿嘅肉醬 如果要食 真係要擺好個陣 唔係會食到周圍係〰️〰️〰️芝士三重奏 芝士控見到會心心眼 真係落足3重芝士 有cheddor mozzarella pamesan 但如果take away 啲芝士就會硬咗 個人建議即場買即場食 咁就拉到絲啦〰️〰️〰️Oppa泡菜豚肉 個口味好特別 好鐘意佢啲泡菜係無切碎 真係見到一舊舊 所以泡菜味好夠 豚肉方面係一條條中長size嘅薄切豬腩片 一啖食到曬泡菜同豚肉 好滿足〰️〰️〰️英式風情 係近期大愛嘅選擇 因為真係爆多料 又蛋又煙肉 次次食完都飽足全日 熱狗太太嘅包底都有烘過 所以食落外皮脆 入邊就軟 熱狗腸方面就比較普通 份量好夠 但個人認為腸嘅口味比較單一 假如有其他口味 例如芝士 黑椒 咁就照顧到多啲食客口味啦 除咗單嗌熱狗 仲可以跟set 個人就嗌開細薯角

經典醬爆加雞塊 46元*他他醬和酸瓜醬鋪滿熱狗,個人覺得少一點會比較好,容易拿上手吃及吃到熱狗的原味道*脆煙肉,脆皮腸和麵包都好夠熱,大大個熱狗好飽*雞塊即炸,正正常常OPPA泡菜豚肉配細薯角  54元*泡菜太少,缺乏韓式的味道*豚肉好多,同樣是正常的味道*細薯角其實好多,而且亦好熱,加上茄汁好好味熱狗店不一定要去齊氏一家,我們應該好好支持其他小店,分散投資!熱狗太太 (T Town ) 天水圍天華路33號T Town北翼地下T Market 1001號舖

天水圍街市中的一間熱狗小店今年好興食熱狗 有不同配搭以一間熱狗太太亦都係同樣有好多選擇太太秘製肉醬熱狗 8/10👍🏻👍🏻👍🏻肉醬味濃 配上脆皮腸酸酸甜甜 食落好開胃 都係好值得試的一個配搭芝士三重奏 7/10👍🏻👍🏻有三款不同嘅芝士 一啲都唔慳皮好多好多芝士填滿晒成個熱狗加埋有火槍燒過 聞落去都好香但係食落去就唔算好重芝士味 比較淡口英式風情 6/10 👍🏻有沙律菜蕃茄蘑菇煙肉 感覺比較健康 但識落就比較淡口上面嗰兩種相對較出色

唔係好想食米飯既時候最岩食呢d邪惡又高卡路里既野過下口癮。叫左兩個餐，一個英式風情熱狗，一個芝士三重奏，每個熱狗跟一份細薯角同野飲。我食芝士三重奏熱狗，最面個浸芝士溶曬，睇落去又幾吸引，但食落去就。。。隻芝士味假得黎亦都唔太好好味，好似有陣膠味咁，似係超市個d平價一塊塊芝士🥲英式風情熱狗就我媽媽食既，賣相都好吸引，材料有好多，又雞蛋又煙肉咁，應該都好穩陣下，而且大份到我媽食左半個就飽左XD薯角新鮮炸起，外脆內軟，好食！

又係介紹天水圍黃店講到食熱狗大部分人都淨係諗起齊柏林但其實呢間天水圍黃店一d都唔輸蝕。經典醬爆熱狗醬汁係經典既芥辣、青瓜醬、他他醬、同茄汁再加埋脆卜卜既煙肉粒，一啖咬落去有幾種唔同既滋味同口感，簡係放假食下午茶既佳品😂😂

💛黃店🔱今次要介紹嘅食物就係位於天水圍！📜” 熱狗太太 (T Town ) (天水圍)📌 地址:天水圍天華路33號T Town北翼地下T Market 1001號舖🕐營業時間:11:00-01:00📍分店地區: 天水圍📝評價💬📢 天水圍除咗新北江之外仲有其他地方有黃店💛💛大大隻熱狗 英式風情有好多配料蕃茄煙肉滑蛋蘑菇沙律菜同埋蛋黃醬🤩🤩全部有齊晒💛💛即叫即整所以都需要啲時間去等待😍因為係外賣店所以買咗出去公園仔食🙈🙈我就要超長超大份兩個人食先食得晒🥲😂😂加多$12就有埋薯角同埋汽水😆😆🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

食物味道是不錯，但也有令人失望的地方...選擇外送服務，但汽水給了一罐凸起的，原全不能平放，熱夠又倒轉放，一打開盒，醬已痴滿紙盒而且薯角又沒有提供茄汁！第一次叫外送放熱狗太太，令人失望！