燒肉King (已結業)

燒肉king旺角砵蘭街101-107A號砵蘭街大廈地下A&B鋪美國牛小排.牛板腱甘耐無出街食飯今次來到燒肉king 叫左個美國牛小排 牛板腱（定食 ）有飯有湯同埋前菜 （中華沙律）一個人食岩岩好 前菜食少少中華沙律開開胃跟住到主菜燒肉大大塊 幾款肉都好新鮮 色澤紅潤大火燒d油同埋牛味出哂來可以配上 七味粉-岩鹽-黑胡椒食落勁香食到牛既原味 仲可以配埋佢提供既兩款醬汁我就喜歡一邊燒焦咬落灑上岩鹽 咬落啖啖肉香脆得來又可以食到原味牛小排 細細塊 燒一陣就食得 包住d飯食超有滿足感 岩哂食肉獸燒出來既牛油流哂落d飯到 每啖飯都可以食到牛既香氣

經過砵蘭街，見到有間燒肉店，有個好大嘅OOHA Anson Lo宣傳牆，連啲座位都有教主個樣，覺得好正，勁想入去打卡。❤️❤️睇睇門口價錢牌，介紹都唔錯，決定入去試吓。員工服務態度唔錯，即係安排咗一個靚位俾我，俾我可以盡情打卡。食物都有好多款選擇，由百零蚊到幾百蚊都有，今次叫咗一個拼盤同埋一個一人餐，份量都好多，非常之飽肚。十分欣賞佢用錫紙兜載着啲🍄菌類及帶子，非常方便。肉類質地和醃料都唔錯，會再幫襯❤️❤️

有時想食燒肉又唔想食放題, 就會去搵D一人前定食過下癮, 近排新寵係依間燒肉KING! 先唔講食物, 佢既抽風做得好好, 唔會一陣燒肉味, 食完出黎D衫都冇味。午前一人前既價錢都好抵食, 又有份量揀, 豐儉由人, 想懢懢地食個牛五花又得, 貴D食和牛都得。牛五花+牛板腱 $68/100g食個MIX既都只係68蚊, 仲有中華沙律, 麵豉湯同埋白飯, 真抵! 五花油香突出, 牛板鍵勝在口感, 配上珍珠米飯, 已經覺得好滿意。 牛五花+牛舌_美國牛小排 $138/220g朋友豪DD食個3MIX, 牛小排油脂豐富, 燒既時候都特別惹火, 入口油香滿滿, 牛舌彈牙, 加少少鹽做鹽燒, 好好味! 由於依度既LUNCH SET CP值高, 個人覺得值得回頭, 下次試下晚市會唔會一樣CP值高先!

夜晚堂食終於開放，即刻同朋友一起去食燒肉，間鋪性價比超高，係朋友介紹過，但一路無堂食無機會去試，宜家大家可以去試試，四個人食到好滿足，肉好靚，超抵食，抵過燒肉like

因為仲未有堂食所以跟友人選擇Lunch時段去食生日餐揀咗呢間裝潢都幾日式風格的燒肉店首先最欣賞的是檯的面積好大座位之間有一定距離,感覺唔焗促抽煙系統非常好,店內一點都不覺得有油煙味因為生日,友人非常豪爽的點了個極上二人盛合$498前菜沙律有兩款煙三文魚蕃茄黑醋沙律夠清新開胃胡麻醬仿蟹柳豆腐沙律的豆腐好嫩滑有幾款調味料同醬汁可以選擇牛油什菇是預先放好在鍚紙盤看到一塊塊牛油慢慢溶化變汁融入什菇內散發陣陣香味至於主角---鮮肉拼盤有齊A4黑毛和牛肩胛、美國牛小腓、牛板腱、日本黑豚肉及雞腿肉每一款肉都好新鮮,色澤紅潤,厚薄均勻可能爐面比較小,所以都是兩件兩件的放落去燒這樣也好,可以慢慢品嚐A4和牛油脂豐富入口即溶牛小腓及牛板腱都不錯,不肥膩又有牛味雞肉是新鮮雞件,非冷凍雞,燒完都幾嫩滑仲有另一主角A4黑毛和牛肉眼油脂極多分布極靚,甚至多得會搶火,所以大家一定要小心爐火太熱很容易就會燒得太焦千萬別浪費大好食材套餐亦附送米飯及麵豉湯日本珍珠米的口感煙韌粒粒分明最後飲返樽自家製的凍頂烏龍茶以不到5百的價錢可以食到這頓燒肉餐都算幾抵食的

