燒肉801

营业中

休息中

出咗名抵食的連鎖日式燒肉「燒肉801」喺荃灣西開咗分店啦，勁開心呢～燒肉種類同級別非常多，由黑毛豬和牛到不同內臟位置都有，口味大滿足～套餐就非常抵食，平均百幾蚊就有一個set+主食，CP值非常高～皇盛套餐加配紫菜飯 $218+$18喜歡入口即溶口感的必點！！皇盛套餐有三款肉，包括係黑毛和牛裏腹小排、大判燒黑毛和牛肩胛肉同埋蔥鹽味雞腿肉～兩款黑毛豬都係入口即溶，燒好後點埋日本生蛋，入口即溶，口感大滿足呢～另外雞腿肉非常幼嫩，配埋自家製蔥鹽，超級惹味～第一次加配紫菜飯，紫菜下面仲有一隻溫泉蛋，撈埋白飯同紫菜真係一絕！豊盛套餐配紫菜飯 $178+$18豊盛套餐就有黑毛和牛裏腹小排、美國牛肩胛肉同埋美國牛肋骨條肉～一上碟見到牛肉非常新鮮同紅潤；美國牛肉相對肉味較濃，肉質有着勁～九州雞心 $58份量十足～一份大約有成十件，燒大約30秒，口感保留爽身有嚼勁，好爽～鹽味牛舌 $88牛舌好柔嫩，特別係牛舌芯部份，完全唔會韌～

前排去完日本一轉，返到香港又掛住日本美食，所以去左荃灣廣場食燒肉，過下口癮。呢度有日本黑毛和牛，可以一人叫一個set，亦有2、4人set，岩哂選擇困難症既朋友！皇盛餐 $218大判燒！黑毛和牛肩胛肉一大塊牛肩胛肉，雪花紋理清晰可見，燒完連埋蛋漿一齊食，肉質好嫩滑！黑毛和牛裏腹小排同樣雪花紋明顯，牛小排會厚身少少，食落較有口感，油脂感會重少少。葱塩味雞腿肉葱塩醬汁分開碟上，生雞肉點一點葱塩醬汁再燒，幾入味。豐盛餐 $178黑毛和牛裏腹小排同皇盛餐一樣都有黑毛和牛裏腹小排！美國牛肩胛肉比較大塊一啲，估唔到肉質都好軟嫩。美國牛肋骨條肉牛肋骨條肉要燒耐少少，有少少筋，肉質比較韌，難咬一啲。+$38 黑毛豚無骨小排豚肉無雪味，油分比較多，燒完幾似五花肉，幾有咬口感。+$48 帆立貝2隻帆立貝以呢個價錢黎講比較貴，雖然幾大隻，又有牛油一齊燒，但帆立貝有腸未清。+$18 紫菜飯一人餐可以加$18有紫菜飯及麵豉湯。呢度既店員都好有禮貌，因為用QR code落單遇到啲問題，我地問左佢地幾次佢地都好好態度答我地，成餐因為服務態度好而食得開心，值得一讚佢地！

職員嘅服務質素好好👍🏻有禮貌得黎又熱情，同我講有咩唔明唔清楚唔識燒即管問佢地😂好窩心。價錢方面係比出面d一人燒肉貴少少，但質素就高好多。今次嗌咗1.志盛(2人前) 追加冷麵set同生菜set2.威士忌梳打3.雪碧嘢飲就正常發揮，但肉拼盤好正，提供咗唔同種類嘅肉，有黑毛和牛小排、黑毛和牛上肩肉、極上厚切牛胸腹柳、鹽味牛舌，鹽味雞腿肉同黑毛豚無骨小排。全部都好新鮮嫩滑，燒完配埋舖頭提供嘅燒肉汁就已經好好味，而追加嘅冷麵Set分量啱啱好，食落酸酸maymay好開胃，兩個人食追加埋Set都幾飽下。

