爆丼丼 (已結業)

因為lunch 想同媽咪食魚生，去開荃灣行街就揀在呢間爆丼丼試下。之前睇評論話要排好耐要入得去食，但好彩我地去既時間接近下午茶，唔洗等位，入面都好少人。叫左2個丼，一個三文魚甜蝦，另一個帶子蟹子三文魚。份量方面都幾大，主要係好多飯所以一定飽肚，而刺身就講真一般般啦，甜蝦有少少霉同散，同我之前食開既唔太一樣。三文魚同帶子就正常發揮既，三文魚都切得厚身同算新鮮既。雖然價錢中等唔太貴，但我未必會再黎食，因為呢個價錢我寧願食第二間啦。

尼間係我同同事最喜愛既飯堂，因為好就腳，魚甜好新鮮，以價錢黎計好足料。我同事好鍾意食原條饅魚飯，無錯並無打錯係原條饅魚。條饅魚既長度大約1個半手掌咁長，個碟都差d裝唔落。佢燒得洽到好處，再加上自家制甜燒汁，真係令不得了。而我比較鍾意叫魚生丼，因為佢魚生好足料，好新魚。70元既丼有2隻甜蝦，3塊厚切三文魚，仲有其他刺身。有時候唔夠喉，我地仲會叫煎餃、炸雞粒或者天婦羅。尼3個小食都唔錯，如果有朋友些牙就更好。因為份量很大份，次次都食唔晒。

荃灣係一個泊車唔方便嘅地方，因為好多野食，而好多野食即係好多競爭，即係有益左我去食CP高餐廳!雖然十個有九個都會叫呢個爆丼海膽飯，但不代表小弟唔會叫，就算冒着被人話跟風危險我都要食海膽～膽～膽～膽🤣主打海膽爆丼海膽算不上是最尚盛同新鮮，不過勝在海膽多多，而且都有幾多飯喺底夠男士們飽肚，又啱女仔影相打卡，呢個海膽山打卡真係冇得輸😁火炙三文魚飛魚子元貝飯份糧真係史無前例地大，元貝4件，美中不足係三文魚好快就涼，CP值一樣咁高!

女朋友👸🏼在荃灣番工，為左早些醫肚，我就做足準備搵下有咩好食😋😋日本野向來都好受歡迎，尤其係我自己超鍾意食日本菜，見到網上好多人介紹，決定去試一試《爆丼丼》我同👸🏼都肚餓，於是一人叫左一個丼雜錦魚生丼北海丼嘩，無諗過d飯係甘多既😫👸🏼食左半碗都無，我就梗係捱義氣食哂佢🤢講番魚生先，都好足料，新鮮既，甘既價錢有甘既質素，抵👍🏻👍🏻👍🏻三文魚刺身，12件🥰超正加州卷。6件，超大件👸🏼鍾意食炸野，於是我地叫左個芝士件糕試下，太芝士，感覺有小小滯😅整體黎講，爆丼丼好抵食一定再光顧

之前食過旺角相當似既丼飯餐廳，聽朋友介紹爆丼丼性價比更高，於是前來一試。位置都少少稍遠，地鐵站行都要十分鐘路程。是日到達大約6:45左右，場內得數枱客人，同之前朋友所講要排好耐有好大對比。食黎食之前都有做下資料搜集，短短數個月，由$188加到$208。不過咁多海膽，價錢上黎講都唔算十分貴，同埋睇圖份量好似都好多，所以都叫左個黎試。另外睇其他食家介紹，我地都叫左個粒粒魚生丼。價錢唔貴，只係$8X上到枱，心諗，咁細既。圖片果然只供參考。不過野食始終味道最緊要。海膽一般，應該係用左幾隻唔同既海膽。有幾條特別鮮甜，有幾條就中晒伏咁好重腥味。吞拿魚蓉不過不失，帶子應該一開二，所以比較薄，食落無咩口感。反而三文魚籽好有驚喜，好有鮮味，不停咁想再食，用黎撈醋飯非常夾。魚生丼$88個人認為十分抵食，份量好多，呢個就真係有爆丼既感覺啦。魚生都食得出新鮮，希靈魚好好食，性價比十份高。個人認為粒粒魚生丼更值得一試。至於$208既四重爆丼，我相信市面會有其他更好的選擇。

之前見到旅遊節目主持人介紹今屆「全國丼物大賞」金賞大版的吉列豬扒專門店「喝鈍」，一直心思思想試一下。不用飛至之前見到旅遊節目主持人介紹今屆「全國丼物大賞」金賞大版的吉列豬扒專門店「喝鈍」，一直心思思想試一下。不用飛至日本，最近香港的丼丼屋都推出了新金賞系列。小妹便試了「泡菜滑蛋吉列豬扒丼」。丼物用上日本產豚肉及雞蛋，一上桌便熱氣騰騰，滑蛋配上香脆的豬扒，混合爽脆泡菜，口感十分豐富。熱湯配上白飯，簡直是增肥combo。

坐得舒服，食物好味，新鮮，而且價錢中肯，不枉此行。坐位之間有空間，比想像中舒服。服務還好，有時會發呆，加茶要大聲叫幾聲好尷尬。對bb也算細心，將碗快，熱茶等全部都只放在大人面前。

今日去左呢間成日經過但從來都無食過既餐廳。去到當然要叫個丼飯食下啦，叫左個粒粒魚生丼，賣相份量同價錢成正比，推薦!另外仲叫左個火焰左口魚壽司，燒得好香，食落有融化既感覺!!最後仲有汁燒牛舌，賣相香味都可以，但食落略嫌有啲厚，無咩牛味，所以一般。會再黎試!

