燒肉King (已結業)

油麻地嘅燒肉King，價錢親民，晚市燒肉套餐幾十蚊就有交易，仲跟埋飯、湯同埋前菜，十分抵玩！牛五花定食（120g）$65牛肉極肥美，枱面有齊晒鹽、黑椒、燒肉汁、七味粉等，點配搭都得！美國牛小排、豬五花定食（120g）$78牛小排軟嫩，豬五花肥美又夠香口！A4黑毛和牛肩胛（50g）$72除咗抵食套餐，燒肉King亦有和牛供應，價錢唔貴，可以一試！牛舌（50g）$35追加嘅食材好多都可以order半份50g，可以試多幾款！罐裝汽水 $8/each

平時想食好少少嘅日式燒肉起碼都二百幾三百蚊，今次喺旺角俾我見到呢間新開燒肉店，價錢最平都只係幾十蚊就食到dinner set，即刻衝左入去試下！店內座位都幾舒適寬敞，仲有一人卡位，突然想自己食都唔洗怕尷尬。我地每人都點左一個套餐，包前菜、湯及白飯。Dinner Set C 250g $158美國牛小排、牛舌 & 牛五花份量都唔少！好抵食！牛小排肉質軟腍，牛五花就較肥，不過好有牛油香，而牛舌略嫌太薄，欠缺口感。Dinner Set D 220g $98日本黑豚腩肉 & 雞腿肉腩肉脂肪比例較高，燒得少少脆較香口，雞肉嫩滑有肉汁。枱面有調味料供食客使用。黑胡椒、海鹽、燒肉汁及七味粉。黃金燒肉汁甜甜地，味道唔錯。燒肉一定唔少得凍飲，套餐加可樂都只係$8,相當抵！！

喺九龍約咗個人交收又未夠鐘，不如食埋飯先，經過見到呢度有間新開嘅燒肉，可以單點一個人食都得。好，坐低睇吓有咩好食先。套餐最平40幾蚊，已經有湯飯同前菜。A4黑毛和牛前胸肉，今日諗住食好啲就叫咗呢個和牛200 g，首先嚟到肉份量都夠，一至二人爐 方便燒肉，啲肉好快熟，食落肉味重。本身牛肉都夠牛味，另外仲有啲醬汁調味料可以加落去。跟餐呢個雜菜湯幾好飲，蕃茄紅蘿蔔味好岀，而且夠濃稠。有白飯有前菜食得好飽飽。

今晚一個人開餐難得有ME TIME就梗係要搵返間餐廳慢慢嘆返餐啦~~上網搵搵下搵到間一人燒肉, 知一人燒肉係日本興左好耐, 係香港都未試過, 今晚仲唔係好時機去試下原來餐廳係新開既, 唔怪得乜都新, 幾四正咁~~內裏環境都唔錯, 幾多位, 坐得都算舒服....餐牌有套餐, 亦有單點....網上見餐牌寫全日免加一, 但原來係要加一架多款肉款, 海鮮選擇~單點自選, 肉類可選半份或全份...每枱都設有醬料~叫左個套餐包湯, 飯 & 小食~A4黑毛和牛前胸肉套餐 $108/100G$108食到和牛, 仲要係套餐黎都算抵食~牛既前胸肌肉運動量大, 幾乎冇乜脂肪, 所以肉質較堅韌, 筋比較多~牛味都重既, 鍾意食有咬口既朋友都可以選呢個部位....A4黑毛和牛肉眼 $168/100G和牛肉眼冇令我失望呀~$168塊絕對對得住個價錢.....比起和牛前胸肉, 肉眼肉質幼嫩得多!!牛味更濃又軟腍, 油脂入口即溶又冇筋燒一陣好快熟芝士魚餅 $18芝士魚餅要慢慢燒經常反, 唔係好快燶~燒完既魚餅脹卜卜, 爆晒芝士

