爆丼屋 (山東街)

营业中

休息中

同價錢不成正比 叫咗個$288三色海膽丼 啲份量係就係OK嘅 不過食一啖就唔想再食 啲海膽好似腐爛咗咁又腥又臭又苦仲要好似溶咗咁 叫就叫三色海膽丼 完全見唔到邊度三色 三隻色都同圖片嚴重不符咁 完成唔推介 好伏吖

鼎鼎大名既爆丼屋，搬左去新鋪，7點黎到未算好爆，即刻就入得。自己掃code落單，特別menu就可以叫人幫手order。樓底好高，掛左D雲☁️燈幾可愛。每個丼都配碗麵豉湯，有幾粒蜆肉仔，唔錯。三重大極上丼一次過滿足晒三個願望，吞拿魚係頂級大拖羅，油脂分布好平均，松葉蟹圍滿左成碗飯，海膽就略嫌有啲少，都鮮甜，當係一個點綴😆。叫左杯朱古力魚缸沙冰打卡🥸超大杯，2個人都夠飲！Mega 爆盛慢燒牛肉丼砌到成座山咁高，有成400g咁多，牛肉係薄切，入口柔軟，個sauce食落似酸忌廉，撈埋蛋汁一流😋。食完又可以一解思鄉之情🤪。

聽日難得放假，同朋友黎試呢間一直都好興趣既餐廳見到menu個個飯都爆晒碗咁勁，梗係要試下三重大極上丼呢款丼有海膽、拖羅同蟹柳肉，海膽睇落有2板，拖羅有8至9塊，拖羅都幾新鮮肥美，油脂味充足，無咩根位，幾唔錯🥳👍🏻另一個丼叫左鵝肝帶子海鮮丼有大概10塊帶子，食落都幾鮮甜，上面仲有手掌般大既鵝肝😍，鵝肝香煎過，所以表皮都幾香脆，跟住仲有海膽，好豐富野飲選擇都幾多，跟排秋冬仲有熱朱古力之選，朱古力濃郁得黎唔會太膩，可以一試

三重大極上丼（$398）：丼飯包括三款海鮮：蟹肉，拖羅，以及海膽。葡入眼簾就係滿滿嘅厚切肥美拖羅魚片，拖羅嘅頂端就係海膽，而蟹肉則圍繞碗邊鋪滿一整圈。拖羅柔軟鮮味，每一塊都充滿住吞拿魚魚脂嘅獨有香氣；海膽口感比較濃；而蟹肉則入口鮮甜。建議先品嚐蟹肉，再試吞拿魚，最後享用海膽。讓味蕾嘅體驗逐步逐步升級，享受唔同海鮮帶嚟嘅鮮味。夢之丼（$278）：呢款就特別適合胃食嘅朋友仔，海鮮包括有：甜蝦、帶子、吞拿魚、油甘魚、蟹肉、三文魚腩、以及魚子粒。絕對滿足到所有海鮮都想品嚐嘅朋友仔。全部都食到，一定好滿足。同樣地，海鮮嘅新鮮度值得讚賞！西柚梳打（$19）：西柚味唔會話好甜，有真材實料嘅西柚果肉。梳打水配以海鮮，甜而不膩。青檸梳打（$19）：清新嘅青檸味配以梳打水，戰無不勝嘅組合。相對上對於節食中嘅朋友仔負擔冇咁大，放心飲用。整體而言：餐廳嘅醋飯係用白醋，酸度適中，飯粒好有口感。係小編喜歡嘅壽司飯。飯粒越咬越香。夜半仲可以食到有質素嘅醋飯同海鮮，開心～爆丼屋 (山東街) (旺角)地址：旺角山東街57號地下電話：23322918營業時間：12:00-00:00#香港食好西 #旺角 #山東街 #丼飯

