爆丼屋 (山東街)

营业中

休息中

爆丼屋裝修完都係第一次食，環境闊左好多。而家係QR CODE落單，一黎就會上左個MISO SOUP叫左個北海豪勢丼，有左口魚，海膽，三文魚籽，蝦，帶子，好豐富，個碗都大D haha。所有食材都好新鮮，特別係個蝦，好大條。海膽係高質素，因為食落真係好鮮甜。而朋友就叫左個六重相撲盛丼。有黑魚籽，鮮蟹肉，海膽，牛油果，左口魚裙邊，三文魚籽，D料真係多到瀉咁! 好滿足，特別係佢仲有用牛油果中和一下刺身既油膩感，所以要KO碗飯都好易! 野飲都幾有驚喜，野飲叫左杯朱古力同埋一杯芒果SMOOTHIE ， 朱古力個杯係好濃郁，芒果個杯仲有粒粒芒果架!😍😍

我朋友就四重火山盛丼 黎緊時侯真係同張相有9成似 絕冇渣流攤由海膽, 三文魚籽同埋蟹肉堆砌成, 海膽好creamy, 仲有勁多既吞拿魚蓉食落去好滑香呢杯芒果沙冰 芒果味勁重又甜又汁 估唔到臨近冬天都食到咁甜既芒果 非常驚喜我就叫左個三重大極上丼  海膽係採用日本既 然後面頭鋪滿晒一片片油花超靚既大拖羅 食落入口即溶 旁邊鋪滿蟹肉 份量都好多 每啖飯都可以有蟹肉 而且佢地做既壽司飯軟硬度適中我叫左杯朱古力沙冰呢杯飲品都幾大杯 好有朱古力既香味  唔會太甜

同朋友食生日飯，試下食間好似幾多好評。點左夢之丼，同六重相撲盛，同兩串串燒，上菜黎到就感覺中伏，串燒算正常，但兩個丼，無論賣相，和份量，都完全超出我所想甘差，同圖片相差太遠，仲要佢價錢唔係平喎，你收得甘嘅價錢，仲有唔可以講服務差，因為係冇服務，服務員同經理都好晦氣，唔知想點。

好耐冇去食飯，琴晚去食一食個三色海膽飯點知啲海膽已經唔係當年嘅海膽以前嘅 有真。加拿大海膽 肉質實有口感濃而不散以前嘅日本海膽細啲 味道淡啲但都好甜以前嘅韓國海膽最細粒 有時會火炙 最甜以前嘅會排3行分返出3種海膽依家嘅上枱已經出曬水啲顏色散亂外圍都係大塊嘅海膽 中心位得幾粒又紅又橙啡嘅細粒海膽先唔講份量得以前一半 但價錢又貴左質素上真心覺得似係罐頭海膽雖然唔重明礬味，但冇曬海膽嘅鮮甜味一啲都唔新鮮表面大量化水，但又冇海膽汁流落飯度連以前包cheap cheap四洲紫菜都唔再比真心 好失望真係唔會再去了希望大家都見得到依個評語起碼唔會中伏

行街先發現爆丼屋原來搬咗去呢度，所以即刻入去食-六重雙撲爆盛丼 $225超級多魚子😆下面係左口魚🥰估唔到加左d蛋黃醬又幾夾蟹肉🦀️同海膽亦都好鮮甜-北海豐盛丼 $208蝦🦐超大條，哩款左口魚就炙燒過既🔥-制霸魚缸沙冰（芒果）$88一嚟到嘅時候真係驚喜到我！大家睇唔睇到！超級大杯！上面仲有d新鮮芒果🥭抵飲！-泡泡浴沙冰 $68哩杯🍸好令🥰，即刻幻想到🛁上面仲有d爆谷，影相打卡一流呀📸️😚

