爆丼丼 (已結業)

今天去爆丼丼食魚生丼，聽說刺身新鮮，食物種類多而精，一於試試。小店位置不多，勝在用心經營，價格親民。首先上的是極上魚生丼，刺身豐盛「爆滿」，有帶子、油甘魚、三文魚腩、海膽、赤蝦等。三文魚腩非常肥美，肉厚有油脂甘香。海膽雖份量不多，但外型鮮亮，顆粒紮實，非常鮮甜。帶子晶瑩厚身，吃下去甜味四溢，點有海的咸香味，鮮美！油甘魚肉質細嫩，粉紅的肉色，一看就知其鮮度非劣貨可比擬。橫濱咖哩吉列豬排丼：橫濱是日本最初接觸外國的地方，其日式洋食一定滿有特色。此吉列豬排厚厚一塊，肉質綿密細緻，吉列脆香，剛剛炸起，沒有一般炸物黏附過多的油份，清麗的吉列口感。咖哩是甜甜的風味，是日本自成一格的甜咖哩，大根非常入味，與飽滿的日本米更是絕配。附送的味噌湯，濃而不過鹹。芝麻雞翼，外脆內軟，肉質粉嫩，外面芝麻非常香。高溫快炸，內裡得以鎖住肉汁，時間掌握得剛好呢。整體食物質素高，價錢親民，溫馨性價比高的小店，值得再吃喔。

爆丼丼果然名不虛傳，每一款都爆到好似就瀉出來咁。最推介呢款「四重爆丼」，海膽鮮甜無腥味，無電油味。拖羅碎無筋有魚油香，最正係帶子真係好大片，片片厚身啖啖肉。「極上魚生丼」同樣sell大份，淨係睇相都見到片片魚生厚過字典咁，油香好重，不過略嫌有點真係太厚，食得多會膩，會唔會其實切成兩片會好少少呢，而且感覺上仲可以食多兩片添！呢款最正就係帶子同牧丹蝦，好鮮甜，又彈牙。最後仲叫左幾款小食，芝士年糕同鱈魚乾，味道正路，本身已經好好食。總括來說呢個價錢叫一個丼已經好似食左一個放題既份量，質素還不錯，推介！

終於有機會品嚐早前被FB洗板的爆丼丼，人人都說性價比高，排隊都一定要食，所以這次令我非常期待。 附送的味噌湯。 四重爆丼 $188 主角四重爆丼，食物包括海膽，拖羅蓉，帆立貝同三文魚籽。賣相精緻，四款食物排列整整。海膽海膽飽滿豐腴，入口細滑，沒有腥味。接下來是拖羅蓉，充滿油香，入口油潤，之後是帆立貝，味道相對比較淡，但正正需要這份爽口清甜去中和一下，旁邊的三文魚籽已經忍不住跑了出來，晶瑩剔透而充滿鹹鮮的三文魚子，每層的口感和味道都是經過精心的安排，就像一套精彩絕倫的電影。用匙羹再把所有食物同時放進口內，不同口感的食材在口腔內一同爆發，滿足了視覺及味蕾的慾望。 原條蒲燒鰻魚丼 $98原條鰻魚呈上，鰻魚非常鮮味嫩滑，加入鰻魚汁更顯惹味，而米飯吸收了鰻魚的鮮味更美味，但美中不足是米飯不夠粒粒分明。 整體質素不錯，價錢親民。

今日嚟到荃灣爆丼丼，嚟呢到全因朋友介紹。雖然久唔久會嚟荃灣買餸，但好少行呢邊，但其實好近楊屋道街市，靜中帶旺。因為我地比較早所以去到唔駛等位，鍾意嘅可以坐bar 枱打開menu 見到有好多唔同嘅丼，睇落個個份量十足，攪到心大心細，最後揀咗極上生魚丼嚟到嘅時候覺得份量冇比想像中多，但食落原來都夠唒。魚生幾新鮮，最鍾意海蝦，又大又鮮甜。隨餐仲會跟一碗湯tim另外仲叫咗soft shell crab卷, 隻蟹好似細咗D，但味道都ok仲有牛舌，好好味，味道同texture 都唔錯，好有口感其實仲有好多選擇，拉麵，咖哩飯...不過一次食唔到咁多，下次啦！