好耐冇食日本don飯~今日放工去mk的爆don屋，原來搬左鋪真係太耐冇來啦😎蟹肉don🦀全滿排左滿滿蟹排😋超正~鮮味再配埋蟹膏無得頂🦀Shrimp & Matsuba Crab Stick Big Don🦀🍛鵝肝帶子don~超多帶子加埋即煎鵝肝😋大滿足又邪惡Premium Foie Gras and Mixed Sashima Big Don仲有兩杯超巨大的沙冰🍧🍧🤭大到飲唔曬下次再試下其他款式的don~

成日係旺角山東街見到呢間日式爆丼飯都排哂長龍，今日早左收工，見門口唔多人排隊，決定試吓～環境舒適～打卡一流～Menu好整潔，而且丼飯嘅種類好多，仲有手卷、串燒、小食等等～飲品方面有特色梳打同埋酒精類飲品，好正～每個客人都有一碗麵豉湯～麵豉湯裏面好多餸，有蘿蔔、蜆肉、海帶等等，湯頭濃郁～飲品方面，叫左一杯蘋果湯加。好清新嘅飲品，蘋果口味略甜，配埋輕口苦澀的湯加，爽～另一杯就叫左葡萄柚梳打～呢杯口味更加清新，每啖都食到沙田柚肉，甜度適中，好解渴～我哋叫咗一個三色海膽盛丼～三色海膽鋪滿成個碗，多到滿瀉～三款海膽都勁新鮮，入口即溶，非常鮮甜～因為海膽份量真係好多，每啖飯配一大片海膽都無問題～另外我哋叫咗一個四重火山盛丼～呢個丼飯有鮮松葉蟹肉、三文魚子、海膽同埋拖羅魚蓉～份量勁足，個拖羅魚蓉高到成座山咁，食到最後係有餸淨冇飯淨，正到呢～總結，呢間嘅丼飯真係對得住佢個名，啲餸高質新鮮仲要份量勁多，日本丼飯迷唔可以錯過～

搬新鋪後第一次食爆丼屋，感覺環境裝修較之前寬闊舒適～嚟到依度梗係要食人氣爆燈既海鮮丼，估唔到除左有極量級既丼飯，連飲品都有巨大化版本😍❀ 三重大極上丼 🐟丼飯上鋪滿一片片拖羅，頂層加入日本海膽作點綴，而碗邊圍上一絲絲松葉蟹肉，賣相吸引又足料！拖羅顏色粉嫩，充滿油脂香又肥美，食落無咩筋，海膽新鮮唔腥，質感軟綿，配埋旁邊鹹香既蟹肉絲，夠晒鮮味～❀ 四重火山盛丼 🐟同樣份量十足，依款仲有四款配料：拖羅蓉、海膽、三文魚籽及松葉蟹肉絲，食材新鮮，口感好豐富。當中最鍾意食拖羅蓉，份量多到堆滿成一座小山，口感軟綿，入口即溶，配埋其他配料食好正❀ 制霸魚缸沙冰 (朱古力) 🍫上枱真係嚇親，無諗過係咁大杯沙冰🙈 沙冰上有一層厚厚既cream及朱古力醬，仲有唔少朱古力粒增加口感。飲落有香濃既朱古力味，而且質感幼滑，份量十足好抵飲👍🏻❀ 泡泡浴沙冰 🍿依杯藍色沙冰好夢幻，中間有由忌廉整成既白雲，上面仲有忌廉加爆谷，好啱打卡😍 估唔到味道係雲呢拿味，配埋脆脆既焦糖爆谷，好邪惡呢～

