燒味滷師 (成城大廈)

营业中

休息中

燒味滷師係燒味滷水嘅外賣專門店，門面光鮮整潔，食物排放整齊，仲有專屬嘅同事負責落單同埋收錢！同舊式燒味店，師傅一邊斬料一邊收錢，體驗完全不一樣！至尊燒鵝（下庄）$120我最鍾意濃厚嘅醬油同埋甘香嘅肥油，所以必選下庄！鵝皮燒得脆而帶光澤，肥膏油近乎入口即化，大滿足！客家鹽焗雞 $40半隻雞肉焗得啱啱好，鹹香嫩滑！做緊特價，$40就有半隻！燒味佬叉燒 $40半斤叉燒油潤有光澤，入口係滿滿嘅醬香！都係做緊特價，$40就有半斤，好大盒勁多舊！海蜇拼泰式鳳爪 $40半磅酸辣爽脆，開胃一流！

今日同老公去葵涌換煲，揸車途徑呢間燒味店今日係下雨天☔️但都超多人排隊我諗應該唔差，即刻落車去睇吓買啲咩今晚做餸又可以慳返好多功夫啦鋪頭雖小，但眼望埋去都有最少四個伙記，生意一定好好店舖十分乾淨同埋一order完，已經好快手斬好包好比我同埋價錢公道～4盒野加埋都係$242～抵❤️掛出嚟啲燒鵝隻隻都好肥大都有呢啲切好包好嘅小盒買～雙拼飯$22 真係抵到哭～沙薑鹽焗雞好入味，同埋雞好嫩滑，好有雞味燒味佬义燒，入口鬆軟，有啲燶邊同蜜糖汁至尊燒鵝(下庄),打開盒好香嘅燒鵝味啖啖肉，我最鍾意點梅子醬食，酸酸甜甜，超好送飯泰式鳳爪配海蜇，無骨鳳爪岩晒我呢啲懶人海蜇夠彈牙，呢個我地額外買來當餐前小食

呢間位於石籬嘅燒味舖，黃色嘅店面加上掛滿整個玻璃窗嘅燒味相當吸引，肉眼望落燒味質素唔錯，款式都有好多🤤就決定買返去今晚加餸👍🏼客家鹽焗雞 $40隻雞唔肥肉都幾多，肉質好嫩夠紮實，整得好入味但唔會好鹹👍🏼師傅刀工好好唔會斬到有碎骨，$40買到呢個質素都相當唔錯至尊燒鵝 (下庄) $120燒鵝嘅下庄有埋雞髀🍗肥瘦均勻，燒鵝食落嘅油香好正🤤肉質唔嚡口，外皮仲有微微脆，配埋醬汁一齊食真係冇得彈😋燒味佬叉燒 $40叉燒偏瘦，但肉質唔嚡唔會好乾身，叉燒醃得好入味，杰身嘅醬汁掛晒喺叉燒上面，滿足滿足☺️泰式鳳爪 $42海蜇好爽口，鳳爪同樣好爽脆，加上少少辣味，好惹味😋越食越停唔到口🤣

🥩燒味滷師🥩📍:葵涌和宜合道90-114號成城大廈地下13號舖⏰:下午12:00-晚上8:00呢間燒味店真係好高質 呢次已經係我第二次造訪 今次試咗呢間位於葵涌嘅分店 比較偏僻 佢哋嘅燒味好抵食 加上香港人好鍾意食燒味 價錢大眾化 買返屋企加餸簡直一流！🦆至尊燒鵝(1/4隻)見到一隻隻燒鵝掛起玻璃到 睇到流晒口水 就買咗個下庄返屋企 燒鵝既鵝油一咬落去必晒出泥 鵝皮好薄 下邊有一層好薄既鵝脂 齒頰留香 鵝肉唔會好鞋 啖啖肉好正😋佢哋會另外有包醬汁另上 反到屋企點埋醬汁一齊食 食唔停口😋🐷燒味佬叉燒(半斤)叉燒肉質軟淋 肥美厚肉 切到厚厚一片 加埋香甜既蜜汁一齊食 好惹味 撈埋飯食就無敵啦！🐥客家鹽焗雞(半隻)鹽焗雞好抵食 $40半隻 雞肉好嫩滑 醃得好入味 唔會好鹹 好鮮味 唔會有太多碎骨 雞皮好滑溜 好正😋仲有沙薑汁俾你點 真係好正！🐤海蜇拼泰式鳳爪(半磅)醬汁嘅調味唔錯 海蜇好爽脆 泰式鳳爪已經去左骨 酸辣味好開胃😋

屋企附近無咩燒味檔，平時都係呢間燒味滷師加料，佢啲燒味真係好平😂又大份，呀媽都成日話要加餸唔使煩。.今晚叫左「半斤叉燒$40」半肥瘦叉最好食，叫埋多汁岩岩好，香甜軟腍有少少燶邊。1/4隻燒鵝$120」擇左下莊，舊舊啖啖肉，香味十足，聞落好香。「半隻鹽焗雞$40」半隻雞價錢好抵食，鹽焗味咸咸地但非常嫩滑，雞皮唔算油膩，沙薑汁另配，自己鍾意點/唔點。「泰式鳳爪$42 」酸酸辣辣好開胃，醬汁調得幾好，唔算太辣得黎鳳爪好爽口。