中午經過見到午市套餐，價錢好抵食，好奇心下決定試下店內座位間隔都算闊，選用一次性燒烤網，唔用油煎都唔會黏網，火力自由調控，抽風做得好，油煙味低每枱有燒肉汁和粉紅鹽，黃金燒肉汁最百搭、鹽味汁和鹽最食到食材原味牛五花油份比例平均，每邊燒半分鐘即可，油花四溢，入口甘香；牛板腱肉質細嫩，大片又有咬口。豬五花唔會太油膩，只有邊位有油脂，肉質結實；雞肉非常嫩滑，皮不多，這份都是200g午市配有前菜，麵豉湯，珍珠米，可加配飲品，涷雪梨茶清甜解渴；白桃烏龍茶味汽水罐裝不算太多汽，清甜清新。

🥴 忍唔住好想食燒肉之為燒肉勇敢堂食🥴——————————————————————一來好耐無堂食，二來好耐無食燒肉，無肉不歡男孩真係無燒肉就過唔到生活。再加上見到老基佬朋友同一時間響限時動態po 緊食緊燒肉，年紀甘大都勇敢堂食，仲要係食燒肉，所以就近近地搵燒肉king試試。燒肉king唔係燒肉吃到飽，不過個人比較鐘意呢種有肉有飯既燒肉店，因為任食既燒肉店最後會淨係掛住食肉，但係散叫嘅燒肉，可以慢慢認真咁去燒每一塊肉。同埋，一塊肉一啖飯先可以有大大嘅滿足感。家下無晚巿，所以六點前都仲算係set lunch既，窮小子又大食的我叫唔起和牛餐，只好叫兩個貼地啲既午餐拉：🤤🤤牛五花&牛板腱 200g $92🤤🤤👍🏻👍🏻👍🏻牛五花有肥糕，所以好易搶火，燒既時候要特別小心，不過食入口油淋淋，加埋白飯一齊食，真係岩岩好，好正。而牛板腱實實在在，食落啖啖肉，一流。🤤🤤美國牛小排&牛舌&牛五花 220g $138🤤🤤👍🏻👍🏻👍🏻👍🏻對於牛舌專家泥講，燒牛舌既時候真係好講究，反面既時間，幾時落鹽，幾時落黑胡椒都要岩岩好，再夾埋白飯一齊食，無得頂呀。美國牛小排就好難唔好食，除非燒到舊碳甘拉。總括泥講，呢餐食完

好耐無食燒肉～今日發現咗間好掋嘅日式燒肉店🤤。午市套餐好掋食，最正嘅係連weekend都有得嗌。套餐除咗肉類外仲有飯+和風湯同前菜。另外仲可add-ons 嗌多嘅款餸。同飲品。我叫咗美國牛小排、牛舌同牛五花套餐（$138），啲牛真係好高質。燒到牛舌外表脆身，牛五花既肥脂分佈平均、美國牛小排更係牛脂味濃郁嫩滑。佢哋有鹽味燒肉汁同黃金燒肉汁場提供，覺得個鹽味燒肉汁冇咁鹹，同牛肉比較配。芝士魚餅（$18）- 估唔到幾大塊，裡面啲芝士好多好好味，但小心佢好易燶。雞腿肉50G（$15）- 雞肉幾滑幾juicy豬五花50G（$15）- 呢個價錢有四片真係好掋，而我最鐘意係燒到好脆嗰個口感。柚子海鹽汽水（$12）呢排好hit嘅無糖零卡零脂飲品都有，配燒肉好解渴。

近排日日都落雨，加上天氣陰陰寒寒，好想去食燒肉暖吓胃！上網搵到旺角呢間口碑唔錯嘅「燒肉KING」。餐廳主打日式一人無煙燒肉，午市套餐有多款肉類部位可供選擇，最平 $48 即有交易，非常經濟抵食，一於 Book 檯去試吓！店內裝潢採木質簡約風，環境明亮，簡潔乾淨，加上場內設有先進嘅抽風系統，所以就算用餐過後也不怕一身油煙味。點咗兩個午餐 C & E，每份定食都會配有御飯、和風湯及和式前菜。另外檯上亦放有燒肉汁、即磨岩鹽同黑椒粒等，客人可以因應自己嘅喜好，用來配燒肉吃。C餐：牛五花、豬五花、雞腿肉 150g $62牛五花肥美薄切，脂肪比例亦啱啱好，只需輕輕一燒就食得，入口香甜嫩身。豬五花爽滑富彈性，燒後軟腍入味、多汁有嚼勁。雞腿肉厚度十足，燒烤後外脆內嫩。E餐：極上美國牛小排、牛舌、牛五花 220g $138牛小排油花綿密均勻，肉質柔軟鮮嫩，燒烤後肉味非常濃郁，入口香味四溢。另外牛舌水準亦唔錯，唔單止肥大肉厚，而且質地爽彈不韌，入口充滿油脂芳香。順帶一提，店裡嘅御飯係採用日本富山縣產嘅天盛米炮製，飯粒食落甘甜軟糯，即使放涼了才吃，也同樣美味。