搬左鋪之後一路都未有機會再回味佢d 爆新鮮丼飯，終於有機會去食，同以前一樣咁好味！！❤️制霸！鵝肝海鮮羅盛丼 鵝肝煎到好香，海膽好鮮甜，帶子微微炙燒過，再加埋流心玉子，每啖都好鮮味幸福🧡燒饅魚盛丼 好肥美好厚身既鰻魚3D立體咁鋪滿成碗飯，賣相已經好吸引！而且鰻魚燒到好香，有微微焦香，燒魚汁既味道都唔錯，非常飽足💛制霸朱古力魚虹沙冰 好巨型既沙冰，沙冰好幼碎好夠凍，朱古力味好香，不過真係超大杯完全飲唔晒💚芒果沙冰 有d芒果肉係cream 上面，好香芒果味，味道偏甜，好岩中意sweet sweet 既朋友飲

今晚去旺角行街，經過見到間食日本丼飯嘅日本餐廳，睇睇餐牌，已經被佢地d相吸引住，就決定入去試吓。丼飯未黎首先有碗熱辣辣嘅麵豉湯，入口都幾足料。制霸！鵝肝海洋盛丼，呢款丼飯有齊鵝肝，三文魚子，帶子，海膽，最啱想樣樣試吓嘅我，上面塊鵝肝真係勁大塊同好厚，煎得外皮焦焦香香，入面咬落去入口即溶，而帶子都好新鮮爽口，表面有少少灸燒過，增添一份焦香感，三文魚子食落卜卜聲，好鮮味，而我最鍾意食嘅海膽，好大塊，食落好鮮甜，非常新鮮。三重大極上丼，有吞拿魚腩，每片都充滿脂肪，d脂肪紋理好均勻好靚，食落d魚油充滿晒成個口，勁正，吞拿魚腩下面鋪滿非常多蟹肉，d蟹肉都好juicy新鮮，上面仲海膽，mix埋d蟹肉一齊食，勁正。叫咗2杯賣相好吸引嘅飲品芒果沙冰，上面有芒果肉,佢雪到勁凍，一食落口勁冰涼，如果夏天食勁正，而d沙冰都充滿芒果香甜味，飲落覺得非常足料。朱古力沙冰，上面有粒粒朱古力同cream，d cream mix埋沙冰一齊飲，好香滑，飲落好香濃嘅朱古力味，唔錯。

爆丼屋係旺角搬左新店之後舖面樓底高左好多 空間感超大🤩 天花裝上雲朵 入到去感覺好舒服☁️不過主角當然要介紹下佢哋重量級既丼飯啦👅 Scan QR Code落單 有牛肉/多款刺身丼飯選擇 亦有其他飲品 小食 等等😝 我哋就揀左制霸！鵝肝海鮮盛丼同三重大極上丼😍 制霸！鵝肝海鮮盛丼睇到都流晒口水 有香煎鵝肝 火炙帶子 三文魚籽 海膽 黑魚籽同蛋黃 非常吸引🤤 鵝肝火候控制得好好 外皮煎得香脆 內裏creamy👅 帶子份量好多 火炙過特別好食👍🏻 海膽亦好鮮甜😋三重大極上丼分別有海膽 拖羅同蟹肉🦀 刺身多到堆砌成一個小山丘 非常豐富🤩 拖羅都幾肥美 配上鮮甜蟹肉 令人好滿足🥰令人意想不到既係呢到除左有打卡丼飯 仲有驚喜打卡飲品😱 我哋今次揀左制霸魚缸朱古力沙冰同泡泡浴沙冰😍 制霸魚缸朱古力沙冰真係超！大！缸！2-3個人飲都絕對足夠😆 朱古力味香濃唔太甜 上面仲有cream同黑朱古力塊 極邪惡😝 泡泡浴沙冰賣相好靚 天藍色好似天空既沙冰上蓋滿香甜爆谷 飲落透心涼🤤 食滿$634 仲送爆丼屋一個精緻襟章添 非常可愛架🌟

行過爆丼屋醒起冇乜專食丼飯嘅餐廳好彩唔係得魚生刺身丼見到有牛肉丼即刻入去試一試...樓底好高座位闊落電話 scan qr code 落單夠哂方便...Roast Steak Big Don in Mega Size ($238) : 要咗5成熟，牛肉真係好多，正啊～ 啱晒我呢類食肉獸，有牛味有油香，幾嫩 唔韌...Chocolate Smoothie ($48) : 叫咗走飲管，一樣飲到 冇問題呀，唔會過甜 ~ 啱啱好，可以中和返個丼飯嘅油膩..

