燒洒一族 (恆安商場)

营业中

休息中

今日想加料，見到這間人流不斷，決定買幾款試下。蒜香南乳燒春雞 原隻燒好後，放在架上，買時可以加熱，雞即場砍好，雞肉嫩滑，淡淡南乳味。沖繩黑糖焗叉燒叉燒肉質淋，沾上黑糖後更香甜美味。慢煮醬烤豬肋骨細份都不少，肉質彈牙，醬汁惹味，送酒一流香甜蜜味烤雞脾雞脾大隻，原隻食特別滋味，$20 好抵酒醉溏心蛋溏心蛋有醬汁煮過，切開後再沾花鵰酒，滿滿酒香。原隻燒豬手都好吸引，望落脆卜卜，還有魚、鴨胸、雞扒、香腸等，下次再買多幾款先～

之前我都推薦過唔少馬鞍山餐廳，恆安呢頭就真係無介紹過，因為我真係好少嚟😂 聽聞呢度有條「食街」喺恆安市場入面，所以都想見識吓。恆安市場入面其實係室內街市，街市隔離就有一檔檔熟食舖，就係所謂嘅「食街」。衞生情況比預期更乾淨，地下好乾爽。去到「食街」，見到呢度有賣好多唔同嘅熟食，日式、台式、港式等都有，價錢都相當親民💁🏻‍♀️燒洒一族主要做外賣生意，無得堂食。除咗有西式燒味、燒味飯、酒醉系列，呢度仲有賣雞煲湯底！我見所有嘢嘅價錢都幾平，一於試吓😛酒醉系列有款式都幾多，有薰蹄、花雕雞、雞卷、鴨舌、海蝦、雞翼等。單張上西式燒味有16款，現場有11款，想試其餘款式可能要去其他分店👀店內有燒烤爐，設備唔錯。如需翻熱，可以叫店員幫你翻熱。❤️ 香草法式燒春雞 $65喺舖頭第一眼就睇中咗隻燒春雞👀 見到啲燒春雞一隻隻幢喺度，啲油滴吓滴吓咁，睇見都想食🤭 燒春雞佢有兩款揀，一款係蒜香南乳燒春雞，另一款就係香草法式燒春雞。我揀咗後者！一打開個盒估唔到燒雞分量咁多😙 燒雞外皮係金黃色佈滿香草，醃得尚算入味，燒得啱啱好，肉質唔會燒得太乾身👌🏻❤️ 慢煮醬烤豬肋骨(細) $48因為驚叫大size食唔哂，所以叫一份細嘅

臨時臨急去友人度食飯，唔想兩手空空上去，就去咗佢屋企附近個街市睇吓有冇咩斬料可以加餸。經過見到呢間燒味舖好光猛，又乾乾淨淨咁，就決定喺度買返幾味。買咗隻大嘅德國燒豬手、大豬肋骨同醉燻蹄。燒豬手見到大大隻又燒得幾靚，就買舊試吓。個皮好香脆，配埋包蜜糖芥末醬，好creamy，點豬手食真心正！豬肋骨俾甜甜嘅蜜汁包住，好惹味。而且肉都幾多，唔係得啲骨。水準拍得住啲西餐廳！醉燻蹄好香花雕味，同埋份量都幾多，抵食！友人都唔知屋企附近有間咁正嘅燒味鋪，嘻嘻！

