燒蝦蝦 (興泰大廈) (已結業)

我冇諗到呢間餐廳除咗令我好似去咗泰國咁之外，仲令我好似去咗韓國咁😂流水蝦係源於泰國，呢度有好多飲品同埋甜品都係來自韓國😆所以可以稱之為fusion放題😏🏴自取位置海鮮嘅自取位置其實一行入餐廳就會見到，不過相對上道路比較窄少少，拎嘢食嘅時候大家要小心啊！其實佢啲海鮮全部都好新鮮㗎，完全唔會有臭味。海鮮旁邊仲有其他燒烤食品可以自取，食幾多拎幾多‼️🏴流水蝦玩法每一隻生猛嘅流水蝦，都要我哋自己夾上嚟㗎，其實因為佢哋跳跳紮，所以都幾難夾㗎。計我話最緊要快狠準！夾起咗之後即刻放入冰桶，然後再拎去燒。

朋友一早訂定枱，於9點入座，9點9拎張單埋嚟話10點15 last order,11點就趕人走，睇番收費表係寫2.5小時嘛，結果連枱上未燒或燒緊嘅都唔食得，要人即走，如果收11點，請寫清楚，並於訂枱＆入座時都講清楚關門時間丫，一肚氣被趕走，雖然食物價錢可接受，但唔會再幫襯啦

屯門呢間燒蝦蝦做流水蝦放題，兩個半鐘既任食，除佐流水蝦仲有其他食物任食，性價比超高！熟食類呢度好照顧到懶人既需要，除咗有需要燒熟既生食物，仲有一堆熟食都係任食，我特別中意蒸龍躉同鮑魚燴西蘭花🤫蒸龍躉超抵，龍躉勁厚肉！！魚肉好鮮甜，魚皮又爽脆，好重膠質，十級好食🐟另外鮑魚好彈牙好入味，西蘭花都吸晒啲鮑汁又爽又脆，淨係熟食都食到停唔到口呀！流水蝦主角流水蝦就無可挑剔，係水池新鮮任夾，夾上黎即燒超新鮮，啲蝦好爽好大隻，用啲鹽調味就帶晒啲鮮味出黎，好正！🤪串燒呢度仲有得叫串燒，都係任食，好過份呀🤓任食既串燒上枱果彈已經調好味，我最中意食既雞軟骨真係好好食，好爽好脆，其他串燒都好唔錯，又一懶人恩物😆呢度仲有唔同飲品任飲，啤酒都任飲，爽爽的🍺🧃

屯門呢間 真係極品 佢係我呢世人暫時食過最差嘅餐廳服務態度佢哋嘅服務態度絕對係好似想間舖頭立即執笠唔想做咁滯老世做買一送一優惠好諗頭 可惜你哋班員工幫你倒米似想你執笠多啲我都係上網睇到有買一送一所以就決定去試吓 因為覺得都幾抵食首先我哋打去訂位嘅時候佢已經講明五點之後係冇位 咁我哋唯有約晏少少九點咁我哋覺得都唔緊要啦既然咁平九點之後佢都冇所謂啦點不知佢已經講定到時唔會有咁多蝦㗎我哋都覺得冇問題嘅 因為始終都係夜去同埋佢咁着數買一送一我哋都係一心想試吓點知我哋去到 根本就係有好多蝦好多客人都喺度加緊蝦 仲要係有位 其實根本就唔係所講無位當然我哋入座嘅時候有講明登記咗買一送一注意返員工係完全冇同我哋講過幾時係最後拎嘢食同埋幾點關門 又或者帶位時提示我哋大約食到幾點鐘要我哋準備走 其實呢啲咁簡單嘅基本程序我覺得係冇問題亦都係任飲任食嘅基本要做嘅嘢其實整個食嘢嘅過程我哋都覺得食物滿意就算用正價去食我哋都覺得係值仲已經打算之後再嚟 再叫多啲屋企人我哋一行幾人約9:00左右入座 時間食到去10.點15有人提示我哋出邊會收嘢食 跟住就開始有人嚟要收我哋張單叫我哋俾錢時間去到大約11:00有一個懷疑係