同朋友係旺角行完街，見呢間燒肉店啲野食好抵食，又好多人排隊食，相信唔差，於是決定今晚食燒肉。我地叫左特上六品套餐，套餐有極上美國牛小排、牛板腱、豬五花、牛舌、雞腿肉、牛油帆立貝及牛油雜菇。極上美國牛小排係最好食，好香肉味，同埋肥膏分佈好均勻，入口即溶。其次係豬五花，夠曬薄切，入口係香脆的。我地仲叫多左份牛板腱，因為牛板腱少啲脂肪，相對地無咁肥。另外仲叫左牛五花，牛五花同豬五花一樣好好食，都係咁香脆呢間燒肉店提供2種醬汁，有黃金燒肉汁同埋鹽味燒肉汁，鹽味燒肉汁偏鹹，而黃金燒肉汁較甜，我個人比較喜歡黃金燒肉汁。醬汁都有蓋蓋住，咁樣衛生啲。仲有佢既鹽樽同黑椒樽都好得意，係禁出來的2個人食咁多野都係300鬆啲，超值！

今日心血來潮，突然好想食燒肉，於是上網搵餐廳，搵搵下見到呢間餐廳新開，環境不錯，地點又就腳，於是立即拉埋男朋友一齊食。入到餐廳，餐廳裝修採用木系風格，充滿日本風，加上燈光柔和，給人舒服的感覺。由於我同男朋友都有選擇困難，加上燒肉的款式較多，所以我地最後選擇了二人餐，加男朋友喜愛的牛油粟米同牛舌。飲品方面，我地就揀了可樂同烏龍茶。前菜方面以沙律為主，分別為煙三文魚配蕃茄油醋汁沙律，以及胡麻醬豆腐仿蟹柳沙律。兩道前菜味道同樣酸酸的，非常開胃，而我就鍾意塊豆腐，充滿豆的香味，食落非常爽滑，感覺食完皮膚都會變得白滑呢！至於燒肉方面，我地的二人餐包含了A4黑毛和牛肉眼，A4黑毛和牛肩胛，美國牛小排，牛扳腱同黑豚肉，雞腿肉等，一份二人餐就包含雞肉牛肉同豬肉，非常抵食。味道方面，我同男朋友都覺得燒肉非常新鮮，肉質鮮嫩，吃入口時充滿肉汁。而餐廳亦提供了一些醬料作調味，我個人就較愛點BBQ醬汁，醬汁配上燒肉較能帶出當中的鮮甜，味道更為惹味。不過順帶一提，燒烤爐的火喉偏大，即使最細火都都非常猛烈，所以大家燒肉的時候記得控制好時間呢，否則就浪費了一塊塊的靚肉了。總括黎講，我覺得餐廳性價比高，平民價錢就能食到

讚1.抽氣強，環境闊落，坐得好舒服2.肉既份量多，好過同類既一人燒肉店彈1.燒肉爐既網真係燒到令人發火，黏底黏到不得了2.燒肉既牛、豬、雞都仲有雪味，廚房要注意下3.侍應係咁意都解釋下邊隻汁打邊隻汁好丫...

燒肉相信都係大家晚餐既選擇之一，有時行開某燒肉鋪都大排長龍，根本食唔到。有次行開旺角見到呢間小店，就入去試下，點知發現唔洗排都食到一樣咁高質既燒肉🥰🥰🥰🥰🥰🥰🥰🥰🥰🥰🥰我同朋友一人叫左一個拼盤試，全部肉都大大片，種類又多，真係大件夾抵食😋😋😋😋😋😋😋😋😋A4和牛夾雜住香到不得了既油香同濃濃既牛味，真係抵食之選😍😍😍😍😍😍😍牛舌厚道岩岩好，燒完仲保持到彈口既感覺，正！😋😋😋😋😋😋😋😋其實美國牛都好新鮮嫩口又重牛味，成餐食到都停唔到口🥰🥰🥰🥰🥰🥰🥰

約左朋友去旺角，一齊係附近食埋晚餐再散=)朋友想食燒肉，跟佢推介去左旺角依間試下😁選擇困難的我，見餐牌個二人套餐已經好豐富，就直接揀左個 極上二人盛合：先上左沙律，煙三文魚蕃茄油醋汁沙律跟胡麻醬仿蟹柳沙律，每樣都試左點，雖然油醋汁食落比較清新開胃，但都係比較鍾意胡麻醬配既沙律👍😍到主菜上到，先開爐加熱個牛油雜菇，用錫紙兜裝住，一路由佢加熱住，就直接開始燒肉了，肉切得較薄，每樣也不用燒多久就可以了，最正既係燒完出黎，果種燒肉既肉香😆燒左陣肉，雜菇也可以了，再加點黑椒拌一下，下飯不錯👍😋食完飲啖麵豉湯 - 滿足😉