➡️食盡葵涌之燒味 — 燒味滷師—————————————————————晚市冇堂食，燒味係一個外賣嘅 好選擇🤔 今次喺葵涌和宜合道見到一間裝修得好乾淨企理嘅燒味外賣專門店， 而且店員好有禮貌好熱情， 不知不覺就買咗好幾樣嘢食試下🤣🔸 至尊燒鵝 （1/4）$120燒鵝要左下脾， 聞落好香鵝肉味又唔會過肥， 每一嚿都啖啖肉 😋推薦！🔸 燒味佬叉燒 （半斤）$40叉燒份量比我想像中多，而且肥瘦均稱，色澤亦都幾靚🤗🔸 沙薑鹽焗雞（半隻） $40半隻雞40蚊都幾抵食，而且姐姐佢好好人斬咗雞髀位俾我🤩， 番到屋企整返熱嚟食， 都一樣肉質嫩滑， 唔錯！🔸 泰式鳳爪 $42泰式鳳爪比較偏辣， 有少少酸， 亦有跟埋海蜇，幾爽口開胃😄💭Overall comment:呢間燒味外賣店，除咗燒味亦都有非常之多嘅小食選擇， 例如 鹵水鵝掌，涼拌雞腎，夫妻肺片等等， 都見到多街坊幫襯， 經過可以試下😊🍽食物: 7/10🌌環境: 7/10👔服務: 7/10🎖CP值: 7.5/10

街坊價錢，但係斬料款式多樣化，質素食極都冇變！疫情之下，菜價又貴，不如斬返幾個燒味啦。👍🏻半隻鹽焗雞加咗價，要$40先有半隻，但性價比依然好高。雞皮，雞肉都夠鹹而且非常嫩滑，雞皮嘅皮下脂肪唔算太油膩，可以點配一下沙薑汁！👍🏻1/4 燒鵝喺玻璃窗望到一隻隻燒鵝色水好靚，好有光澤，買咗¼隻下莊。鵝油滿溢，肉質唔鞋，塊皮番焗左之後仲有少少脆添，記住問返姐姐拎啲調味！！👍🏻半斤叉燒叫咗半肥瘦，油脂分佈得好平均，食落幾有咬感、肉質都軟淋，蜜汁做得濃醇香甜，不過食多兩舊就會覺得有啲鹹。👍🏻海蜇泰式鳳爪我嘅最愛永遠都係呢份，今日見到即刻又買返兜。海蜇爽口入味，鳳爪去哂骨，食落爽脆！

疫情無堂食，放工斬料返屋企快靚正又一餐。呢間燒味成日大排長龍，師傅斬料刀工無咩碎骨。必叫上庄至尊燒鵝，上庄肉質瘦d，肉味香d；燒鵝皮夠哂油香，點一點梅醬正到暈。再要多半隻客家鹽焗雞同半斤燒味佬叉燒，唔係好咸嘅雞，雞肉較實淨，半隻無偷雞，有翼有髀。半斤叉燒夠淋夠香，同平時蜜糖叉燒味唔一樣，少了一分甜多了一分咸香，送飯一流。見佢有賣d冷盤，叫左半磅海蜇拼泰式鳳爪泰式鳳爪，味道又唔錯喎，唔算辣酸酸地夠哂醒胃，咁又一餐快靚正。

食團年飯就緊係要加餸啦！最方便就緊係去斬料啦！斬料我都會揀間乾淨企理既燒味舖！所以我會揀燒味滷師呀！價錢經濟實惠，而且店面都好乾淨！今次買左燒鵝、叉燒、鹽焗雞、海蜇拼麻辣鳳爪！個燒鵝真係幾香，啖啖肉！天氣凍左炒返熱佢食都一樣咁正！個鹽焗雞都幾入味！另外會配埋沙薑醬同埋 蔥油雞肉都幾滑叉燒半肥瘦，入口好腍，最鍾意就係甜甜既蜜汁味燒味滷師仲有好多唔同類型既冷盤，好似海哲、 鳳爪、豬耳等等買埋返去做餐前小食就岩哂啦

做節加餸，之前試過呢間燒味滷師既其他分店，屋企人話好唔錯，今次葵涌見度，一於呢度斬啲料加餸先。鋪頭好光猛，又衞生，全部都有玻璃櫃隔住。今次斬左燒鵝、叉燒、雞同海蜇鳳爪。至尊燒鵝，我揀左上庒，肉較多，抵食。雖然燒鵝肥先好食，但我都係鐘意上庒肉質瘦少少🤣。燒鵝皮超脆，肉質嫩又香口。客家鹽焗雞，鹹鹹香香，肉質超嫩滑。燒味佬叉燒，叉燒半肥瘦，甜甜又juicy，加餸一流。海蜇拼泰式鳳爪，嘩，鳳爪無骨架，我又好鐘意食海蜇，酸酸辣辣，好開胃，正。