夜麻麻九點 但又好肚餓 想食啲咩？黎呢度就啱曬啦👏🏻 任飲任食去到11點😚值得關注係 任飲生啤酒🍻 爽到飛起😜泰國🇹🇭既大頭蝦 相信大家都唔陌生😎呢度嘅蝦好生猛 店員都會好快手幫手加蝦🦐而海鮮🦞🦀方面 非常之多選擇🤩淨係蜆殼類 都有幾款😍蕃薯蜆 極岀色😋唔少得有魷魚🦑鮑魚 生蠔🦪魚🐟如果食得飽飽地 仲可以燒佢哋嘅蔬菜🥬種類非常豐富😍又或者可以食佢哋嘅蒜蓉包🍞一定要食菠蘿啊🍍好鮮甜！yummy 🤤壓軸出場嘅係 炸饅頭😝簡直係圓滿嘅一day

💜有勁多海鮮、例如貴妃蚌、扇貝、生蠔、鮑魚等等。如果大家唔想就咁燒嘅話都可以配埋佢哋餐廳嘅蒜蓉，加埋一齊嚟燒味道更加正㗎👅💜其他熟食同埋燒烤配料都係可以任食任夾嘅！不過記得食得晒先好拎，唔好做大嘥鬼😌我自己就最鍾意係佢哋嘅串燒同埋五花腩片！串燒都有好幾款，每一款燒起上嚟真係好香口㗎😳💜最後我覺得呢度係一個聚餐幾好嘅地方，環境都幾大，有好多梳化位。而且好啱一家大細嚟！因為又有熟悉又有得燒烤！最主要係嘢飲同埋雪糕都係任食㗎💓如果俾啲小朋友知道雪糕可以任食應該開心死佢哋😆

早兩日食完中午，今日先得閒寫返食評，睇到社交平台重有2.5鐘$368買一送一優惠，朋友網上訂位一行四人慶祝生日，先講門面枱面太細火太細，四人枱坐落去一個燒烤爐一個冰桶，中間一大個桶裝殼垃圾，一隻大碟裝野食，擺埋一人一罐飲品，自己食野隻碟都只係剛剛好，未計燒烤調味料。至於食物熱盤當然係唔吸引啦，但個冬陰功湯係好飲嘅，最好一樣野係有好幾款生啤啤酒任飲，海鮮類主要食大頭蝦，鮑魚（新鮮生猛），扇貝，生蠔🦪都幾肥，而肉類羊架，牛仔骨，五花腩都👌🏻，整埋牛油芝士粟米👍🏻，但原本開心既生日慶祝，比埋單呢下破壞晒，因為係網上訂位，入到去同職員講貴姓同電話號碼，職員就帶我地入座，入座時同我地講食3.5鐘就走左，我地坐低重諗咁好既加我地鐘，係咪因為無咩人呢，因為成場眼見三、四枱客而已，大家都無留意就開食，到食到咁上下攞張單埋黎話麻煩埋左張單先，幾點截單同幾點唔可以再攞海鮮等等⋯⋯一睇張單收左$298一個人加埋一成張單$12xx咁我咪問乜唔係買一送一咩，你社交平台post左話做到12月幾號個喎，佢話你地入門口已經同你地講左$298一個人食3.5鐘，你地話👌🏻架喎，我哋就表示4個人都無人聽到你講價錢，剩係講係

屯門原來都有流水蝦，呢排咁hit，一定要黎試下啦！呢度仲要係放題形式，2.5小時，可以慢慢燒！海鮮類呢度除佐主角流水蝦係任夾任燒，其他海鮮都係，仲要好新鮮👍🏻好似我地夾啲蜆勁大隻，又無沙，好鮮甜，超好食😋其他仲有鮑魚去燒，超級正，海鮮又多款又新鮮，出色！肉類呢度啲肉類都係任食架，雞翼係原隻燒既雞翼，好過份呀！🤪啲肉都有醃過，雞翼脹卜卜好肥美好正，其他牛扒，豬扒果啲都有，全部都好正好美味！流水蝦主角流水蝦真係好正，好新鮮，全部任夾，又有得玩又有得食，流水蝦係水拎上黎可以即刻燒，超爽！啲蝦新鮮彈牙，好食到爆呀！呢度有埋自選調味料，全部都可以自己調味，正❤️‍🔥