今晚，我哋黎到呢間爆丼屋，當然要黎食「デカ盛り丼」啦。🥳🥳 我哋用QR落單，我哋點咗一個熟食丼一個刺生丼&兩杯沙冰。食物嘅份量就正如佢果名一樣咁有份量、係重量級嘅爆多。😎麵鼓湯：熱辣辣嘅麵豉湯入面有蜆肉 海帶 紅蘿蔔 白蘿蔔 豆卜，真心非常足料😁夢之丼$278：一個丼有幾款刺身&中華沙律😋。全部刺身都係好高質，好鮮💕。帆立貝大大粒😎，三文魚、拖羅、油甘刺身塊塊都係厚切，好有份量、好滿足 🤤 仲有甜蝦、松葉蟹肉、三文魚子簡直係冇得彈呀！🤗爆盛慢燒牛肉丼(400g)$188：牛肉選用咗柔嫩嘅紐西蘭西冷🤩。慢燒牛肉燒得岩岩好，入口一啲都唔乾😻，特別一提嘅係自制嘅香蒜燒汁、山葵忌廉汁，真係超級惹味😍正 推推推👍👍👍芒果制霸魚缸沙冰$68：哇～真係Big Big Big Size😳，可以2-3個人一齊飲。沙冰有Cream & 好多甜芒果肉 讚👍朱古力沙冰$48：鋪滿了朱古力粒&Cream，好好飲🥰

收工同朋友去食飯見到呢間好似搬咗新位同埋冇人排隊加上好肚餓，就入去試試開頭都覺得有d問題，點解間間都要排隊點解咁少人點知真係賴嘢。有原因：我叫了一份炙燒三文魚🍣飯冇諗過是一個侍應小姐負責求其燒兩下，唔專業燒到啲帶子燒燶晒三文魚表面都係同成件事變咗好似落街食茶餐廳咁求其講到服務都冇乜要求。加上燒到唔好食三文魚又唔好，性價比冇，價錢一啲都唔抵食服務麻麻，環境裝修後覺得好似一間茶餐廳或者雲南米線感覺，連一般日本餐廳熱茶都沒有。不會不會再去

行過見到賣相唔錯入黎試下, 叫左個極上拖羅飯, 點知原來係極伏拖羅飯, d拖羅質素差到一個點, 多筋又Un, 仲要有一塊係類似碎骨既硬物, 未食過咁差既拖羅飯, 仲要賣$245一碗...

今日約左朋友旺角行街，無得去日本又咁耐無食日本野，決定食豪D食一間想食好耐之前成日排隊既打卡鋪叫左2杯沙冰，旺角店限定，好有驚喜😍❣️泡泡浴沙冰一杯好靚既沙冰，泡泡浴原來係爆谷+CREAM，好打卡able，宜家睇戲無得食爆谷，估唔到飲杯野有脆卜卜既爆谷，飲品既顏色就好似藍天白雲，雲尼拿味，味道唔甜❣️魚缸沙冰 - 朱古力嘩😱係XXL Size，唔怪得叫魚缸沙冰啦，有好多朱古力粒同CREAM，朱古力粒都唔係好甜果D ，咁大杯沙杯食完餐飯都未溶，夏天消暑一流，朱古力控必試❣️超份量！三重大極上丼日本海膽、滿佈油香大大片肥美既拖羅再加上蟹味鮮甜既蟹肉，拖羅有好多件，建議同朋友開心share，同朋友叫唔同既刺身❣️制霸！鵝肝海鮮盛丼帆立貝、海膽，黑魚籽、玉子、海膽、三文魚籽、重頭戲大大件鵝肝，每樣都好高質素。帆立貝好驚喜，一D 雪味都無，同平時果D 好唔同，海膽好粉好甜無腥味，鵝肝好肥美juicy❣️麵豉湯好多料既湯，仲有蜆肉，連個湯都感受到貨真價實人在香港但有黑門市場既感覺，好多丼飯款式，刺身新鮮，好正

