爆丼屋 (山東街)

营业中

休息中

不時看到Foodie推介爆丼屋，大大碗面層舖滿各式刺身🤩，打卡一流、非常吸引！作為刺身控，當然要和朋友來嚐嚐🤗👉🏻食物: 3/5▪️一番海老蟹丼有牡丹蝦、多隻松葉蟹腳及蟹膏，個人比較喜愛牡丹蝦，頗鮮甜😋。而蟹腳海水味比較濃及咸，吃得多略嫌有點腥。🙈🙊▪️火焰盛丼整碗極爆滿😳😮有火炙三文魚、火炙左口魚、帶子、蟹棒及流心蛋黃，味道正正常常，不太特別，略嫌火炙味不夠香，刺身不夠鮮味。🤔

疫情期間無得去日本旅行又想食高質魚生飯？推薦大家黎爆丼屋，名符其實呢度既丼飯碗碗都爆滿，兩座刺身山既刺身都份量十足材料亦十分新鮮，每個爆丼仲配左一碗同樣材料十足既麵鼓湯，難怪雖然價錢同其他地方比未必算便宜，但都咁多人一諗起想食丼飯就黎呢度，確實食完係會好滿足同好飽足，偶爾黎食個富貴丼獎勵下自己都係唔錯既選擇。🐠麵豉湯 (跟餐) 材料十足既麵豉湯一d都唔求其，海帶，蘿蔔，油掦，蜆肉樣樣齊，同某些地方只係得湯又或者得個蜆肉殼黎比真心連湯都做得有誠意。🐠火焰盛丼 $165呢款丼飯上主要既魚生材料（三文魚、帆立貝、松葉蟹柳、左口魚裙邊）都經過火焰，繼而迫出各種魚生既油香，燒完之後滑嫩既魚脂味道溶化入口，非常美味👍🏻🐠四重火山盛丼 $298呢款丼飯有四種材料，分別係鮮松葉蟹肉、三文魚籽、海膽、拖羅蓉，呢個丼飯合曬我心❤️四款都係我超鐘意既材料可以一次過食曬四款真心超滿足! 而一向我男朋友都唔鐘意食香港既海膽，話個味同日本比腥好多，但係佢食完呢度既海膽竟然都話好味🤣絕對值得再來😋

🍽 甜蝦盛丼💰$165🌟8.5/10➰好足料🤤真係圍滿哂成碗飯而且甜蝦比平時放題食嗰啲高質大隻爽口重蝦味😌🍽 三文魚火山盛 💰$148🌟8/10➰反而三文魚冇甜蝦咁震撼🤣可能因為係角切嘅關係相對之下就覺得比較普通都係普通三文魚丼飲...見到有隔離枱嗌咗飲品沙冰勁大杯好吸引！————————————————🏋🏻‍♀️🗣出街食飯最緊要夠protein 爆丼屋都qualify做gym撚食堂嘅😌😌-抵食指數：🌕🌕🌕🌗🌑食物：🌕🌕🌕🌕🌑環境：🌕🌕🌕🌗🌑邪惡指數：🌕🌕🌕🌑🌑-📍九龍灣宏照道38號企業廣場5期Megabox1樓21-22號舖📍尖沙咀廣東道3-27號海港城港威商場2樓2602號舖-💰人均消費：$100-$200

前2日同朋友去旺角行街買新衫，行到有啲餓，喺附近搵咗間日式刺身飯醫肚。【爆丼屋】主打日式丼飯，丼飯款式種類多，有海鮮盛丼、牛肉丼、鰻魚盛丼等 燒鰻魚盛丼嘩份量相當驚人！係滿晒架！鰻魚鋪滿成個碗，有成7件咁多而且仲好厚身，鰻魚炭燒味香濃、肉質相當肥美，唔算多骨，中間有隻半生熟嘅蛋，篤穿佢撈勻食，食落更加滑身六重相撲爆盛丼配料有黑魚子、鮮蟹肉、海膽、牛油果、左口魚裙邊及三文魚籽，份量好多！值得一提個海膽好新鮮好結實，唔似放太耐出水個種，唔腥唔苦，口感爽口，抵讚！燒日本魷魚筒魷魚好有驚喜！賣相靚仔，色澤光亮，燒得好煙香，醬汁惹味，爽口彈牙

