爭鮮迴轉壽司 (大埔廣場)

营业中

休息中

知道爭鮮好多人排隊外賣，就去試下堂食一去到見到無人排門口，入面都係得幾個，即管試試首先，壽司賣相馬馬地，不過D飯唔會好大，OK,三文魚唔夠肥，食左一件就停左手D店員又唔係幾好服務，唔係幾理你之後食多2碟，就決定走LA，唔會有下次堂食，外賣可能會試

我都唔明點解可以咁難食我見佢成日有人排隊食就想試下啦..諗住都食得下MA點知佢啲壽司好難食甜蝦乾身到不得了-0-有一個壽司係生蝦上面有舊芝士既一試揀直唔想再吞落個口到我食魷魚壽司掀起個料..啲飯好似啲漿糊咁唔係應該粒粒分明既咩...未食飽而經走人了不可再嘗

每次經過也看見有人排隊，終於有機會試試。原來客流挺快，不消一會兒，便有座位了，很幸運呢！限時50分鐘，前菜、壽司及甜品款式略比一般壽司店少，但＄8一碟的確挺實惠。時間尚算足夠，像是壽司快餐，因此不宜在此餐廳作朋友暢談聚會。眼前看見迴旋帶，很是興奮，看到想吃的便拿下來。因為沒有餐牌或標示，只知道大概是甚麼食物，不太知道類別。綜合而言，炙燒款式最為出色；有些壽司（蛋奄烈壽司、生菜沙律壽司）配搭很有創意，亦好吃；腐皮壽司也合個人口味；魚生等的鮮味當然不及貴價的壽司店，但以其新鮮度、味道及價錢而言，算是抵吃之選。有機會想再吃呢！

爭鮮係門口貼左告示,話三文魚黎自挪威,吞拿魚個D黎自唔同地方,所以食得放心講番野食,小妹偏愛三文魚,因為肉質鮮嫩,而且賣相十分唔錯,留有小小煙燻卣放入口,煙燻味充滿整個口腔,+上三文肉質厚,GD呀另外,十分推介爭鮮既MANGO PUDDING同綠茶糕等DESSERT,好好食,

不知這篇文章算不算致敬文。記得前幾次去台北，當然還是那個提著旅遊書，按圖索驥的年代，在街頭巷尾都見到屬於台灣口味的迴轉壽司店，爭鮮。打著每碟NT30一碟的旗號，不掩飾的要搶攻平價壽司市場。說到平價壽司市場，香港好像也有一家佼佼者....說的當然不是元氣和元綠。於賣豬仔的飯局中跟朋友聊天時，剛好提及大埔的爭鮮壽司店，朋友說，該店的某幾款壽司真的叫人一試難忘......難忘，當然不是好吃到難忘！想起個多月前掀起一時風潮的名明將壽司店，靠著難吃來打響名堂，記著訪問店員，為何壽司那麼難吃？店員臉不紅耳不熱的回答：難吃才有人來吃！跟朋友聊立時食指大動，這次是想探究爭鮮究竟有多難吃！有人說搞局吃明將，相信，自己的腸胃還沒那種能耐吧。先從入門級的爭鮮開始吧......不過，其中幾道，真的有下地獄的感覺。在飲食網站找地址時才發現，爭鮮回轉壽司店原來只有兩三家，其餘的都是外賣店，礙於衛生問題，外賣店只能出售有限的壽司款式。西打敢說，外賣店.....絕對嚐不出地獄之味！為了達成這趟地獄之旅，約了朋友十一點半便在爭鮮門口守候，甫開店便開刻搶拈最有利位置。茶包放在桌上供客人隨便享用，如果這口茶是奈何橋上的孟婆

老實講,一向食開元氣既我真係覺得冇野好食囉d三文魚真係好薄同舊飯都好細. 雖然我係到諗:$8碟仲想點,但係元氣大大話話$9都食到大滿足喇,但d野好食好多.食開元氣,元綠,板長,板前既朋友去完會勁後悔囉~但平平地食餐cheap 壽司就ok~

平日經過見咁多人排隊,尋日同個朋友去試o下不設order咁o岩坐個位唔好,冇得第一時候拎師傅整o個d!所以等等等...... 都仲未見到心目中口味壽司款式唔多,食物唔太新鮮三文魚霉海膽縮蟹子臭如果要揀灸燒款式比較好!

