爭鮮迴轉壽司

营业中

休息中

之前4蚊碟太多人排食唔到, 今日見冇人就入去試下新野~個位好窄,迫到同兩旁肩並肩。台面好dirty, 好在台面有個垃圾筒方便掉垃圾同洗食具。音樂嘭湃令你增加食欲茶ok好飲有黃色粒粒既魷魚幾爽口曼魚好大塊, 不過有骨要小心食北寄貝沙律 d料可能用攪拌器攪碎, 唔使咬就吞得, 好正三文魚刺身ok新鮮蟹膏sushi好咸, 上面個蟹柳冇特色2舊sushi分半個jumbo北寄貝天婦羅蝦冇味仲要淋既, 擦字膠仲彈牙過佢mango布丁係超市果d 泰國即食布丁, 呢個最好味~仲有粟米sushi同肉鬆sushi好有特色,不過我冇試8蚊碟唔係好抵, 食明將好過。

同兩個住大埔既同事講咗好耐，趁我今日拎嘢俾我細佬，剛剛自己就去試咗。我去食lunch，唔駛等位，裡面環境乾淨，位子與位子唔算迫，見到迴轉上面既壽司，都算ok，佢要做到款式好多，多選擇，但係每樣只有一碟，一款有幾碟會好d(我覺得)。某d 三文魚刺身唔新鮮。迴轉帶專擺蓋既位子太少，d 姐姐唔知係咪見到我一個人食，冇人睬我，我坐兩邊 0個d 客就收佢地d 蓋，就係我冇，我唔俾佢都冇諗住收ar。總括黎講，如標題，8蚊....算係咁la~~

上星期行過已經都想試下今日終於有機會與男友去食,果陣8點半到喇都多人排隊門口個女仔唔係好理人問佢野要問夠5次自肯應我..==條隊頭係一家5口去食個呀姐隔住4個身位問佢地齊唔齊人仲話唔齊人入去照計時..下..可以我地未試過食飯要計時..有D反感果陣唔止同男友排緊既人都有D O咀因為同另外兩個人搭枱食飯所以都唔算等左好耐同元氣一樣..自動波同男友全部都係食三文魚..OK既不過見到奇景既包括對面一男一女拎左碟落黎又唔食之後又蓋返個膠蓋就擺上去迥轉帶上面行出去俾錢仲要收多左我地....唔會再去

星期六放半日, 決定黎呢度食lunch, 見舖頭對面係排隊位, 但又冇需要攞籌, 原來係先到先安排, 如果未到齊就俾下一位客先, 見今日得自己一個, 直接問佢一個位有冇啦, 果然, 即有....好野 一入去侍應安排我座迴轉&俾張飛我, 顯示左我幾點入黎, 幾時要交枱!有45mins食, 一個人乜都夠啦, 想傾計呢度就唔得喇!迴轉帶上面壽司款式好多, 而且可能流量快, 睇落都好新鮮, 唔駛好似平日其他店咁怕佢擺到乾曬唔新鮮, 要另order!一個人一共食左9碟(碟碟8元)1) 帶子壽司x2 --好新鮮, 算幾厚身2) 鰻魚壽司x1 --好肥美, 幾大件3) 櫻花白飯魚軍艦x1 --咸咸地, 魚鮮味一般4) 三文魚刺身x1 --有3厚片, 受歡迎, 長出長有, 特別新鮮5) 甜蝦刺身x1 --一般, 我見之後出果d立立令, 我呢碟應該放耐左6) 三文魚子軍艦x1 --小黃瓜一片配魚子, 雖然魚子唔算多, 但粒粒晶瑩, 新鮮冇腥臭味7) 龍蝦沙律軍艦x1 --ok, 唔會一味得沙律醬, 有肉咬吓8) 魷魚壽司x1 --一般, 成梳要成件食, 難咬開一半我坐正出菜

下午六時已經排了兩行隊, 約二十多人等位, 好在不用十分鐘便可入內. 環境算不錯, 但座位迫了些, 食物的質數及份量以八元一碟來說算有所交代 .但限五十分鐘時間有點緊了些, 如只要飽食一餐算不錯的選擇.

終於開啦...好多人啊，排左好耐隊(為左$4碟壽司)...2個人食左２８碟，好滿足三文魚刺同甜蝦刺生好正！！！d野都幾好味，有甜品(未試過)由於係台灣人開ge，師傅唔多識聽廣東話~

剛外買自取12款壽司收$96, 攞到返屋企打開發現得10款, 仲差2款無比我 都唔知係職員粗心大意唔記得放入袋, 還是 . . . .想投訴又無電話, 諗住查電話公司又無登記, 真係投訴無門.一定唔會向朋友推薦 免得貼錢受氣.