今日阿媽話唔煮飯，叫我買d燒味，係街市見到呢間燒味鋪都幾多款式而且仲有西式煮法既燒味，見好多人排隊，好似幾吸引咁。🤍酒醉雞卷佢個雞卷賣相好令，食落去d雞都幾滑，而且酒味好重好正，feel到有落足心機同時間去整！同埋佢呢個bite size真係會食上癮！評分：4.778/5🤍酒醉溏心蛋同醉雞一樣，酒味好香濃，入面既溏心真係整到橙色流心既狀態！評分：4.632/5🤍酒醉花雕雞用花雕酒浸雞真係無敵，佢d雞份量好多而且幾滑同幾多肉，入面都係充滿酒既香醇味！評分：4.744/5🤍慢煮醬烤豬肋骨（大）佢個醬甜甜地好好食，而且佢d肉都幾淋，feel到慢煮既肉質真係唔同d，如果再多d肉少d肥就perfect啦！評分：4.631/5🤍沖繩黑糖焗叉燒將港式燒味混入日本食材，都幾有創意！食落去叉燒充滿黑糖味，好幸福！而且d叉燒都幾新鮮！評分：4.783/5

見到呢間燒味店好多人排隊，就去睇下。佢門面新，燒味、食物都放得好企理，好似超級市場咁。佢食物款式多，除左燒味仲有多款美食、酒醉系列等。當日有叉燒、豬肋骨、燒春雞、雞髀🍗、豬手、鴨胸、烤肉腸、鯖魚柳等等。酒醉系統有鴨舌、花雕雞、海蝦、雞卷、薰蹄、鴨胸、雞軟骨等等。我揀咗德式豬手，外皮卜卜脆，賣相好吸引，返屋企加熱後肉質都唔錯。沖繩黑糖焗烤叉燒，樣子唔算好蜜味，但食落有黑糖香味，幾特別。香辣烤雞髀大大隻，金黃色，肉質又幾滑，辣辣地夠味。酒醉鴨舌，爽口有花雕酒香，佢另外仲有包花雕醬汁，唔夠可以加浸住慢慢食！

朋友喺Openrice度order咗幾款小食自取外賣～酒醉系列, 用紙盒裝住, 每一盒會跟一包酒汁, 食嗰陣可以加落去小食度令到酒味更加重～▶️溏心蛋 (3隻HK$18)生熟度做得啱啱好, 蛋黃仲要係橙黃色, 唔錯😋▶️雞軟骨(HK$28) 好少有酒醉雞軟骨, 又唔貴, 唔會好似椒鹽雞軟骨咁熱氣🤣▶️雞翼(HK$28)雞翼就整得普通咗啲, 雞肉唔夠滑, 比較鞋～▶️海蜇 - 呢樣係去到嗰陣見到就加單再買🤭海蜇嘅口感好似同平時食開嗰啲有啲唔同, 粗身啲, 分量較少～▶️德式燒豬手(大HK$88)好香, 店員可以幫手起骨切件(亦都可以自己返屋企切)～ 如果有焗爐嘅話, 店員話可以焗返熱豬手, 但係如果冇焗爐嘅話就越快食越好啦, 我哋初頭食嗰陣啲皮仲好脆, 到最後食嗰啲就冇咁脆喇～ 佢哋個蜜糖芥辣都幾好食～

今晚翻去啊媽度食飯，所以決定去街市斬料加餸呢個時勢大家都好著重防疫意識，佢地既肉係隔住塊玻璃，凍既食物係獨立包裝一盒盒咁我都安心少少～望住個價錢覺得好吸引就一於買多幾樣，等媽媽煮少幾樣🤣-燒春雞份量好多，$58就有一大盒真係好過自己整🙈燒完外皮香口，肉質又唔乾身👍🏻-屋企人好鍾意食呢個黑糖叉燒黑糖既甜度同叉燒肉拿捏得啱啱好仲買咗豬手同雞軟骨豬手外皮脆卜卜，就算凍咗都仲好脆份量又係多到食唔哂😽留低咗一半翻工帶飯見佢凍櫃有好多選擇，最後少少地買咗醉雞軟骨試下👍🏻👍🏻抵讚既係汁係另外一包單獨上，咁就唔洗驚拎翻屋企途中漏汁不過雞軟骨未加汁既時候都已經夠入味～身為食肉獸既我呢餐食得相當暢快😌媽媽煮個菜同蒸條魚明明唔係做節，但都好似過時過節咁豐富😆😆