最愛食海鮮的我又去食海鮮啦! 早前被好姊妹發現我去食燒海鮮而唔帶佢, 今次決定帶佢去食燒蝦, 去左屯門既燒蝦蝦, 任飲任食燒海鮮 $368/位! 🚈西鐵屯門站行去都唔遠, 經過商場過條天橋, 行3分鐘就到! 好方便!👍👍海鮮海鮮包羅萬有，生蠔、鮑魚、扁貝、帶子、貴妃蚌、蕃薯蜆丶海螺丶大蜆、原條魚都有得攞。好似去左海鮮檔。特別係個鮑魚真係不得了。比想像中大隻，鮮甜美味，肉質彈牙，邊脆肉嫩既口感，正，👍燒菠蘿配料方面推薦燒菠蘿，係必食，厚切又甜又香，爆汁呀，諗起都想食👍熟食區熟食區每日都會供應不同熟食，各式炸物、泰式蝦餅、鮑魚炒伊面、蒜蓉粉絲蒸蝦、冬蔭功湯等😋👏🏻👏🏻大胃皇仲可以去呢個粉麵區，可以自己揀麵淥幾過癮，飲品都有好多款。汽水，生啤 、真露、自助斟清酒、梅酒，連花茶都有。連飲品都有咁多選擇，好細心，唔同口味既人黎都會啱食！

✐☡餐廳環境👽餐廳環境嚟講都算唔錯，有梳化位同埋有膠櫈仔位，如果坐到梳化位個魚缸都會好夾啲。同埋張枱大啲，放啲嘢食都多啲㗎🫶🏻咁前提梗係你要幾個人一齊先會有張大枱啦！因為佢哋都好多人食㗎🤧另外仲有設置熟食區、飲品區、甜品區。我最鍾意佢個雪糕櫃有勁多款唔同嘅選擇！✐☡食物質素👽哈哈，你哋睇我張相見到拎咁多嘢食就知真係有好多唔同嘅款式啦！佢哋有一個自取枱，可以俾你地任揀嘢食！有海鮮、有蔬菜有肉類！我自己就幾鍾意佢哋嘅扒，因為係佢哋已經醃製好唔使再另外調味👍🏻。生蠔雖然細細仔，但口感厚實，味道鮮甜，燒埋仲香到不得了！起碼食左廿隻，仲要開得好好，係完全冇蠔殼，食得好開心好爽阿！

💖今日嚟咗屯門市中心附近嘅呢燒烤放題店！佢哋主打就係流水蝦，自從疫情開始咗之後已經冇食過泰國認識嘅流水蝦啦！冇諗過香港都食到雖然係喺屯門有啲遠，但係真係幾好味㗎下次會再嚟🤭⋈♡｡ﾟ⋈♡｡ﾟ⋈♡｡ﾟ⋈♡｡ﾟ⋈♡*｡ﾟ首先講吓佢哋嘅熟食區先啦，其實都有好多唔同款式嘅嘢食，我自己最鍾意呢就係佢個雞件😝因為好滑捋捋㗎佢啲肉質👍🏻另外仲有其他肉類，大家可以自行選取我自己就最鍾意食佢嘅豬仔脾🤫唔覺唔覺我都食咗差唔多有10舊仲有唔少得嘅，就係流水蝦💁🏻‍♀️大家記得要夾起咗之後放落冰筒凍到佢暈咗先好燒，如果唔係佢會彈㗎！⋈♡｡ﾟ⋈♡｡ﾟ⋈♡｡ﾟ⋈♡｡ﾟ⋈♡*｡ﾟ最後要讚嘅就係佢哋嘅飲品區！除咗有Anson Lo代言嘅飲品之外，仲有韓國嘅燒酒！燒酒可以攞嚟飲之餘，仲可以拎嚟煮海鮮㗎搵個錫紙兜就做到！😚士多啤梨酒，真係勁好味囉🍓