我係一個好鐘意食燒肉既人，今日同男朋友由大西北出去花墟，就順別去試下油麻地既 燒肉King。順便扮係去日本旅行😂店肉裝修走日風，佢地用迷你爐仔，唔多油煙，所以入去都無咩油煙味，唔洗擔心食完會成身味。佢地既午市餐牌價錢好親民：我地叫左一個 牛五花 豬五花 雞腿肉 250G ($82) 同埋一個 牛五花 牛板腱 200G ($92)套餐配備中華沙律、麵豉湯同白飯。白飯用左珍珠米，口感幾好，飯身夠黏。枱面都配裝粗鹽、黑胡椒同兩種燒肉汁。我地就由淡味開始燒到濃味、難熟既燒到易熟。雖然爐仔細細，但二人用都啱啱好。🐷豬五花豬五花又唔會好油膩仲神奇地同個鹽味燒肉汁好夾！🐥雞腿肉雞肉嫰滑，燒既過程落少少鹽會更有味。🐮牛五花牛五花油脂同肉既比例均勻，油份充足。燒完油脂香口，配返黃金燒肉汁，送飯一流。🐄 牛板腱最期待係個牛板腱，亦無令我地失望牛板腱係牛既肩胛骨位，重肉味，可以媲比西冷，但比西冷肉質柔軟。燒牛板腱時已經見到油脂漫漫溶化出肉面食落口果然好重牛味，口感油潤有韌勁！午餐價錢相當平民，細食既女士仲可以叫細份啲。地點都算方面，油麻地站一出行幾分鐘就到，真係可以平平地一解燒肉癮。

這日旺角行街，忽然想食燒肉，去了朋友介紹的這家日式燒肉的餐廳，裝修幾型格，環境都乾淨，仲可以選一人一爐，而且門口重有個😍教主大紙牌可以打下卡。餐廳的抽風系統做得唔錯，燒完都唔會成身一陣味。掃QR code就可以落單，好方便而且重有散叫或者套餐選。.所有套餐都會包埋飯+和風湯+和式前菜，所以真係幾抵食。另外，仲有提供鹽味燒肉汁和黄金燒汁，俾你點啲肉食！.牛五花 200g $82牛五花切到薄薄一片，輕輕一燒，好快就已經熟，可以食。肉質都不錯，係高級版的肥牛，食落充滿油脂又juicy，加上醬汁，真的好惹味。.美國牛小排&牛板腱 200g $128美國牛小排質素不錯，牛肉味香濃，帶油脂，食落幾高質。而牛板腱的油脂分佈均勻，食落肉味都濃郁，而且肉質嫩滑。兩款肉都好新鮮，叫200g的份量，真的大滿足！

燒肉King旺角油麻地砵蘭街101-107A號大廈地下A＆B舖走日式燒肉路線, 人均消費太約$120-150, 視點餐的肉類。有豐富的食物種類。以前仲可以自由飛去日本, 食任食燒肉放題, 中午3000YEN 已有多達一百品。呢處可以比人懷念一下, 雖不是放題, 但由醬汁, MENU 設計都是像去了日本一樣。SET LUNCH $68 豬五花 & 雞腿肉 ,200G ，但睇上去唔似有200g, 加$28 4條日式香草腸 至於牛的價錢也合理, 一大碟$138 有牛小排，牛舌，牛五花，燒起灑鹹同黑樣勁入味，個黃金燒肉汁同紅肉類好夾味。跟餐份量唔足飽,要再額外加100G雞腿肉先$28另加$22探用日本米煮的飯, 前菜及麵豉湯。醬汁多款, 隨意沾點肉片都好好食架啦! 有日本架味道回憶。個燒爐由下面抽氣, 減少身上架油煙味。