Previously tried these eggs at Lamtin and they were so delicious I had to get them again as I was at MOS and there is a stall there.There were not many boxes left which meant they sold well.They were still glistening when I took the lid off so it was good sign and the wine was still on the surface of the egg.The egg white was tender and delicate while the egg yolk was not hard boiled.On top of that there was a strong wine taste that was fragrant without the bitterness.Definitely delicious but bo

最近很多舊式街巿重新翻新，翻新之後，便增加了不少食店。最近得知馬鞍山恒安邨街巿也是翻新，有著各種各樣的美食食店，如此選擇眾多，各有各其特色。燒洒一族就是其中一間，以送酒美食的食店，當中的烤豬手、燒雞和豬肋骨也經很吸引，還有用酒浸醃美食等等，以送酒小吃絶對一流。******************************燒洒一族位於恒安街巿之內，街巿環境乾淨，燈火充足，不路寛濶也不難找到燒洒一族。在店內會有推介美食之選，不知吃什麼也可以看看。以花雕和香料杞子醃浸而成的美食，包括有薰蹄、雞翼、雞翼尖、鴨吞、豬手粒和糖心蛋。此外，還有麻辣醃製的美食、鴨舌、牛肚、雞軟骨、腎片、豬耳和雞翼尖等，送酒小吃選擇如此眾多，確實有點心大心細。烤食有德式豬手，還以啤酒浸製才烤成，HKD88/隻一點都不貴，店內還有烤爐，保證新鮮烤製而成。除了烤豬手，還有德國3款味道肉腸HKD22/3條和烤雞HKD58/隻，味道還有2款選擇，價錢又經濟實惠。豬肋骨也有大和小排之選，價錢由HKD48或HKD58不等，大小分別只在肋骨肉排厚和大條一點。此外，還有燻鴨胸HKD18和五花腩HKD38，美食選擇確實不少。烤雞脾HKD1

之前聽友人講過話恒安街市開左條食街，今日去開運動場做運動，就順便去埋恒安街市睇下。翻新完之後，成個街市係乾淨左好多，又光猛。條食街都開左唔少鋪，經過呢間賣烤肉都幾多人排，就湊熱鬧睇下。啲人多數買豬手，價錢都唔貴，就外賣返屋企加餸。一隻燒豬手$88其實唔貴，間野仲有其他燒野賣，下次想試下烤雞脾，好似好好味咁。除左烤野，仲有醉野賣。對於醉野，真心難抗拒，索性要埋醉熏蹄同鴨舌慢慢嘆。豬手份量唔少，都算啖啖肉，家人話就算食到啲肥膏都係煙韌，烤得唔錯。個秘製蜜糖芥末醬好正，點埋食一流，不過得一盒唔係好夠點，有兩盒會好啲。家人話舊骨唔好嘥，用埋黎煲粥，$88都幾抵，一味兩食。買醉系列有埋類似梅汁嘅野點，算新穎，因為平時買開熏蹄都係俾蒜頭醋。兩個汁我都鍾意。熏蹄啖啖肉真係啱哂食肉獸，好滿足。全部餸都好啱伴酒，啱哂酒鬼。間野唔錯，下次會試埋其他野。

馬鞍山恒安邨街市，全面翻新後，街市光猛整齊，裡面除了有街市外，還有很多小的食店。在街市行了一圈，看到這間燒洒一族，主要是外賣，不設堂食，買了酒醉溏心蛋和酒醉雞亦尖。這兩款價錢最平。酒醉溏心蛋$18-一盒有三隻，有兩粒杞子在盒內。食落有少少酒味，但不算太濃，切開雞蛋，看到蛋黃顏色橙黃色，是溏心狀態。$6一隻，價錢都可以接受。酒醉雞翼尖$15-這盒雞翼尖就最扺，全店至平，仲有好多隻，酒味香，但食落又不會苦，一邊看電視，一邊吃，作為小食都不錯。