呢間新開嘅燒肉店喺旺角同油麻地交界，有一人套餐、二人套餐，亦都可以單點。單點嘅話仲可以揀唔同重量唔同價錢，可以少食多款，啱晒有選擇困難症嘅人。店內仲整左啲一人位，有塊木板隔喺枱中間，咁同對面嗰個就唔會你眼望我眼咁燒。啱哂突然想食燒肉又搵唔到伴嘅時候，就算自己一個燒都唔使覺得尷尬。我哋2個人就叫左極上二人盛合，牛豬雞都有齊，牛肉仲要係A4級和牛，仲有牛油雜菇、2個沙律同湯、飯，都相當豐富下。佢嘅醬料有黃金燒肉汁、鹽味燒肉汁同胡麻汁，同埋有岩鹽同胡椒提供，試哂咁多隻，隻隻都同啲肉好夾。呢度仲有Sake飲，一瓶仔都係$48，仲可以揀熱上，配埋燒肉成個人暖笠笠。A4日本黑毛和牛肉眼好大嘅一塊肉眼，差唔多有2隻手掌咁大。啲雪花紋理好靚，分佈得好均勻。雖然係大塊，但由於係薄切嘅關係同埋佢嘅油脂好搶火，一放落去基本上就燒熟了。佢嘅油脂好香，入口即溶。不過建議最好點燒肉汁食，如果唔係油脂入口嘅時候可能會覺得有啲膩。A4日本黑毛和牛牛小排新店開張做緊個優惠，Like舖頭社交平台免費送牛小排2片。雖然係免費，但一啲都唔係hea你，都係A4級和牛黎！食落同頭先塊肉眼好似，感覺係肉眼嘅縮細版A4日本黑毛和牛肩

天氣凍一係就打邊爐一係就食烤肉，最緊要係要個爐暖粒粒之前路過見到呢間新開，又係日式燒烤已經暗暗bookmark左餐牌有好多唔同選擇，有貴餐平餐一人特別餐，叫完套餐後有很多款食物比你加配，仲要沒有限制見佢價錢都幾平，所以叫完晚市套餐後一人加配左一樣食物牛小排&豬五花 （220g $118)份量都唔少，擺盆都幾靚，跟餐有湯有前菜牛小排肥瘦比例好靚，輕輕一燒牛味濃五花肉薄切，燒一燒好快就食得，我比較鐘意燒耐少少等油份收帶有脆口牛五花&雞腿肉&日式香草腸 （$75）燒烤當然要有我最愛的腸，所以簡左呢個餐，而且一個餐有3款食物，性價比高牛五花 （100g +$35)肥瘦比例當然沒有牛小排靚，但勝在平A4黑毛和牛前胸肉 （50g +$52)前胸肉雖然薄切，但油潤帶肉香而有嚼勁座位旁備有不同醬汁供大家按喜好搭配埋單果陣見到午餐$48起，非常抵食下次lunch可以來食多次

今晚同朋友慶祝生日，所以帶佢去食日本燒肉，有個套餐好抵食又好味，仲好豐富，而且新開不久，餐廳都好乾淨，唔會好大油煙，食完D衫無燒肉味。極上二人盛合 $498+10%有6款肉, 包括A4黑毛和牛肉眼、A4黑毛和牛肩胛、美國牛小排、牛板腱、日本黑豚肉、雞腿肉，仲有2款沙律、牛油什菇、味噌湯及飯。除左有鹽同黑椒提供，仲有黃金燒肉汁，味道甜甜地，另一款鹽味燒肉汁偏咸。煙三文魚配蕃茄油醋汁沙律煙三文魚切條狀，夠肥美入口魚味都重，配油醋汁中和膩感，令沙律更清新開胃，沙律菜乾淨口感爽脆。胡麻醬豆腐配仿蟹柳沙律食燒肉食到有d熱，最岩食呢個沙律，一大件豆腐入口冰涼，胡麻醬好香，味道酸酸甜甜好消膩，仿蟹柳沙律好滋味，食完個人熱氣全消，可以再食燒肉啦。A4黑毛和牛肉眼雖然薄切，好大塊油花分佈平均，好吸引，而且燒都要少少技巧，好快燒熟食得，入口充滿牛脂香味，A4已經入口快要溶化，牛味亦都濃郁，肉質嫩彈多汁。A4黑毛和牛肩胛比起牛板腱，牛肩胛係較有彈性同咬口，肩胛位置的肉有少少筋，加上A4和牛，油脂豐富，所以才更好咬，而且越食越有脂香。美國牛小排油脂分佈都靚，牛肉味更突出，質地細膩柔軟，味道甘甜。牛板腱脂肪較少