一直久仰「爆丼屋」大名但都未有機會嚟試下，今日同朋友仔講緊好掛住去日本旅行嘅日子，夜晚要食日本菜止一止渴先平日7點半左右都已經7-8成滿座，以旺角地區嚟講真係好高評價，嚟到咁啱仲有一張2人台，真係好好彩👍🏻餐廳以QR code 自助落單，好方便又環保仲衛生d 添，「爆丼屋」除咗主打日式丼飯之外，仲有壽司🍣、燒物等，淨係丼飯都有10幾款，花多眼亂👀最後我地決左要豪食一次，好好犒賞一下自己😆超份量！三重大極上丼 $398一上台就已經觸目全場，丼飯嘅小山丘就三種貴價食材所建成，底層圍滿松葉蟹肉，一絲絲嘅蟹肉超鮮甜仲帶有天然海鮮嘅鹹香，中層鋪滿大拖羅魚生片，份量絕不手軟，大拖羅雪花紋平均，魚油香氣豐富，美中不足係有幾片有筋，重點係山頂嘅日本直送海膽，鮮甜度爆哂燈💡💡制霸！鵝肝海鮮盛丼 $248手掌咁大塊嘅鵝肝煎到外脆內軟，配上照燒汁更加添風味，海鮮盛丼仲鋪滿帶子刺身，表面微微輕炙，焦香中帶點甜味👍🏻👍🏻大粒粒三文魚籽同黃澄澄嘅海膽，鮮味十足，食嘅時候記得要撈埋蛋黃一齊，更加添一份滑順感😋😋葡萄柚梳打荔枝青檸梳打可惜signature 魚缸沙冰已經sold out，但水果梳打都唔錯，驚喜嘅係用上

平時見呢間丼飯都排長龍，今次專登趁唔係食飯時間走嚟試下佢😝〰️北海豐盛丼 $208有帶子、三文魚籽、赤蝦、海膽同左口魚裙邊。帶子鮮甜，赤蝦差唔多成個碗咁大隻😝左口魚裙邊夠肥美。成個丼飯賣相都幾唔錯，打卡一流😍〰️重量級燒牛排盛丼 $238的而且確重量級🤭牛排鋪到滿哂，望落都食指大動！店家調配好嘅醬汁帶點酸，所以即使咁多牛排都好，絕對唔會覺得膩！！食落仲有好香嘅胡椒味！〰️芒果沙冰 $48上面係牛奶雪糕，好香濃🍦下面嘅冰沙有粒粒芒果😍〰️青瓜柚子梳打 $38飲落好fresh😍〰️〰️📍 爆丼屋 (山東街) (旺角)旺角山東街57號地下

閒日公司有事到山東街附近，臨近午膳時間，上網搜尋附近餐廳，見呢間評論不錯，大多數人都說魚生飯大大碗。一向喜歡炙燒類海鮮魚生，二話不說點了火陷盛丼同特價的蘋果特飲，先來的麵豉湯跟特飲有驚喜，麵豉湯有不少配料，不像一般只用醬開水。另外特飲也跟相片一樣美觀。滿心期待的魚生飯終於上枱，失望~太失望~太令人失望了（重要的事情要講三次）白飯的確很大碗，但魚生很薄，量亦少。而且蟹柳味亦怪....真不明白為何會這麽高評價，最後白飯只能拌隨著大量紫鹽吃下最後，希望店員不要講粗口，即使不是對食客，很影響食欲