同男朋友行完街唔知食咩好見其他壽司店好多人又貴路過呢間少d 人排隊排左十分鐘就有位不過坐定左先知得50分鐘食.....排隊又唔講又冇poster好在佢成間舖有幾個迴旋枱大約三十人一round一坐底就係甘拎sushi 不過 d sushi 黎黎去去得幾款想食可以叫waiter同 壽司師傅講就有架啦!!壽司師傅企正前面 佢地會check住邊d sushi 放得耐 就收起佢兩個人食左 二十碟 共$176間野幾乾淨

約左朋友食飯聚舊咁岩想食壽司,就揀左去爭鮮食可能係平日兼非午飯時段的關係,所以不用等位而且店內的人客不多先前跟男友在荃灣分店吃過的壽司,款式少,沒有任何鮮味,味道亦一般但這次大埔分店卻令我改觀~!壽司款式比荃灣多三文魚壽司-非常肥美,用料很新鮮燒劍魚壽司-魚質很滑,沒有渣甜蝦壽司 - 吃得出是新鮮,沒有梅爛的感覺還有吃了很多,不續一介紹了最開心的是沒有限時,跟朋友吃了2小時才離去^^溫馨提示：最好選非繁忙時段去；因為沒有時限,唔洗等位

兩大罪狀:第一:所有去過大埔呢間分店食壽司既人都知,無論間舖客人多或少,招呼你個啲灰衣帶既人都會叫客人逼埋一齊坐,啲位又設計到鬼咁逼.就算成間舖冇人,下一個入既客人(你唔識既人)梗會被帶到坐你隔離.好多時你食完(50分鐘內)間舖其實其他地方既位(成條Line)都仲係冇其他客人,帶位既人都要將入咗黎既客人逼埋一齊? 唔該管理層學下人地元氣壽司點做做帶位啦!第二:啲灰衣侍應,女既就冇禮貌(除咗一個年青啲既高高女侍應好啲之外),男同女既都成日傾偈(係傾得好密個隻,仲大大聲),講私人嘢,有時連企响度既壽司師傅都講埋一份.一句講晒,冇啲專業精神. 唔該管理層巡店時學下點捉虫,玩突擊檢查. 有次有個女管理人巡店(約中午12時左右),事先張揚, 個日啲店員就特別醒目同有禮貌.....唉.......食物味道就okay,便宜 .店員就劣到冇人有!

大埔出名多野食...特別係點心...如果想多平價日本菜選擇...多數都會去元朗...不過而家唔洗喇...爭鮮抵食又唔差...最重要係方便呀ma...唔洗搭車...個人覺得有某幾款比例特別的...可推介一下...燒三文魚粒: 魚油夠哂多....份量十分滿意!!! 櫻花子"油"魚....好鮮味...最讚!!!"油"魚...看似普通...味道比想像中更出色...其他都冇咩大問題...不過不失...選擇唔算多...又唔會話冇咩好食...冇咩大問題...味道方面...HKD 8一碟黎計已經好有水準...衛生同環境方面都幾好...始終都係新開張...服務都冇咩特別...自己形式佔大比數...不過眼見人手都好充足...甚至係過多...可能係平日...所以唔洗等位...有機會可以再試...

次次WEEKEND經過都見到佢大排長龍，好似好吸引咁。放工經過見個場唔FULL，就決定試一試。朋友未到，我去攞位先，WAITRESS姐姐問"人齊未？"啊，原來限時50分鐘，入座開始計時，所以最好等人齊先入座....等等等...人齊！GO！8蚊一碟，無花無假，刺身唔係薄切，8蚊幾抵食。壽司一般，鰻魚係星鰻？入口感覺同一般鰻魚唔同...限時50分鐘，真係食得幾急，冇乜時間傾計影相。呢個價錢，快快脆食個飯都OK GE。試一次就夠。

上次聽到朋友話大埔開左間壽司舖好多人排隊去食, 之前經過真係唔係講笑, 條龍長到嚇屎人. 果日咁岩要揾飯食, 行過見條龍唔太長, 所以就唸住一試, 點知一排就排左半個鐘又多 終於到我地, 我地一行6人入去, 入去先知原來有規定用餐時間既 (可能太多人掛) 坐低, 女兒立即拎左碟三文魚刺身, 新鮮 又唔係細細件, 比起我之前去另外一間既三文魚壽司, 話就話3蚊件, 但其實舊魚細到飛起, 呢到既8蚊一碟絕不欺場, 真係碟碟都夠食. 款色種類夠, 同埋不斷有新食物出, 唔係轉黎轉去都係同一碟. 咁既價錢咁既質量絕對值得再一試.

係大埔新開張，碟碟都係$8，真係好抵！魚生亦很新鮮！仲要有我最like既希靈魚，正！且亦很均真，很多壽司店，旦壽司一碟都係得兩伴，但佢8蚊有三件！唯一美中不足，是不能點菜！

之前同朋友家人食過2次,今次同男友來食唔使等位即有得入d茶包都十分新淨,位同地方都好乾淨,只係坐位之間太迫了希望冇太多人時職員安排下,唔會迫埋一齊坐吧款式好多不過都係三文魚居多呀最好出多D鰻魚啦,海哲啦海哲真係等好耐先有出同埋有炸天婦羅就最好了