燒肉店滿滿日式味道，店子以主打日式燒肉，有黑毛和牛燒肉拼盤套餐，抵吃！店內裝修日式風格，紅色的環境寬敞，抽氣都做得好。舒適座位。朋友的聚餐很好，滿滿選擇喔。招牌九州黑毛和牛加配成豐富套餐黒毛和牛霜降牛小排牛小排油花分佈均勻，肉質有嚼勁，店員友善地提供鉸剪，剪開小片易熟和香濃。 黑毛和牛肩胛肉 腹前牛小排 蔥鹽味雞腿肉 蔥鹽味雞腿肉嫩香吸引之雞肉。大判燒店子的招牌，九州的黑毛和牛油花豐富肉汁滿滿，燒出肉香，香濃牛肉味香，溫泉旦提升肉香。免費配日本米飯和味噌湯，朋友加了紫菜飯，滿滿香濃紫菜飯入面，口感彈牙。組合套餐冷拉面也很彈牙，口感滿滿，口感添出滋味燒肉肉質棒，喜歡這店子，滿滿氣氛。朋友滿足喜歡，愛吃日式料理，非常多黑毛和牛套餐選擇，坐得舒適！

[✨燒肉801·令人回味無窮嘅高質燒肉店🔥]#燒肉801 #荃灣❤️‍🔥皇盛 Single $218黑毛和牛肩胛肉油花好靚，肉質軟嫩，店員仲好細心咁提醒我地要點埋溫泉蛋汁食；黑毛和牛裹腹小排厚度岩岩好，油花細緻油香滿滿。❤️‍🔥喜盛 Single $198除左黑毛和牛裹腹小排外，喜盛仲有一份和牛上肩肉，質素都係唔錯，柔嫩多汁！另外兩份SET都有雞腿肉，肉質滑溜，連住薄薄嘅一層皮，燒到金黃色咁食真係勁好食！❤️‍🔥追加 紫菜飯SET Set $18燒肉+紫菜飯真係最完美嘅配搭，中間仲有粒溫泉蛋，超開胃超好食😊💞❤️‍🔥追加 黑毛豚無骨小排 $38肥瘦相隔，燒至微微焦香，肉味香濃入口爽脆❤️‍🔥追加 鹽味牛舌 $48鹽味薄切牛舌，有嚼勁，水準唔錯🤤————————♡♡♡♡♡♡————————✨總結無煙燒肉店，食完亦唔會覺得個身有陣油湮味👍🏻 空間同間隔都好寬敞；加上出餐快，員工亦會主動提點推薦食法同注意事項，真係好細心！肉類水準高，份量亦合理，絕對係荃灣燒肉好去處🤩📍燒肉801🏠荃灣大壩街4-30號荃灣廣場3樓321-323號舖#jmhkfoodie #hkfoodie #hkeat #hkeats

同朋友嗌咗2人套餐，有唔同部位嘅黑毛和牛，除咗牛仲有雞同豚肉，食物種類好豐富🤣黑毛和牛牛小排同上肩肉嘅脂肪比例啱啱好，油花細緻，肉質鮮嫩，入口即溶，令人驚艷嘅味道！而極上厚切牛胸腹柳嘅肉質都好豐腴，口感絕佳，燒到5-6成就可以食，食落去嘅口感啱啱好。鹽味牛舌口感彈牙，燒到外脆內軟。而鹽蔥味雞腿肉嘅炙燒恰到好處，香氣四溢，望到都流晒口水，食慾大增。黑毛豚無骨小排肥瘦均勻，豚肉入口嫩滑，香味十足，好香豚肉嘅味道！+$38嗌咗冷麵set，配冷麵同泡菜。食完夠哂飽~ 係一餐豐富嘅體驗