葵涌站📍燒味滷師-之前食過長沙灣店，覺得質素唔錯，今日放工去開葵涌都見到好多街坊排隊，唔想煮嘅女朋友又叫我買燒味😋🤟🏻至尊燒鵝下庄（$120）一打開蓋已經聞到燒鵝好香，食落皮脆肉嫩，燒鵝有油香😋客家鹽焗雞半隻（$35）$35半隻雞都幾ok，雞皮滑捋捋，雞肉唔會好散，都夠實淨，雞味濃👍🏻燒味佬叉燒一斤（$40）好鬼大盒，食唔晒😹😹😹😹肥瘦均勻，啖啖叉燒都有蜜汁，送飯一流😍海蜇拼泰式鳳爪（$42）女朋友最中意食鳳爪，佢冇叫我買我都醒水，獲得稱讚😜佢話鳳爪好爽口，不過海蜇就唔算濃味，再濃味d仲正。環境方面，店面企理，有兩個師傅一齊斬，好鬼旺🔥

▶️夜晚冇堂食，總會心思思想食出面嘅嘢，斬料加餸就最適合👍至尊燒鵝 下庄下庄就最肥美🤤佢嘅燒鵝係整得出色👍皮燒得香脆，好香油香味，但食落口唔會覺得好肥膩，又唔會好多肥膏，肉質滑嫩唔會嚡😋客家鹽焗雞食落口有鹽焗香，唔係用鹽水浸出嚟，唔會死鹹，肉夠滑👍泰式鳳爪配海蜇全家人都好鍾意海蜇，夠爽脆，鳳爪都爽脆，酸酸甜甜好開胃好食🤤燒味佬叉燒肉質有爽有軟，應該係半肥瘦🤤最怕叉燒燒到燶曬同好柴，佢絕對冇呢個問題👍🌟其實未食去到一見到個面門都已經感覺幾好，佢啲燒味係放曬喺玻璃櫥窗入面，唔會好似舊式燒味舖咁啲燒味就咁吊喺度，鋪面又夠光猛，咁樣乾淨企理衛生好多👍雖然夜晚冇得堂食，多咗返屋企食飯可以見多啲屋企人都係一件好事🥰間中斬料加餸就更好🤤

因為今日係朋友birthday party，🥳所以都想買啲料，幫手加下餸~所以就嚟試下燒味出品先。 🥩🤤至尊燒鵝，見到佢嘅下莊都好肥美飽滿，所以就試咗1邊，😽夠曬新鮮，唔會因為放得太耐，個皮淋曬。油脂飽滿，甘香脆口。👍🏻半斤嘅燒味佬叉燒，叫咗瘦嘅部位，所以食起身唔會太多油脂。🥢肉質實正，而且加埋醬汁，叉燒好入味。🥣客家鹽焗雞半隻，鹹香之餘，更加皮薄。食起身，🐤雞肉夠嫩滑。🐡海蜇拼泰式鳳爪試咗半磅，超鍾意海蜇彈牙嘅口感，🌶加埋泰式鳳爪，夠野味。

今日放工好攰呀，為咗慰勞吓自己，一於斬料，為屋企加餸。買咗好幾樣嘢，淨係煮碟菜就得啦：至尊燒鵝（下庄）好肥美嘅鵝，色澤均勻，大大件，好吸引一啖咬落去油香四溢🥰啲肉唔會鞋，加埋梅子醬食，酸酸甜甜，平衡番啲油膩感！客家鹽焗雞（半隻）油亮金黃嘅外表，一定要連皮食，味道鹹香，口感鮮嫩，正燒味佬叉燒 好好食嘅叉燒，細佬忍唔住食咗好多舊叉燒好有光澤，散發濃郁嘅香烤味，肥瘦適中，真心做得好好👍🏻泰式鳳爪酸酸甜甜好醒胃，夠晒爽口又入味真心推介呢一間燒味舖，樣樣嘢食都好有質素，成日都見到佢大排長龍，我諗下次我都會繼續排埋一份啦

最近夜晚又禁堂食，斬料就啱晒啦，煮個菜同飯就食得😜明爐燒鴨 (半隻)燒鴨最重要係個火侯要控制得好，令到佢個外皮夠晒脆，充滿酥香，食落啖啖肉，充滿香港地道風味🤤燒味佬叉燒 (半斤)唔同人對叉燒有唔同嘅評價，有人鍾意全瘦，有人鍾意半肥瘦，但係燶邊先係一舊叉燒嘅精粹！燶邊嘅程度係要啱啱好，咁樣先可以令到嗰陣麥芽糖味昇華，係甜味以外加多一種層次感😆客家鹽焗雞 (半隻)鹽焗雞係客家人經常會食嘅粗菜，粗嘅地方係指佢做法簡單，當初都係偶然咁用鹽貯存食物而發現呢種食法，但係又神奇地保留到原汁原味，雞肉鮮香可口😋海蜇拼泰式鳳爪 (半磅)海蜇夠晒新鮮，食落「索索」聲！配埋呢個無骨嘅泰式鳳爪 ，唔單止味道夠晒開胃醒神，仲啱晒我呢類唔鍾意吐骨嘅懶人🤪