Lunch喺旺角搵食，行過呢間「燒肉King」，俾教主個大紙牌吸引住，睇吓Menu好抵食，一於入去食燒肉😚店舖門口裝修都幾型格，環境好乾淨，一d都無充滿油煙味嘅感覺。食物選擇有散叫或者套餐，掃QR code落單非常方便。午市套餐選擇非常多，仲可以按你自己嘅食量揀肉嘅份量，價錢非常親民，套餐仲包埋前菜，飯同湯。仲可以選擇一人一爐，抽風做得好好，燒起上嚟一啲都吾會好大味，吾會攪到煙霧瀰漫。個爐火力非常猛，旁邊仲有鹽味燒肉汁同埋黃金燒汁，一個鹹一個甜任你揀😋 令味道層次昇華😍🌟我同朋友兩個人揀咗三個午市套餐😝🔥C餐 ～ 牛五花. 豬五花. 雞腿肉150g $62牛五花係高級嘅肥牛，切到薄薄一片，基本上底面燒一次就已經食得。豬五花有驚喜，有豬味，又有嚼口。雞肉就係雞脾肉，都算厚切，所以要燒耐啲，肉質外脆內嫩🔥D餐 ～ 牛五花. 牛板腱100g $68全部牛肉薄切呈上，油脂分佈均勻，一燒即熟，邊位煎燒，有口感又有肉香。🔥G餐 ～ 雞腿肉. 牛油車海佬 $68雞腿肉肉質非常嫩滑，車海佬非常彈牙，仲有牛油🧈俾你一齊燒，特別甘香📍燒肉King (旺角)旺角砵蘭街101-107A號砵蘭街大廈地下A&B號

疫情嚴重, 呢排見好多餐廳都停業/ 結業, 唔知大家仲可以頂得幾耐, 希望大家可以頂住, share返之前去左旺角呢間燒肉King食, 之前暫時休業，而家岩岩重開返🙏🏻大家save低定啦💛💛餐廳主打日式燒肉，仲可以揀1人1爐，抽風做得幾好，燒起黎都唔會好大陣味~去食午市黎講選擇都幾多，價錢合理，套餐有齊前菜、飯同湯🔸A4黑毛和牛前胸肉定食 200g ($198) 和牛油花唔算好上成，但呢個價錢黎講都算靚，輕輕燒下好快熟，牛味好出，有咬口，加埋岩鹽去燒已經好好食😋 餐廳仲有提供黑椒/ 黃金燒肉汁/ 鹽味燒肉汁，可以按大家喜好醮來食!🔹牛舌100g ($65) 身為牛舌控，每次去食燒肉都會點，100g就一共6片，厚薄適中，咬落好彈牙同重牛味😜 都算抵食~🔸雞腿肉 ($65) 雞腿肉幾厚切又大塊，燒起黎幾juicy，醮埋燒肉汁，好惹味👍🏻👍🏻🔹豬五花 ($28) 唔算好肥，入口咬有嚼勁，甘香嫩滑😍

好耐好耐好耐無去過日本啦，思鄉病又發作啦。。。經過呢間燒肉，望入去裝修簡潔，真係有日本feel我地見lunch set都好抵食，就入去試下啦。。Lunch set包飯，前菜同味噌湯。。座位舒適，仲有一人一爐嘅位添。之後店員俾個code你，自己就可以QR code落單啦，夠哂方便㗎！枱面仲有幾種調味料可以用，咁就可以調配自己岩嘅口味啦！牛五花。豬五花。雞腿肉貪心嘅我乜都想試下，呢個set 250g肉只需要82蚊，仲唔收加一添。一個set,豬牛雞都食哂，爽呀！仲要上到枱份量都唔少㗎！我覺得用網燒其實真係好食啲！風味完全唔同鐵板燒，網燒又香脆，油脂爆滿！牛五花其實我覺得似平時打邊爐但高級啲嘅肥牛。店家切到薄薄一片，基本上底面燒一次就已經食得。豬五花有驚喜，有豬味，又有嚼口。對比牛，豬更好食！雞肉就係雞脾肉，都算厚切，所以要燒耐啲，食入口當然係滑 ，外脆肉嫩！白飯用珍珠米，偏硬身，粒粒分明。前菜為中華沙律，好食，夠脆口，味噌湯淡左小小，但入面配料多，有紅白蘿蔔豆腐，都好飲。牛五花。牛舌。牛小排點份最貴試下先，牛小排果然有驚喜，入口香油脂又有牛味，會厚小小，好食！牛舌又係讚！好食，真係好香，唔u