約咗朋友去荃灣，原來荃灣廣場呢度都有燒肉801🥩咁啱lunch時間就入去食餐燒肉啦~呢度嘅燒肉套餐以牛為主，另外亦有豚肉同雞肉，滿足到唔同需要👍🏻套餐包咗白飯，湯同飲品！白飯仲可以升級紫菜飯，入邊仲有蛋，勁正😝同朋友一人點咗一款午市套餐，801盛同埋803盛🐂有三款肉，兩款牛同一款雞🐓🐮大判燒！黑毛和牛肩胛肉質感鮮嫩，夠油花香，可以點蛋汁一齊食，效果更加滑溜👍🏻腹前牛小排有點嚼勁，充滿肉汁。而蔥鹽味雞腿肉嘅蔥鹽醬調味好正喎，食落特別，雞肉都幾滑㗎！就三款都係牛，啱晒牛魔王😈當中最鍾意特上牛胸腹，好軟稔，而且牛味都好濃。腹前牛小排油脂平均，食落都幾香~另外牛板腱係薄身嘅，不過都好重牛味，入口有溶化感☺️呢度環境都幾舒服，都係用返一貫嘅紅色主調，卡位為主。另外職員都好nice啊👍🏻

我今日放工後，約同好友去位於荃灣大壩街4-300號荃灣廣場3樓321-323號舖的燒肉 801 (YAKINIKU 801)食和牛燒肉，環境舒適，裝修有特色，今晚高朋滿座，好熱鬧呀！我和好友點左個志盛Kokorozashi (2人前）$498，有鹽味牛舌、黑毛和牛霜降（黑毛和牛小排)、黑毛和牛上肩肉、極上厚切牛胸腹柳、葱鹽味雞腿肉及黑毛豚無骨小排。另追加 米飯 set $25，有日本米飯、味噌湯和泡菜。另外點左個 鹽味牛舌 $88。整體黎講係高質素的食材，燒烤過程由自己掌握其生熟程度，好享受的一頓晚餐。

呢間餐廳服務都幾好，真係令人好印象深刻，例如請職員幫忙玩鐵板都好快手！### 黑毛和牛腹柳小排黑毛和牛腹柳小排肉質細膩，油花分布均勻，入口即化，肉香濃郁，帶有一絲甘甜。輕輕一烤，外層微微焦香，內裡卻依然保持著豐富的肉汁，完全有日本食嘅水準，而且性價比都幾高！### 鹽蔥味雞腿肉鹽蔥味雞腿肉香氣四溢，鹽的鮮味與蔥的清香完美融合，雞肉鮮嫩多汁，蔥的清新，而且卡路里唔係好高！絆盛（2人前）含有汁燒及鹽燒加生菜set @$25.0### 鹽味牛舌鹽味牛舌經過精心醃製，風味獨特。肉質滑嫩！超水準咁好食！### 美國牛肩胛肉美國牛肩胛肉肉質厚實，油脂豐富，經過慢燉或炭烤後，外皮酥脆，內裡卻是軟嫩多汁，肉香四溢！### 美國牛肋骨條肉美國牛肋骨條肉肉質鮮嫩，油脂分布均勻，搭配特製的醬汁！同埋生菜一齊食，更加好食，同埋解除油膩### 腹前牛小排腹前牛小排肉質鮮美，油脂適中### 日本熟成豚香腸日本熟成豚香腸香氣撲鼻，估唔到咁好食，而且脆皮輕輕一咬就爆開，豬肉完全沒有雪味，肉質鮮美！聽到隔籬枱都話想單點多啲碟！