今日入屯門食燒海鮮，入到去侍應姐姐安排咗Gas爐俾我哋燒， 侍應姐姐話Gas爐火力好過電爐。 店鋪仲提供左錫紙兜， 煮起海鮮嚟好方便， 行出去好多海鮮簡， 淨係貝殼類都有好多款揀呀！ 所以我哋款款都夾啲嚟試。 主力食左好多鮑魚， 另外職員refill海鮮速度都好快。 當然都有夾游水蝦嚟食啦， 啲蝦都幾新鮮幾活躍，想夾到佢地都要有啲技巧啊🤣🤣， 蝦都好多蝦膏👍🏻👍🏻 另外自助飲品都好多款式，仲有啤酒同韓式燒酒。 最後梗係要食埋燒菠蘿同甜品。 我地係午市去食，差唔多到落場時間佢地會用蓋， 蓋住食物。 唔比顧客再取食物。 另外因為唔熟屯門， 所以係出左地鐵站後，用左d時間搵路，店鋪位置有d難搵。

啤酒迷有福啦，呢度除咗食物任食之外，啤酒仲可以任飲！流水蝦放題來講都叫做幾抵😘抵食指數:🎀🎀🎀🎀🎀好味指數:🎀🎀🎀🎀🎀餐廳服務質素:🎀🎀🎀🎀餐廳整潔度:🎀🎀🎀🎀呢度嘅熟食都有好多唔同款式選擇，我自己都幾鍾意呢個滑雞件，啲雞肉唔會話太鞋，食落去都幾滑。另外最鍾意就係佢個自選海鮮檔，好似一個小型魚市場咁樣，用冰鎮住海量嘅鮑魚、帶子、貴妃蚌、蜆肉等等。最令我意外，佢係竟然有成條魚😱我自己除咗食蝦之外，仲主攻佢嘅海鮮😳將啲蒜蓉到埋一齊拎去燒好正㗎🤭‼️整體來講我覺得呢度嘅餐廳概念都幾好，一嚟會用啲新鮮嘅食材，完全唔係hea😋二嚟真係好抵食❤️

💛好味指數4.6💛💜回頭指數4.7💜✅流水蝦海鮮放題2.5小時 每位$368自從無得去泰國之後，一直都好掛住泰國流水蝦😭最近發現屯門有間2.5小時任食放題 ，每一張枱都有個蝦缸，可以自助撈起🦐🔸海鮮自助海鮮區：有生蠔、鮑魚、扇貝、青口、花螺、多款魚類&貝殼類😍仲要全部都好新鮮🦐最中意招牌大頭蝦，新鮮撈起放入🧊冰水浸30秒再上架燒，大頭蝦彈牙有膏，配埋泰式辣醬一流😋我地總共追加咗3轉🤭🔸串燒BBQ 必備：雞軟骨 、牛 、豬 、羊架燒肉，丸類 、蔬菜🥬仲有最愛嘅燒茄子🍆金菇😍燒完加啲辣椒蒜蓉醬係面🌶️真係無得頂😌雖然自己調味，但燒出黎同出面食既串燒差唔多😂🔸飲品除咗汽水仲有幾款啤酒🍻1664 、Asahi 支裝啤酒，仲有梅酒、清酒🍶每樣嘢嘅選擇都好多👍🏻🔸甜品甜品種類都好多，食咗幾款泰國牌子雪糕🍦仲有朱古力蛋糕🍰食完覺得好滿足👍🏻

朋友介紹我去依間屯門嘅燒蝦場，一坐低旁邊個蝦崗入面有好多大頭蝦望到已經好吸引。最興奮嘅係佢既生啤竟然係任飲，當然要飲番杯先啦，不過自己倒衰咗。佢熟食嗰度都轉得幾頻密，每次出去夾嘢食都有唔同嘅款式，全部熟食都做得唔錯，有啲出去食小炒嘅感覺。嚟到當然係食蝦啦，佢個爐火力好夠，試過去一啲個爐好弱嘅，燒到一肚氣。佢個海鮮區多好多選擇，花甲好甜、貴妃蚌就好鮮味、扇貝就不過不失、帶子同鮑魚係重點推介，真係唔係間間放題有任食，另外仲有好多款魚嘅選擇，不過今次就冇食到。燒咗幾輪其實都飽，佢好貼心，超級多款式之餘，仲有一個碌麵區，同埋花茶區，真係應有盡有。甜品選擇到出奇地多，因為我係雪條同埋雪糕怪，望到真係超級開心。