燒肉King油麻地新開燒肉店油麻地A1出口行幾分鐘就到鋪面好光鮮 以淺色木為主既裝修 日本風 好懷念去旅行的日子🥲講番野食先 叫左極上二人盛合$498有兩個沙律 御飯 同 麵豉湯肉既話 款式都有6款分別有 A4黑毛和牛肉眼 牛板腱 A4黑毛和牛肩胛 美國牛小排 日本黑豚腩肉 雞腿肉 配上燒肉汁 好好餸飯☺️☺️☺️A4黑毛和牛肉眼 雪花分佈平均 食入口嫩滑 御飯 飯味香濃 有口感 唔會太乾唔會太硬平日佢地唔會限時 可以慢慢食不過坐果陣🥺🥺 覺得唔太好坐 張檯會頂腳 或者坐bar位會好坐d ☺️記得啊 佢依加只收現金😎

雖然今個冬天都唔似會好凍 但朝早同夜晚個温差大 大家都係記得帶多件外套夜晚著😘夜晚凍凍地除左打邊爐之外 🐻🐻都好鐘意食燒肉😋 牛角fans是也🙏🏻 但唔想成日食咁貴 最近就去咗旺角嘅 “燒肉king”我哋叫左兩個dinner set1. 美國牛小排+豬五花(220g) - $118其實一上到枱見到啲肉賣相都唔錯 雪花均勻幾靚 食落唔算肉味濃 但口感軟身少少彈牙 加埋餐廳嘅燒肉汁撈飯都幾好食🤣 豬五花就半肥瘦 正 我覺得佢同餐廳嘅鹽味燒肉汁都幾夾 只係唔明點解個湯係羅宋湯 但酸酸地係醒胃嘅😅 🌟Rate: 7.8/102. 美國牛小排+牛舌+牛五花 (250g) - $158依個係dinner set 最多牛嘅set 鐘意食牛嘅就要叫依個啦 佢嘅牛小排同上 牛舌都爽惟太薄切唔夠口感 牛五花即肥牛 正常發揮 🌟Rate: 7.5/10💫回頭率: 3.8/5 (唔算貴 但唔算太便宜 中規中矩~)

秋風起, 涼涼哋, 又到BBQ季節, 而家政府BBQ場地仲未開得鑼, 唯有改室內嘆住冷氣BBQ, 燒肉King 盡享地理優勢, 除咗可以搭地鐵, 附近泊車都好方便。室內好光猛, 兩人一個的骰的烤爐, 放在枱中間, 很方便, 入到嚟冇乜油煙味, 且冷氣開得好涼快, 唔洗B到身水身汗。晚市有多款一人套餐及二人餐供選, 最抵食系二人餐定食, $488 包多款肉類, 黑毛豬和牛也包在期內, 包前菜、湯及御飯各一。餐廳附設兩支燒汁及即磨黑胡椒或海鹽深色個枝係最傳統嘅日式燒汁, 香香甜甜夠惹味, 另一支偏淡帶點芝麻香。巨峰提子乳酸梳打 ($18)生啤竟然沽清, BBQ 不能冇凍嘢飲, 冰凍帶點酸爽嘅乳酸梳打是不錯的選擇。和風前菜~ 爽口海藻絲為主, 配上香口芝麻, 用醬油加少許粟米粒撈勻即成和風小食‚海藻健康有益, 得別對腸胃。和風湯 ~ 內有大量昆布絲加蛋花, 湯底應該係日本白麵豉的湯, 味道偏淡, 美味健康的昆布絲飽肚又高纖維。御飯 ~ order 左 220g肉, 加埋前菜及和風湯, 相信冇可能食多碗飯, 為免浪費, 叫了走飯。BBQ 爐火力自調美國牛小排&豬五花 (220g) $118有咁