燕雲莊 (已結業)

今日中同聚, 同中同去左中學時成日食ge上海餐館排骨菜飯!!勁入味囉豬扒!!好味!不過就貴左好多, 份量就冇咩點少到滷蛋腩肉麵, 一般啦, 腩肉唔係太入味蛋就好正, 係炸架小籠包, 好多湯汁, 皮唔太厚, 水準一般醋, 用呢點小籠包水準都保持到, 不過店員同以前一樣, 差

第一篇食評'燕雲莊'係小弟中學時期lunch time的一個唔錯ge選擇。到最近從朋友口中知道搬左去聯和墟，當然要去幫襯下啦！！到達聯和墟之後先發現原來都新店位置都幾入下，而且可能啱啱裝修好，唔係靠門牌號數的話，要搵都有少少難度！！今次晚餐order的唔算太多，，啱啱夠飽😁第一樣就係我的最愛'上海雞翼菜飯'，賣相同味道都同以前的沒有太大改變！一樣咁好味 第二樣就係'上海排骨麵'，雖然唔係太食上海麵，但味道都還可以，只係如果湯底能夠濃一點會更一流！第三樣就係'北京雲吞'啦，呢樣都係今次值得推薦ge一味餸菜，入面的餡肉吸晒湯汁，食落可以講話係無得輸！大家不妨去試下啦👍🏻👍🏻👍🏻

七一都要返工OT，出去食個lunch抖下氣，想食茶記又無開門，行行下見到燕雲莊，又好喎，搬左舖都未食過。午市套餐三十八蚊，有湯，有豆漿，都幾抵食喎。先送上豆漿，只有凍的，頗有豆香但略甜。要左一個紫菜湯，一個酸辣湯，酸辣湯堅辣，食左幾粉辣椒核。兩個湯都足料，幾好飲。肉燥牛肉飯牛肉嫩滑，肉燥肥瘦比例適中，味唔錯，撈飯一流。咖哩朱扒飯朱扒有點鞋口，咖喱汁亦太稀，唔難食但一般。鎮江骨有返啲上海野特色，味道ok但汁太濃，好黏口。要收加一的。

燕雲莊係粉嶺區原來幾出名，最近佢應該搬鋪去左聯和墟，當然我同老公又去試下啦😝上海菜館必定要點「小籠包」  hkd 55/10pcs開頭以為10個小籠包，兩個人吃會太多，事實是當好味時，10個都嫌小^_^這裡的小籠包總算皮薄餡靚，而且每個小籠包內都充滿湯汁，唯小籠包頭摺位摺得有點厚。酸辣湯   hkd 30(例)餸料十足，夠酸但超辣，連一向吃得辣的老公都嫌辣了點。京蔥泡羊肉麵   hkd 33原本我地係叫牛肉的，但吃入口我覺得係羊肉，有點膻味，大肚其實唔好食羊，不過食之前都唔知佢黎錯，吃左少少，我估唔怕卦。麵質感覺好得意，闊條麵令人吃得飽肚又滿足，湯底清而又充滿京蔥香，羊肉雖帶點膻，但只是很輕微，肉嫩而香，下次再叫成數很高^_^當時下之叫的會是牛啦。其實這裡很多選擇，不過一定要多些人來才可，兩個人來，可試的其實不多。

食物沒水準，完全不是正宗上海菜。酸辣湯落蔥，我都是第一次吃到。用水餃扮鍋貼，唔夠熱之餘，內裏的肉仍是生肉，就捧上枱給客人。小龍包更嚇人，湯汁沒味道，肉有濃烈的雪藏味，沒有令人一試難忘，想再吃多幾個的感覺。還有，個擔擔麵的湯底，居然湯是完全浸過麵，而且，亦沒有花生醬和痳醬，亦沒有紅油。

 中學時這店已在粉嶺中心經營，多年來不時光顧，最常吃的是它的酸辣湯和各式湯麵類，還有小籠包，偶有吃它的冷盤或小菜。因租價颷升，店主逼於無奈遷移到聯和墟，店子比以前小了起碼一半以上，有點可惜。今天特意於它遷店後首次光顧，尋找昔日風味，可是整體質素竟然大幅下降了 我倆點了麻辣牛栢葉、小籠包(5件)、榨菜肉片湯年糕和桂花酒釀小丸子~正在等候上菜時，我倆準備先將提供的叠著的飯碗分開，誰知一分開，就有一大攤污水濺出，大面積濺在男友身上，由上身到下半身至腳上  明明應是乾淨的飯碗呢，但卻兩隻叠著中間藏著一大碗污水，侍應雖有上前協助清潔，但辯稱碗筷是外判清洗，與他們無關  本著多年街坊小店，我倆沒有與他們爭辯，抹乾淨就算了~榨菜肉片湯年糕甫上桌，已覺比以前"縮水"了，湯的份量比年糕和肉片還要多，除去湯水，相信年糕只有約一飯碗份量，肉片也只有寥寥數片，榨菜絲更不如前，而湯水只是普通清湯，男友稱吃著感覺就像是從哨水中撈餸渣吃  小籠包依舊用大竹蒸籠盛著，大小與過往沒有差別，但皮有點韌，內餡湯汁少得很，比起早幾年退步了很多 麻辣牛栢葉辣味夠，麻感偏輕，味道可以，但牛栢葉灼得過熟，韌了一點