燒蝦蝦 (興泰大廈) (已結業)

朋友介紹呢間🔥燒蝦蝦🔥絕對值得一試。淨係食佢嘅海鮮都覺得冇得頂，三百幾蚊任食海鮮仲有其他肉類蔬菜喎，仲有得食兩個半鐘所以好抵！👯‍♀️👯‍♀️鮑魚😋好少海鮮放題有得任食鮑魚，所以一見到就即刻攞啦。每一隻都好大隻，仲有自助配料區可以揀自己鍾意嘅配料，我就加咗少少辣椒蒜蓉。熟咗嘅鮑魚肉質都唔會好韌，咬得開口又鮮嫩。原條魚😋唔係太清楚係咩魚，不過見佢都幾新鮮。佢已經係劏好咗，下面界咗一刀就可以令條魚快啲熟。熟咗嘅魚外皮好香脆，魚肉日唔會send。流水蝦😋呢度嘅主角係流水蝦，由於太好食啦都忘記影相。啲蝦係新鮮生猛嘅，咁我哋係可以任夾，所以係超級新鮮即燒嘅蝦嚟㗎。

🦐黐咗線，呢度嘅性價比超級高，有得玩之餘重要啲嘢食都唔錯🧡飲品:佢啲飲品款式都好多，啤酒梅酒全部任飲如果係酒鬼嘅你就啱晒啦！除此之外佢仲有韓國運到嘅飲品，例如有士多啤梨酒，好正㗎！如果鍾意飲果汁嘅，大家呢度都有好多款唔同嘅選擇！🧡食物:真係唔可以唔提起佢哋嘅流水蝦，自己夾完自己燒自己食，成功感滿滿。雖然個爐仔唔算話好大，但係都可以放好幾隻蝦落去一次過燒！全部燒到紅色就可以夾起身攤一陣之後就搣殼啦！！搣開佢個蝦頭嘅時候嚇死我呀！我冇諗過啲蝦膏可以多到流晒出嚟😍黐線真係勁好味

近排成日聽同事話夾蝦蝦好玩，今日就同friend 去屯門嘅「燒蝦蝦」任玩任食2.5小時。餐廳地方闊落樓底高，餐廳主打即夾即燒流水蝦，店內有多條蝦缸，每座位隔離都有個缸，啲游水大頭蝦唔夠可以叫職員再加蝦。將蝦夾起放落冰桶等蝦凍暈先燒，如果唔係d蝦太生猛扎扎跳好難燒。即燒的蝦加些少鹽調味即可蝦肉特別彈牙，有啲重有蝦籽。除咗玩夾燒蝦，自助海鮮區亦放滿不同新鮮海鮮任夾任燒，包括生蠔、扇貝、鮑魚、魷魚、蜆、花螺、原條大眼雞⋯⋯⋯⋯真係多到有選擇困難症。當中推薦鮑魚非常彈牙先甜。另外仲有多種肉類同串燒大量選擇，如雞翼、雞軟骨、雞腎、牛仔骨、牛扒、羊架、五花腩⋯⋯⋯⋯任君選擇。蔬菜都有唔少選擇有粟米、翠玉瓜、茄子、金菇⋯⋯⋯⋯。熟食區有小量熟食，有湯，炸物，炒菜，炒飯⋯⋯都好味，一啲都唔h e a。飲品都多選擇，汽水，啤酒都好幾款，重有健康嘅花茶到尾梗係食埋雪糕同甜品先走咁先perfect 。