到左夜晚11點幾，選擇唔多，堂食既地方真係無幾多間，咁岩經過呢間仲開緊，太好了😂叫左兩個丼飯海膽：鮮味既代表～鵪鶉蛋黃混合埋啲飯一齊食，口感香滑，好正🤤三文魚拼吞拿魚蓉：配搭埋三文魚子同蔥粒，都係好香魚油嘅飯食到呢個宵夜好滿足☺️

旺角搵食，行到山東街，見到爆丼，見到沒爆人......就這樣沒預備下，享受了一次開心爆丼的感覺。裝潢簡單舒服，帶點日本風；QR點單，便利快捷；店員親切有禮，一切都讓我感覺愉快。爆丼旅程：先把魚生放在小碟上，才可把魚生飯送進口中，日本米飯香微暖，醋味適中，不愛吃飯的我，大啖大啖食.....😄👍🏻正吖！魚生新鮮，炙燒不過火，味道配搭得宜，蟹柳三條、帶子三片、左口魚三大片、三文魚四片及厚切甜蛋一片，一啖魚生、一啖飯......把整碗爆丼飯K0了😄👍🏻👍🏻👍🏻朋友的蝦蟹丼賣相非常出色，味道😅要他才知道.....（大家各自埋首於自己的爆丼，未有分享🤣🤣）與朋友約好，下次再來試試「海膽丼」。😍😍期待中......

🍣火焰盛丼 $165丼飯以細碗盛載上枱時我有啲啲嚇呆咗雖然賣相同餐牌差唔遠但個碗都真係比想像中細幾多海鮮有松葉蟹棒3條左口魚裙邊3片火炙三文魚4片帆立貝4粒中心圍著粒流心蛋黃特別想講左口魚裙邊經炙燒過後油香突出入口即溶但就略顯少咗啲口感三文魚大片但同樣係薄切油脂豐富因為特別要求燒熟啲所以大概係7成熟肉質依然嫩滑唔會乾鞋帆立貝都係薄切晶瑩剔透日本珍珠米加入赤醋味道帶酸完美中和海鮮嘅油膩感♡整體感覺不過不失海鮮新鮮但唔算特別鮮甜份量唔算特別多加埋一加錢都唔算平唯一係好多飯。

好野 利害環境已經唔算太好 服務又差又貴4點去到食野 叫完野食你地個待應夠膽行埋黎講唔好意思呀 海膽入唔到貨 可唔可以用三文魚代替係咪覺得三文魚=海膽呢？點解唔係係落單前就同啲客人講呢？你個餐牌入面有一半都係有關海膽既野 你都夠膽講入唔到貨 以後黑名單千祈千祈唔好去

📍#爆丼屋 #MFJ旺角 #MFJ日本菜 人均消費: HKD273一直想試的爆丼屋！今日終於經過可以食啦！⭐️六重相撲爆盛丼🍱$248揀咗個中等價錢的小試牛刀！六重相撲有海膽，黑魚籽，三文魚籽，左口魚裙邊，三文魚籽，鮮蟹肉和牛油果！想特別提海膽，好新鮮，而且口感竟然係爽口的！左口魚裙邊好肥，三文魚籽都好靚！係牛油果我始終唔習慣，個個都話佢口感似三文魚，我覺得又唔係喎！雖然話真係爆丼，但其實佢隻碗好細，刺身都係舖係返上面疊到好高，實際份量都唔係真係好大！食物質素的確係幾高，全部都好新鮮好好味！但考慮埋份量，連埋加一都要$278 ，作為一個午餐，真係有少少貴！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相機食先 #旺角美食 #日本菜 #japanesefood #japanesecuisine

話說好耐冇食丼飯，今日同女友試左人氣爆燈既爆丼屋。餐廳用手機落單，非常方便。- 三重大極上丼拖羅覆蓋住整個壽司飯，旁邊仲有好多蟹肉，頂層仲有海膽，刺身陣容非常豪華🤩。拖羅比較薄身，不過油脂豐富，食落唔覺有筋。至於蟹肉算鮮甜。- 鵝肝海鮮盛丼海鮮包括帆立貝、三文魚籽、黑魚籽同海膽，仲有一塊厚身既鵝肝。鵝肝煎得非常香口😋，黑魚籽充滿鹹香，海膽同帆立見亦好新鮮，另外將飯同蛋黃撈勻變得更惹味。- 朱古力沙冰甜度適中，飲品夠凍可謂涼透心。雖然沙冰上面仲有朱古力碎同忌廉，不過整體味道唔算膩。- 葡萄䄂梳打味道一樣唔算太甜，份量適中👍🏻。整體而言，剌身幾新鮮，不過我同女友都食剩壽司飯，假如刺身份量多啲會更好😝