恆安街市重開，網上討論區旋即變成熱話！淘小姐耐不耐都會去下馬鞍山，今日即管行個圈視察下情況！新式既街市格局，冇再濕濕立立，感覺乾淨好多！行左個圈，決定買外買返屋企同老媽子撐檯腳～呢間燒洒一族有咸豬手賣，睇落新鮮出爐脆卜卜咁！咁多人買應該唔差啦！揀好豬手後，師傅可以幫你切埋，good喎！回家開箱了！招牌燒豬手$88份量都幾多！出去餐廳食都百幾二百，抵食！返到屋企豬手皮都仲係脆卜卜！肉質仲好嫩滑～附送 蜜糖芥末 同 傳統既 芥醬～推薦蜜糖芥末！味道超好，同豬手好MATCH!豬手骨仲可以用黎煲湯～燒洒一族仲有醉品系列～ 睇見都流口水～店員話食材用花雕酒同鹵糟浸泡超過廿四小時，一定好入味。如果覺得乾左少少，仲可以自行淋少少汁上面，增添酒香～我就試試酒醉薰蹄 $68 酒醉溏心蛋$18薰蹄肉腍，酒味香醇！溏心蛋有三隻，鹵水味較酒味突出。好好食！燒洒一族 馬鞍山恆錦街1號恆安商場地下恆安街市48號舖

喺恆安街市行過燒洒一族就好似高級超市熟食位 - 現場製作脆皮德式燒豬手、燒豬肋骨、烤雞, 等....特大德式燒豬手 - $88好鍾意買豬手加餸, 貪佢脆卜卜夠香口又可以補充骨膠原慢煮醬烤豬肋骨 - $48(細) / $58 (大)大概係因為慢烤的關係, 肉質唔會係死實實又乾身

今天大夥兒上同事家玩overcook，沒理由兩手空空，素聞恆安街巿大翻身，決定過來買點東西大家吃，路過這家燒洒一族，香到一個點，價錢OK，值得試一試～這裡的燒味有點不一樣，首先店子擺設上很衛生，不似傳統燒味鋪掛住一隻二隻，明碼實價，感覺很「潮」。我們要了一隻脆皮德國豬手，外賣紙盒可以入微波爐，第一次見（笑）但當然即刻食，脆卜卜就更加好味啦。這一盒德國咸豬手新張期內售 $88，朋友想試，我當然奉陪，不過心理很怕「中伏」，因為在外吃飯，多數吃到湯渣一樣的肉...根本不是德國咸豬手的料子。但這裡的德國咸豬手有驚喜！皮脆，肉質夠嫩滑，絕對不是湯渣肉，燒味的價錢，餐廳的味道，覺得簡直是賺到了～加一碗白飯，好味得不件不剩！另外還買了薰蹄和鴨舌，感覺是挺特別的，和一般醋酸的潮州味很不同，真的有酒味，但不苦澀不難入口，隱約吃到花椒、茴香等香料，加上花雕酒香，極之入味！這一包醬汁真是不得了，不知是否就是浸泡的湯？非常非常的香濃，精華所在，欲罷不能。燒洒一族真不是一般中式燒味鋪，住馬鞍山的朋友說下次會買回來公司大家吃，呵呵～

今日約左人去大埔墟交收！之後約左朋友黎呢個新街市～恆安街市～遇上左呢間小店！中西小食都有！幾特別！於是買左幾款小食番屋企試試（必買）香草雞：很香香草味！肉汁鮮嫩！仲幫你切件！當然啦！鍾情用手食既，可以同店員講講！（必買）酒醉溏心蛋：中間當然有溏心！另外再配上一個他們家自製的汁，挺好味！酒醉薰蹄：量多！適合一家大細！配上自家製汁也很不錯酒醉雞翼：配上自制汁也不錯！但如果不點醬汁，醉雞翼略嫌不夠味下次想試酒醉粒粒豬手