燒蝦蝦=笑哈哈，初頭睇到個banner覺得好鬼老土，點不知我同屋企人食完出嚟真係個個都笑到見牙唔見眼😆原因係啲咩？一齊睇落去啦👇🏻首先呢度有我媽咪最鍾意嘅飲品，就係梅酒啦！呢度有得任飲啤酒梅酒！仲有得自己落茶葉沖茶添😍都幾新穎嘅創作❤️另外就當然係覺得佢哋啲蝦真係超好味啦！每一隻都係好生猛啊，我哋坐咗落張枱度店員先會加蝦🦐，大家記得印到啲放咗落去冰桶到凍一凍，佢先至放落去個燒烤爐上面燒啊！另外仲有好多其他嘢食！我自己就好鍾意佢個八爪魚同埋原條燒魚，因為鮮味十足無法抵擋😝

我一直好鐘意食蝦，成日想試哩啲任食新鮮蝦場，趁放假終於去左。哩到午市每人$298 就2.5小時任食，除左流水蝦仲有其他海鮮、肉類同菇。去到好多人，一開始都唔太知點做😂 見人地拎個桶去裝冰，就跟住啲人去裝，好彩出到去問個職員，佢教我地話啲蝦要放入冰桶先再拎去燒，如果唔係會跳走！啲蝦都好生猛，有啲一夾就快速逃走，好彩男朋友夠力夾實啲最新鮮既蝦😂 有隻仲爭扎到啲水濺出黎。而生猛既蝦，燒出黎又彈牙又多膏！新鮮蝦口感係爽好多！我地仲燒左其他海鮮：鮑魚、蠔、扇貝、青口，都夠新鮮。不過有殼既海鮮要燒耐啲，爐面唔太大，建議燒左快熟啲既蝦先，咁就可以邊剝蝦邊由啲海鮮燒。 仲有菜類同甜品飲品都有好多款！除左成三個櫃既凍飲，仲有1664、生啤任斟，想要熱飲都有多款茶類任揀，甚至有玻璃樽裝熱維他奶。

🦐🦐🦐🦐燒蝦蝦🦐🦐🦐🦐我諗呢間餐廳對大家都唔陌生，有好多人都食過㗎啦，不過對於我來講就真係第一次！雖然自己係住喺大西北，但係都真係一直都冇食過呢一間餐廳。今日終於有機會試吓啦！有得望住個魚缸食飯都幾爽😆有一秒幻想自己係有錢人😝魚缸入邊有好多跳跳紮嘅蝦！佢哋嘅速度快到你根本冇可能夾到😆如果想夾到隻蝦係有技巧㗎😏最緊要快同埋準確💁🏻‍♀️如果你怕自己夾唔到蝦嘅話都可以食佢其他嘢食😘有大量熟食同埋燒烤食物，可以俾你任揀。想食邊款自己攞😋總有一款啱你嘅！而且我最鍾意嘅就係佢嘅飲品同埋甜品選擇都勁多🙈

屯門任食燒海鮮！【燒蝦蝦】晚市流水蝦海鮮啤酒任食任飲2.5小時7:30pm後結帳及離座 $368位海鮮：流水蝦鮑魚蜆魷魚青口扇貝蟹蠔新鮮大大隻嘅流水蝦，每隻都超生龍活虎，想捉都捉佢唔住，燒起來夠香，一拆殼每隻都爆曬膏，就咁食夠鮮夠原味，自己調味又惹味可口！捉蝦捉到攰仲可以係自助區有好多唔同種類嘅海鮮俾你選擇，就係貝殼類都十種，每樣都大大隻又新鮮，真係燒到你飽為止！燒肉、燒蔬菜、熟食、沙律、甜品、雪糕如果食到咁上下，仲可以有基本燒烤嘅配料，肉類至蔬菜都一應俱全！飲品必讚嘅飲品區，由汽水到啤酒清酒都有，啤酒仲要係朝日同埋任飲，仲要供應埋冰杯，貼心之舉！加一服務費燒蝦蝦 (興泰大廈) (屯門)屯門仁愛堂街45號興泰大廈地下1,1A,2至8號舖