早陣子朋友已經推這間餐廳，惟地點及用餐環境有點像金丼那一類而一直沒有動力試。今次經呀仔補習老師推介後，我們一家和工人姐姐去一趟試試。一到見門外又是拿票，但好彩不用等半個鐘，否則即轉場。因為在外面等又食小巴廢氣又迫又熱，實在令人難以久等。全店坐無虛席，我們也馬上落單。食品即點即做也不用等好耐。我們點了幾客壽司及小食，而工人姐姐就和呀仔主菜就係食面，其他和我們分享。平民食物整體上係唔錯，值得一提嘅就係厚切拿魚同劍魚腩，厚切到無朋友！鰻魚又夠大塊，惟燒鱈魚干太普通，似我買比呀仔幾蚊一塊的鱈魚零食片。下次要試試他們的四重爆丼。

久違嘅魚生飯😍佢嘅魚生都幾新鮮而且份量都唔少😎估唔到隱藏佢橫街嘅小店都有高質魚生飯😌佢晚市都真係幾多人🙈It's been quite a while since I had sashimi rice😌 The sashimi is fresh and the portion is decent😎 didnt expect this quality in a small shop in tsuen wan😌

一直未有機會去食，今天放假終於可以用餐，大約下午2:30到母需等位，店的位置如果不熟荃灣區有點難找不近西鐵也不近mtr,大約從西鐵或mtr 步行約十至十五分鐘左右。店內位置也頗舒適，喜歡吃海胆的必吃呀，飯的份量不算太大碗，對女士來說也勉強可以k.o 佢，用料新鮮，好好味

上星期帶老公去旺角某丼屋食海膽，但可惜餐廳未備好貨，食唔成，所以今個星期四出搜尋海膽丼，終於搵到人氣爆燈的爆丼丼，補償返老公四重爆丼，海膽佔了半個飯面，部分火炙後的海膽，半溶狀態易送飯，配上魚子、兩片帆立貝、吞拿魚蓉，整體算新鮮，但份量偏少，size是細丼。築地價錢，香港質素(當然不及築地的新鮮)，如果唔夠時間飛一轉東京，喺香港當頂下癮的，都係唔錯嘅選擇👍🏻。安格斯牛肉鵝肝丼，兩片煎鵝肝配汁煮安格斯牛肉，鵝肝外層的粉漿有點厚，油脂口感偏低，可能低溫煎得太耐，鵝肝應有的油份流失了👎🏻。安格斯牛肉，醬汁偏甜，好似食緊韓式煮牛肉，牛同飯的比例大約1:2，牛肉唔算多，但飯量好夠飽，比海膽丼多。點餐時已叫侍應不要椰菜底(大肚婆唔食得，老公又唔鐘意食椰菜)，侍應話午餐先有椰菜，晚餐冇椰菜，點知個丼黎到，椰菜同牛肉的份量一樣😓。餐牌上的丼飯都送味噌湯，或可加$5轉汽水，味噌湯終於有日式味道，足料👍🏻，仲有兩片油揚同大量海帶，不過可能時間的關係，海帶未煮開，仲好硬😅。老公話個海膽丼太細，唔夠飽，本來想叫汁燒牛舌同唐揚炸雞，但賣晒，其實當時未夠8點😓，侍應提議我哋食鹽燒牛舌，但見隔離枱食剩晒，伏味濃，所