❤️北海豐盛丼$198呢個丼都無敵架喇，啱晒乜都想試嘅為食鬼🐷，乜都有，有海膽，大紅蝦，帆立貝，左口魚邊，三文魚子，好豐富呀！樣樣都好新鮮，蝦刺身彈牙，鮮甜，超多蝦膏，海膽甘香，滋味無窮！❤️四重火山盛丼$298簡直係豪華版丼飯，有勁多海膽，三文魚子，蟹肉，吞拿魚茸，每樣份量都勁多，真係想要多一碗飯！海膽新鮮美味，三文魚子脹卜卜，吞拿魚茸撈飯一流！最值得一提，每一台會有飯素供應，好貼心，食魚生當飯點可以冇飯素，仲要成盒俾你又落唔嬲😆😆❤️芒果沙冰打卡一流，芒果香甜，超多果肉，加埋忌廉冇得輸！❤️青瓜梳打第一次飲青瓜梳打，原來青瓜加梳打係可以咁夾，好清新，必飲！爆丼屋 (山東街) (旺角)旺角山東街57號地下

人氣之選爆丼屋😍呢間咁出名我估大家都食過啦但小女子都係第一次去佢搬咗舖之後先光顧🤭但好大驚喜！新鋪樓底高 坐得舒服 播住日本音樂 帶左我翻日本咁🤣仲有啲雲係天花，好靚。成個感覺好舒服！nenu選擇好大 三心兩意的我好難揀 咩都想食！所以！我叫左四重火山！咩都有得食haha四重火山井😍打卡一流！😍有海膽 魚子 蟹肉 吞拿魚茸好豐富！整左成座山咁 賣相100分了重點海膽好鮮甜 完全唔腥 食完簡直就滿足另一個魚子帶子丼帶子好夠鮮甜 都算厚身魚子又好好送飯 正呢到每個飯都有味噌湯跟唔好以為平平冇奇 好足料架！另外果一度嘅飲品亦都係令我大開眼界一上到碟超超超超大杯 仲大過碗飯我哋嗌左一杯係朱古力味嘅沙冰令一杯就係芒果味嘅沙冰絕對去打卡一流

搬遷後，第一次幫襯，竟然發覺，食物質素無以前咁好啦！就食咗一小啖，先醒起拍照，於是快快影張先，👇係對比照不過搬遷後裝修好過以前好多，其實唔明點解咁貴，但裝修會咁是但😄，依家好好多串燒味道唔錯，不過我有少少覺得，無以前咁好食，唔係好新鮮咁，可能我口味轉咗，食得千兩多。個丼飯份量同之前對比，就一樣足，但個蝦今日好腥，之前食係鮮甜。做新會員有份炸雞送，唔錯，好食（無圖，忘記影）總體來講，其實疫情期間，應該更加要保持食物質素。ps:寫食評要睇食完飯後感😄唔係下下都得閒寫

旺角一向都有間好出名嘅日本丼飯店最近唔見咗佢蹤影 今日行行吓原來見到搬咗位置 同埋都好耐冇食就入去食個晏晝重量級燒牛扒盛丼 🐂🍱$238如果嚟到刺身丼飯店 但係又唔想食生冷野就可以叩黎食下 估唔到一間專食魚生嘅店舖整嘅熟食牛扒都做到咁樣嘅質素 食得出佢哋牛扒都係靚嘅料 所以咬落去容易入口 最重要嘅係佢哋已經剪好晒俾你 連切都唔洗🤣四重火山🌋盛丼$298入邊分別有吞拿魚茸 海膽三文魚子 玉子等等 鋪滿成個壽司飯 食落口一啖海膽魚茸一啖飯 幸福原來就係咁簡單😆 最緊要佢係佢哋呢度嘅海膽魚生等等全部都好新鮮 食落口好濃郁嘅海膽味而唔係腥臭味 所以食得出佢哋係用料都幾揼本 😆 值回票價飲品方面我哋跟餐叫咗兩杯梳打飲品兩杯幾特別而且唔會太甜荔枝青檸梳打飲落去荔枝味都幾重加上 而且唔會太甜 都幾fresh葡萄柚子梳打相對荔枝青檸梳打來講 成杯嘅味道比較重而且甜咗啲啲但係都係可以接受到嘅程度 同樣飲落去都係幾Fresh