聽聞有間好有睇頭嘅魚生飯去旺角係必試嘅，今日收工有時間就去咗睇下鋪頭裝潢簡約，有別於傳統居酒居，多了一份潮流感💤夢之丼 $278-一共6款新鮮刺身加三文魚籽-款款食材都好新鮮無任個雪藏味道-赤貝好爽好甜👍🏻-店內有飯素以貪食客增加口感及調味 😋正3️⃣重大極上丼 $398-拖羅、海膽、鮮拆蟹肉-9大片肥美拖羅鋪滿丼面 份口即融 油膩香氣撲鼻😋-海膽香甜鮮味 回甘不錯-拆蟹肉非常甜 而且多汁-一碗丼都幾大碗 相當飽肚🥭芒果沙冰 48-大大杯 非常清爽冰涼-有芒果果肉🛁泡泡浴沙冰 $68-焦糖爆谷配雲呢拿Cream-打卡一流 藍色漸變夠靚食滿$642即送襟章一個 都幾得意總括而言，呢個丼係大滿足號，要食嘅刺身都食得到又過癮，唔錯！

話說好耐好耐之前食過一次之後就冇食過😂原因係唔想排隊 但見佢轉左新鋪面甘岩呢日唔多人 友人話佢冇食過於是就入去食 見到佢個menus就咩都想食🤭因為小編好鍾意食日本野👉🏼👈🏼一坐低 睇下叫咩食既時候 店員就送上兩碗麵豉湯🥰 三重大極上丼 $398一大堆蟹肉🦀圍住係碗邊 跟住鋪上一片片油花均勻既拖羅再用一小堆海膽放上頂😚小編最怕食到海膽腥😣但佢既海膽係好新鮮 所以冇呢個問題🤪一片片既拖羅亦係呢碗飯既重點🤩雖然友人有食到幾片有筋但都可接受 小編幸運地冇食到😝蟹肉用黎撈飯一流👍🏻可以食得到蟹肉鮮甜既味道👀夢之丼 $278小編鍾意食蝦就係人都知😂原本想叫店鋪有個甜蝦盛丼🦐但上次已經食過 而小編又想試多D唔同既野 所以就揀左呢個比較多唔同種類既刺身有帶子、油甘魚、赤貝、拖羅同埋小編最鍾意既甜蝦😙除左以上講既仲有小量蟹肉🦀同埋三文魚子😋所有刺身都好新鮮同厚切 所以都值回票價👍🏼小編一直對赤貝都有恐懼 但試完呢間既赤貝後 覺得又爽又甜 我諗又多一樣鍾意食既刺身🤣🤣玉子明太子燒 $45呢個小食都帶左D驚喜😮比小編同友人 因為好好食 雖然明太子醬唔係話好多好多 但小編覺得岩岩好 而且食落有炙燒既味道😊

今次嚟到旺角食晚餐，難得六點未到見冇咩人就試呢間爆丼屋。入到去佢會即刻送兩碗麵豉湯，估佢唔到咁好飲，唔似出面啲麵豉湯咁溝到好稀，仲比我食到有瑤柱。之後我哋每人都叫咗個三重大極上丼，一遞上來就覺得佢擺盤好靚又有心思。佢有三種食材，分別係海膽，大拖羅同埋蟹柳。海膽鮮甜新鮮，一啲腥味都冇，同埋d海膽好結實，一定唔會係放咗喺度好耐個隻。大拖羅佢有成10片，一食落入口即溶，有好重嘅吞拿魚油香味，每一片嘅質素都好高，一啲都唔腥。最後係佢嘅飯都用咗日本米，配搭埋少少醋香味，一片魚生一啖飯，或者一啖海膽一啖飯。淡淡都令我回味無窮。嘢飲方便我哋就嗌左一杯制霸魚缸沙冰芒果味，份量超級多，一杯兩人飲都夠飲。另一杯就係泡泡浴沙冰，飲落原來係雲呢拿味沙冰。總括嚟講呢度嘅魚生飯真係好出色，味道質素亦都係高上水平，有機會會再嚟食。