✏️極上生魚丼 ($158)勝價比其高嘅荃灣刺身丼飯小店😛不過位置的確有啲唔就腳 要搵搵路先去到㗎😛叫呢個生魚丼貪佢好似咩都有啲 有齊:三文魚腩 油甘魚 帆立貝 赤蝦 海膽😻😻😻選擇困難嘅人可以唔洗揀咩都試下🤓見唔見到 樣樣都勁厚切 大大件好吸引 仲要只係呢個價都有海膽!!!🤯👅 每樣質素都幾好 尤其係個超厚切三文魚腩🐟同巨型海蝦🦐🤪🤪其實呢個價我都唔會expect個海膽係好鮮甜嗰啲 不過都係俾我想像嘅好😻咁多樣黎講係個帆立貝差少少 食落唔係唔好食 但硬係有種唔係好新鮮嘅感覺🤔🤔但整體黎講都幾唔錯 值得去試 好抵食😚

天氣炎熱 🌞大家都唔係好想食熱野。想搵d日本野食。行過荃灣見到呢度有間食丼飯好似幾正咁！就入左去食喇。環境都幾好，好有日本餐廳既feel. 餐廳都有以多款既丼飯選擇，仲有壽司其他野食提供。價錢都合理！我就揀左最吸引最多人食既：🔥🔥四重爆丼 🔥🔥賣相好靚！！好正咁！有四款刺身：海膽，帶子，拖羅蓉，三文魚籽 😍睇見都好開胃！海膽刺身都幾多幾大舊。食落好濃郁既海水味帶點甘甜味！很新鮮。好creamy😋帶子：好大粒，好厚肉！味道鮮甜🤤好味拖蘿蓉同三文魚籽 我就會撈匀連埋飯一齊食，咁就可以中和一下個油膩感。拖羅蓉個口感都幾滑，好重拖羅味，好甘香。三文魚籽粒粒都好多汁，一啖放入口，口感非常豐富又爽口！亦不會太鹹。食完都幾飯。丼飯仲包埋個麵頭湯，或加錢 配汽水！😛朋友就叫左：粒粒魚生丼飯，都係人氣之選！$78又幾抵食！寫到明有106粒魚生！😜當然我沒有數過啦。但目測數量都好多粒！咩款刺身都有，咩都可以試下。又幾好！👍👍

懷胎10月真係非常辛苦由其是唔可以食好多生冷野同海鮮我未懷孕前經常去食日本魚生，壽司又會去西貢食海鮮但係依10個月就完全唔食得所以當我生完二小姐之後都馬上上網睇下有咩地方有平靚正的魚生飯食今次揀左依間爆丼丼係因為咁啱出開荃灣而且又未到繁忙時間所以就可以慢慢細嘆由於我當日帶住bb同嬰兒車起初都擔心無位放不過好彩店內無咩人所以可以坐得舒服d我係5時去食晚餐完全唔洗等位上openrice 訂位仲可以累積aisamile里數我同老公一人一碗魚生飯飯碗比我想象中細不過都夠食男士就可能未必夠飽海膽都幾新鮮份量都好多非常鮮甜魚子唔會腥一咬即破帶子有2隻幾甜美吞拿魚蓉都好鮮味依碗飯如果大家中意食海膽就好啱但如果你中意食一片片的魚生就未必適合啦店內都有其他壽司同拉麵我叫左個餃子拉麵比大小姐麵身比較幼但係都彈牙餃子都煎得好香脆可以要求分開上碟套餐送汽水或麵豉湯算抵食