其實之前係台灣食過..... 印象很好 ! ! 咁好係屋企附近開.... 諗住唔錯喎... 有機會一試 ....終於等到試業完左無咁多人..... 就同老婆試一試 ...首先唔開心既就係排隊等候 .... 見到有隊就乖乖跟住排 .... 點知排排下有個講國語既台灣人(唔識講講東話 )問我幾多位.... 之後就俾左個籌我 .... 我問佢.... 攞左籌要唔要排隊 .... 佢話要..... 我真係 R 晒頭 .... 咁樣做有咩意思...... !! 仲有.... 有好多排緊隊既街坊....有學生...好多都唔識聽 國語.... 雞同鴨講 ..... 到等左30分鐘喇.... 入到去坐低食野...... 望住條迴轉帶上邊既食物就開始有D唔對路 ..... 首先就係D壽司有好多都無咩光擇 .... 好似放左好耐.... 仲有.... 有好多碟上D 魚生同飯係分左體 到有D似樣D既.... 塊魚生好薄 ..... 到最後搞到我即刻想走既衝動就係... 佢地果D " 吸 " 住個碟既透明蓋 ....肥淋淋 ..... 有好多仲殘留上一次用既時候既汁液 ...... 心諗.... 平姐....

上星期新開張$4/碟超多人,沒有排隊...今星期返回正價碟碟$8,同爹哋媽咪下午茶,食咗11碟,4:00都幾多人,只開了一條迴轉帶,個場好大,有2條迴轉帶,款式都幾多,而且絶無冷場先食吞拿魚壽司: 肉質比較薄鰻魚壽司: 不過不失,塊魚沒有「元X」大火焰三文魚壽司: 塊魚都係好細三文魚壽司: 呢件OK,肉幾大件有少少拖地,肉質不錯三文魚刺身: $8碟有三件唔係好大件,但都抵食台灣麻薯(唔知係唔係,因沒有餐牌) : 甜品來的,不太好味,好像食「膠」一樣總括幾抵食,要求唔多可以試試,如有要求就唔駛諗.....個人來說都可以再幫襯

開張特價....碟碟4蚊....期限為6日....好一個推銷手法食物質素好認真地講..如果8蚊一碟要等位既話..,無輪等幾耐都唔會食...因為真係好一般,但如果無咩要求就抵碟碟8蚊明碼實價,方便計算 有海膽軍艦,不過得半邊~其他係青瓜黎架三文魚叫做可以啦..都係果一句,4蚊兩件,仲想點~!!甜品仲有兩種,自己食左芒果布丁...呢個反而係驚喜喎似果凍咁..好好味~個人相信,呢6日既特價,打擊到區內壽司不少..

因為試業期間$4/碟，所以每天都大排長龍。店子11:30開門營業，我們由10:45等，等到13:15才可進內。我們一行6人，總計吃了74碟，大部份是壽司，也有刺身、甜點和小吃 1. 三文魚刺身新鮮 2. 吞拿魚刺身剛由雪櫃取出，很凍，好的地方是沒有雪味 3. 芒果布丁像在台灣買的果凍，美味 4. Mochi 內的奶油太膩，不喜歡 5. 鰻魚壽司一般 6.魷魚壽司很滑 7. 甜蝦刺身很鮮美 ... ...不能盡錄，整體來說，以平價招徠的壽司店的水準來說，已經中上。

之前去葵芳試過「爭鮮外帶壽司」D壽司真係平同埋幾好食~ 所以當知道大埔會開「爭鮮迴轉壽司」o個陣，已經好期待~ 上星期收到D宣傳單張，知道佢有開張優惠~ $4碟~!!! 真係抵到呢~!!! 所以點都要試一試~!!!2點幾去到，有~20-30人排緊隊，因為係非繁忙時間唔算好多人，所以就決定同屋企人排隊去試~都係等o左~20min就入到去la~ 壽司有好多款~~~ 食落去D材料好新鮮~~~墨魚仔壽司好滑~ 花之戀超好食~ 三文魚刺身真係夠鮮夠厚夠大件~ 白灼蝦都唔錯~軍艦壽司d紫菜算脆~大玉子估唔到咁好食~ 不過個人認為吞拿魚就麻麻地。不過可惜人多要限時50min... 唔可以慢慢咁食...$4碟有咁好o既質素，真係要讚~ 遲d「爭鮮」做番正價$8碟，我都會再去ga~~~ 希望到時可以keep住依家開幕o既質素la~