屯門都有得食流水蝦，真係方便晒住大西北既我地呀，呢度係做放題既，流水蝦之後仲有海鮮，肉類，串燒，熟食，甜品任食，飲品都任飲，超級豐富呀↖(^ω^)↗作為主角既流水蝦真係爆好食，係水池夾上黎果陣仲會郁黎郁去，勁新鮮，啲蝦隻隻都好大隻，絕無呃人呀！肥嘟嘟一燒就勁重咸鮮味，落少少鹽同胡椒調味已經好好食，食多多都唔夠🫣海鮮方面真係震撼眼球，係有原條魚去燒😦so crazy!!!條魚仲要大條新鮮喎，海鮮類夠新鮮既話真係落少少鹽就好鮮甜好正，超好吃的！！呢度啲肉類都好出色，牛仔骨，雞件，豬仔骨呢啲全部調味都做得好好，超好食😽

呢間燒蝦蝦係屯門市中心，真係好方便好易去，任食兩個半鐘，一家大細去就岩晒👨‍👩‍👧‍👦我地一家人去，小朋友見到啲流水蝦好興奮，係水池任夾，無蝦佢地會好快refill到，啲蝦好生猛，小朋友夾得好開心😂夾到上黎燒果陣仲好新鮮，有小朋友就唔落咁重調味，反而食到蝦既鮮甜味，蝦肉爽口彈牙，完全唔霉，食得好放心❤️小朋友燒野食都係中意食腸仔，丸呢啲，呢度都有，供應好齊全，一般既肉類都有得燒，又係好新鮮，好似豬腩肉燒完肉質好好，軟腍香口，棒棒💞呢度仲有唔同海鮮都係任食架，生蠔啦，蜆啦，扇貝啦好多唔同款既海鮮，全部都唔會有雪味臭味，我地大人就最中意，加啲蒜蓉辣椒去燒仲惹味添🤭

叔仔一家搬咗去屯門，今日放假同阿女入去探下佢哋，晚上叔仔帶咗我哋去燒蝦蝦食流水蝦海鮮放題。任飲任食2.5小時（9點後只有2小時），有流水活蝦、鮑魚、海鮮、燒烤食品、熟食、生啤、甜品等，好適合一家人吃大餐或朋友聚餐！自助區內有多款美食及飲品，包括鮑魚、貝類、鮮魚等海鮮；同時亦會供應多款肉類、串燒及丸類等燒烤美食。甜品和飲品更有不少選擇！熟食區每日推出不同菜式，以炸物、炒飯、泰式小食為主。每個座位旁都有個蝦缸，食客從蝦缸可自行夾起新鮮生猛大頭蝦，再放入冰桶凍暈後，放上爐燒，缸內冇蝦可請職員即場加蝦。大頭蝦食落啖啖肉，隻隻爆多蝦膏，即捉即燒，蝦肉結實彈牙好鮮甜。肉類醃得夠入味，菠蘿燒過特別香甜。大大條魚好新鮮，肉質鮮嫩，生蠔大隻好肥美。

呢間餐廳都幾好喎，唔會話好迫每一張枱都會有一個蝦缸，職員會等我哋坐定咗之後先加蝦🦐一桶倒落去隻隻都好生猛‼️(我自己覺得呢間餐廳嘅氣氛都幾好，大家都好開心咁樣夾蝦）而且仲好貼心，因為除咗凍飲之外，仲有唔凍嘅飲品可以比大家自行自取👍🏻另外仲有好多唔同款式嘅雪糕。（有好多韓國嘅飲品同埋甜品小食呢度都有😋）另外出面又有自取小食枱，可以俾大家拎唔同嘅嘢食，有好多唔同嘅海鮮、例如生蠔、八爪魚、鮑魚、貴妃蚌等等。最令我驚訝嘅係原條魚🐟都可以拎返你自己燒。（不過記得大家唔好揀咁大條，因為個爐可能會唔夠位㗎 ）