放工去開荃灣搵朋友 呢個荃灣地頭就介紹我去食呢間性價比好高嘅丼飯 一去到睇到個餐牌 已經好驚喜 估唔到丼飯都咁抵食<<原條蒲燒鰻魚丼 $98>>大大條鰻魚 一送上已經嘩嘩聲用上日本珍珠米 飯粒分明 口感豐富～醬汁蜜甜 同鰻魚嘅魚油香非常配合 加埋香滑炒蛋一齊食 味道一流！<<日式牛肉丼 $58>>牛肉份量勁多醬汁味道適中 唔會太濃 所以大大突顯出肉香性價比高<<金龍卷 $68>>金龍卷嘅餡料有炸蝦，蟹柳，青瓜 呢個配搭真係冇得輸炸蝦非常鬆脆 加埋少少沙律醬同蟹子嘅鮮味 真係好好食～<<蟹子壽司$18>>好多蟹子 亦都非常新鮮 一食落去成口都充滿蟹子鮮味整體味道不錯 份量亦非常大 想大食一餐日本丼飯嘅朋友 呢度絕對係性價比高的好選擇

喺荃灣做嘢，收工去街市買餸回家弄飯，而每次喺小巴站掛隊候車時都被呢間日本料理"爆丼丼"及佢地個招牌四重爆丼吸引住，望住都有少許流口水感覺。今晚真喺要入去幫襯吓。四重爆丼這個丼丼賣相及份量真喺爆棚，成座山鋪滿海胆，帆立貝，三文魚籽，拖羅碎等。海胆入口即溶，唔腥之餘亦感覺到淡淡海水味，輕輕攪勻與飯齊吃，鮮味好食，大大粒魚籽好有口感，帆立具同拖羅蓉都好新鮮。三文魚刺身雖然得四件，咁大件厚切是其它料理少見，一口一件要慢慢吃才消滅佢，魚脂喺口腔內徘徊，甘香滋味， 這道小吃，本人極之喜愛。蟹籽沙律青瓜絲加埋蟹籽，清清地易入口，都算大碟抵食。未到7點已坐滿大半客人，可算多捧場客

爆火山丼 $168有齊三文魚、三文魚子、拖羅碎、帆立貝以及吞拿魚，砌成一座火山形狀！外表看起來似細碗，但一人份夠食！三文魚籽等配料還算夠，唯獨是帆立貝和吞拿魚有點少，帆立貝似是一塊再切開。但整體味道是不錯的！牛油果軟殻蟹卷 $78不錯！足料，尤其是軟殻蟹，份量很足！整卷壽司蟹的分佈都很平均！唯一美中不足就是覺得牛油果太生，有點硬。鐵火卷 $32即是吞拿魚卷，不過不失。吞拿魚的份量也不會少，飯與吞拿魚的分配剛剛好。

近來天氣炎熱 反反覆覆落大雨今日藍天白雲 心情特別好特別嘴饞 想食日本料理身邊朋友們知道我想食日本野向我介紹爆丼丼 聽朋友講之前食過一次之後印象幾好所以專程來試一試店舖裡面設計略為簡陋勝在樓底有冷氣 在酷熱天氣底下感受到涼涼風氣細閱一下菜單 除左魚生飯之外 都有好多選擇 刺身壽司熟食炸物串燒拉麵 不一概論 ........自己就決定揀左火山爆丼作為今晚既晚餐未食魚生飯之前 先黎一碗麵豉湯有油條 蔥花 海帶 略為清淡 麵豉味可以再重多一點論到火山爆丼出場最欣賞三文魚籽圍住中間魚生向外蒲滿 見唔到飯加上三文魚吞拿魚帶子同拖羅容 顯得成個魚生飯相當份量十足每片魚生都沒有腥味 比較新鮮而且每塊魚生都唔會過大塊每一匙都可容納到每一塊魚生同三文魚籽 入口卜卜聲 口感豐富略為有一略不足在拖羅容蔥花比較少若多一點蔥花會令整個魚生飯大大加分總體來講唔錯👍🏻👍🏻👍🏻👍🏻👍🏻本身有另一個選擇想食四重爆丼有我最愛既海膽基於選擇了火山爆丼配料沒有海膽所以另叫海膽軍艦滿足一下值得稱讚海膽入口鮮甜 沒有一點苦味 激讚💯下一次再來黎食爆丼丼必定叫四重爆丼😆