荃灣都出名多美食，今次搵食去到荃灣呢間「燒肉801」近屯馬線荃灣西地鐵站，行大約10-12分鐘，地鐵沿線有很多餐廳選擇餐廳職員勁有禮貌，服務態度非常好👍🏻今時今日咁嘅服務態度讓人有賓至如歸的感覺，喺職員推薦下，我哋決定試下二人套餐志盛2人前■志盛 Kokorozashi $4981）牛タン塩■鹽味牛舌2）黒毛和牛霜降りカルビ■黒毛和牛小琲3）黒毛和牛上肩ロース■ 黒毛和牛上肩肉4）厚切りハラミステーキ■ 極上原切牛胸膜柳5）ねぎ塩鶏もも■蔥鹽味雞腿肉6）豚バラ■黑毛豚無骨小排職員提醒我們，先將牛胸肉兩邊燒到變色，再剪開一小塊，慢慢燒至於雞腿肉，餐廳有特製的蔥鹽搭配一齊食，非常美味😋凡選購任何燒肉套餐，即可享優惠價升級以上任何一款。 2人前可選購2份1）冷麺セット■ 冷麵 set $382）サンチュセット■ 生菜 set $25兩個set都有包泡菜，生菜包肉加泡菜，勁滿足，清爽解膩由於天氣太熱，食個冷麵透心涼，冷麵加有檸檬汁、醃製青瓜，驚喜的搭配，一定要試下

餐厅位于尖沙咀加连威老道The One对面，整个店面暖红色调的装修风格，让我超有食欲进入餐厅，环境阔落，卡位让我用餐很舒服，抽风系统好，完全没有油烟感。关键是定价亲民的同时肉质还很赞，不愧是人气烧肉店//大判烧！黑毛和牛肩胛肉（$128）：薄切的牛肩胛肉再加上均匀分布的油脂，烧的时候就已经飘香四溢。放入温泉蛋液搅好之后，牛肉变得更加嫩滑了。作为第一道送上来的店内特色菜直接狠狠惊艳住我！//极上厚切牛胸腹柳（汁烧）（$138）：非常有份量的牛胸腹柳，腌得好入味，适合烧到八成熟，虽然是后切但是一点都不影响他的口感软身，肉质也好多汁，即使不用蘸酱汁，都可以吃到满满浓厚的和牛味。//上级牛肋眼卷肉（汁烧）（$88）：肉质鲜红、脂肪分布均匀，烧好后入嘴有嚼劲还带点甜味，就算多吃几片都不会腻。//美国牛肩胛肉（汁烧）（$78）：和牛肋眼卷肉有着异曲同工之妙，在肉质上没有什么脂肪，但是烧好裹上葱汁也是入口即化//九州鸡胫柳（$68）：各种牛肉撑挺着肚皮也要再来一份的鸡肉。肉质鲜嫩，这款特别之处最是煎到外皮焦脆后，里面的肉质仍然保持嫩滑，口感爽弹，非常美味！//牛小肠（$58）：令我惊讶的是，吃过其他

位於荃灣廣場3樓嘅燒肉801，一直都心思思想嚟試。今日終於得閒過嚟食。見到啲二人套餐都幾吸引，可惜唔食牛舌，所以點咗兩個黑毛和牛晚市套餐。🍱豐盛 $178+$25升級米飯 （包括味噌湯及泡菜）雪碧套餐肉類🥩：黑毛和牛裏腹小排、美國牛肩胛肉、美國牛肋骨條上枱係滿滿嘅一碟肉，和牛小排油脂分布均勻，美國牛肩胛肉薄得黎鮮嫩多汁。而牛肋條嘅牛味濃郁，食落好滿足。🍱喜盛 $198+$18升級紫菜飯（包括味噌湯），可口可樂個紫菜飯真係好抵食，上面勁多紫菜，中間仲有粒溫泉蛋喺度🍳。套餐肉類🥩：黑毛和牛腹柳小排同黑毛和牛上肩肉都鮮嫩多汁，每一口都食到啖啖肉汁香味。連蔥鹽味雞腿肉好新鮮，燒完之後口感彈牙。最後食晒都仲意猶未盡，單點多兩款肉🥩。🥩美國牛肋骨條肉（汁燒）$68🐔蔥鹽味雞腿肉$58甜品🍮：杏仁豆腐 $28習慣咗要食個飯後甜品，點知好有驚喜🤩，呢個日本製嘅杏仁豆腐，入口帶好濃郁嘅杏仁味，而且質地幾傑身，甜味剛剛好。📝整體而言：餐廳裝修幾有特色，座位又幾舒服，食物方面都幾有驚喜，食物全部都好新鮮。另外職員嘅服務態度都好親切有禮，成個過程食得舒服又開心，會再嚟！