爆丼屋裝修完都係第一次食，環境闊左好多。而家係QR CODE落單，一黎就會上左個MISO SOUP叫左個北海豪勢丼，有左口魚，海膽，三文魚籽，蝦，帶子，好豐富，個碗都大D haha。所有食材都好新鮮，特別係個蝦，好大條。海膽係高質素，因為食落真係好鮮甜。而朋友就叫左個六重相撲盛丼。有黑魚籽，鮮蟹肉，海膽，牛油果，左口魚裙邊，三文魚籽，D料真係多到瀉咁! 好滿足，特別係佢仲有用牛油果中和一下刺身既油膩感，所以要KO碗飯都好易! 野飲都幾有驚喜，野飲叫左杯朱古力同埋一杯芒果SMOOTHIE ， 朱古力個杯係好濃郁，芒果個杯仲有粒粒芒果架!😍😍

我朋友就四重火山盛丼 黎緊時侯真係同張相有9成似 絕冇渣流攤由海膽, 三文魚籽同埋蟹肉堆砌成, 海膽好creamy, 仲有勁多既吞拿魚蓉食落去好滑香呢杯芒果沙冰 芒果味勁重又甜又汁 估唔到臨近冬天都食到咁甜既芒果 非常驚喜我就叫左個三重大極上丼  海膽係採用日本既 然後面頭鋪滿晒一片片油花超靚既大拖羅 食落入口即溶 旁邊鋪滿蟹肉 份量都好多 每啖飯都可以有蟹肉 而且佢地做既壽司飯軟硬度適中我叫左杯朱古力沙冰呢杯飲品都幾大杯 好有朱古力既香味  唔會太甜

同朋友食生日飯，試下食間好似幾多好評。點左夢之丼，同六重相撲盛，同兩串串燒，上菜黎到就感覺中伏，串燒算正常，但兩個丼，無論賣相，和份量，都完全超出我所想甘差，同圖片相差太遠，仲要佢價錢唔係平喎，你收得甘嘅價錢，仲有唔可以講服務差，因為係冇服務，服務員同經理都好晦氣，唔知想點。

好耐冇去食飯，琴晚去食一食個三色海膽飯點知啲海膽已經唔係當年嘅海膽以前嘅 有真。加拿大海膽 肉質實有口感濃而不散以前嘅日本海膽細啲 味道淡啲但都好甜以前嘅韓國海膽最細粒 有時會火炙 最甜以前嘅會排3行分返出3種海膽依家嘅上枱已經出曬水啲顏色散亂外圍都係大塊嘅海膽 中心位得幾粒又紅又橙啡嘅細粒海膽先唔講份量得以前一半 但價錢又貴左質素上真心覺得似係罐頭海膽雖然唔重明礬味，但冇曬海膽嘅鮮甜味一啲都唔新鮮表面大量化水，但又冇海膽汁流落飯度連以前包cheap cheap四洲紫菜都唔再比真心 好失望真係唔會再去了希望大家都見得到依個評語起碼唔會中伏

行街先發現爆丼屋原來搬咗去呢度，所以即刻入去食-六重雙撲爆盛丼 $225超級多魚子😆下面係左口魚🥰估唔到加左d蛋黃醬又幾夾蟹肉🦀️同海膽亦都好鮮甜-北海豐盛丼 $208蝦🦐超大條，哩款左口魚就炙燒過既🔥-制霸魚缸沙冰（芒果）$88一嚟到嘅時候真係驚喜到我！大家睇唔睇到！超級大杯！上面仲有d新鮮芒果🥭抵飲！-泡泡浴沙冰 $68哩杯🍸好令🥰，即刻幻想到🛁上面仲有d爆谷，影相打卡一流呀📸️😚