真係好耐冇食過放題，我比較偏好任食海鮮同埋甜品，所以呢一間就最啱我要求。🍰甜品必選：粉紅色蛋糕、朱古力撻一行去甜品區，最吸引我就係呢兩樣。粉紅色嘅蛋糕真係好吸引，係淡淡嘅草莓味好清新。朱古力撻都好充實，最外面少少脆，裏面流心，連埋個撻皮食真係好正。💦海鮮首選：章魚一嚿嚿已經切好曬。配上自選嘅配料去燒，真係夠曬入味。🦐招牌菜：流水蝦喺佢完全係新鮮生猛嘅狀態下可以任夾。食落真係非常鮮嫩呀。🦪回本之選：蠔真係好大隻，殼同肉都肥厚。生食都應該幾正，熟左仲有一番燒烤嘅香。

屯門馬會對面有間流水蝦任飲任食，都幾多人排隊🦐流水蝦海鮮任飲任食2.5小時 $298-一坐低侍應就會將一桶新鮮生猛嘅流水蝦放入蝦缸-流水蝦要先搵冰浸暈 再落火燒熟 蝦肉質勁彈牙 仲有好多蝦籽除咗蝦之外 另一個重頭戲就係海鮮鮑魚 蜆 扇貝 帶子 花甲 蠔 蜆 黃花魚 大眼雞-鮑魚要先剪開個殼 如果唔係會爆汁 爆到會辣死😂 所以我地就乖乖地起殼燒海鮮全部都夠新鮮 因為去貨快👍🏻仲有熟食可以拎，唔使自己落手😏一大班人都幾啱邊吹水邊燒住嚟食 場內仲有好多肉類串燒任拎 最尾唔可以少得燒菠蘿🍍總括嚟講，時間夠長又可以任食，邊食邊吹水一流

屯門呢間自助式嘅燒烤店，性價比嚟講算係幾好，三百幾蚊有好多選擇，只係服務方面比較自助式為主。🧐飲品🥛可以見到斟水係自助。另外佢亦都有啤酒選擇同埋雪櫃都有好多罐裝嘅飲品。醬料🧉醬料方面都係自助，真係幾多選擇，大家都可以逐一試下。新鮮海鮮🦞食物方面主要都係推介海鮮。佢有大量海鮮選擇，都係新鮮嘅，好似幅相咁有大量嘅沙白蜆，仲有原條嘅鮮魚。比較推介嘅係鮑魚、扇貝。🥄鮑魚方面係成個錫紙兜放嘅，本身都醃到好入味，而我哋都係醬料區度再加咗自己鍾意嘅配料。經過燒烤之後熱辣辣咁真係好好食。🥄蜆方面係原隻大大隻，肉質都非常豐厚，同樣醃得非常入味。加上蒜蓉粉絲辣椒，真係不得了。

海鮮選擇都有好多，蜆，鮑魚，青口，生蠔，扇貝，魚，帶子 ，應有盡有。蠔🦪超級新鮮，好大粒😍😍🤤爽口彈牙，口感好正！！😍😍😍勁鮮甜！真係任食好正！蜆都好好味！😍😍😍而且無咩沙，燒完出來都好好味！好香好滑😌😌👏🏻🤤🤤🤤🤤🤤🤤真係食都流曬口水！🤣🤣🤣除咗蝦，餐廳都有提供各式各類嘅新鮮海鮮任食任拎🤩 有生蠔、青口、鮑魚、扇貝、東風螺、貴妃蚌、魚類等等。我覺得最好食嘅係原條魚，肉質非常嫩滑，大家唔好錯過～ 另外佢哋嘅螺都唔錯㗎，爽嫩多肉。呢度好吸引好受歡迎，而且齊人好旺場！好多人排隊，下次來記得book位先，唔洗排咁耐隊嘛！🤣🤣👍🏻👏🏻而且職員服務都好好，雖然多客人好忙，但係佢地都好好態度，唔會hea我地！👍🏻👍🏻