｛食盡荃灣之日式 — 燒肉801｝————————————————呢間位於荃灣廣場嘅燒肉店其實都開張咗好一段時間， 佢嘅餐牌見到有好多唔同牛肉嘅部位，而且仲係黑毛和牛燒肉🤪 今日晚餐時份經過見到唔使等位，就一於入去食下啦😆！🔸志盛（2人前） $498其實佢嘅餐單就有超多款唔同嘅肉可以單點， 不過咁啱我哋係兩個人而呢一個志盛套餐入面嘅每樣嘢都係我想食既部位🤣， 咁就一於揀佢夠曬方便！鹽味牛舌， 薄薄地都有成六片咁多，好味道， 成功取得牛舌愛好者嘅認同！😎黑毛和牛小排同黑毛和牛上肩肉， 油脂豐富入口即溶，每邊大概燒20秒， 好滿足，同日本食嘅燒肉一樣好味😋厚切牛胸腹柳， 牛味濃鬱有咬口🤗蔥鹽味雞腿肉， 雞肉要燒得耐啲 燒嘅時候睇住火呀小心燒燶！ 佢另外配咗一兜蔥鹽醬汁畀你點黑毛豚小排， 肥瘦均勻，燒到啲油香出曬嚟，正！🔸 醬油昆布小番茄 $38食咗咁多肉最後就決定食個蕃茄仔作為一個飯後水果（甜品？！ 夠曬健康又解油膩🥰🔸 紫菜飯 $38因為跟餐本身只有一個飯，所以兩個人食就另外加咗個紫菜飯😀紫菜飯超級多紫菜，撈埋啲蛋汁食好快食完😉

［香港］燒肉801 (荃灣)早前聽朋友說Yakiniku的燒肉很出色，於是今天便和老公兩人到荃灣廣場的燒肉801（Yakiniku系列）吃午餐。我們分別叫了兩個午餐：801盛+升級紫菜飯+可樂 $216這個套餐包了一片黑毛和牛、腹前牛小排和蔥鹽味雞腿肉，升級了一個紫菜飯及麵豉湯，還有一罐飲品。黑毛和牛這一片肉也太大片了吧，而且它的雪花也很漂亮，薄薄的，記得一定要小火+每一面煎十至二十秒就要立刻拿上來，燒完十分juicy，沾上雞蛋汁，又中和了肉的油膩感。雞肉也不錯，配上蔥鹽調味令雞肉更美味。803神盛+升級紫菜飯+可樂 $186這個套餐包含了三款牛肉：特上牛胸腹肉+腹前牛小排+牛板腱肉。這個醬汁比較濃郁，用來伴飯比較好。三款牛肉肉質都很嫩滑，很有肉味，它們的肉和脂肪也很均勻，不會很油膩也不會很韌。升級的紫菜飯也有驚喜，白飯上面有蛋漿，然後再鋪滿了大量的紫菜，伴在一起吃，不知不覺就把一大碗飯吃光光了。餐廳的待應十分親切有禮，而且笑容滿面，他一直在注意大家用來燒肉的鐵板，一看到有點燶了便很快地幫各枱客人更換鐵板，服務到位。

荃灣「燒肉801」分店，裝修以紅色為主調，突顯日式風格，店內裝潢充滿現代感，燈光柔和，營造出舒適的用餐氛圍。餐廳座位寬敞，適合與朋友或家人聚餐。佢哋有好多套餐選擇，其中「805黑毛和牛盛」最吸引！佢用咗上等日本九州產黑毛和牛肩胛肉同黑毛和牛小排，牛肉質地細膩，油花分佈均勻，入口即化。配上特製的燒肉醬，同日本溫泉蛋十分高質，套餐加配冷麵，清爽可口，麵條彈牙，湯底開胃。另外加咗神戶茶房的烏龍茶作為飲品，茶香濃郁，清新怡人，十分解膩。