今次試左炙燒左口魚燒完逼哂d魚油出嚟，入口即溶，仲好香添。塊佐口魚又夠大塊。Wasabi係用真野，誠意之作！粒粒魚生丼魚生切成粒狀，唔會太碎，一啖幾粒唔同魚生，口感幾好。非常足料，一人完成都有啲飽。最失望係牛舌好厚， 唔知食緊咩，但係有燒汁味。

朋友推介，於是慕名而來，來到時有少少人排隊，好快就可以坐入去了。 店面不大，座位有些逼，我們被安排坐在bar台，不過也不太影響進食。叫左個極上魚生丼，一來到個碗其實不算大，但魚生刺生鋪在飯上營造左一種好逼爆既感覺，視覺上看似不錯。這款爆丼有多種刺生，包括帶子、海膽、生文魚腩及蝦，看到份量頗大。海膽不錯，也算新鮮、帶子香甜、三文魚腩亦很肥美，雖未能做到入口即溶既感覺，但亦令人回味。不過蝦就比較遜色，鮮味不足，有待改善。總括來說，此店用料方面絕不吝嗇，食材很新鮮，飯的份量亦很多，大家品嚐美食之餘亦一定夠飽。

受宅男俱樂部 影響，山長水遠去咗荃灣食爆丼丼🤣呢個四重爆丼當真心不得了，估唔到過咗無耐價錢已經升到$208，不過一場嚟到梗係點都要食下啦😋 真心嘩嘩聲，賣相超吸引呀！好多份量嘅海膽魚子帶子吞拿魚🐟！整體刺身都尚算新鮮：帶子簡直爽到不得了， 魚子偏甜，吞拿魚蓉冇乜味，不過海膽就偏苦，唔係好食得慣。不過見呢間小店咁足料，晚飯時間都算滿滿地，就知好受街坊歡迎啦🤟🏻另外，蟹棒玉子燒意外地有驚喜，算係對得住個價錢🧟‍♀️-四重爆丼 | $208蟹棒玉子燒 | $55-

試完旺角的爆丼屋海膽丼味道只是一般, 反而荃灣呢個小店有驚喜, 刺身新鲜....海膽味道唔錯, 至少試完會再返來, 有下次幫襯...位置較偏, 不過要食好西值得一去的...

魚生厚切，非常足料。叫左四碗，每一碗都好好味。一定要encore! 同同事食午餐，環境舒適。中午更加唔洗排隊，超正。魚生飯令我回味日本既感覺。呢間係荃灣性價比最高既一間日本餐廳。^_^

終於有機會黎試下 同朋友7點左右到 餐廳入面唔算好多人 我地揀左個近角落二人位坐低 侍應都好快遞上茶水睇menu睇到流晒口水 有幾款都想食 糾結左一輪 我地叫左兩個四重爆丼 本身我仲想叫12件三文魚刺身 不過比朋友阻止左 因為佢食唔到太多刺身 而我就次次都眼闊肚窄個碗比想像中細 但海膽份量一啲都唔孤寒 移開配料會見到入面其實好多飯 但略嫌啲飯唔夠粒粒分明 帶子新鮮厚身肥美 三文魚子正常冇乜特別 拖羅蓉味道較淡蔥香亦唔夠 至於主角海膽係勁鮮甜 一啲苦味同腥味都冇我一向食野都好呢hea 為左唔好浪費咁正嘅食材 我食得小心翼翼 一路食到最後都有唔少海膽 完全滿足左我對海膽嘅渴求 下次要再黎試埋其他野食

在網上見到呢個爆丼丼，即刻比照片吸引到，而且價錢吸引，但以前亦在類似的丼飯店中伏，今日都係試一試。今日主要想試丼飯，叫了一個四重爆丼($208)和一個安格斯牛肉鵝肝丼($128)，四重爆丼份量算多，對得起個價錢，刺生質素不錯，海膽、吞拿魚感覺新鮮👍🏻，沒有腥味，份量亦不少，但安格斯牛肉鵝肝丼的牛肉質素只算合格，沒太大驚喜，鵝肝有兩塊但可惜煎燶咗少少🤦🏻‍♂️，不過個份量多，個牛汁味道都好好，如果唔喜歡食生野既人，可以叫來試試，穏陣不會中伏。兩個飯都可以要麵豉湯或加$5要氣水，有加一，今日共食了$375。呢餐飯算是滿意，街坊小店，性價比高，質素超越價錢，下次有機會想試下其他小食。